شعر في مدح قبائل الجزيرة العربية

[مملوحه وتتميلح]

قبأيـلٍ تسكـن بشـبـه الجـزيـره - - جزيـرةٍ تبهـر عريـضـه كبـيـره

والكـل منهـم لـه منـازل وديـره - - من ساحل الأحمر ليا ساحـل عمـان

منهم"عتيبـه"نـعـم والله عتـيـبـه - - قبيلـةٍ بـيـن القبـايـل عريـبـه

أمجادهـم تعـرف ولاهـي غريـبـه - - ليا حل طار المجـد يطـرون عتبـان

ومنهم بني الحارث هل المذهب - - الزين كسابة القاله علـى العسـر و الليـن

تاريخهـم معـروف ماهـم غبييـن - - وا لنعم يإبن الحارث طيـور حـوران

ومنهـم "سبيع"ونعـم بسبيـع دايـم - - تاريخهم يشهد لتهم فـي القـدا يـم

نقـول حـق ولا نحـب ا لظـلايـم - - يستاهلـون المـدح والنعـم سبعـان

و"غامد" ونعم بغامـد اهـل الشكالـه - - قيـف شجيـع كـامـلات خصـالـه

الطيـب فيهـم والكـرم والبسـالـه - - الاّ وفي وقـت المحاضيـر شجعـان

و"قحطان" ساس الأصل نعـم القبيلـه - - أفعالهـم مـن غيرهـم مستحيـلـه

بالطيب عـدو كـل عيطـاء طويلـه - - وا لنعـم والله ياصناديـد قحـطـان

والنعم "با الاشراف" نسـل الصحابـه - - الديـن فيهـم وا لسخـاء واللبابـه

والعرف والمعـروف شـدوا ركابـه - - والنصح والارشاد عن كـل عصيـان

وأولاد وائــل نـعـم والله قبيـلـه - - أهـل الفعايـل والعمـوق الاصيلـه

منهـم ملـوك يكسبـون ا لنفيـلـه - - اسم(عنزه) في قمـة المجـد عنـوان

و" شمر" ليـا عـدت فعـول النحايـا - - وا لنعـم والله يـارجـال ا لطنـايـا

حمأيـة القالـه سـهـوم المنـايـا - - نقولهـا فـي حقهـم سـر وإعـلان

والنعـم "للعجمـان" مافيـه معـروف -- قول وفعل ما تنفـع نقـاط وحـروف

مجـدٍ تعـلا كنـه سهيـل مشيـوف - - دليلنـا فـي مدحهـم فعـل راكــان

و"مطير" حمران النواظر هـل الجـود - - تاريخهم من قبـل واضـح و معـدود

مجـدٍ مثبتـة براهـيـن وشـهـود - - ماينجحـد مجـد وأهاليـه مـطـران

ونعمٍ "بحرب" ليا طرا طاري الأمـداح- - أهل ا لموا قف كل ماصـاح صيـاح

حرابهـم بالنـوم ماهـوب يـرتـاح - - من ضيمهم مايمرح الليـل سهـران

و "سليم" أهل مجد مسجل بالاسطـار - - ذربين أهـل قالـه وبالعـرف شعـار

وأظن هرج ا لصدق مايقبـل إ نكـار - - أخذ الأدب والعرف من روس سِلمـان

وجمع "الدواسر" ما بهم قـول قايـل- - دواسـر جمـل يشتـال كـل الثقايـل

باسمـه تسمـوا والفعايـل دلايــل - - غـدران مـوت ماتحلـى بـغـدران

و"بني تميـم" اللـي فخرهـم مقيمـي -- ودليلنا قول ابـن صقيـه ا لتميمـي

يدري بهم مـن كـان قلبـه فهيمـي - - أ خبارهم شاعـت لحضـر وبـدوان

وأيضا "بني خالـد" عـذاب العنيـدي - - جو من سلالة "خالد ابـن الوليـدي"

قـول محقـق مانقـول ا لسريـدي - - نقرأ ونبحث لين نـدري بمـا كـان

و"زهران" جن الحرب يوم الحرايـب - - اللـي طعنهـم يـودع ا لـدم رايـب

هبت لهـم مـن كـل طيـب هبايـب - - وا لنعـم والله يارجاجيـل زهــران

و"عسير" عسرين علـى كـل طمـاع -- سباعٍ تعشي سبـاع الأقـذال بسبـاع

السيـف بيديهـم مخلـد ومـطـواع - - ورمـاه ليـا رد النظـر لام نيشـان

و"شهران" مشهورين والجـد شاهـر - - الكـل منهـم فـا لمهمـات مـاهـر

طيب ليا عـدوا هـل الطيـب ظاهـر - - معـروف مايطويـه بعـد ونسيـان

و"بالقرن" قرن الموت شرابـة الـدم - - حرابهـم يسقونـه الصبـر والسـم

في رؤسهم شيمـه وعـادات ولـزم - - ما ينحصـي تعريفهـم عبـر قيفـان

وأيضا "بني مالـك" ذكرنـا فخره -- ـمالطيب طـوع يـد ينهـم ماعسرهـم

ليا ماجت أمواج البحر مـن بحرهـم - - بحر يكز الموج مـن غيـر جيـلان

((والنعم "بالأحمـر" علـى كـل حالـي - - في كـل صعبـات اللـوازم رجالـي

شوامـخ ماهـم بـجـرف هيـالـي -- كسبان ياحايز علـى المـدح كسبـان ))

و"شمران" ليا شمر عن الساعد الثوب - - حرابهم يقفـي مـذ لـل ومرعـوب

كم كدروا يوم الكـدر كـل مشـروب -- ياهل الوفاء محد جحد فعـل شمـران

والنعم"بالأسمـر" ليـا حـل طـاري -- شمعة فخرهـم ماذرتهـا ا لـذواري

يروون صفحـات القنـا و الشبـاري -- ويوردون ا لسيف لاصـار عطشـان

وصبيان"يام" أهـل العمـوق العريقـة - - ستر ا لظعن يـوم الايـادي طليقـة

ما تختفي عن عيـن عاقـل حقيقـة -- يام ا لحرايب يوم سوقـات الاظعـان

والنعم والله فـي رجـال"ا لشـرارت" -- الطيب له فيهـم مـواري وأمـارات

أهل ا لمراجل يـوم الأيـام عسـرات -- - الكل منهـم يجلـب ا لـروح قربـان

أيضا" بني هاجر" كفـوف الأسـود - - ييثبت لهم في كـل عليـاء وجـودي

قول عليه الفعـل الأبيـض شهـودي - - وا لصـدق قايـد للمعانـي وقبطـان

ونذكر " بلي" بلواء على كل عاصـي - - ليا جاء نهار فيه شيـب ا لنواصـي

رجالهم ينطـح خشـوم ا لرصاصـي -- ليا طار ستر ا لوجه عن دعج الأعيان

وأيضا "جهينه" عزوة باسهـم بـاس -- نطاحة ا لغاره علـى قـب الأفـراس

أمجادهم من يوم خلقوا علـى سـاس -- بيت جويـد مـا نخلـع فيـه بيبـان

وأيضا"السهول" لهم مواقف وتشجيـع -- يطوعـون ا لـضـد لازام تطـويـع

ويقال عنهـم ا نهـم حلـف لسبيـع -- ذولا وذولا نعـم وافـيـن الأفـنـان

وأيضا "الظفير" أهل الظفر والمدايـح - - يوم الثميـدي مثـل وبـل الروايـح

ارجـال مافيهـم غمـوز وقـدايـح - - منهم زبون أهل لمقاصيـر "نومـان"

وسفيان من قبل النبـوه لهـم بيـت - - صحيح لاأ ز ل بكلامـي ولاأخطيـت

قريت في كتـب التواريـخ وأوحيـت -- سفيان سلسلة العريب ابـن سفيـان

و"طويرق " أهل الشيمـه المستديمـه -- وأهل الوفاء وأهل اليديـن الكريمـه

للجـار عـز وللمـعـادي هزيـمـه - - أقولهـا مانـي بـراعـي تـلـوان

و"هذيل" أهل غيره ومذهـب وجيـره -- وميزاتهـم مـن غيـر هـذا كثيـره

وليـا قـدح للحـرب قـادح ذخيـره - - تلقـى مقاديـم الرياجيـل هــذلان

و"قريش" مجـد قريـش كـل درابـه - - قوم الرسول وقوم بعـض الصحابـه

ومجـد تعـدى الهاشمـي وشنبابـه - - اللي من قلـوب البشـر زال الأدران

و"ثقيف" مـا يحتـاج نذكـر فخرهـم - - ما دام "ابن يوسف"على طـول منهـم

يكفيهـم "الحجـاج" مجـد شهـرهـم - - بالكتب والتاريـخ فـي كـل ديـوان

و "بني رشيد" مـن القبائـل يعـدون -- ليا جت مجـالات المواقـف يبـدون

يبنـون بنيـان الفخـر مايـهـدون - - واللي نقدهم مامعـه علـم بخصـان

ونذكر "بني مـره " ونعـم آل مـره - - للجـار عـز واللمعـادي مـضـره

واليـوم فـي نعمـه وسـره وقـره - - - بين الثلاث اللي خذتهـم بالأحصـان

و"أكلب" هل الطالات وأهل النواميـس - - إمسيسـن بدوحـة المجـد تسيـس

كلامنـا مابـه مجـامـل وتلبـيـس - - والقول لاسلم الغـوى والخطـاء زان

والمعـذره يـا واسعيـن المعـرفـه - - إن غاب عن تفكيري أحـد ماعرفـه

للشعـر تصريـف وللهرج صـرفـه - - ولاينتجـازى الناسـي إلا بغـفـران



منقوووووووووووووووووووول

[أبو بحر]

و"بني تميـم" اللـي فخرهـم مقيمـي -- ودليلنا قول ابـن صقيـه ا لتميمـي

يدري بهم مـن كـان قلبـه فهيمـي - - أ خبارهم شاعـت لحضـر وبـدوان

وشاعرهم الكبير جرير يقول
اذا غضبت عليك بني تميم ....حسبت الناس كلهم غضابا
الف شكرررررررررررر لك

[°*حـــلا *°]

يعطيك العافيه مملوووحه ع النقله الحلوه ..

[بـــــحـــــر الوفاء]

منهم"عتيبـه"نـعـم والله عتـيـبـه - - قبيلـةٍ بـيـن القبـايـل عريـبـه

أمجادهـم تعـرف ولاهـي غريـبـه - - ليا حل طار المجـد يطـرون عتبـان

.... ياناشد عنا ترى حنا العتبان _ _ تبقي فعايلنا على الطيب دومي

حنا كما نجما تعال بالانظار _ _ وصرنا على نجد المسمي نجومي


ونعم فكل القبائل

مملوحة تقبلي مروري

[دنيـــا ومن يدري؟؟]

و"بني تميـم" اللـي فخرهـم مقيمـي -- ودليلنا قول ابـن صقيـه ا لتميمـي

يدري بهم مـن كـان قلبـه فهيمـي - - أ خبارهم شاعـت لحضـر وبـدوان
مشكوووووووووره اختي عالنقل الرائع

[مملوحه وتتميلح]

مشكوووووووورين
على الردود الرئعه
اخوي ابو البحر ودنيا ومن يدري
هلا بهلي ولله منورين
بحر الوفا ياهلا يعتبان
منور
*حلا * ياهلا فيك

[أبو بحر]

الشكر والتقدير الى الغلا مملوحه اعلى الله مكانتها
واسعد الله حياتهااااااا

احترامي وتقديري ومحبتي لجميع قبائل العرب والكل فيهم الصالح والردئ
فقبيلة بني تميم من اعظم القبائل تاريخيا
فلو عددت المناقب والبطولات فلا يكفينا مجلد ولا عشر مجلدات
فهي قاعدة العرب في الجاهلية والاسلام
وهي هامة مضر وكاهلها الاشد
ومضر تضم كل من قريش وتميم وهوازن وثقيف وبني عامر بن صعصة وعبس وجذيمة وباهلة ونمير
وكانت الافاضة في الحجيج في الجاهلية لبني تميم
فكان الحجيج لا يفيضون الى عرفات وبعدها الى مزدلفة والى مني والى رجم العقبات الى بعد سيد بني تميم

كما قال شاعر العرب الكبير
الفرزدق.. غالب بن همام المجاشعي الحنظلي التميمي
رايتنا نسير فيسير الناس معنا.... وإن أومأنا الى الناس وقفوا
وقيل قديما
لولا الاسلام لأكلت بني تميم الناس

[تميمي تمير]

و"بني تميـم" اللـي فخرهـم مقيمـي -- ودليلنا قول ابـن صقيـه ا لتميمـي

يدري بهم مـن كـان قلبـه فهيمـي - - أ خبارهم شاعـت لحضـر وبـدوان

والنعم بكل القبايل
ويعطيك العافية على النقل الرائع
بس من قائل القصيدة؟؟
أتمنى الإجابة بسرعة

[مملوحه وتتميلح]

المشاركة الأساسية كتبها تميمي تمير

و"بني تميـم" اللـي فخرهـم مقيمـي -- ودليلنا قول ابـن صقيـه ا لتميمـي

يدري بهم مـن كـان قلبـه فهيمـي - - أ خبارهم شاعـت لحضـر وبـدوان

والنعم بكل القبايل
ويعطيك العافية على النقل الرائع
بس من قائل القصيدة؟؟
أتمنى الإجابة بسرعة

اهلين
منور اخوي
ونعم بتميمي
الله يعافيك تسلم
ولله ماذكر عندي من الشااعر
ههههههههههههههههههه
جاوبتك بسرعه

[تميمي تمير]

المشاركة الأساسية كتبها مملوحه وتتميلح

اهلين
منور اخوي
ونعم بتميمي
الله يعافيك تسلم
ولله ماذكر عندي من الشااعر
ههههههههههههههههههه
جاوبتك بسرعه

والنعم بحالك

والله يسلمك

ومشكوره على الإجابة بسرعة

وتسلمين