سوق الكلام
مليان عبيد كرباج قلم فى كل ايد
كلام قديم وكلام جديد...
حروف بتنقش فى الحجر...
وحروف قلوبها من حديد...
وحروف بتنزف من الوريد...
وحروف تنام على ريش نعام...
وحروف بتنقش حلمهافى ليل عنيد...
على بعد كام مليون سنة ضوئيةيظهر ضوء شريد
حروف من الخوف تتحرق...
وكلام حروفة بتنسرق...
وحرف وسط الموج غرق
معرفش ان البحر لة شاطئ وحيد...
على بعد كام سنة ضوئية يظهر ضوء شريد
وحرف على سن القلم ميت شهيد...
وحروف بتغنى على كل الحدود...
وحروف بتحلم بالقيود...
وحروف بتندم على الجمود
وقفت فى وسط النار شهود...
ان اللى راح مش راح يعود...
حروف بيطميها الزمن...
وحروف يخلدها الوجود...
حروف بتغضب تنهرك...
وحروف بتسخر من جراحك
تالمك وتغيرك...
حروف تغير منطقك .وحروف تغير مظهرك...
حروف بتهرب منها.وحروف وراها تجرجرك...
وكلام بتجرى وراة وعمرة ماعبرك...
والف حرف كسرتهم وحرف واحد يكسرك...
هتشترى قللى بكام سمعنى صوتك والسلام
ماهو فى النهاية
سوق كلام
سوق الكلام 
العرض العادي
