السلام عليكم ورحمة الله وبركاته
بدايه يسعدني التحاقي معكم على هذا الركب الشامخ بكم
واقدم لكم هذي المتواضعه كمصافحه اولى
املاً ان تنال على جزء من ذائقتكم العذبه
شوف الخيال يشوقني واغفي ليا شفته وافيق=واشوف طيفك في الغيوم ان ناض لي برّاقها
ترسم على كبد السما وجهك وجايٍ له بريق=ليا ارزمت ثم ارعدت والنور مع شعّاقها
غرق الرياض من المطر والقلب في حبك غريق=والنّفس في الاسلام ياروحي حرام ازهاقها
ادل دربي وان مشيته ضعت في نصف الطريق=تايه على مدّ النظر خطوات رجله ساقها
واهيم كنّي لاأبو ، لاأم ، ولا عندي شقيق=مثل اليتيم اللي زمانه فرحته قـد باقها
ياروح روحي ياملاك الغيد ابو قلبٍ رقيق=حرام عيني بالسهر عليك زدت ارهاقها
الله يلعن والدين العشق وش ذنب العشيق=ولولا مخافت ربنا لعنت يــوم فراقها
استغفر الله لاماهب من قلب يالحب العتيق=قلبٍ بعد فرقى حياته دنيته ما طاقهـا
ملعون قلب ما عشق بنت لها مجد عريق=مجدٍ لبوها وجدّها ومزيونة باخـلاقها
ليا وصفته ما نصفته جل من صبّ الرحيق=بين البرد والجمر في فمها بدع خلاقها
( وبالـ... ) رمان الهدى كنه صديق مع صديق=اطفال يوم العيد تحضن بعضها باشواقها
والعين عين اللي تعلّت فوق في قمّة طويق=والموت كنّه يشّر بكفيه وسط احداقهـا
والعنق عنق الريم لامنّه مشى مشْية طليق=وجدايل تعكـس لنور الشمس وقت اشراقها
انا اشهد اني ما نصفته ليت وصفي له يليق=عطفه ولكن في زمان اليوم محدٍ ساقها
وسلامت قلوبكم
اخوكم
بدر بن تركي ( وضح النقى )
الله يلعن والدين العشق وش ذنب العشيق 
العرض العادي
