ابي اعرف السبب؟ (ليش دايم المطلقه او الارمله مذمومه في المجتمع. !)

[خاليه الشووق]

السلام عليكم ورحمه الله وبركاته
حبيت اطرح موضوع اتمنى الكل يعطيني رايه اللي يشوفه بخاطره مو عشان احد قال كيذا
يرد بنفس الشي او عكسه.......
الموضوع طول الله اعماركم>>>
ليش دايم المطلقه او الارمله مذمومه في المجتمع السعووودي بالذات.. يمكن هي مالها ذنب في
اللي صار او اهلها جبروها على الشي هذا يمكن كان شي خلها تدافع عن نفسها ومالقت حل الا الطلاق
بس دايم يحطوون العيب في البنت هي اللي غلطانه ليش مايكون هو غلطان ولا هو محشووم
من الخطأ...... وربي صار الواحد يخاف يتزوج عشان يمكن تطلع في يوم من لايام له ذي الكلمه......

المطلوب >> ابي اعرف سبب واحد يخلي المطلقه والارمله مذمومه في المجتمع
السعوووووودي بالذات ( اخص بالذكر لان هو الواقع) ليش محد يبيها حتى لو كانت في قمه اخلاقها


( لا يجي في بالك اني مطلقه او ارمله لاوربي توني بنت بنوت:yeeees:)


اتمنى الرد على الموضوع وما اطول عليكم والسموحه لو غثيناكم
اختكمــ خاليه الشووق

[ANGEL SOUL]

صارلي ساعة عم ادور على سبب وما لقيت لانو مافي مبرر يبرر اللي بتتصرفوا المجتمعات العربية تجاه المطلقة او الارملة
ولا تخافي على حالك ولا تتعقدي لانو الزواج قسمة ونصيب واصابع ايدك مش مثل بعض
يعني الرجال مش زي بعض ولا النسوان كمان زي بعض اطلعي على صاحباتك قريباتك المتزوجين وشوفي كيف مرتاحين
وبتمنى ومن كل قلبي انو نظرة المجتمعات العربية بتتغير تجاه المطلقة او الارملة
ومشكورة

[عاشق الانثى]

اختي خالية الشوق الطلاق في مجتمعنا له عدة اسباب 1- عدم النظر الى المخطوبه0( انا على سبيل المثال متزوج وعندي ولد ولله الحمد حاولت اثناء خطبتي ان ارى من ستصبح ام عيالي ولكن هيهات هيهات مااحد عطاني وجه لكن ولله الحمد طلعت زوجتي تمام مثل ماانا ابي واكثر وبعد الزواج طبعا بعد مااخذنا على بعض كنت دائما اقول لزوجتي لو ما اعجبتيني يمكن لاسمح الله مايدوم زواجنا ) 2- عدم التوافق الفكري يعني الرجل يريد من زوجتة ان تكون نفس شخصية ممثلة ادت دور معين في مسلسل معين وهذا صعب المنال والمراءة تريد من زوجها ان يكون الزير سالم وهو داج برقبتة (اسف على التعبير) 3- بعض البنات ماهي متعودة تطبخ ولاتنفخ في بيت اهلها واذا تزوجت ا صتدمت بالواقع زوجي يبي اذا رجع للبيت يلقا سنع وهي لاحياة لمن تنادي 4- ترك الصلاة -تارك الصلاة لايوفق في حياتة واسباب اخرى كثيرة -وانا جاني النوم تصبحين على خير

[:: كاتمة الاحزانـ ::]

ابي اعرف سبب واحد يخلي المطلقه والارمله مذمومه في المجتمع

سؤالك بنظري ماله جواب
لاني سألته نفسي كثيرا مالقيت
الجواب اللي يبرد القلب
وصحيح بمجتمعنا السعودي
ينظرون للمرأة المطلقة وكانها منبوذة
ليـه ؟!
عشانها مطلقة كثيرررررررر من النساء
السعوديات تطلقو مظلومين أو بسبب
سوء معاملة الرجل أو بغلط منها
يعني ليه نروح بعيد
أنا وحدة اعرفها تطلقت كانت صابرة صابرة
وماقدرت تكمل يعني الرجال وش يحسبونا
عشان نتحمل اخطاءهم
وأصبت المطلقة الحين
ماتتزوج الا بالمسياار
عشانها مطلقة فقط للاسف
مانقدر نغير افكار البشر ولا كان او فكره
غيرتها نظرتهم للمطلقة ..!




خالية الشوق

أسفة على الايطالة يالغلآ
بس موضوعك شدني كثيرا وعجبني
يعطيك العافية وان شاء الله
ربي يوفقك بالزوج اللي يسعدك
تمنياتي لكي بالسعادة الابدية
دمتي بخير

[رعـــــآد]

أختي العزيزهـ

هناك أسئله كثيره في هذا المجتمع بدون إجابهـ

أحيانا مع ترهل المجتمع تكون الأجوبهـ أكثر صعوبهـ من الأسئلهـ

.‘

لماذا ..؟؟

لا أملك إجابهـ .

.‘ .‘ .‘