حبٍ يشيّب و صاحبه ما بَعَد شاب 00000 وحبٍ يشيب صاحبه في شبابه
وحبٍ يغيب وصاحبه ما بَعَدْ غاب 000000 وحبٍ يدوم وصاحبه في غيابه
وحب يذوّب خــافـــقٍ ما بعد ذاب 000000 وحبٍ يداوي صاحبه من عذابه
وحبٍ يتوّب خـــافــقٍ ما بَعَدْ تاب 0000000 وحبٍ يزيدك رغبةٍ في الكتابه
وحبٍ حياته كلّها لوم وِعْتــــاب 00000000 وحبٍ حقيقي ما يضرّك عتابه
وحبٍ بلا معنى وحبٍ بلا اسباب 0000000 يبدي غريب وينتهي في غرابه
وحبٍ ضعيفٍ مثل حبرٍ على كْتاب000000 تمحيه دمعه في ثواني كــــــآبه
وحبٍ قويٍ مثل قصرٍ له ابـــــواب 0000000 لوهبّ عاتيْ الريح مااهتزبابه
وحبٍ بداية رحلته نظرة اعجــاب 000000 واخــــر مطافه مثل يومٍ بدا بـــه
وحبٍ يعيش بداخل قْلوب الاحباب 000000 وحبٍ يشيع وكل حَيٍ درى بــــه
وحبٍ مقامه في ضلوع الصَدِر طاب 000000 وحبٍ يعدّي مثل مرّ السحابه
وحبٍ على قبره نعق بوم وغْراب 0000000 وحبٍ تغنّى به لحون الربابه
وحبٍ بمقدارٍ وحبٍ بلا حْســــاب 0000000 وحبٍ بمعروفٍ وحبٍ نهـابه
وحبٍ يعيش أهله وسط داره اغراب 000000 ويموت قهر ويندفن في ترابه
وحبٍ غدا سرّه سوالف للاجناب 0000000 وحبٍ يموت وصاحبه ما حكى به
حب 
العرض العادي
