مصر (ولـــــــــــدى)
الليل ساجى
على عرش الكون
وبيكشف وشه .....
وفى اخر سلمه للعتمة
نزلت نجمة
على عتبة بكره
كنت امى( مصر) زى عادتها
بتصلى وتدعى
لجل الولد الغايب
يرجع
والرب بصير
والنجم فوقيها بيضوى
ويلمع
لكن امى
كان مخنوق الدعا جواها
وفى عزصليل البرد النايم
جوا ضلوعى
سمعت انين
قمت اتسحبت انا من تحت غطاى
وناديت بالصوت يا مولاى
ارحم امى
يارب امين
علشان دايما مشتاقة لاخوى
رغم غيابه الغابر عنا سنين وسنين
دوبها الليل صلوات وحنين
وانا مصلوبة سنينى معاه
باستناه
واقرا ملامحه السمحة فى نن العين
زى كتاب
واحنا ولاد نعزف ضحكتنا
فى اول خطوتنا التوام
فى الكتاب
وامى الطيبة زى الصبح
عايشة على ذكرى اخوى (العراق)
تتهجى ريحة افروله الميرى
مرسومه على حيط الدار (الوطن العرب)
وتنام وبتصحى
على طيف اخبار
هو استشهد
ولا فى الاسر
واللى معذبها
ان ما تعرفش طريق القبر
شايف امى
لساها بتدعى وتركع
والحزن اشتد ومش زى العادة
لكنه مطفطف وزيادة
وانا عارف لية
من ايام سمعت فى الراديو
ان عدو زمان
كان خايف وجبان
بعد سنين وسنين النكسة
عرف الرب
فجاة اتشجع وعمل مجدع
هتك الستر وذاع السر
احنا قتلنا كل الاسرى
ودفناهم بهدوم الحرب
ولا من شاف ولا حد بيدرى
وامى لساها زى عادتها
صورة الولد الغالى
لا تخليها تشوفولاحتى بتسمع
وكل ماتشتاق لاخوى
تصحى قبل اذان الفجر تتحزم بحزام
الصبر
تدعى وتصلى وتركع
ان احويا الغايب يرجع
لكن والحق انا قلبى ارتاح
لما عرفت اخويا الغايب راح (صدام)
ضمن الشهدا فى ارض بلدنا
يوم الغدر
لكن امى زى كانت
رافضة تصدق اى خبر
يطوى الامل الطارح فيها
كتر خيرها الله يشفيها
تصحى تنام على طيف الذكرى
وكان اخويا معاود
ع الجبهة يدوبك
من ساعيتن
وتصلى وتدعى
نظرة ياست
شا الله يا حسين
يخطفها زعيق القطر
وبتسال كل الجايين من بحرى
هو استشهد؟؟؟؟؟؟؟؟؟؟؟؟؟؟
ولا الاسر....؟؟؟؟
شفتوش ولدى
فى محطة مصر....
بقلمى
شاعر الدموع
مصر ولدي 
العرض العادي
