اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها

الإشعارات
عرض نتائج التصويت: ياريت تقولون لي رايكم بالقصة لانها مولودي الاول وودي اسمع رايكم فيها ؟؟؟
ممتازه وتابعي هل التألق والروعة 5 83.33%
زينه وجيده فعلا تستحق التعب اللي تعبتيه 1 16.67%
لابأس فيها 0 0%
زوينه بس في احلى منها 0 0%
سيئه ماتستحق النشر 0 0%
المصوتون: 6. لم تقم بالتصويت على هذا التصويت

 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 14-07-2007, 12:57 PM
صورة barazliya الرمزية
barazliya barazliya غير متصل
©؛°¨غرامي مشارك¨°؛©
 
الافتراضي روايتي الأولى : و حتى الورد ينجرح , كاملة


بسم الله الرحمن الرحيم


الحب شنو يعني؟؟ وضروري البنت لازم تحب؟؟ أنزين ولبنيه اللي ماتحب هل أهي طبيعية ؟؟ أخذت هذه الأسئلة التافه تأكل عقلي المراهق وفي أيامها لم تكن تافه على الإطلاق . أوه اعذروني فأنني لم أعرفكم بنفسي أنا منار عبدالله قررت ان اكتب لكم قصتي مع الحياة


اولا دعوني أقدم صورتي لكم انني فتاة سمراء وتقدرون اتقولون مملوحه ذات ملامح طفوليه ( بيبي فيس) اللي اقدر افتخر فيه ابويهي أهم أعيوني لكبار ولونهم عسلي فاتح وبراطمي اللي نص بنات يتمنونهم مو كبار ولا صغار متوسطين وقصتهم حلوه وشعري ناعم كستنائي اللون وانني نحيفة الجسد ومتوسطة الطول.
بكتب قصتي من الثانوية لانني في هل مرحل بدت رحلتي مع الحياة
في أول يوم من الثانوية لي لم أتعرف على احد ولكني في اليوم الذي يليه تعرفت على فتاة تكبرني بسنه اسمها نوف فقد أخذت تتقرب مني رغم صديقاتها الكثيرات وأخذت تعلمني نظام المقررات وتخبرني عن المدرسة وعن البنات الذين يجب أن لا أتحدث لهم لسبب سمعتهم السيئة وكل يوم بعد اليوم تتقرب مني بشكل واضح فكانت تهاتفوني يوميا وتأتي إلى منزلي كل ثلاث مرات أسبوعيا تقريبا .
العائلة

لقد عرفتكم على نفسي وألان سوف أخبركم عن عائلتي التي تتكون من بنتين أنا وأختي الكبرى شموس وأبي فقط وألان دعوني أخبركم عن قصة أبي وأمي . أبي تزوج أمي وهي في الأصل ليست كويتية بل عراقية . عندما كان أبي في منتصف العشرينات أحب أمي وهي ناصريه أبنت كاظم مدرس أبي الخصوصي و أيضا كان صديق العائلة . قدم كاظم وعائلته إلى الكويت في 1976 لحكم الطاغية عليه بالسجن لعشر سنوات لسبب لا يصدق لأنه اشتكى من التاجر الذي نصب عليه
ولما نستقرب فهذا أفعال الطاغية يأكل ويشرب وينام ويقتل ويظلم المهم نرجع إلى كاظم جاء وتعرف على جدي فقد كان يبحث عن وظيفة فوظفه جدي محاسب في شركة المتواضعة وسكنه هو وعائلته المتكونة من زوجته وابنته ناصريه في الملحق بيت جدي وهنا قابل أبي عبدالله أمي ناصريه وبدأت قصة الحب المستحيلة التي دامت عشر سنوات و التي لم توافق عليها جدتي وأخوته أما جدي فكان راضي عليها. لكن أبي تزوجها رغم الرافضين من العائلة تزوجها أبي بعد طول عناء واستقروا في شقة وبعد ثلاث اشهر حملت أمي بأختي شموس وعانت من سوء المعاملة و من قطيعة جدتي وأخوت أبي وظروف المادية الصعبة وبعد مولد أختي الكبرى شموس بخمسة اشهر مات جدي وهنا بدأت المشاكل تزداد مع أبي وأمي وبعدها جدتي طردت كاظم وزوجة فاتوا لعيش مع أمي وأبي وبعد خمس سنوات أتيت إلى الدنيا وكثرت المشاكل التي أدت إلى الطلاق وأنتها زواج فاشل دام ست سنوات وبعد انقضاء عدة أمي سافرة مع أبيها وأمها إلى كندا وتركتنا أنا وشموس مع أبي وبعدها أبي حاول أن يرجع العلاقات مع جدتي ولكن باتت محاولاته بفشل المهم كبرنا أنا وأختي ولم يقصر علينا أبي ولكن أحس أبي بأننا نحتاج إلى وجود من ترعانا فقرر أن يتزوج عندها أنا كنت في السابع من عمري تزوج أبي ماما فاطمة زميلة أبي في العمل و التي لا تلد وأصبحت كالأم لنا وكبرنا وعشنا حيات لابس بها . أما عن أمي الحقيقية فأنها لم تسأل علينا ولا نعرف عنها أي شي منذ سفرها .

صديقتي نوف

الثانوية مرحله لا تنسى ابدآ من أجمل مراحل الحياة التي افتقدها ارجع الى صديقتي نوف كنت لا أفارقها دائما معي حتى في ساعاتنا الدراسية كنت اسجل نفس المواد اللي اقدر أكون فيه معاها ويوم من الأيام اللي قصينا فيها ساعة الإسلامية وقعدنا بالفراغ دار بينا حوار ما أنساه ومن هل حوار راح ابدي معاكم قصتي
نوف : منورا عمرج حبيتي واحد ؟
جاوبتها: لا !!!
نوف: معقولا انتي بهل جمال وماحبيتي ليش اشناقصج
قلت: مادري مو توني اصغيرا على هل سوالف؟؟؟!!!!!!!
نوف: اصغيرا هههههههههههههه لا اصغيرا ولا شي جم عمرج انتي؟؟؟
قلت : عمري خمس تعش
نوف: انا لما حبيت كان عمري ثلث تعش وبعدين ياعبيطه الحب مافيه اكبير وصغير الحب اذا ياه انسيج عمرج سألي امجرب ولا تسألين طبيب مافي عمر محدد حق الحب . وبعدين الحب مو حرام ولا عيب اصلا كل البنات بالمدرسه احبون ليش انتي لا الحب راح يخليج اتعشين الحياة راح يخليج تنسين الهموم وانتي بنيه حلوه وكل لصبيان يتمنونج يتمنون بس تعطينهم ويه
قلت: اشدراج انتي ان كل لصبيان يتمنوني ؟؟
نوف : اذا مو مصدقتني وتبين اتشوفين بنفسج اليوم الخميس قولي حق ابوج يقطج عندي وبعدين انا راح اطلعج وياي وراح اتشوفين لصبيان اشلون راح يتهاوشون عليج
قلت: اسفه نوفوووه انتي تدرين ان ابوي مايرضى اطلع اماكن فيها شباب وايد
نوف : مو يا الخبله ابوج ماراح يدري انتي تعالي بيتنا وبس
رديت عليها ابعصبيه: شنو تبيني اطلع من ورا اهلي اسفه ما اقدر
نوف: خلاص انسي اللي قتلج ياه كله بس حبيبتي لما تكبرين راح تحسفين الان عمرج ماحبيتي وراح تتزوجين من غير حب وتصير حياتج مع زوجج ممله ومو بس جذي يمكن بعد ايزوج غيرج الانه راح يدور على الحب بس انتي ماراح تحبينه تدرين ليش لانج ماتعرفين شنو الحب راح اتحبينه
قلت لها وانا كنت وايد متأثره بكلامها : نوف بس.............انا اخااااااااا
نوف: لا تقولين أتخافين أنتي مو قاعده أتسوين شي حرام الحب الله ماحرمه أنتي بس تعالي معاي وبس والله انج ما راح تندمين بس مره بحياتج سوي شي ينذكر وبعدين تتذكرينها طول عمرج بس مره وحده
رديت عليها وانا مقتنعه ابكلامها: مادري نوف خليني افكر انزين
نوف : اوكي حبيبتي تعالي عندي وصدقيني ماراح تندمين
وظليت طول اليوم افكر ابكلامها وكنت اشوفه منطقي وايد ولما رديت البيت


في البيت

ولما رديت البيت شفت ابوي قاعد مع ماما فاطمة بالصالة ومعاهم ريال وحرمه
حرمه اكبيره في السن وحاولت اني اروح داري من غير مايشوفوني لكن ابوي ناداني : منووووووووووووووووووووووووووووووووووره حبيبتي تعالي سلمي على خالج ويدتج.
وهني حسيت كأنه احد ماخذ ماي بارد وكاتينه علي رحت حق ابوي وانا امشرعه حلجي (فاتحه فمي ) مدهوشه على مو مصدقه
يدتي مو معقول وليش؟ يايه الحين عقب كل هل سنين ؟اشتبي ؟ توهه اتحن علينا وتسأل وهي اللي لما كنه اصغار ما تحبنه وتسمينه بنات العراقية عمري ما انسى العيد اللي لما رحنالها وكنت وقتها عمري تسع اسنين واحنا مستانسين ليش بنزورها ونبي انشوفها اصرخت جدام الناس اللي ياين اباركون لها بالعيد: طلعهم بره لو ياي بروحك كان اهون ياي ويايب بنات العراقية معاك
رد عليها ابوي: هذيل بناتي يمه مهما كانوا لا تنسين
قاطعته وقالت : بناتك بعد اتسميهم بناتك عقب ما خلتك وقطتهم عليك وبتلشت فيهم لا وتبيني اربيهم واستقبلهم ابيتي اسفه بيتي يتعذرهم
وبعدها طلعنا وماشفناها من يومها والحين يايه ليش؟
وبعدها سمعت صوت ابوي: اشفيج ماتين اتسلمين على يدتج؟؟؟؟؟؟؟؟؟
رديت عليه وقلت : يدتي منو يدتي انا بنت العراقية ماعندي يده يدتي ماتت
وهني حسيت ابراحه نفسيه خاصتا لما شفت ملامح الندم على ويه يدتي
ومشيت ورحت داري وخليتهم وبعدها البوي لحقني ودش امعصب : هذي التربيه اللي انا ربتج ياها جذي تحترمين اللي اكبر منج
رديت عليه: ليش يايبه عبالك بنسى اللي سوت فينا أبسهوله أتعايرنا بأمي وتهينه وتطردنا كملت كلامي ودموعي تتكلم معاي ,كلمتها والثانيه امكم تخلت عنكم وقطتكم على ولدي وبتلش فيكم اسفه ماراح انسى
وخلاني ابوي وانا ماخلصت كلامي خلاني لانه مايقدر ارد على كلامي
وبعد نص ساعه سمعت صوت اختي شموس قاعده وياهم عادي وتضحك وتسولف معاهم وبد ربع ساعه طلعوا من البيت ردشت شموس الدار طالعتها بنظرة استغراب من اللي صار
شموس: اشفيج جذي اطالعيني وبعدين ليش مايتي وسلمتي على امي العوده
رديت عليها : اسفه انا يدتي ماتت وماعندي ام العوده على قولتج
شموس: منوره حبيبتي ادري انج مانسيتي اللي سوت فينا بس تبقى ام ابونا مهما يصير
قلت : نسيتي لما اتقول حق ابوي عبالك هذيل بنات العراقية منك هذيل بنات الحرام
شموس: مانسيت بس احنا انصير احسن منها
قاطعتها: ولي اعافيج شموس بس لا تكملين والحين خلينا من قيمج هذي وقوليلي اشتبي يايه عيوز خيبر ؟؟؟؟؟؟؟؟
شموس : مناروه عن قلة الادب هذي فاهمة , ماتبي شي بس يايه تعتذر من ابوي وتشوفنا
رديت : ماعتقد اكيييييييد تبي شي المهم ويين أبوي الحين أبي اكلمه
شموس: بالصالة مع ماما فاطمة
وطلعت من الدار ورحت الصالة وأبوي كان قاعد مع ماما فاطمة
وقتله: يبه ابي اطلع
أبوي: وعلى وين انشالله
قلت: بيت رفيجتي نوف
أبوي: لا أسف ما تروحين
رديت عليه: ليش يبه ماما فاطمة كلميه
ماما فاطمة : عبدالله خل لبنيه اتغير جو وبعدين اهي مو رايحه مكان رايحه حق رفيجتها نوف
قلت: أي يبه يالله ابي اغير جو عقب اللي صار اليوم
ابوي : انزين روحي
رديت عليه: مشكور يا احلى ابو في الدنيا
ماما فاطمة : وانا يا ناكرة المعروف لا تنسين انا اللي قنعته
قلت: افا عليج افديج ابعمري انا من لي غيرج يا الغاليه
يالله عن اذنكم بروح ادق على نوف




في بيت نوف
نوف: هلا والله هلا بالي زايرناوالله
رديت عليها: هلا فيج حبيبتي ادري ان اليوم مو الخميس بس كنت مخنوقه وقلت بيي اقعد معاج
نوف:حياج الله بأي وقت حياتي حسافه جان زين اقدر اطلعج بس اليوم خالتي وعيالها بيون عندنا
قلت: لا عادي اصلا انا مو يايه علشان الطلعه
وقعدنا مع بعض سولفنا حوالي ساعتين وعلمتني اشلون اشبك وكلم بالمسنجر وسوتلي ايميل ولما يت خالتها
قلت : خالتج يت
نوف: أي
قلت: عيل انا استأذن حبيبتي وموعدنا يوم الخميس
نوف: لا حياتي ماراح تطلعين انا ما صدقت اشوفج وتين بيتنا وبعدين انتي اشلج ابخالتي عادي قعدي لا تستحين
رديت: اوكي بعد انا مالي خلق ارد البيت الحين
وبعد اشوي أدخلت خالت نوف وسلمنه عليها وكان معاها شاب وسيم جدا وطفلتين توأم وبعدين نوف قالتلي انه ولد خالتها و اكبر منها ابسنه واسمه مشعل وكان طول القعده يطالعني وكلم نوف وكانت نظراته اتحسسني بحساس غريب احساس عمري ما راح انساه وكنت كل ما يطالعني انزل راسي
وبعدها رحنا انا ونوف حديقة بيتهم جان يلحقناه
مشعل: وين رايحه نوف
نوف: لا تستعبط تدري اني راح اروح الحديقة
مشعل: انزين نوف ماعرفتينا على رفيجتج
نوف : منار رفيجتي وهذا مشعلوه ولد خالتي
مشعل : قوه منار؟؟؟؟؟؟؟؟؟
رديت عليه وانا مستحيه وقاعده اطالع نوف: الله يقويك
مشعل: أي نوف عرفت ليش ماتبين اتعرفينا على رفيجتج ألانها أحلى منج
وهني حسيت اني راح اموووووت ودقات قلبي قاعده تتسارع
قلت: نوف انا استأذن حبيبتي انزين
مشعل: ليش منار توه الناس
رديت : انا صارلي ثلاث ساعات وابوي قاعد ينطرني اووووووو اسفه لازم اروح
ومشيت ابسرعه صوب الباب لاني ماقدرت استحمل اكثر

المعجب
عقب الليله اللي قضيتها مع نوف و ولد خالتها مشعل اللي طول الليل قاعدة افكر فيه واتذكرة كلامه وتظراته الساحره وحتى وانا بالمدرسه اتذكره مادري اصار فيني كل ماذكره احس باحساس غريب شنو هل هذا الحب انا احب مو معقوله هل هذا اللي يسمونه حب من اول نظره استبعدت هل الفكره عني لما سمعت صوت نوف واهي اتناديني
نوف :مننننننننننننننننننننننننوره منوره اشفيج ماتردين علي منو اللي ماخذ عقلج
قلت: محد ماخذ قلبي
نوف : انا ما قلت قلبج ياحلوه لا تفضحين روحج
رديت عليها : هاااااااااااااااااا لا مادري عبالي قلتي قلبج اشدراني انا وبعدين محد ماخذ
نوف: بس انتي خذيتي قلب احد ياقمر ويتمنون لو ياخذون قلبج ياعمري انتي
وهني فهمت قصدها وطرت من الفرحه يعني مثل ما انا افكر فيه اهو بعد يفكر فيني انا مو مصدقى وقتلها: منو ؟؟؟؟؟؟؟
نوف: ياعمري امس انتي مو شايفه ابيتنا اللي خليته لي اليوم ادزلي مسجات ويترجاني اقولج انه معجب فيج
قلت : منو مشعل معجب فيني اشلون جذي صار انا مو مصدقى اشلون
نوف: اهو ياعمري مشعل قصتا قصه اهو كان احب ابنيه من قبل سنه بس البنيه ماتت بحادث سياره مع اهلها وهم امسافرين اضن سمعتي عن موتتهم لانه الجرايد تكلمت عنهم وايد السنه اللي طافت
رديت عليها : أي مو اللي كانوا امسافرين الامارات وصالهم حادث وحترقت سيارتهم وهما فيها معقوله بس ماذكر ان كان بينهم ابنيه ابعمرنا او اكبر منا بشوي لاني انا وماما فاطمه رحنا عزاهم لانهم اصيرون حق ماما فاطمه
وهني حسيت ان نوف مرتبكه
نوف: لا كان بينهم ابنيه بس انا مادري جم عمرها بس ما كانت كبرنا المهم الله يرحمها ارجع حق مشعل من عقب سالفة موت حبيبته واهو مايطلع ولا يأكل تصوري ان يتخيلها ابكل مكان حتى دراسته اهملها وكل اسبوع اصير له انهيار عصبي بس امس كان غير اول مره يسولف معاي جذي حسيت ان روحه ارجعتله لما شافج .
كلام نوف اثر فيني وايد وكسر خاطري مشعل حرام وايد عانه خاصتا ان انا حسيت نفس احساسه من امي الله يسامحها بس على الاقل حبيبته ماتت وماخلت الناس اعايرونه فيها مثل امي ياريت ماتت ولا تخليني وتروح وتسوي فيني جذي
نوف: اشفيج منار انا موقصدي اضيق خلقج وبعدين اذا ماتبينا مو ضروري راح ينسى مثل مانسى حبيبته ،منوره اذا انتي مو معجبه فيه مو غصب انج ترضين فيه ياعمري بس انتي قوليلي شنو حاسه فيه اتجاه وانا راح اقوله البنيه ماتبيك
رديت: لا نوف انا بس محتاجه افكر وبس ولا تقوليله شي بس انا ابصراحه من امس وانا قاعده افكر فيه بس هم لا تقوليله امانه نوف
نوف: انشالله انا راح اقوله عط لبنيه وقت اتفكر فيه عدل وبس
قالت لها : انزين نوف انا استأذن تأخرت على ساعتي
نوف : توه الناس على الساعه ولا خلاص روحي اذنج وياج
وخليتها ورحت وانا مازلت افكر بالسالفه طول اليوم


يوم الخميس
وينج انا ناطرتج ماتفهمين اليوم شنو ياحلوه . رديت على التلفون وانا مبطله نص عيني منو معاي ؟؟ نوفوه هذي انتي
نوف: أي الاميره النائمة هذي انا يالله قومي ابسرعه وتعالي بيتنا
قلت لها: توه الناس نوف
نوف: لا مو توه الناس على ماتين ونحط مكياج ونقي الهدوم ونلبس لا راحت علينا الطلعه وبعدين لازم اكشخ ولا تبيني اطلع جدام ولد خالتي امبهدله
هي قالت ولد خالتي انا فزيت من الفراش وبققت عيني
وقلت لها :انتي ما قلتيلي ان ولد خالتج بيي معانه انا ماني رايحه أسفه. نوف: شسوي يا منار أمي مو راضيه اطلع ابروحي مع السايق وقالتلي روحي مع ولد خالتج ودقيت عليه واهو رضا وبعدين مشعل يامنار من زمان مو طالع واليوم قال بطلعني واذا هونتي ما راح يطلع وحتى انا
رديت : اوكي مسافة الطريج وكون عندج
نوف: يالله حبيبتي ناطرتج بـــــــاي
لما صكرت التلفون منها قمت ورحت الصاله علشان استاذن من ابوي بس مالقيته وفجأه نادتني ماما فاطمه : منار تعالي حبيبتي بقولج خبر
رديت عليها : شنو ماما فاطمه ؟؟ صاير شي ؟؟
ماما فاطمه: أي حبيبتي صاير شي
رديت عليها والخوف سيطر علي: شنو ماما فاطمه ابوي في شي
ماما فاطمه: لا مافي شي
رديت: الحمدلله شموس فيها شي
ماما فاطمه: لا يدتج اللي فيها شي اليوم الصبح توفت
وهني ماعرفت شرد عليها اقولهاوشسوي ابجي ولا اضحك الله يسامحها يدتي اهي اللي خلت بينه وينها حاجز
ورديت غرفتي وانا مصدومه وبعد عشر دقايق رن تلفوني ولا نوف
نوف: الو............ وينج انتي ولد خالتي ناطرنا
رديت عليها:نوف يدتي توفت اليوم
نوف: شنو لاحول ولا قوة الا بالله الله يرحمها
قلت: خلاص لا تنطروني طلعوا
نوف: لا حبيبتي انا لازم ما خليج الحين بقول حق مشعل ايوديني حقج
رديت: لا نوف افضل اني اكون اليوم ابروحي
نوف: على راحتج حبيبتي ولا يضيق خلقج تذكري ان رفيجتج وياج
قلت: فيج البركه حبيبتي يالله تأمريني على شي
نوف:سلامتج باي
وبعد ماصكرته منها كنت ليلحيني في حالت صدمه مو مصدقه وبعد اشوي رن التلفون ولا نوف متصلا انا استغربت اشوي
ورديت: الو............................؟
الو........................منار ؟؟
صوت اصبي مو غريب علي وبعدين عرفت ان هذا مشعل
رديت : أي منار منو معاي
مشعل : انا مشعل منار ولد خالة نوف ابصراحه ما هان علي اشوفج وانتي بهل الحاله بدون ما اتطمن عليج
وهني ماحسيت ابعمري لا وانا قاعده ابجي بس ما كنت ادري قاعده ابجي على منو على يدتي ولا لاني سمعت صوت مشعل وحسيت بالراحه
مشعل ابصوت حنون : بس منوره لا تبجين قولي الله يرحمها وبعدين هذا يومها والله كاتب لها بس منوره مايهون علي أشوف الانسانه اللي قلبي حبها تبجي
وهني وقفت عن البجي وقاعده افكر صج مشعل احبني انا مومصدقى
مشعل : أي جذي بدون بجي فديت ادموعج والله انزين تكلمي ابي اسمع صوتج الحلو ليش حارمتني منه
رديت عليه وانا احس ان الدنيا مو سايعتني من الوناسه ونسيت يدتي ابكبرها
: مادري شقول لك ابصراحه كنت محتاجه احد اكون يمي
مشعل: منوره انا راح اكون يمج طول عمري هذا اذا انتي رضيتي ؟؟ اسف منوره المفروض ما اقولج هل الكلام وانتي يدتج توه متوفيه وبس ابيج على الأقل أتفكرين وفكري على راحتج لو انشالله شهر او سنه او خمس اسنين انا راح انطرج منوره
رديت عليه: صج مشعل مستعد تنطرني كل هل مده معقوله
مشعل : القلب اذا اختار يامنار ماعتقد ابسهوله اتنازل عن اختياره
والحين يا منار استأذن انا وهذا رقمي ####### سجليه عندج اذا فكرتي بل موضوع دقي علي واذا ماتبين اتفكرين لا دقين علي بس قولي حق نوف واهي اتقولي مابي انصدم انا مره ثانيه يالله منار باي
رديت: باي


هل منار راح ترضى تكلم مشعل؟؟؟

انتظروني الاسبوع الياي حق الجزء الجديد
واذا شفت تشجيع منكم راح انزلها
باجر :Animation 136: والحين بيباي اشوفكم على خير


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 14-07-2007, 12:59 PM
صورة barazliya الرمزية
barazliya barazliya غير متصل
©؛°¨غرامي مشارك¨°؛©
 
الافتراضي رد : قصتي الاول لا طوفكم اسمها (( وحتى الورد ينجرح)) قصه كويتيه


وابي تقترحون اسم جديد لها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 14-07-2007, 01:25 PM
صورة Tootoo22 الرمزية
Tootoo22 Tootoo22 غير متصل
©؛°¨غرامي جديد¨°؛©
 
الافتراضي رد : قصتي الاول لا طوفكم اسمها (( وحتى الورد ينجرح)) قصه كويتيه


بداية حلوة لقصتك
بس لاتطولين علينا ....
وان شاء الله تظلين وردة متألقة ورائعة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 14-07-2007, 08:23 PM
صورة barazliya الرمزية
barazliya barazliya غير متصل
©؛°¨غرامي مشارك¨°؛©
 
الافتراضي رد : قصتي الاول لا طوفكم اسمها (( وحتى الورد ينجرح)) قصه كويتيه


مشكوره وايد على هل الرد الحلو ولعيونج راح انزل الجزء اليديد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 14-07-2007, 08:49 PM
صورة barazliya الرمزية
barazliya barazliya غير متصل
©؛°¨غرامي مشارك¨°؛©
 
رد : قصتي الاول لا طوفكم اسمها (( وحتى الورد ينجرح)) قصه كويتيه


الجزء الثاني )))))))))))))))))))))))))))))))))))
عمتي لولوه
ماقدرت انام من المكالمه قاعده افكر ابوايد اشياء وشك بفجر مخي, مادري اشلون اوصف احساسي اتجاه مشعل مادري اذا انا احبه ولا بس اعجاب محتاره بس ساعات احس اني امووت فيه وساعات احس اني بس معجبه تصدقون اني قمت اغار من حبيبته المتوفيه لاني احس انه الحب اللي قاعد يعطيني ياه مشعل مو حقي حق وحقها احس انه اشوفني على اني اهي مو انا , التفكير ذبحني مليت مابي افكر اكثر , وانا سرحانه وقاعده افكر ادخلت علي ماما فاطمه
ماما فاطمه: منوره حبيبتي انتي ليش قاعده؟؟؟
قلت لها : بس ما ياني نوم. ماما فاطمه الساعه جم؟؟
ماما فاطمه: الساعة خمس ونص حبيبتي اشلون الحين بتروحين ألمدرسه
قلت: مادري بس احس اني تعبانه ماني رايحه
ماما فاطمه: على راحتج بس بس ابوج ماراح ياخذلج مرضيه وبعدين انتي طول هل الأسبوع ما داومتي و وايد طافتج ادروس كيفج هذي مصلحتج وانتي الحين كبيره مانقدر نقصبج
رديت: ادري بس حتى روحتي ما منها فايده لاني ماراح اركز
ماما فاطمه : اللي اتشوفينه
وطلعت وصكرت الباب وراها وبعدها بخمس دقايق نمت.
وبعد ثلاث ساعات قعدتني خدامتنا وقالتلي ان في مره تبيني بره بالصاله انا استغربت وسألتها: وين ماما فاطمه
قالتلي: ماما فاطمه بالسوق
قلت لها: انزين انتي روحي ضيفيها على ما اقوم
وبعد عشر دقايق طلعت لها ولا تطلع عمتي لولوه
رحت وسلمت عليها هلا والله
عمتي لولوه: هلا منار اشلونج ؟؟
رديت: الحمدلله زينه
عمتي لولوه: انا يت علشان اكلم ابوج بس اظاهر انه بالدوام
قلت لها: لا ابوي من زمان متقاعد بس الحين لاهي مع رفيجه عندهم مشروع اصغير بيفتح محل
عمتي لولوه : أي.........الله اوفقه انا استأذن الحين واذا رد قوليله ادق علي انزين وسلمي على الباجي
قلت لها : واصل انشالله
وطلعت لاحذت من ويه عمتي اثار حروق على ايدها و ويها شاحب معنها حلوه ولما كنت ابيت يدي ورتني صورها وكانت بالصور ملاك .

قصة عمتي لولوه
عمتي لولوه لها قصه طويله سمعتها من ماما فاطمه وهي قاعده تتكلم بالتلفون وشموس قالتلي السالفه بالتفاصيل. عمتي لولوه كانت اتحب زميل لها بالجامعه واهو كان بعد أحبها و وبعد التخرج تقدم لها بس يدتي ارفضت لأنه بدوي وهني تدخل عمي عادل بالسالفه وقال حق يدتي ان عمتي بتكمل الخمس وعشرين واذا ماتزوجت راح تعنس بس هم يدتي كانت مصممه على رايها وتدخل عمي عصام لانهم كلهم متزوجين ماعدا اهي فمحد بدير باله عليها ويدتي ماتقدر فزوجوها غصبن على يدتي وهني يدتي احرمتهم من الورث وتبرت منهم
وعمتي ما كانت مهتمه بالسالفه لانه كانت اتموت على ريلها وعاشوا مع بعض سنه كامله كلها سعاده وحملت عمتي ويابت ولدها مصعب على اسم ابو ريلها ولما مصعب كمل الأربع تشهر سوت عمتي حادث سياره ونقلبت سيارتها وسبب واحد طايف الاشاره وحالتها صارت وايد حرجه كسور وايد بجسمها ودخلوها العنايه المركزه ودخلت ابغيبوبه اتذكر لما انا وابوي وشموس رحنا زرناها من قبل سنتين كانت تكسر الخاطر والدكتور قال انه اذا تمت اكثر من ثلاث تشهر بالغيبوبه مافي امل انها تصحها مره ثانيه وطبعا يدتي لما درت ان احنا ياين خذت دربها وطلعت
المهم وصارت ثلاث تشهر والكل فقد الامل انها تصحها وبعد اقل من سنه تزوج ريلها من زميلته بالشغل مطلقه وبعد خمس تشهر من زواجه صارت معجزه محد متوقعها صحت عمتي من الغيبوبه والكل فرح بس المصيبه اشلون اقولون لها ان ريلها تزوج عليها وناطر ولد من زوجته اليديده هل الخبر خاصتا انها اتحب ريلها وايد
راح يذبحها قرروا ان مايقولون لها لا لما اترد مثل اول واقنعوها عمامي ان لازم تقعد عند يدتي لين تتشافه عدل وحتى ريلها اقنعها بس وعدها أن أبات عندها بالأسبوع مرتين أول ثلاث اما عن مصعب صار عمره سنه واربع تشهر واهو مايعرف امه ومايحب يقعد معاها ولما يبجي انادي مرت ابوه فستغربت عمتي ولما اسألت ريلها قالها ان اسم خدامة امه وبعد شهر قررت عمتي انها اترد بيتها بس بدون لا تقول حق احد عشان اتصير مفاجئه والمسكينه راحت السوق وشرت الشموع واغراض حق بيتها وراحت الصالون وحطت مكياج وسوت تسريحه ولما خلصت راحت البيت ولما ادخلت البيت وشافت الحال وماقصرت شريجتها قالت لها عن كل لشي انصدمت عمتي مسكينه ماتوقعت انه بصير هل شي لانها كانت اتحب ريلها وايد وبعد هل السالفه حاولت انها اتعيش مع ريلها بس ما قدرت التحمل اكثر اتشوف ريلها مع وحده ثانيه فطلبت الطلاق بس مارضى ريلها . ولي اليوم ظلت امعلقه ابيت يدي مع ولدها مصعب

عمي عمر؟؟؟؟
بعد ما طلعت عمتي من بيتنا قعدت افكر بمشعل وحسيت اني مشتاقه له فقررت ادق عليه وكنت ادري انه ماراح ارد علي لانه بالمدرسه الحين فبدون تردد ادقيت
رن اول رنه ومحد رد وتم ارن فوق الاربع رنات بس ماشاله وانا توني بسكره
الووووو......................
رديت عليه :الو..................
مشعل: هلا والله بحبيبتي شنو اشتاقوا ؟؟؟
رديت عليه وأنا متوهقه ومادري شقول له :شنو مادري أنا توقعتك ماراح اترد انت مو بالمدرسة؟؟؟؟؟
مشعل: بالمدرسة عيل وين؟؟
رديت عليه : اشلون قاعد اتكلمني اذا انت بالمدرسة؟؟؟؟؟؟؟
مشعل: شنو عادي . عاد منوره ماشفتي اسويت علشان اكلمج انتي دقيتي علي وانا بالساعه وحاط تلفوني هزاز ولما شفت ان حبيبتي داقه صرخت من قمت راسي وقلت حق الاستاذ انه قلبي اعورني والاستاذ مات من الخوف وعاد كملها رفيجي مايقصر قال حق الاستاذ ان انا فيني القلب ولازم اطلعني اوديني قبل لايصير فيني جلطه وطلعنا وكل هذا حق منو ياعمري حقج منوره
قلت له: مشعل عاد مو تسوي جذي اتفاول على نفسك
مشعل: انا ما فاولت على عمري اشلون اشوف رقمج بدون لا ارد عليج اكيد قلبي راح اعورني وصاحبي ماجذب اذا مارديت عليج راح اصير فيني جلطه ابقلبي يا قلبي, أنزين أنتي ليش غايبه عسى ماشر؟؟؟
رديت عليه : مافيني شي بس مالي خلق اداوم
مشعل : منوره مشتاقتلي؟؟؟؟
وبعدين سمعت صوت ابوي يناديني
رديت عليه: ها.........مادري مشعل انا بعدين اكلمك ابوي قاعد اناديني
وهني حسيت ان صوت مشعل تغير حسيت ان ضاق خلقه
مشعل : اوكي انا بعد استاذن بروح الساعه ولا تنسين ابي ارد على موضوع بيت نوف ولي اسلمج منوره عفيه
رديت: اوكي مشعل اللي تبيه راح اصير يالله خل اروح اشووف ابوي اشببي
مشعل: اوكي يا عمري يا حياتي يا قلبي يا روحي يا..........
قاطعته وانا مستحيه : بس مشعل.........
مشعل : لا نطري في بعد يا كلي يا امي يا فؤادي يااااااا...........
قاطعته مره ثانيه : مشعل بس لي متى؟؟؟
مشعل: لي باجر ياعمري ويمكن بعد ماخلص باجر
قاطعته: مشعل ابوي يبيني بعدين ادق عليك انزين
مشعل: أي صح اسف اني عطلتج منار احبج يالله مع السلامه
رديت عليه وانا مادري شقوله: باي
وصكرته وطلعت حق ابوي اللي كان قاعد بالصاله
قلت له: يبه ناديتني
ابوي: أي ناديتج الخدامه اتقول انه في مره يت بيتنا الصبح تبيني وانتي طلعتيلها منو؟؟؟؟؟؟
رديت عليه: أي هذي عمتي لولوه كلنت تيك وما لقتك وقالتلي تبيك اتكلمها ضروري
ابوي: خير انشالله ماقالتلج اشتبي شنو الشي الضروري هذا
قلت له: والله مادري يبه دق عليها وشوف اشتبي
ابوي : أي انزين يبيلي (النوته )عطيت النوته وقعت يمه وبعد خمس دقايق على ما ابوي طلع الاسم اتصل
ابوي: الوو......................
عمتي لولوه: الوو هلا........ ؟؟؟؟؟؟؟
ابوي : هلا لولوه اشلونج اختي شخبارج
عمتي لولوه: والله بخير انت اشلونك عمر
ابوي : لا انا مو عمر انا عبدالله
عمتي لولوة : هلا والله اعذرني اخوي اصواتكم اتشابه
ابوي: معذوره الا لولوه اليوم يايه البيت ومو محصلتي عدل
عمتي لولوه: أي عدل
ابوي :اشبغيتي اقولون انج تبيني ضروري فيكم شي؟؟؟
عمتي: لا والله ما فينا شي بس بغيت اقولك موضوع اخصني
ابوي: امري اختي
عمتي: ما يأمر عليك عدو بس يا خوي انت تدري ابحالي امي الله يسامحها ويرحمها احرمتني من كل لشي ومن البيت بعد يا خوي انا مابي شي منكم بس ابيكم انت وعمر ماتبيعون البيت واللي يسلمكم اذا بعتوا انا ولدي وين راح نسكن ماعندنا غير هل بيت
وهني عمتي قامت تبجي وانا والله ماقدر ارجع حق يلي وانت تدري ليش
ابوي :بس يا لولوه خلاص لا تبجين وبعدين انا ماودي ابيع البيت بس عمر الله يهداه , انتي كلمي عمر وقنعيه انه ما يبيع البيت
عمتي : مو ياعبدالله انا كلمته قبل لا كلمك و مارضى مصمم على بيعت البيت وشرحتله وضعي وقالي رجعي حق ريلج احسلج
ابوي : لا حلوله ولا قوة الا بالله عمر من يوم وهو صغير عنيد وراسه يابس , والله يا اختي اذا بيدي شي راح اسويه لج
عمتي: بو شموس انت حاول معاه عاى شاني
ابوي : انشالله ومايصير خاطرج الا طيب راح ادق عليه الحين وقوله وعطيج خبر
عمتي: مشكور وما تقصر يا بو شموس انشالله راح اردها لك
ابوي: اشدعوه انا ماسويت لا الواجب انتي اختي ومن ريحت المرحوم
عمتي : والله انت ماتقصر ياخوي يالله خليك انا مع السلامه
ابوي: مع السلامه
ولتفت علي ابوي وقالي
ابوي: منوره اخذي النوته وطلعيلي رقم عمج عمر
رديت عليه: انشالله يبه ........................هاك هذا الرقم
خذا مني الرقم ودق على عمي عمر
ابوي : الووو عمر؟؟؟
عمي عمر: هلا والله بخوي عبدلله
ابوي : هلا فيك عمر اشلونك شخبارك
عمي: والله الحمدلله تمام .....اكيد داق بسأل عن البيت لا تخاف انا عندي شراي بيدفع دبل سعر البيت
ابوي: والله يا خوي انا مو داق عليك علشان بيعت البيت انا داق بخصوص اني اشوف انه مانبيعه
عمي : شنو شتقول انت من صجك قاعد اقولك عندي شراي بيدفع دبل سعره اتقولي مانبيع ليش يعني؟؟
ابوي: اذا بعنا البيت وين راح اتروح اختك وولدها ماتقولي وبعدين البيت اللي رينه فيه وفيه ريحت المرحوم اشلون انبيعه
عمي: عبدالله اش قاعد تقول انت صاحي انا عندي شراي بيدفع دبل سعره هذي فرصه ماتعوض اتقولي وين بتسكن لولوه خل ترجع حق ريلها وتعقل احسن لها عبدالله لا نخسر هل فرصه والله انها ماتعوض
ابوي: عمر انا قلت كلمتي البيت ما راح ينباع وخلاص
عمي: لا ياعبدالله راح ينباع خصبن عليك انت واختك وراح اتشوف
ابوي وسمعه قاعد اصارخ: اشلون راح اتبيعه غصبن علي ما راح تقدر واللي ماتوصله بيدك واصله بريولك باي
وصكر التلفون وتصل ابعمتي وقالها اللي صار وطمنها انه البيت ما راح ينباع وراح تسكن فيه اهي وولدها
بعد ما ابوي خلص من المكالمه حسيته وايد تعبان
قلت له: يبه تبيني ايب لك شي
ابوي: لا يبه بس بروح داري ارتاح
قلت: انزين يبه اليوم بورح بيت نوف ممكن
ابوي : انزين بس لا تاخرين
قلت له: مشكور يا اغلى ابو في الدنيا وانشالله علي امرك ماراح اتخر الساعه تسع انا بالبيت
قلتله جذي ما صدقت وركضت حق داري ودقيت حق نوف وقلت ها اني بي بيتهم اليوم على الست المغرب على أمل أنها راح أتبلغ مشعل اني راح أي عنها
ورديت نمت عقب هل نهار الطويل


موعد اللقاء
قبل لا روح سويت شعري فير ولبست برمودا جينز وبلوزه جبنيز حمره منقطه وكعب احمر وقلب خرز ابيض وطبعنا ماني متحجيه عن المكياج اللي حطيته كان وايد و لما وصلت بيت نوف كانت في استقبالي ودخلت بيتهم وتفاجئة انه مافي احد بالبيت غير اخوان نوف الصغار وعيال اختها التؤام
وسألت نوف: وين امج وخواتج الكبار ليش البيت فاضي
نوف: امي اليوم ازوارتها وخواتي راحو معها وانا تميت عشانج
رديت عليها: اها
نوف: اشلون مشعل ؟؟؟
انا اهني ارتبكت مادري شقولها
قلت : مشعل لحمدالله زين
وفجئ رن تلفوني والا مشعل قاعد ادق
رديت عليه: الو
مشعل: ولهت عليج منوره مشتاقلج عمري وينج منو يمج؟؟؟
رديت عليه: انا بيت نوف
مشعل: وليش ماقلتيلي انج بتروحين ولا ماتبين اتشوفيني خلاص عرفت خلاص انا اكلمج بعدين
رديت: لا مشعل مو قصدي بس انا اعتقدت ان نوف راح اتقولك
مشعل: وليش نوف اتقولي انتي مو حبيبتي مو مفروض اعرف منج انا اكلمج ولا اكلم نوف خلاص منار انا بعدين اكلمج
رديت عليه : مشعل عفيه لا تتضايق مني واذا تبي اتي تعال الحين بيت نوف لانه الساعه تسع راح امشي
مشعل: منور اذا هل الشي مو من قلبج ما راح اسويه انت تبين اتشوفيني ولا لأ؟؟
قلت : من قلبي وابي اشوفك بس لا تتضايق
مشعل: خلاص انا مسافت الطريج واكون يمج احبج احبـــــج منوره فديت اللي مشتاق ويبي اشوف حبيبه
يالله لما اوصل ادق ياعمري
وقعدت مع نوف على ما يه مشعل ولما دق
حسيت ان قلبي طمر من مكانه ورديت: الو
مشعل: ابييييييييييييييه انا شنو قاعد اشوف جدامي مو مصدق ملاك نازل من السمه ملاك لابس احمر منقط ببيض لا هذي مو ملاك هذي ذات اللرداء الاحمر ليلى
رديت وانا قاعده اتلفت ابي اشوف وينه: والله قاعد اتعيب علي وبعدين وينك؟؟
مشعل: انا بكل مكان ياحلوتي اصدقين منوره انا ماتوقعتج بهل الجمال صايره اتيننين ياعمري
قلت: لا مشعل صج قولي وينك
مشعل: انا عند الشباك قاعده اطالعكم
نوف: مشعل يالله اطلع لا تستعبط
مشعل : ويع شهل صوت الي قاعد اسمعه شوش علي الجو
مت من الضحك : حرام عليك
نوف: هي انتو بس لا تحشون فيني ومشعلوه اشقاعد اتقولها
لو فيك خير اطلع
وبعدين تبطل الباب وطلع مشعل وانا اهني ما قدرت احط عيني بعينه كان لا بس جينز لو وست ديرتي وبلوزه لونها بنفسجي قامجو شعرمسويه بالستشوار الخفيف
مشعل: نوفوه كاني طلعت اشراح اتسوين يالله وريني خل اعلمج شغل الله
نوف: لا انا قلت وينك مشعل اطلع خل البنيه اتشوفك
مشعل ولتفت صوبي وقعد على الارض مجابلني
وانا نزلت راسي
مشعل وهو يرفع راسي : اشفيج ماتبين اطالعيني لي هل درجه انا جيكر وما استاهل هل العيون الحلوه اطالعني
ولف ويه صوب نوف جان اقولها: نوف ماعليج امر سوي عصير حقنا او سوي شي مفيد
قامت نوف وراحت وانا طالعتها كاني اترجاها ماتروح بس ما حبيت مشعل يدري
مشعل: واخيرا حبيبتي جدامي ولهت عليج منوره
رديت وانا مو قاعده اطالعه : وانا بعد
مشعل : منوره انا ما ادري شقولج محتار ابي اقول وايد كلام بقلبي وابي بنفس الوقت ما اتكلم وسمع صوتج بس منوره انا محتاجج
وفجئ مسك يدي وانا تفاجئة مادري شسوي اوخر يدي
وحسيت بيده ترجف وتميت اطالعه واهو يطالعني وكمل كلامه
مشعل: منار انا محتاج حبج وايد لا تخليني
قاطعته وقلت: مشعل اشفيها يدك ترجف وايد
مشعل :منار اقولج شي بس ماتزعلين
رديت علية وانا خايفه من هل كلمه اللي قالها : قول مشعل
مشعل وهو لي الحين ماسك ايدي: انت وايد اذكريني
قاطعته وقلت وانا احس اني بنفجر من الغيره: فيها حبيبتك المرحومه صح
مشعل: منار كلامج صح بس لو تصدقين اللي راح اقولج عليه الحين
رديت عليه وانا معصبه حدي: شنو بعد ؟؟؟
مشعل : امس حلمت فيها وكانت شايله بيدها صوره وخاشتها ولما سألتها عن الصوره قالتلي هذي صورة البنيه الي انا ابيك اتحبها وتنساني هذي صورة زوجتك اللي انا اخترت لك وابيك توعدني انك اتحافض عليها
وبعدين سكت وشفت الدمعه بعينه وكمل
مشعل: تخيلي قالتي اني احافظ عليج واحبج اكثر من حبي لها.
مادري اشلون تجرأ انا ومسحت الدمعه بيدي
وقلت له: مشعل بس لا تكمل قطعت قلبي وانا واح ابقى لك لو مهما يصير
نوف: حم ............حــــــــــم طيور الحب اشلونهم
سحبت ايدي من ايده بدون لا تشوفني نوف
مشعل: وي ليش يايه اشتبين
نوف : ويع عبالك يايه علشانك مالت عليك انا يايه عشان رفيجتي لاني ادري انك راح اتمللها حياتها اذا اقعدت وياك فقلت انقذها منك
رديت عليها وانا اطالع مشعل : انا لو اقعد طول عمري معاه ماراح امل منه
مشعل: حتى انا ياقلبي
نوف: حم حــــــــــم حــم انا مازلت هنا
وهني ثلاثتنا قمنا نضحك
وقعد معنا مشعل اشوي وبعدين طلع عشان ام نوف ماتشوفه وقعدت مع نوف بس الطول ما أنا قاعده أفكر بحبيبي مشعل حبيته صج حبيته وماني قادره أشوف حياتي بدونه وما طولت بالقعده ورحت البيت
ولما وصلت البيت أول ما نسدحت على سريري نمت لاني حسيت اني وايد تعبت من كثر تفكير فيه




انشالله انزل الجزء الثالث قريب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-07-2007, 05:49 AM
صورة رفيع الشـــــــان الرمزية
رفيع الشـــــــان رفيع الشـــــــان غير متصل
©؛°¨غرامي ذهبي¨°؛©
 
الافتراضي رد : قصتي الاول لا طوفكم اسمها (( وحتى الورد ينجرح)) قصه كويتيه


السلام عليكم ورحمة الله ...

أخوي الكريم ...

القصة أتمنى أن تكون ذات هدف سامي في

مجملها لأن أرى في طياتها تفصيل غير محبذه ..!؟

ولا تتوافق مع قوانين هذا القسم ..!؟

ولكن قلت لعلّ في الأمر عظة وعبرة في نهاية المطاف ..!؟

أتمنى ذلك ...!؟

دمت برعاية الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 15-07-2007, 05:38 PM
عاشقة قمر خالد عاشقة قمر خالد غير متصل
©؛°¨غرامي مشارك¨°؛©
 
الافتراضي رد : قصتي الاول لا طوفكم اسمها (( وحتى الورد ينجرح)) قصه كويتيه


الله يعطيج العافيه اختي على القصه الرائعه
ونحن مازلنا ننتظر التكمله

يسلمووووووووووووووو
تحياتي...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-07-2007, 05:57 PM
صورة barazliya الرمزية
barazliya barazliya غير متصل
©؛°¨غرامي مشارك¨°؛©
 
الافتراضي رد : قصتي الاول لا طوفكم اسمها (( وحتى الورد ينجرح)) قصه كويتيه


مادري يمكن قصتي ما عجبت بعظكم بس اتمنى ان ماتجرحونها لانها مولودي الاول ومشكورين على ردودكم وانشالله انتظروني قريب انزل الجزء اليديد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 15-07-2007, 09:43 PM
صورة barazliya الرمزية
barazliya barazliya غير متصل
©؛°¨غرامي مشارك¨°؛©
 
رد : قصتي الاول لا طوفكم اسمها (( وحتى الورد ينجرح)) قصه كويتيه


بعد أربع اشهر
مرت أربع اشهر من حياتي لن اكتب عنها ألانها كانت اسعد مده في حياتي ولا توجد فيها شي مهم فكنت كل يوم اكلم مشعل وكل أسبوع أقابله في بيت نوف وكانت أجمل لحظات حياتي عندما يكون بجانبي وممسك بيدي ولكن في حيات غيري فعمتي لولوه لم تكن بمثل سعادتي أو هي لم تعرف معنى السعادة منذ الحادث الأليم الذي قلب حياتها رأسا على عقب
فعمي عمر لم يدع لها البيت هكذا لكي تعيش فيه هي مع ولدها بسلام بل سكن معها هو مزوجته الجديدة الذي تزوجها على زوجته وأخذت زوجته الجديد تضايق عمتي وكيد بتحريض عمي لها حتى تعبت من المشاكل وشكت إلى أبي وأبي قال لها إن تعيش معناه وتدع البيت
وانتقلت عمتي معناه هي وولدها مصعب منذ تقريبا شهر ولا اكذب عندما أخبركم بأنني لم أحس بأنها معنا في البيت فكانت دائما معتزله في غرفتها أما عن طفلها مصعب فكان هو اللي عاد إلى أبي الضحكة التي فقدها منذ وفات والدته ومنذ ذاك الحين عادت البسمة إلى العائلة

شموس
ويوم مهم لازم اذكره لكم وهو يوم الاثنين اخر امتحان لي وتبتدي عطلة الصيف بعدها كان يوم حار وايد وكنت رايحه الثانويه مستعيله لاني طول اللي قاعده ادرس وخايفه من الامتحان وحسيت اني مو دارسه واني راح اعيد الماده المهم وصلت الثانويه متأخر كل عاده وكان الامتحان بادي صارله خمس دقايق دشيت وطبعا عقب زفه محترمه من الوكيله قعدت على الكرسي وحليت اللي اقدر احله وبصراحه الامتحان كان وايد صعب يومها لاني مو دارسه عدل المهم وفيه جم سؤال ماعرفت احله التفت علي البنيه اللي يمي وكان اسمها دانه وكانت نوف امحذرتني منها وقالتلي انها معقده وشاكين فيها انها اتكون من عبدت الشيطان قالتلي ما اقرب صوبها المهم وبعدين رديت تنحت بورقه الامتحان على امل انه اذكر الاجابه وسمعت احد يهمسلي
دانه: منــــــــــار منـــــار
لفيت ويهي صوبها جان ترفعلي ورقتها ونقلت كل اللي ابيه منها وفجئ سمعت صوت المراقبه اللي علينا تصرخ
المراقبه: دانه نزلي ورقتج ولا عند الناظره فاهمه
دانه: ومن قالج اني قاعده اغشش احد رفعت اورقتي بقلبها وبعدين الدباسه المعوقه اللي مدبسين فيها الاوراق طاحت شسوي انا
المراقبه: انتي ليش جذي اتكلميني مو عيب عليج
دانه: وانتي ليش اتصرخين جذي
قاطعتها المراقبه وهي اصلا مدرسة الاسلاميه وراحت صوبها وسحبت منها اورقة الامتحان جان اتقولها
المراقبه: انا احسابي وياج بعدين بس خل اخلص الامتحان وراح اوديج عن الناظره على هل طولت الاسان
دانه: عادي يعني بتأثرين فيني اذا سحبتي مني الورقه اصلا انا من زمان حاله كل الامتحان ومخلصه وعلى الناظره انا راح اورح قبلج وقولها عن اللي سويته فيني
وبعد الامتحان كانو كل البنات ينطرون اشراح اصير فيها وكلنا مستغربين من جرئتها وهي اتكلم المراقبه وانا اولهم لانها كانت قاعد اتغششني وقعدت انطرها تطلع من غرفت الناظره وكنت متوقعه انها راح تنحرم من الامتحان وتعيد الماده ويمكن تنحرم من باجي الامتحانات اللي باقيتها ولما اطلعت رحت لها
وقلت: دانه دانه نطري قوليلي اصار عليج ؟؟ داخل احرموج ؟؟
دانه واهي تضحك: وليش يحرموني عمري لا تخافين علي خليت الناظره والابله يعتذرولي
انا استغربت ليش يعتذرون لها وقلت لها: اشلون جذي صار انا توقعتهم راح يفصلونج من كل الثانويات على اللي صار اشلون اعتذرولج
دانه: مكالمه وحده من ابوي اتسوي المستحيل
وهني فهمت ان ابوها رجل مهم
قلت: اها فهمت على العموم مشكوره حبيبتي واسفه تعبتج معاي
دانه: لا عادي اشدعوه ماسويت الا الواجب
واهي قاعده اتكمل جملتها حسيت انه اهي غير عن الكلام اللي قاعدين اقولونه حقها
دانه: وين رحتي منار
رديت : ها لا بس قاعده افكر بالكلام اللي قاعدين اطلعونه عنج والاشاعات والحين ثبتيلي انها كلها جذب بخذب وانتي انسانه طيبه وحبوبه
دانه: والله انج ضحكتيني وانتي اتصدقين كل الشي اقولونه لج والله حبيبتي انتي اللي طيبه وعلى نياتج على العموم شنو بعد بقالج من الامتحانات
رديت: لا مابقالي شي خلصت كل امتحاناتي اليوم
دانه: حضج انا بقالي ثلاث امتحانات وخلص . ها وين انشالله بتقضون العطله
قلت لها: لا ما توقع راح انروح مكان هل سنه ابوي تعبان اشوي
دانه : مايشوف شر انشالله , حتى انا مثلج راح ابقي اهني بعد عيل اشرايج تعطيني رقمج وعطيج رقمي ونشوف لنا يوم نطلع مع بعض بالعطله
رديت عليها : اوكي
وكتبت لها رقمي واهي بعد عطتني رقمها وطلعت من المدرسه ورحت البيت
ولما وصلت البيت شفت ماما فاطمه وعمتي قاعدين ايببون بالصاله ورحت لهم
وقلت: واي مشكورين كل هذا عشان خلصت امتحاناتي
ماما فاطمه: والله اليباب حبيبتي راح ايصر لما اتيبين الشهاده وانتي ناجحه انشالله مو لانج خلصتي امتحاناتج
قلت: افا يمه ماهقيتها منج والله
عمتي : منار روحي باركي حق ختج شموس
قلت: ليش انشالله اهي من زمان امخلصه المدرسه ودراسه ابارك لها على شنو اها لا يكون رقوها بشغلها
ماما فاطمه: لا ياغبيه اختج رضت على المعرس
رديت وانا مستغربه: أي معرس هذا اللي اتحجون عنا
عمتي: واحد خطب ختج من جم اسبوع وتوها رضت
قلت: الله وانا اخر من يعلم والله وليش ما قلتولي؟؟؟؟؟؟؟
ماما فاطمه: منوره لا تكبرين الموضوع يالله عاد وباركي حق اختج
رديت: انزين وينها ............. أي بس تعالي ولد منو هذا
عمتي : ولد محترم ومن عايله محترمه
رديت: انزين عايله محترمه يعني عندهم خير افلوس
ماما فاطمه: منارو ما تذلفين عن ويهي الحين بسج اسأله وروحي باركي لها فاهمه
رديت: انشالله
وفي الدار...............
مبروووووووووك مبروك ............ شموسه
شموس : الله ابارك فيج ........ اكيد قالتلج الخبر ماما فاطمه صح
رديت عليها : اكيد ومنو غيرها ....... ما شفتيها اشلون اتيبب بالصاله وايد مستانسه وعمتي بعد عمري ما شفتها تضحك جذي العموم انتي راضيه ولا امغصبينج
شموس: حسبي يالله عليج انتي من كثر ما طالعين المسلسلات المليقه صرتي جذي شنو امغصبيني وين قاعدين احنا والله حاله ينت اختي
رديت عليها: هههههههههههههههههههه انا ما ينيت المهم قوليلي اللي بياخذج منو عايلته شنو حلو جيكر متين عصل قولي قولي
انتي كنتي اتعرفينه قبل لا يخطبج اعرفه انا اشلون بشرته اسمر ابيض احمر اخضر اشفيج ساكته؟؟؟ لا تنحين جاوبيني .......؟؟
شموس : خلصتي انا اذا بجاوبج على اسالتج يبيلي سنه سمعيني اهو زميلي بشغل واسمه مساعد ومن عايلة ال******
رديت عليها : ايوه اختي اتعرف اضبط بعد مو أي شي طلعتي منتي هينه مدام من عايله ال***** خلاص توكلي على الله
شموس : منارو ويهد انتي ما تستحين على ويهج ولا شنو ؟؟
وبعدين اهو من هل عايله صح بس مو ابوه اللي يملك هل الشركات والمحلات اللي اتشوفينها عمه يملكهم
قلت: مالت علينا بنظل مقرودين ماكو فايده فينا
شموس: اذا انتي تبين اعرفج على ولد عمه لا تخافين
///قلت بيني وبين نفسي والله افلوس الدنيا ماتغنيني عن حبيب قلبي مشعل///
شموس : اشفيج سرحتي عبالج صج بعرفج عليه حبيبتي لا تخيلين وايد أي عمري انا مو من هل النوع
قلت لها : ولا منتج حبيبتي انا راح اخذ واحد احسن منهم كلهم
شموس : أي زين الحين وخري عني بنام مالي خلقج
قلت: يعني طرده انزين انا اعلمج يا شمسوه النحس
انا قلت هل الجمله ما شفت اله مخاد اتحذفون علي


العرس

وبعد جم اسبوع تمت ملجت اختي على مساعد بهل سرعه لانه ابوي كااان وايد مريض وبروح اعالج بره وبتروح معاه شموس وريلها وانا اتم مع امي فاطمه وعمتي لولوه بس
فقررنا انا انسوي حفله اصغيره بفندق حق اختي اوريلها ونعزم بس المقربين لنا وفي يوم الحفله
اتصلت على مشعل
الووووووو...............مشعل وينك ليش ما يبت نوف المعازيم اوصلو
مشعل: هلا وغلا بهل صوت امووووت ابراعيه انا ياعمري انا زاهب وبسيارتي ناطر العروس نوف تطلع من بيتهم
رديت: وييع نوفوه الدعله الحين متى راح تطلع
مشعل : كاهي عمرهااا مليون يت
نوف: واي اشتبي انت أي اكيد هذي مناروه عطني ياهل
مشعل : منورتي حبيبت عمري الشيفه ام السعف والليف تبي اتكلمج
نوف : اوووووووه عليك عطني الووووووو مناروه ويهد اشتبين
رديت : انا شبي شوفي الساعه جم المعازيم وصلو وشوي بنزف اختي وانتي وينج
نوف : كانه ياين بس خلاص لا تحنين لحظه انتي شوفي اللي قاعد يمي مغتر ولابس دشداشه سوده بس ناقصه بشت وصير معرس
مشعل : هههههههههه اكيد معرس عطيني عروستي المستقبليه وخذا السماعه
الووووو هلا والله بشيخة البنات هلا والله بزوجتي المستقبليه
رديت: بس مشعل خلاص والله استحي
مشعل : انزين كلمه حلوه قبل لا صكره وبعدين عندي هديه حقج يايبها
رديت : احبك حياتي انت عمري وروحي وقلبي احبك
وبعدين ابناسبت شنو الهديه
مشعل: ابناسبت خاصتي من امتحاناتج
رديت عليه : اوكي حبيبي انا لازم ارجع الحين وانتو ونوف حاولو اتيون امبجر انزين باي احبك
مشعل : اموووت فيج عمري احبج بيباي


وفي الصاله ..............
انا كنت لابسه نفنوف فوشي على الطريقه الاسبانيه قصير من جدام وطويل من وراه وتسريحت شعري مرفوعه والمكياج وردي ابنفسجي
وكنت قاعده عند الباب يم عمتي و امي فاطمه قاعده اسلم على المعازيم وبعد اشلوي يت نوف وكانت لابسه نفنوف برتقالي ستان وضيج وقصير وايد و ظهرها مكشوف كله ومغطيه صدرها بخيوط مربوطه برقبتها ونوف
نوف: الله الله شهل حلا وين كل هذا ليش خاشته اموووت على النفنوف الاسباني وبعد كوكتيل من وين شاريته
رديت عليها : وين مشعل بدش مع الريايل ؟؟؟؟؟
نوف : انتي هبله اكيد لا ماراح ادش انتو لو عازمين وايد ناس جان ترقعت بس اشويه والمعرس ماراح ادش الا مع اخوانه وابوه وربعه شكو مشعلوه راز ويهه
قلت لها: أي صح اشلون بيعطيني الهديه
نوف: انا اقولج طلعيله الحين مدام امج مشغوله مع المعازيم
قلت: انتي من صجج لا ماراح اطلعله
نوف : وليش لا روحي يالله عن الدلع انتي من زمان ما شفتيه روحي محد راح احس فيج مسكين ما شفتي شمسوي وشلون كاشح على شانج
قلت : اطلعله ....... بس اخاف احد احس فيني
نوف : محد راح احد احس فيج واذا اسالوني راح اقولهم بالحمام يالله كلها خمس دقايق


هل تتوقعون منــــــــــــــــــــــــــــار راح ترضا تركب السياره مع مشعل ؟؟؟
راح اتشوفون بالجزء الثالث
انتظروني ...................:
icon5:


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 15-07-2007, 09:49 PM
صورة barazliya الرمزية
barazliya barazliya غير متصل
©؛°¨غرامي مشارك¨°؛©
 
الافتراضي رد : قصتي الاول لا طوفكم اسمها (( وحتى الورد ينجرح)) قصه كويتيه


خلص الجزء الثالث انشالله تعجبكم قصتي وارد وقول هذي مولودي اليديد عفيه لاتجرحونها وانشالله قريب ينزل الجزء الرابع بس انتو خلكم وياي وشاكره لكم


الرد باقتباس
إضافة رد
الإشارات المرجعية

روايتي الأولى : و حتى الورد ينجرح , كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6680 الأمس 05:45 AM
روايتي الأولى : معاناة الشباب / كاملة حمودالشمري روايات كامله - يتم نقل الرواية هنا بعد اكتمالها 941 02-10-2014 12:14 PM
روايتي الأولى : و إنت يا الفجر البعيد نامت عيونك / كاملة الووو__بتول__وورد روايات كامله - يتم نقل الرواية هنا بعد اكتمالها 109 26-09-2014 12:53 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2127 08-11-2010 01:09 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 05:09 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم