هلا والله فيكم ياغراميين
انا حبيت انقل لكم قصيدة منقصائد حامد زيد
اليكم القصيــــــــدة
يامساعد بيض الله وجه صدمات الليالي
علمني كيف اعرف اللي معي واللي عليه
لعنبو جد الطعون ان جات من غالي لغالي
ولعنبو جد الخوي اللي يجنب عن خويه
مساعد بن جبران
كل شي صار في دنياك درس ولاتبالي
ضربة ما تقسمك نصين تدفع عنك سيه
ماجرى لك من صدوف الوقت يا حامد جرالي
لكن اساير ظروف الوقت وعزومي قوية
حامد زيد
ابتسم واضحك واجامل والا انا ما نيب خالي
يا مساعد ليت ربعي يعرفون اش صار فيه
ان ضحكت اضحك وان بكيت ابكي لحالي
والرجل لو ما فزع لك طيب يفزع لك حميه
مساعد بن جبران
لاتبينها ترى راس النبا يكشف مفالي
كان ما تفرح بعيد الفطر تفرح بالضحية
السما والارض وثمار الشجر يابن الحلالي
علمن نيوتن اللي مات سر الجاذبية
حامد زيد
كيف اجنب عن حقوقي والعطا من راس مالي
العطية بالعطية.. والخطية بالخطية...
يعلم الله لا اجتمع عنتر وابو زيد الهلالي
ما أعذلوا قيس الملوح عن غرام العامرية
مساعد بن جبران
قبل كسب الحق الاقصى، قوم للحق الموالي
وانشد القاضي عن آخر محكمة للعنصرية
وش بقى للسيف والبندق وحماي التوالي
في زمان العولمة واهل العلوم الشقلبيه
حامد زيد
ماتعرف ان الحقوق حقوقنا بأول وتالي
الحقوق التالية والا الحقوق الاولية
كل ما دارت عليك الدايرة خلك شمالي
ما يضيق خاطرك صوت الفشق والبندقية
مساعد بن جبران
البروق تلوح في عرض السما والسيل سالي
ما تموت من الظما لو عرضوك المهمهية
نصبوك اهل العقول الحاملة في الشرق والي
ما عليك خلاف مهما صار والذمة بريه
حامد زيد
لاتبري ذمتك يا مضرب الرجل المثالي
من يعيش بلا هدف بيعيش مجهولة الهوية
والله اني معطي المحتاج من لقمة عيالي
مير ملعون الجدف ما بينت فيه العطيه
مساعد بن جبران
الزمان اللي صفالك وانت غافل ما صفالي
خلها تمشي على درب السنع واقبل هدية
انت ما خليت فيها لا جنيه ولا ريالي
صار لك مدة تقارن بين داب وبين حية
اتنمى انها عجبتكم ياحلوين وابي اشوف الردود
منقووووووووول
قصيده من قصائد حامد زيد لا توفتكم 
العرض العادي
