سلام معطر بعبير الجوري
وهذي القصيده كتبتها في اغلى صديقاتي ..
الله يرجعها لي بالسلامه
لي صاحب رافقني لمده تقريبا والله مقدر اعددها
لي صاحب ياناس عيشني بأحلام وطار بيا فوق السحاب وفرحه لياليها
وعلى ذاك الخيل رفرف بجناحاته وطار بينا لدنيا الأحلام تعرفونها ؟؟
لالا ما ظنتي تعرفونها هذي دنيتي انا وحبيبي الي عشنا فيها
حلمنا ويا بعض حلم طويل وحلو وغريب ولا بقدر افسرها
يمكن بقدر اوضح لو قلت خذاني على جناح الطير ورحت انا فيها
كنا نروح ونلعب ونضحك ويا بعض حتى الأغاني مع بعض نغنيها
كل فترة نسولف ونضحك ونجري خلاص تعودت عليها
تعودت اني دايم اشوفها قدام عيوني واكلمها
تعودت اني اسمع دوم صوت ضحكتها
وتعوت على صدرها الدافي يوم اني كنت اجيها واشكيلها
وتعودت تجيني وترتمي بحضني وتشكيلي واهديها
كنت دايم لا سمعت صوت ضحكتها انسى همومي واحاول ازيل همومها
دايم كانت تاخذني بدينها وتجريبي وشوفتها تسوى الدنيا ومافيها
كنا دايم سوا نغازل ونغامر وبعد المشاكل نقول ماعلينا احنا فيها
ياهي ذكريات صارت صفحه وانطوت السنين عليها
كل الفرح الحين صار مجرد ذكرى عشنا فيها
صرنا نقول تذكر يوم ويوم ولاعاد نقدر نسويها
نشتاق كل دقه ودقيقه والعين تتمنى همسه تغمض جفونها عليها
صارت العين دوم تدمع على الأيام الجديده وصرنا نسهر لياليها
يا حبيبي لا تروح ابد عني خليك بدنيتي وعيشني فيها
لا يا حبيبي لا تخليني بدنيا غريبه وحدي اعيش فيها
ما عاد ينفع الندا ولا الترجي كاهو حبيبي سابني فيها
والله وصرنا نقول وينك حبيبي وينك انا بدنيتي الي ضيعتني فيها
تركتني وحيده وسط الذكريات الي مقدر عن بالي انسيها
ذكريات تذكرني فيك صوتك يصرخ في ضلوعي وصداها اشلون انا انساها
قلي حبيبي و شلون عيوني ما تدمع دامك انت ضيها الي غبت عنها
وشلون وانا كل زاويه تذكرني فيك وكل خطوة اذكرك واذكر احلى الأيام سوا عشناها
وين حضنك حبيبي يدفيني تعبت من البرد وانا في الصيف وإيديني محتاجه لمسه تدفيها
بصبر واجاهد على فرقاك على مرالسنين بس لا تنسى حبيبي ايامك ماني بناسيها
اتخيلك دوم قدامي واسولف وياك وانسى انك منت فيها
ودي بس اشوفك وترتمي بحضني وامسح على شعرك وامسح بيدي دموعك وانثر الورد عليها
تذكر حبيبي ولا تنسى أحلى الأيام الي سوا عشناها
*بحبر قلميـ*
انشاء الله اعجبتكم..
أختكمـ:
$*غدرت بيا الدنيا*$
لي صاحب 
العرض العادي
