اقتباس:
المشاركة الأصلية كتبت بواسطة ســلــطــان
 السلام عليكم جميعاً ..... صبحكم الله بالخير
الشيخ راكان بن فلاح بن مانع بن حثلين امير قبيلة العجمان امير وشاعر وفارس تولى
امارة العجمان بعد ان تنازل له عمه الشيخ حزام
ولم يكن له علاقه تذكر مع امراء آل رشيد عدا الامير محمد العبدالله.
وكان اول اتصال له بآل رشيد عندما اطلق الاتراك سراحه من سجن اسطنبول واعطوه ناقه
وتوجه الى حائل للسلام على الامير محمد العبدالله الرشيد, وقال هذه القصيده :ـ
ياعبيد يومن القمر مابعد غاب
والليل طرف وادمسن النجومي
قم سو فنجال على الريق ينذاب
لشوارب اللي ينطحون العلومي
في دلةٍ تبري خوا كل شرّاب
وتعبى لسمحين الوجيه القرومي
ياعبيد همك خاسر البن لا راب
اتعب على الفنجال الاشقر لزومي
وانا اطلب اللي سايله مابعد خاب
اللي له التدبير في كل يومي
اللي عن السيّال ماصك له باب
ياراحم ارحم من لا يدومي
والحمدلله والثنا حضنا طاب
من زانت من عنان العزومي
فرز الوغا سقم العدا عز الاصحاب
بدر تجلت من سناه الغيومي
والله لا الحاضر ولا اللي بالاصلاب
مثله ظهر بالناس لمّا لمومي
حر سنا عينه تقل لون مشهاب
لا هد مايكسر جناحه بحومي
لا هد منه جملة الناس هرّاب
واللي ينوش بصايده ما يقومي
جيته بلا علمٍ من الراس وكتاب
وشاهدت وجهه وانجلٍ الهمومي
وسيرت يمه بالرضا بين الاصحاب
وانا احمد الله والثنا طاب نومي
من زانت من مهدين الاصعاب
ضياغمٍ ياطون من فيه زومي
وسلامتكم.............ســلــطــان |
الله يعطيك العافيه اخوي سلطان على ذكرك لشيخ العجمان,,,
تقبل احترامي وتقديري الحار لك ,,,
اخوك..المحفوظي..العجمي
رد : الشيخ راكان بن فلاح بن حثلين 
العرض العادي
