أسئلة ما لهاش أي لزمة في الدنيا
بنتعرّض ليها كل يوم من كل الناس
خلونا نشوف
أمثلة
إنت في أوضتك على السرير وطافي النور ومتغطي ..
ييجي أخوك الظريف ويفتح الباب عليك ..
ويقول : إيه ده إنت هتنام ولاّ ايه !!
أظن ده مش وضع الرقص !!!
واضح ان انا هنام !
انتم معزومين عند ناس ورحتو لبيتهم
وأول ما فتحولكوا الباب ابنهم الصغير يقولكم
جيتوااااااااااااااااو لا لسه
يخرب بيت أم المخ اللي كدا !!
والعكس .. إنت لابس هدومك و متأنتك و على سنجة عشرة
وريحة البارفان واصله لاخر الشارع وخلاص
بتفتح باب الشقة يجي حد من أهلك وينادي
اييييييييييه بصوت عالي : انت خااااارج ولاّ ؟
لاء دانا لسه راجع !!
أو مثلاً: راكب العربية ودوّرتها وخلاص هتطلع ...
يجيلك لك البواب ويخبطلك على الزجاج,,
انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟
لا.. العربية واحشاني !
مثلاً: ماسك سماعة التلفون !
وقاعد تضغط عالارقام ..
يجي حد من أهلك ويقولك
أنت هتتكلم في التليفون ؟
لا.. بتفرّج عليه !!
مثلا : ماسك مذكرة أو كتاب
وقاعد تحفظ ومتحمس (أول مره بقى) ..
جه حد: هاه.. قاعد تذاكر ؟
تقوم رامى الكتاب وتقوله لاااااااااااااااااااااااء
يعدي ربنا هاديك كده ماسك سبحة و عمال تسبّح،
يجي حد من البيت عليك ويقول: هوّه انت بتسبح ؟
لاء.. هفرطها و أسلقها
أو مثلا في العيد ..
المذيع : هههههههه هههههه نتعرّف بيك؟
فلان الفلاني: المواطن!
المذيع: بتقول ايه للأهل هههههه وقرابيك هههههههههه وصحابك؟
وللناس اللي انت مخاصمهم كمان ؟ هههههه هههههه
المواطن : أقولهم كل عام وأنتم بخير !!!
يعني أكيد مش هيقولهم البقاء لله !!!
المذيعة الظريفة :
وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و تفسحوا أولادكم وتزوروا الصحاب
وتخرجوا تشوفوا مظاهر العيد في الشوارع
ونتصل بالمعارف نعيّد عليهم و نقولهم كل سنة وانتو طيبين
سبتيله ايه يقوله يارخمة؟!
والأسخف بقى .. الشلل الكبير!
لما المذيعيين يكلّموا الاطفال !
يقول المذيع للطفل: إنت بتحب ماما وبابا ؟
يعني أساسي الواد لسه
ما طلعلوش عرق الندالة علشان يقول لأ !
لحجز
مساحه لموقعكـ اضغط هنا \\
إعلانات الشركات تتم فقط من خلال الإعلان بجوجل ومن ثم استهداف موقع غرام
اضغط هنا 
رد : (أسئلة غبية) 
العرض العادي
