خلاص مسامحك .. بس روحي ولا ترجعين من أجمل ماقرأت

[عطر الألماس]

السلام عليكم ورحمة الله وبركاته


صباح الورد

صراحة كلمات روعة للشاعر مغرم رومانسية / أديب بازهير اتمنى تعجبكم مثل ماعجبتني



تبينـي أسامحك مو هذا اللي تبينه
مو هذا اللي تسألين عنه و تنشدين

لقيتي انسان غيري يحبك وتحبينـه
نسيتي منهو أنا ومااظن انك تنسين

هويتيه ونسيتي اني أول حب تهوينه
عشقتيه وأنا أول انسـان تعشقين

طيب جرحي البريء ليه تتجاهلينه
منهو يداوييه منهو يشفيه الحيـن

جرحتيني جرح كبير الله ياشينـه
مافاد فيه الترقيع ولا حتى التلويـن

لا تقولي وين جرحك أنتي تعرفينه
قولي وين فرحك و الا ماتدريـن

زرعتك ورده وحبي كنتي تشربينه
وجنيت أشواك وفوق هذا تصدين

آآه لو تشوفي القهر فيني بتعذرينه
ليه قلتي انك لي يعني كنتي تخدعين

مو حرام تكذبي على انسان تحبينه
والا بعد هذي كذبه وما تحبيـن

مو قلتي تحبين قلبي وماراح تتركينه
رحتي وناديتك ولاكأنك تسمعين

وين حبي وحبك يوم كنتي تربينه
ليه سرقتي احساسي والا ماتحسين

طيب حـبي المسكين ليه تظلمينه
لا تقولي انك مغصوبه وماتقدرين

عطيتك قلبي و حتى قلبي تجرحينه
كل همك بهالدنيا كيف تجرحين

آه يالقهر حبـي ماقدرتي تفهمينه
مافهمتي الحب أجل وايش تفهمين

لو عالأقل رديتي قلبي اذا ماتريدينه
مو تعلقيني بالحب و بعدين تبيعين

منهو غيري أعطاكِ روحه بايدينه
ويوم طلبت تردين روحي تبخلين

معقوله بعد ما مات الحب بتحيينه
و معقوله أصدق انك تبي ترجعين

خسرتي قلبي ياللي ما كنتي ترحمينه
قسّيتي قلبي الين صار حجر مايلين

ماظن بعد اللي صار حبي تعوظينه
وانسان مثلي يحبك ماراح تلقيـن

خلاص مسامحك وقلبي ربي يعينه
مسامحك بس روحي ولا ترديـن

مسامحك ويامرّ السماح ويازينـه
خلاص مسامحك بس لا ترجعين


وداعة الله

[!! Mr.Nader !!]

عطر الألماس

يعطيكي العافيه ع حسن الاختيار

دمت بألف خير


:)

[قرينة القلب]

عطر الألماس

إنتقاء رائع

يدل عل ذوووق

أختي الغ ـاليه

كلمات حلوه وفي الصميم

دمــتِ بــود

[هايم الشوق]

خلاص مسامحك وقلبي ربي يعينه
مسامحك بس روحي ولا ترديـن

مسامحك ويامرّ السماح ويازينـه
خلاص مسامحك بس لا ترجعين

يسلم ذوقك عطوره

شاكر لك

[&روعه النسيان&]

معقوله بعد ما مات الحب بتحيينه
و معقوله أصدق انك تبي ترجعين

خسرتي قلبي ياللي ما كنتي ترحمينه
قسّيتي قلبي الين صار حجر مايلين

ابيات رائعه ,,,
سلمت يدك اختي الغاليه..