على حافة الهاويه قصة سعودية رومنسية جريئه أول كتاباتي

[just_2_b_nice]

شكرررررن مرا كتير ياغدووووو وياريت تكملي الباقي دحين ياعسووله مرا القصه ok

والله مرا ادمنت عليها ياريت ما تخلص :)

[wissam_boujie]

شششششششششششششششششششششكرا على البارت الرائع و بلييييييييييييييييييييييييييييييز ماطوليش بليز
وحاجة وحداخرى بليييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييز خلي تامر يحب غادة

[غـــادة بنت ســامي]

بـــــــــــــــاك رجعت من الفطور لووول ؟!
ايوا صح شفتوا حلقت خواطر اليوم !!D= <========بيجيها تصفيق اليوم يالله كملي
ok ok راح اكمل

لووووول


الجزء العشرين

ثامر بحده : انا ما قلت الا الصدق ..والصدق لازم تعرفينه ..ما حبيتك ولا أحبك ولا راح أحبك
نوف دموعها صارت تطيح كلامه كان قاسي عليها خلاص اللي فيها مكفيها : صدقني صدقني ما لمسني ولا صار اللي صار الا لمن شافك طالع من عندي!!
ثامر: وليش ّ!! واذا شافني طالع من عندك !! مين هو !! ايه ! أكيد العاشق الولهان غيران على حبيبته !!
نوف بتحذير: انا ما اسمح لك !
ثامر: ومين انتي عشان تسمحين او لا ...(على صوته) انتي نكره نكره
وطلع من عندها وهو مره معصب
نوف خلاص ما هي قادره تتحمل اليوم يوم خطوبتها المفروض انها تكون أسعد وحده بالعالم ! لكن لا للأسف هي أتعس وحده!
رقيت لغرفتها وصارت تبكي وتبكي
نوف تبكي: أنا ليش كل ما حاولت أقرب منك ألقاك أبعد وأبعد...أنا الغلطانه انا!! أنا كان لازم ادفع الثمن ...آآآه يا محمد!! الله حسيبك وين رحت وجيت ...آآآه يا فلوه ...فلوه وينك وينك! لكن لازم القى حل لازم ...
" طيب واذا ما تزوجني ّ وش بيصير فيني ! لا لا أكيد بيتزوجني ...طيب واذا ما تزوجنيّ!! وش يدريك يا نوف !! الدنيا ما تطمن...غلطتي أرخصت نفسي غلطتي أرخصت نفسي أنا لازم أرجع نوف اللي قبل ...لازم ما في شي يوقف في وجهي أنا اللي غلطت و أنا اللي لازم أصحح هالغلط "
طلعت الاي بود i pod وصارت تسمع أغنيه أصاله _شموخ عزي



(شموخ عزي)

مين يقول انك تحب من يقول انك وفي كل هذا كان لعب يا ما خذت ولا عطيت
كافي ما جا منك كافي بان لي ماكان خافي كنت اظن الحب وافي واثر حبك خساره
كم تناسينا خطاك ما يهمك وش يصير بعت قلبي اللي عطاك صدق ما عندك ضمير
غلطتي ارخصت نفسي يوم أضويتك بشمسي بكره ماهو مثل امسي قلبي وتغير مساره
كان قلبي في يديك ظامنه لا ما يخون لا ولا بحلمك أجيك هذا في حكم الجنون
اذكرك ياللي انت ناسي واقف في وجهك يا قاسي شموخ عزي واحساسي يسوى كوني ومداره

نوف وهي تبكي : آه يا أصاله كأنك تدرين
نوف تردد وراها : كافي ما جا منك كافي بان لي ما كان خافي كنت اظن الحب وافي وأثر حبك خساره,أذكرك ياللي انت ناسي
واقف في وجهك يا قاسي شموخ عزي واحساسي يسوى كوني ومداره يسوى كوني ومداره
نوف" لازم أرجع مثل قبل لا ثامر ولا غيره لا ثامر ولا غيره"


ومن دون ما تحس توجهت للدولاب حقها وصارت تفتش وتفتش
نوف" أخير لقيتها "
فتحت البطاقه وطلعت الرقم ودقت عليه
صارت تمسح أثار الدموع اللي في وجهها وبعد عدّه ثواني
رد "انا ماني عارفه اللي أسويه صح والا غلط!"
جاها صوت رجولي فخم: الو
نوف بميوعه وصوتها مبحوح من كثر البكي: الو
.........: مين معي!
نوف تطالع في البطاقه وقرت الأسم: بندر!
بندر: ايوا بندر!
نوف بميوعه زايده: هلا والله ..كيفك!
بندر: الحمدلله تمام...بس مين !
نوف بغنج واضح: اممممم أنا وحده!
بندر بصوته الجوهري : ههههههه
نوف" واضح من صوته الترف!" : جد والله حزر فزر مين أنا!
بندر: امممممم انتي اللي! شفتك بالمملكه
نوف " غريبه يتذكرني..بس كويس الحمدلله" : ايوا عليك نور
بندر يبتسم: وين الناس!
نوف تتنهد بقوه : والله دنيا!
بندر: وصاحب الوجه الحلو وش فيه متكدر!
نوف تبي تنسى اللي صار : لا أبد ولا شي
بندر: ها الا صح ما عرفت وش اسمك!
نوف: نوف!
بندر: نوف!! حلو عاشت الأسامي
نوف: عاشت أيامك
بندر: وينك ما عاد شفتك بالهوتيل!
نوف: ليش انت دايم هناك؟!
بندر: أنا عايش هناك!
نوف بتعجب: عايش! ليش انت من وينّ!
بندر يضحك : من الرياض
نوف سكاته تبي تسمع منه تفسير الا انه ما رد
نوف: الو معاي؟!
بندر: ايه معاك
نوف: مشغول؟!
بندر : ابد لا والله فاضي...انتي وينك الحين!
نوف : في البيت ..ليش تسأل!
بندر يفكر: امممم قلت يمكن تقبلين دعوه واحد
نوف بلكاعه: ليش هو في احد عزمني وقلت لا!
بندر: ومين يشوف هالحلو ولا يعزمه!
نوف"جد والله ابي اطلع ارفه عن نفسي أحس حالي مكتومه"
بندر بصوته الغليط: ها نوف وش قلتي تجين ؟!
نوف ما يحتاج تنعم صوتها عنده لأنه في حد ذاته يقطر نعومه بالنسبه لصوت بندر الجوهري والغليط
نوف: امممممم
بندر: تكفين لا ترديني ..ترا ما باكلك
نوف ابتسمت : اوكي
بندر: حلو أشوفك بعد نص ساعه يعني!
نوف: مسافه الطريق بس وأكون عندك
بندر: بانتظارك مو تسحبين!
نوف:طيب عطني رقم الغرفه !
.................................................. ........................................
في مكان ثاني كان جالس في مكتبه يفكر ضميره مرات يانبه ومرات لا !
" صح والا لا ...نعم ولا لا ...بس خلاص انا خطبتها وصار اللي صار ...خلاص يا ثامر انسى انسى ...هي خطيبتك الحين...رضيت ولا ما رضيت ...انسى يا ثامر انسى "
طق باب المكتب
ثامر: اتفضل
دخل علي وسكر الباب وراه
علي: أستاز سامر بدك شي !
ثامر: لا علي ما ابي شي
علي يطالع الساعه اللي بيده كانت الساعه 9 : طيب ممكن أستأزن لأنو الدوام خلص وكافه الموزفين طلعوا
ثامر يقاطعه : اطلع اطلع
علي: طيب وحضرتك يا أستاز!
ثامر يتنهد: أنا بجلس لحالي شوي
علي: بس ما في حدا في الشركه والمفتاح معي
قام ثامر من مكانه: اوكي خلاص بطلع
علي: ما تواخزني أستاز
ثامر: يالله مع السلامه
طلع من المكتب وتوجه لسيارته ما هو عارف وين يروح يشكي لمين والا لمين حس الرياض كلها ظالمته حس الدنيا كلها ظالمته!
يحس بخنقه فظيعه ما عاد صار يطيق يشوف أحد ولا يجلس مع احد!!

الأمكان كلها مشتاقه لك والعيون اللي انرسم فيها خيالك...

رن جواله

شاف المتصل كان رقم غريب
رد
ثامر: الو
شروق: الو ثامر
ثامر مستغرب : مين معي!
شروق: ثامر وش فيك أنا شروق
ثامر: من وين تحكين!
شروق: هذا جوال غاده اكلمك منه
"غاده" ما يدري ليش يحس براحه اول ما يسمع اسمها
شروق: ثامر..انت معي!
ثامر متوتر : ايه ايه معك
شروق خافت عليه: ثامر حبيبي فيك شي
ثامر: لا قلبو ما فيني شي! انتي وينك!
شروق: انا في بيت غاده وجوالي فضيت بطاريته
ثامر: طيب وش عندك؟!
شروق: بليز كلم ناصر قوله يجيني بيت غاده
ثامر: وليش ما تكلمينه انتي!
شروق: ماني حافظه رقمه اقولك جوالي طفا علي وانا مو حافظه غير رقمك!
ثامر : خلاص ما يحتاج اكلمه
شروق ارتاعت: هوو ليش؟!
ثامر: انا بجي امرك
شروق:طيب اوكي تعرف وين بيتهم فيه!
ثامر: هو في نفس حارتنا والا!
شروق: ايوا
ثامر: خلاص اوكي انا اذا قربت بدق عليك
شروق: اوكي باي
.................................................. .....
في بيت الشيخ عبدالعزيز بن فيصل

رجعت شروق لعند غاده
غاده : ها كلمتيه!
شروق: ايوا كلمته والحين بيجون في الطريق
غاده تنط : ياي وناسه ما تتصورين قد ايش مستانسه اني بنوم في بيتك!
شروق: يالله باليالله قنعت امك الحمدلله وافقت
غاده:عاد تدرين ...اول مره في حياتي انام بره البيت
شروق تشهق : من جدك !
غاده تضحك : هههه ايه ليش؟!
شروق : طيب شلون خالتي وافقت
غاده تطالع شروق وهي مبتسمه: أكيد ارتاحت لك
شروق تبتسم : هههه يا حياتي أنتي
رقيت الدرج
غاده: وين بتروحين!
شروق: ههههه بروح أجيب أغراضي الحين بيجي السواق
غاده:طيب شوشو جيبي شنطتي واغراضي معاك
شروق تطل من فوق : اوكي يالله البسي عبايتك
لبست غاده عبايتها
فجأه رن جوالها
غنو لحبيبي وقدموا له التهاني في عيد ميلاده عساها ميه عام...
غاده: الرقم غريب
ردت
غاده: الو
ثامر بالمره اختبص : الو هلا
غاده مستغربه: اهلين اخوي ..؟!
ثامر: هلا والله ..
غاده مستغربه " وش عنده هذا "
ثامر ابتسم حس براحه اول ما سمع صوتها: غاده!
غاده ارتاعت مين هذا اللي يعرفها !: ايوا مين معاي؟!
ثامر ضحك عرف انها ارتبكت: كيفك غاده وشلونك؟!
غاده: معليش اخوي ما عرفتك!
ثامر حب يلعب عليها يبي يشوف : وش دعوه ؟! ما عرفتيني !
غاده بالمره اتضايقت : صدق تافه وحقير لا ترجع تدق على هالرقم مره ثانيه مفهوم !
وسكرت السماعه في وجهه
رجع دق مره ثانيه بس ما ردت
غاده: اوووووه صدق ناس تافهه
طلعت بره في الحديقه وجلست على الجلسات تستنى شروق
الرقم للحين يدق
غاده" وشلون يعرفني !! طيب يمكن صدفه عرف اسمي! " تطالع الشاشه
غاده : ما حرد ما حرد انقلع
جتها المربيه في الحديقه
ناني: سواق miss شروق وصل عند الباب
قامت غاده من الجلسات: اوكي وينها شروق!
ناني: miss شروق فوق الحين جايه
غاده : اوكي قوليها انا في السياره
توجهت للباب وغطت وجهها
شافت السياره قدام الباب وكانت السياره اودي مضلله
فتحت الباب وركبت ورا
سكرت الباب
ثامر يضحك بينه وبين نفسه "مين هذي !"
ثامر مو عارف ايش يقول: اممممم على وين!
غاده بطريقه استهزاء طبعا هي مو شايفه وجهه لانه معطيها ظهره: وين يعني ! اكيد البيت!
ثامر: اممم بيت مين!
غاده" ايش السواق الغبي هذا ": بيت شروق
ثامر " الظاهر تحسبني سواق ..(يطالع نفسه بالمرايه).بالله عليها هذا شكل سواق ": بيتنا يعني!
غاده بلا مبالاه: ايه بيتك ...خلصت أسألتك والا لا !!
ثامر بخبث قفل ابواب السياره كلها اللي ورا واللي قدام
غاده خافت : هي انت افتح الباب
ثامر يبي يلف عليها "الله يستر لا تطيحين علي من الحيا"
لف عليها وطالعها
غاده ماهي مستوعبه مغطيه وجهها بالطرحه وما تشوف زين من الظلام صارت تستوعب الوضع
غاده تدقق فيه " الا هو ...الا هو ..."
ثامر: انا ثامر ...(بخبث) وماراح افتح الباب
غاده صدمه ورا صدمه ورا صدمه "يالله انا ليش ,ليش اتفشل معاك انت بالذات ..وش تحس فيه انت ...الحين هذا ثامر!! لا لا اكيد احلم ...وينك يا شوشو يالزفته والله اوريك ...مو انتي قلتي لي السواق حيجي مو ثامر ..ياربي ايش اسوي الحين ..لا لا خلاص انا بنزل في بيتنا بنزل في بيتنا ما راح اروح معاه ما ابي ما ابي وااااااااااااااي فشيله ياربي الله يستر "
غاده اتربكت اتلعثمت ما تدري ايش صار فيها : ااا ممم اقولك... اقولك افتح الباب
وصار تمسك الباب تبي تفتحه
غاده خلاص بتبكي بس جالسه تتمالك نفسها: اقولك افتح
ثامر جالس يطالعها "صوتها بالمره حلو ناعم وهادي "
تحمس يشوفها
نظراته كأنت تخترق الطرحه اللي مغطيه فيها وجههاا
غاده لمن طالعها هذيك النظره صار قلبها يدق بقوه بقوه مره " يالله انا بروح فيها الحين ...وبعدين هذا ايش يطالع صدق ما يستحي "
غاده مرتبكه وخايفه تحس انه واحد بيخطفها : اقولك افتح الباب ...افتحه الحين
ثامر رجع يطالع قدام: ليش وين رايحه
غاده : بنزل
ثامر جالس يطالع شروق الكاشفه اللي جالسه تطلع بره البيت
ثامر رجع للجد" تذكر نوف ": هذي شروق جت
فتحت الباب وجلست قدام شروق بالمره مستانسه انها سوت هالمقلب في اخوها و غاده
"والله لاخليك تنسى نوف واللي جابوها حتى لو خطبتها انشالله لو عندك عشر عيال منها ..ما بخليك ..راح تنساها يا ثامر"
شروق تبوس ثامر على خده: هلا تأخرت!
ثامر : امم شوي
غاده تقاطعهم بالمره مرتبكه ودها تصارخ على شروق واللي عملته فيها لكنها مستحيه من ثامر
غاده: شروق ..
لفت لها شروق
غاده: انا بنزل..خ خخ خلاص
شروق استغربت : خلاص ايش!
غاده ضايعه نظراتها بين عيون شروق والعيون اللي تطالعها من المرايه
غاده تفتح الباب : انا بنزل
نزلت غاده
فتحت شروق الباب: تعالي وين رايحه
غاده تهمس لها وهي بره السياره: حسابك معاي بعدين
شروق تضحك على تفكير غاده "بس والله ما تنلام لو جيجي تعمل فيني كذا مع مصعب كان اذبحها هههههه يا حلوك يا غدو"
شروق: ههههههههه
غاده: ايه اضحكي وش وراك!
شروق تمسكها من يدها: تعالي يالله بلا بياخه
غاده بجد : الحين انا البايخه ! انا
ثامر كان جالس يطالعهم وهو جوا السياره جالس يطالع حوار غاده وشروق يطالع حركات رده فعل غاده
ثامر" جد بريئه ..الله يعينها على شروق "
شروق : غدو والله ما كنت ادري انه بيجي ياخذني ...انا دقيت عليه لانو جوالي مقفول
غاده شهقت : يا سلام انتي كلمتيه من جوالي !
شروق: ايوا لاني ما حفضت رقم السواق
غاده : علي انا !! علي انا ...مشالله
شروق تقاطعها : هههه يالله غدو يا اختي وسعي صدرك ..ترى ثامر ما يعض
غاده : صدق سخيفه كل هالمواقف اللي صارت ولا تتوبين
شروق" وماراح اتوب "هههه: غدو حبيتي يالله ترى والله شكلنا في الشارع شبهه
غاده بالمره زعلانه وجالسه تدلع حطت يد على يد:ما راح اتحرك
شروق: غدو يالله عاد بلا دلع
غاده ما تكلمها
شروق" انا اعلمك وشلون تردين هههههه" تنادي ثامر: ثامر ثامر
ثامر عيونه ما تحركت من عند غاده جالس يطالع حركاتها طلع من السياره: نعم
شروق : شوف غاده ما ترضى تجي
ثامر بحنان: وليش يا غاده ما تجين !
غاده ساكته تشوف عيونه تحس فيهم لمعه غريبه" لمعه عميقه بعيونه لمعه حزن يمكن!"
ثامر يكمل: طيب اعتبريني سواق ! ولا تشيلين هم
غاده خقت " يا خف دمه يا ناس واااااي يجنن"
شروق تهمس لها : يالله تعالي والا ترى بفشلك في المره الجايه
غاده تتوجه للسياره :انتي بس حاولي
ركبوا السياره ومشوا
توجهت للسياره وهي ساكته تلعن الساعه اللي جت ركبت فيها السياره بس في نفس الوقت ميته من الفرح ما تدري ليش!
قررت انها تسكت وما تتكلم وولا تسولف في السياره قررت انها بس تسمع سوالف شروق وثامر لكنها ما كانت تسمع كثر ما كانت تهوجس فيه ! فرحتها شايلتها بعيد مره ..تحس باحساس الطير ...ظربات قلبها تزيد وتزيد كل ما كانت جمبه
غاده" جد يجنن كل شي فيه كل شي فيه !"
الين ما سمعت ثامر وهو يقول لشروق: ما قلتي لي مبروك!
شروق تتناسى: مبروك على ايش!
ثامر مستغرب : هاه يعني ما تدرين اني خطبت نوف
غاده دارت فيها الدنيا كل شي انقلب فوق تحت الدنيا صارت سودا بعيونها واخر كلام قاله يدور براسها (ما تدرين اني خطبت نوف
ما تدرين اني خطبت نوف ما تدرين اني خطبت نوف ما تدرين اني خطبت نوف ما تدرين اني خطبت نوف ما تدرين اني خطبت نوف
ما تدرين اني خطبت نوف نوف نوف نوف نوف نوف نوف نوف نوف نوف نوف نوف نوف نوف نوف نوف )
شروق : غدو
غاده لا حياه لمن تنادي
شروق تمسكها من يدها : غاده
غاده فزت : لا لا لا
شروق : بسم الله غاده وش فيك!
غاده : وشو ايش هاه!
شروق: غاده حبيبتي فيك شي!
غاده : ويني ويني انا
شروق: حبيبتي حنا وصلنا بيتنا من زمان وينك انتي مو معنا!
غاده تمسك راسها : هاه!! لا
شروق مستغربه بالمره " وش صار فيها"
غاده : هاه لا بس نمت شوي
نزلت من السياره
غاده تمشي بخطوات ثقيله مره
شروق تتكلم وتتكلم لا كنها ما تدري ايش تقول
غاده " لا يكون بس احلم لا لا مستحيل مستحيل ...وانا ايش دخلني ايش دخلني فيه!! ثامر! انا ا امم ا ق.. وش فيني اخربط انا !! ونوف بياخذها !! نوف مين!! ما قالت لي شوشو شي!"
غاده تقاطع كلام شروق : شوشو..اخوك خاطب!
شروق استغربت : وش فيكي خشيتي فجأه في السالفه
غاده: لا بس لاني سمعتكم في السياره تقولون انه خطب !
شروق تتنهد : ايوا..
غاده تحس بثقل: ومين بياخذ!
شروق : تخيلي يا غاده تخيلي !! تخيلي مين بياخذ!
غاده: مين !!
شروق: نوف! نوف بنت عبدالمحسن
غاده شهقت وقامت من مكانها: لا
شروق استغربت رده فعل غاده
غاده لاحظت نفسها انها بزياده زودتها حبت تكحلها:طيب وشلون مو انتي متضاربه ...ومو انتي قلتي لجيجي انه قالك ابعدي عنها! وشلون وكيف!
شروق : جيجي قالت لك..!!
غاده متحمسه: ايه ...بس قوليلي وشلون وشلون خطبها !!
شروق: ما اعرف يا غاده !! ماني عارفه انشل تفكيري...
غاده" والله انا اللي انشل تفكيري يا شوشو"
غاده خلاص دموعها بتنزل تحس انها في كابوس مزعح وماراح تصحى منه " لكن انا ليش افكر فيه !! ليش متضايقه!! اتمنى له السعاده معها ....لا لا بس ما اقدر اتخيله مع احد...(غيري) _لاحظت كلمه غيري _ غيري !! ليش لا لا ...انا ما افكر ما افكر فيه ..بس ليش بيخطبها ...يمكن لو بيخطب بنت ثانيه كان صار الوضع ايزي ! بس وش بيني وبينه وش بيني وبين نوف عشان ما اتمناه لها ..ايه اكيد اكيد هو يحبها ...اكيد قال لشوشو يبعد عنها عشان تراجع نفسها وترجع تصير صاحبتها ...اكيد اكيد يحبها
نوف حلوه وبنت ناس ايش فيه ما ياخذها ...بس بس انا انا بعد ....انا بعد ايش وش فيني صرت مجنونه وانهبلت !
ياخذها ولا ياخذ غيرها وش يعني لي انا !! "

.................................................. ................................

[غـــادة بنت ســامي]

ويالله اليوم بصير كريمه وبنزل بارت ثاني لووووول <<<====نازل عليها الوحي =)

بس والله بجد لعيونكم بنزل بارت جديد



الجزء الواحد والعشرين


كانت بمنتهى الأناقه والميوعه مع انها حطت ميك اب خفيف الا انها كانت بمنتهى الجاذبيه والروعه
في الأيام اللي فاتت وبعد الأحداث اللي صارت نوف تغيرت يمكن تقولون انها صارت أضعف من قبل ...
لكن لا الأحداث اللي صارت لها والمواقف خلتها تصير أقوى وأشد من قبل ...عرفت ان العاطفه اللي بداخل قلبها ما ودتها وما رمتها الا في طريق الضياع عرفت انه اعترافها بحبها لثامر ما اعطاها الا الخساره ومو اي خساره خسرت أغلى شيين تملكهم اي انثى في العالم (قلبها وعذريتها )
عرفت انها لمن تبين رقتها واحساسها لأين كان فهي تبين ضعفها
عرفت انها لمن تحارب عشان توصل لشخص تحبه وتعترف له بمشاعرها تكون خسرت في هالحرب خسرت كبريائها وكرامتها وشموخها كأنثى !
مو سهل على أي وحده تعودت على ان كل طلباتها اوامر وانو كل رجال العالم يتمنوها تنصد وتنهان
ولا هو سهل على اي وحده انها ترخص نفسها للشخص اللي تحبه وهو يصدها
اعترفت له بحبه قالت يمكن يحنلي ويحبني ...لكن لمن شافت في وجهه البرود ارخصت له نفسها قالت يمكن يجيني من هالطريق ...مثل ماكان الكل كما تعتقد يتمناها
اعتقدت انه هو واحد منهم
لكن اللي ما عرفته نوف ان ثامر غير... ما فكرت انه ممكن يصدها !
لكن كان خوفه وايمانه من ربي أكبر وأعظم منها
قررت نوف قرار بداخل نفسها بعد الموقف اللي صار معها اليوم مع ثامر انها ما تكون مثل قبل ما تكون ضعيفه وهشه
اليوم ثامر كسر فيها أشياء كثير كسر فرحتها بهاليوم!!
كل بنت تحلم باليوم اللي تنخطب وتتملك فيه على الأنسان اللي تحبه وتتمناه لها من زمان كل بنت تفكر باليوم اللي بتقابل فيه حبيبها على سنه الله ورسوله!
وكل بنت في العالم يكون يوم خطبتها من أسعد أيام حياتها و يوم مميز لها لكن مع نوف الوضع غير
نوف"انا لازم ارجع مثل قبل قلبي لازم انا اللي ادعسه قبل لا يدعسه احد غيري ...ثامر كسر فيني اليوم أشياء كثير ..لكن لا وألف لا ما راح تنزل ولا دمعه مني عشانه ! انا لازم انساه لازم اتناساه انا اعرف اني اقدر.. و مثل ما حبيته لازم اشيله من قلبي
انا اللي حطيت حبه في قلبي وانا اللي لازم اشيله ...!"
وصلت سيارتها لبوابه الفور سيزن نزلت من السياره و ابتسمت ابسماتها المعتاده ابتسامه الترف والغرور تبي تبين للناس انها الأقوى والأجمل !

توجهت للمصعد ورقيت لغرفته
طقت الباب
توجه للباب وقبل ما يفتحه طالع نفسه بالمرايه كان في قمه الرجوله والوسامه
فتح لها الباب
بندر بابتسامه : مساء الخير
نوف ابتسمت له وطالعته من فوق لتحت : يسعد مساك
شاف بندر كيس معاها
بندر: تسمحين لي اشيله!
مدت له الكيس وابتسمت : هذي شويه شوكليت من انوش
بندر يشم ريحه الشوكليت : امممم (طالعها) أحب الشوكالا
ابتسمت له نوف ما تدري ليش بالمره ارتاحت له : طيب ما في تفضلي!
وخر بندر عن الباب : تفضلي
دخلت نوف للسويت كانت الريحه الرجاليه تعم المكان
بندر وهو متوجه للسفره يحط الشوكالا : تعبتك معاي!
نوف: لا تعب ولا شي .. بعدين نتسلى فيها
جلس بندر يطالعها من فوق لتحت "فتنه تمشي على الأرض"
نوف شكت انو في شكلها حاجه وصار تطالع حالها : ايش فيك تطالعني
بندر مع بحه صوته الخشنه: عمري ما توقعتك بتدقين
نوف وهي واقفه في الصاله : واذا قلت لك اني ما كنت ناويه ادق!
بندر توجه للصاله وجلس على الكنبه وطلع سيجاره من جيبه : وايش اللي خلاك تدقين!
نوف تذكرت ثامر ومحمد وكل شي "كانه كابوس وانزاح": ابد انسى
مد لها بندر سيجاره
نوف ابتسمت له : ما أدخن
بندر: طيب اجلسي وش فيك واقفه
نوف : اممم طيب بس فيه مكان اعلق فيه عبايتي !
قام بندر من الكنبه : عطينياها انا بعلقها
فسخت العبايه ومدتها له
بندر واقف متنح اكيد انه في أرض الأحلام!"جميله"
أخذ عبايتها وتوجه لغرفته عشان يعلق العبايه
بندر وهو في الغرفه جالس يطل من الباب يشوفها كانت جالسه تتأمل المكان
أخذ العبايه وجلس يشم ريحه عطرها ريحتها تغلغلت في ذهنه واختطلت بأنفاسه
طلع من الغرفه وتوجهلها
مخلوق ملائكي شديد الجمال قدامه ...ياما وياما أمتلت هالغرفه بالجنس الخشن !
نوف : بندر
بندر : سمي
نوف تطالع ديكور السويت : امممم انت ايش عامل بالديكور ...
بندر ابتسم لها: طبعا انتي اكيد مستغربه
نوف : بصراحه الديكور مره حلو غير السويتات الثانيه.. انت عايش هنا!
ابتسم لها بندر: سبق وقلتلك
نوف : طيب مو انت من الرياض
تنهد بندر : الا
نوف قربت منه وجلست جمبه على الكنبه : وش فيك
جلس يتأملها حس انه طفل قدام هالجميله الملاك ويبي يبكي
وبصوت باين فيه الكتمان و الغصه: ابد ولاشي
نوف حست باللي حاسس فيه شعور الكتمان والغصه مو غريب عليها
جالسه تطالعه بتأمل حست انه يمر باللي هي مرت فيه وحست انها أكثر وحده فاهمته لان تظراته ابدا ماهي غريبه عليها
مسكت ايده اللي كانت ترجف بهدوء تبي تهديه من رجفته: قولي وش فيك!
بندر ما قدر يتحمل أكثر و صار يبكي
نوف بالمره خافت و تفاجأت في نفس الوقت كيف ممكن من هالجسم الضخم المليئ بالخشونه ينفجر ويبكي مثل الطفل
رحمته بالمره الأنسان مهما كان مبين عليه منظر العز والقوه تجيه لحظات ويضعف !
قربت منه نوف وحظنته
كان محتاج لهالحضن الدافي من زمان صار يبكي ويبكي في حظنها
نوف ما هي عارفه كيف تهديه كان يان بصوت المظلوم والمعذب في هذي الدنيا
صارت تمسح على شعره وتهديه مثل ما تهدي الأم ولدها
نوف: بندر ..بندر واللي يعافيك قولي ايش فيك
حس بندر باللي يسويه وانه ماله داعي يبكي من اول يوم يشوفها فيه بس ما يدري ليش حس بحظنها بالأمان
قام عن حظنها
بندر يتأتأ يبي يبرر موقفه: اا انا انا (وصار يمسح دموعه بيديه الي ترتجف)
اتجهت نحوه:بندر اشش ما يحتاج تبرر
بندر ساكت
نوف: قولي وش فيك
تنهد بندر: نوف انا آسف ما كان المفروض ابكي
نوف: بندر لا تقول كذا ازعل عليك بعدين
بندر يمسح اخر دمعه: جد والله احس اني
نوف تقاطعه : كل واحد في هالدنيا يحتاج يفضفض,,,لكن اذا انت تشوف انه الحين مو وقته,,فانا عاذرتك
ابتسم لها بندر "طيبه هالأنسانه"
مسكت نوف ايده وجرته : يالله تعال ناكل الشوكليت
.................................................. .....................

بيت الشيخ ابراهيم
حاولت تشيل فكره انه بيكون لنوف عشان ما تتضايق !! لكن الفكره كانت اقوى من انها تتناساها وما تفكر فيها !
جلست طول الليل تتقلب على السرير جفاها النوم !
ما يدور في بالها الا انه ثامر بياخذ نوف ! وانه يحبها وهي تحبه
ما تدري ليش تحس بالنار تكويها لمن تفكر بهالفكره دمعت عيونها ما تدري وش صار فيها ! " الحين ثامر وش يعني لي ..ليش انا انانيه وما افكر الا في نفسي طيب يمكن هم يحبون بعض ! يمكن هو يبيها ؟؟ انا لازم اشيله من بالي ! بس اللي ذابحني وقاهرني وش اللي يخليني افكر فيه !! "
حست برعشه وبحراره بجسمها مو طبيعيه دقات قلبها صارت طبول ووتضارب بشكل فظيع
قامت من السرير ودخلت التواليت (الله يكرمكم ) تتوضأ عشان تصلي يمكن ترتاح!
طبعا ما خفا كل هذا على شروق حست انو فعلا غاده متغيره وانقلبت 180 درجه
شافتها وهي تتقلب على السرير كان من جد مبين عليها كثر التفكير وكثر الأرق!
شروق خافت بالمره توها تستوعب حجم المصيبه اللي سوتها واللي هي سبب في حدوثها " لا يكون ! طيب صح علي والا لا !! انا ما فكرت الا في اني ابعده عن نوف, ما فكرت في هالمسكينه! لا لا بس اكيد ما حبته انا اتوهم ..مو معقوله من موقفين تتضايق من خبر خطبته!"

شروق قامت من على السرير وفتحت الأبجوره اللي بجمبها
جلست تطالع غاده اللي تصلي بخشوع وطمأنينه" من زمان ما صليت ! الله يتوب علي .."
حست بالضيقه تبي تصلي وتمشي على الطريق المستقيم لكن ما هي قادره!
تشوف غاده اللي تصلي وتحسدها على هالنعمه
شروق" انا ما أصلي الا اذا احتجت شي من ربي ...صدق اني قويه وجه! انا وين اودي وجهي من الله سبحانه!"
خلصت غاده صلاه حست براحه نفسيه عجيبه التفتت على شروق اللي جالسه تطالعها
غاده ابتسمت :لا يكون ازعجتك!
شروق " مشالله صلت وارتاحت اللي يشوفها من دقيقتين ما يقول هذي غاده!": لا عادي..بس وش تصلين؟!
غاده ومبين على وجهها السرور : ابد بس كنت متضايقه وصليت!
شروق جالسه على السرير مصنمه حست بالغصه بحلقها وحست بالقشعريره تمشي بدمها
غاده حست انو في شروق شي: ايش فيكّ!
شروق: ها لا ولا شي
غاده تحس انها تبي تصارخ عشان تطلع كل حرتها :ههههههه
شروق: وش فيك!
غاده: ودي اصارخ
شروق مستغربه: ليش؟
غاده: اممم اذا حسيتي نفسك مكتومه ..ما يجيك احساس انو ودك تصارخين!
شروق: الا دايم
توجهت غاده للسرير : وش حلمك في الدنيا!
شروق "عمرها ما سألت نفسها هالسؤال": وش مناسبه هالسؤال
غاده تبتسم: هههه سوالف ليل!
شروق تفكر: امممم تصدقين عمري ما سألت نفسي هالسؤال!!
غاده: من جدك! عمرك ما خططتي للمستقبل؟!
شروق: ولا عمري فكرت
غاده: غريبهّ!! طيب مثلا ما ودك بشي!
التفت لها شروق: شي مثل ايش؟!
غاده: امممم شي ودك توصلينله وتحققينه
شروق: اممم لا
غاده: شروق ما في احد في هالدنيا الا وعنده حلم
شروق بيأس: صدقيني ..انا ما عندي
غاده: وش تتمنين!
شروق"اتمنى اصلي واصير طاهره" ابتسمت : بتضحكين علي لو اقولك
غاده : وليش أضحك..دامه حلمك اكيد ما حضحك!
شروق: اتمنى ادخل الجنه
غاده ابتسمت : شفتي وشلون ..هذا حلم وامنيه ..لا تقولينلي انو ما عندك احلام!!
شروق : انتي ايش تتمنين!
غاده:اتمنى ادخل الجنه طبعا ..وأصير دكتوره
شروق تضحك: دكتوره مره وحده!
غاده ابتسمت: يالزفته ليش تضحكين!
شروق: دكتوره ايش طيب؟!
غاده: دكتورة جراحه
شروق: الله !! ابدا ابدا ما يلبق لك!
غاده: وليش انشالله؟؟
شروق: يعني ستايلك وحركاتك تنفعين موديل مو دكتوره!
غاده: ههههههه خلاص أجل بحول على جراحه تجميليه
شروق : هههه يمكن يلبق لك
غاده: وانتي مو ناويه تدخلين الجامعه
شروق من غير نفس: يالله !!
غاده تضحك على رده فعلها: ههههه وش فيك؟
شروق: ما احب الدراسه ما صدقت اتخرج من الثانوي ادخل الجامعه!
غاده: يعني مو ناويه تدخلين؟
شروق: الا يمكن
غاده: توك تقولين ما ودك!
شروق: يمكن أدخل بس كذا عشان اسكت ثامر!
غاده " ثامر" دق قلبها: ليش وش فيه ثامر؟
شروق :قالقني يبيني أدخل اليوم قبل بكره!
غاده: لو انا منك المفروض انبسط
شروق: على وشو انبسط
غاده: على انو اخوي يدور مصلحتي!
شروق: عادي..كل الأخوان يدورون مصالح خواتهم
غاده: ههههه لا مو عادي ..في ناس ما يدرون اذا اخواتهم حيين والا ميتين..انتي تحسبين الكل عايش مثلك!
شروق: اكثر الناس عايشه مثلي
غاده: يؤ يؤ كل الرياض زيك!
شروق مستغربه: اي كل البنات عايشين زيي
غاده: انتي تتكلمين عن طبقه معينه من المجتمع! مو كل أهل الرياض مجتمع واحد الرياض فيها مجتمعات!
شروق: وانتي مشالله عليكي وشلون عرفتي!
غاده:اشوف الناس و البنات! انا في مدرسه فيها من كل طبقات المجتمع فيها الغني والفقير فيها المتفتح والمنغلق!
المدرسه اللي انتي متخرجه منها كلهم بنات من الطبقه الغنيه والمترفه عشان كذا يمكن تحسبين الكل زيك!
شروق : يمكن ... بس بصراحه ماني شايفه في حياتي شي زايد عن الناس!
غاده: يمكن انتي شايفه كذا ..لكن صدقيني اسم ابوك وسمعته بالبلد تخلي الكل تشوفك غير!
شروق: الله يخلي لي بابا...ابوك ايش يشتغل!
غاده: ابوي محامي ويشتغل في البزنس في نفس الوقت..وجيجي ابوها ايش يشتغل؟!
شروق:دكتور
غاده: الا على طاري جيجي!
شروق تحمست : خير
غاده تبي تشوف رده فعل شروق وبابتسامه: بتتزوج
شروق استغربت "فيصل وين راح؟" :نعم !
غاده اول ما شافت رده فعل شروق: هههههههه
شروق: جد والله وش السالفه
غاده بلكاعه: انتي اول قولي لي ايش السالفه!
شروق تتصنع البرائه : اي سالفه؟
غاده: هههه سالفه جيجي واخوي!
شروق ارتبكت: هاه!!
غاده: قوليلي
شروق: اي سالفه مافي سالفه!
غاده: احسن خلاص ما راح اقولك
شوشو: قولي لي يالله
غاده: اول جاوبيني ..جيجي تحب فيصل؟!
شروق : غاده لا تساليني انا ما ادري عن شي
غاده: اوكي انا حاسه انها تحبه!
شروق ساكته
غاده تكمل: وحاسه ان فيصل يحبها!
شروق: طيب يالله قولي ايش عندك؟
غاده: امممم فيصل بيخطب جيجي
شروق من الفرحه والحماس نطت على السرير: لا!! اكيد تمزحين
غاده تضحك:جد والله!
شروق ميته من الوناسه على صديقتها: يا حبيلها جيجي الله يوفقها
غاده تطالع رده فعل شروق : ههههه طيب تتوقعين توافق؟!
شروق بحماس: وليش ما توافق !
غاده : وليش توافق؟!
شروق طايره من الفرحه والحماس : لأنه حبيبها!
لاحظت الكلمه اللي قالتها وحطت يدها على فمها " يالله وانا لساني لازم يزل"
غاده تطالع شروق: هههههه عادي وش فيك أكل لسانك القطو!
شروق ترمي المخده على غاده: يا دبه سحبتي مني الكلام!
غاده: ههههه عشان تعرفين انو مو بس انتي اللي مو سهله!
شروق: هههههههه بس يا ويلك لو تقولين لجيجي اني قلت لك
غاده: ههههه أصلا عيونها فاضحتها وبعدين انتي بعد لا يكون تقولينلها انو فيصل بيخطبها ترى للحين ما صار شي
شروق: وش دعوى ماراح اقولها شي ..
ترمي نفسها على المخده : الله على الحب
غاده:ههههه هاه وانتي بعد مين تحبين!
شروق تضحك بينها وبين نفسها: ما احب احد ارتحتي
غاده: هههههه افا ولا أحد؟! ترى كذا لو يسمعك حبيبك يزعل
تذكرت شروق مصعب " من زمان عنه": غدو يالله نامي
وسكرت نور الأبجوره
غاده والغرفه ظلام: كل هذا تتهربين
شروق تطلع صوت شخير : خخخخخخ (يعني انها نايمه)
غاده ابتسمت: مقبوله منك ..تصبحين على خير
شروق: وانتي بخير

.................................................
بعد 4 أيام


كانت الساعه 5 العصر
فيصل جالس يدق عليه لكنه ما يرد
فيصل جالس في غرفته : لا حول
شاف شاشه الجوال مرفوعه
فيصل بحماس : الو
راكان صوته رايح فيها من النوم : هلا
فيصل: راكان وش فيك ما ترد
راكان: فيصل ..هذا وقت باللهي تدق فيه الناس نايمه
فيصل: الساعه 5 العصر قوم اغسل وجهك
راكان يتأفأف : اقول مع السلامه
فيصل:راكان اغسل وجهك ابيك في سالفه
راكان: خير !
فيصل: قوم اغسل وجهك ومرني في البيت والا تدري شلون انا بمرك اجهز
راكان يتثاوب: فيصل حرام عليك خلها بعدين
فيصل: استح على وجهك الساعه الحين 5
راكان بلا مبالاه: واذا يعني
فيصل بحزم: اطلع بره 5 دقايق وانا عندك
سكر السماعه
راكان يتأفأف وبصوت كله نوم : يالله...( ورجع ينام مره ثانيه)

طلع من البيت وتوجه لبيت عمه يدق عليه لكنه ما يرد

فيصل جوا السياره : هين يا راكان !
نزل من السياره وهو معصب ودخل جوا البيت
توجه لغرفته وفتح الباب
فيصل معصب: راكانو قوم
ولع اللمبات
راكان : يالله ياخي خلني انوم
سحبه فيصل من السرير : اقولك قوم
قام راكان من على السرير وهو يترنح يمين ويسار شكله ابدا مو في وعيه
سحبه فيصل بقوه للحمام (وانتم بكرامه ) ودخله جوا الدش وصب عليه المويه
راكان : ويني فيه مسبح!
فيصل يسطره يمين ويسار ابدا مو عاجبه وضع ولد عمه : اصحى اصحى


بعد ساعتين

في سياره فيصل

راكان : ها وش بغيت؟!
فيصل : اخيرا صحيت؟!
راكان : لا حول وش عندك بتتكلم والا شلون؟!
فيصل يطالعه من فوق لتحت : عاجبك شكلك وانت سكران
راكان: فيصل ماني بأصغر عيالك
فيصل: لا ما انت اصغر عيالي لكنك بس ولد عمي!
راكان يتأفأف
فيصل يطالعه بحنيه: يا اخوي والله ابي مصلحتك...انت عاجبك وضعك؟! راجع للبيت 12 الظهر؟!
راكان : عادي مرحله وتمر!
فيصل: لا مهيب مرحله وتمر !! ما احد مر فيها غيرك الا انت و اخوياك
راكان : انا ما جيت معك عشان تنصحني ..بتقول وش عندك والا انزل !
فيصل: ابي اعرف ..مصعب ليش بعد عنكم !
راكان : اها قول كذا من اول ..مصعب شوشك علينا
فيصل: راكان !
راكان: اذا هذا اللي انت جاي عشانه فانت تعبت روحك
فيصل: انا ما يهمني سلطان ولا غيره ...انت اللي تهمني ! اسمك من اسمي ؟! لا تقول وش دخلك!
راكان: ابي اعرف انت وش عليك!
فيصل: اذا بتستمر على هالدرب صدقني بطيح!
راكان يستهزئ : بطيح وين !! في الهاويه!
فيصل: ايه وليش لا !! حسبالك ما في هاويه!
راكان : اترك عنك الأفلام
فيصل: راكان ارجوك ابعد عن سلطان ...صدقني ما وراه الا البلاوي
راكان: يا اخوي اترك عنك الكلام الفاضي ...(ينكر) وبعيدن مين قالك ان سلطان راعي بلاوي؟!
فيصل يطالع الكذب بعيونه: لا!؟
راكان: اللي قالك(يقصد مصعب) مو يقط بلاويه على غيره من الناس
فيصل عصب: انا ما اسمح لك ..مصعب شريف
راكان: مصعب هذا شغله عند سلطان !
فيصل: وش بيسوي يعني!!(يتريق) تراك خوفتنا بسلطان
راكان :بتشوف.. الأيام جايه
و نزل من السياره
فيصل: الله يهديك


.................................................. ................

انشالله راضيين علي الحين :)؟!

بليز قولو لي ايش توقاعاتكم للثلاث أجزاء اللي حطيتها

[just_2_b_nice]

كملي كملي ياغدوو بليزز خلاص انتي فطرتي كملي