الجزء التاسع
فيصل ارتبك لا حظ كلمته اللي قالها " شويه عليك يا جيجي جنان شويه !!"
الاثنيـــــن صمت تــــام كل واحد يسمع دقات قلب الثاني
جيجي تقطع الصمت : أأأ انا خلاص بقفل الحين أكلمك بكره ...باي
وسكرت منه من دون ما تسمع منه كلمه باي او مع السلامه
جيجي تحط يدها اليمين مكان قلبها " وااااي يا قلبي ايش فيك !! تسمع صوت قلبها واضح كانه بيطلع من مكانه "
جيجي: أنا ايش فيني !! ليش كذا ...وش صار فيني
جطت ايدها على راسها وكانها تبي تشيله من بالها
جيجي: ليش افكر فيه ليش !!
.................................................. ....................
اليوم الثاني
في بيت عبدالعزيز بن فيصل
كانت قاعده في الجيم هي والمدربه حقت الرقص "الباليه "
كانت ترقص بقوام جميل تلف وتدور كأنها فراشه أو حوريه من حوريات البحر
المدربه: غاده انتي اليوم رقصج تمام وخطواتج كلها ممتازه
غاده تتنفس بصعوبه من التعب : عن جد يا أبله!
المدربه:اي عن جد ولا تشيلين ببالج ان شالله تفوزين بالمسابقه
غاده: ان شالله الله يسمع منك
المدربه تشيل أغراضها لانها بتمشي
المدربه: الدرويل برا
غاده :دقيقه انا اقوله يطلع الحين
توجهت للتلفون ودقت على السواق يطلع برا
غاده: أبله هذا هو برا يستناك
المدربه: يالله أجل حبيبتي مع السلامه وسلمي على ماما
غاده : يوصل باي
أخذت جوالها وشافت فيه 2 missed calls من مها
دقت عليها
غاده: الو مهووووي
مها :اهلين وينك ما تردين ؟!
غاده: sorry حبيبتي بس كنت اتدرب
مها : انا ما ادري انتي ايش تحبين في الباليه
غاده:ههههه مثل ما احبك احبه
مها :اوكي و متى راح تبدا المسابقه ؟!
غاده: ما ادري للحين ما كلمت عمتي البندري هي تقول يمكن خلال الشهر الجاي
مها :يؤ يؤ بقي شهر وانتي من الحين تدربين !
غاده بفخر: حبيبتي أنا ما ارضى بالقليل
مها :يا حياتي انتي
غاده تبي تغيضها : اخلصي ايش عندك داقه ؟!
مها :صدق سخيفه الشرهه على اللي يكلمك
غاده:هههههه مهوووي زعلتي !! ترى وربي امزح
مها تتدلع : اي اصلا انتي تقدرين !
غاده :ههههههه لا ما اقدر انتي حبيتي وقلبي وصديقه عمري كيف اقدر عليك
مها :اوكي راح تجين ل DJ ؟؟
غاده نست الموضوع : اي DJ ؟؟
مها اتنرفزت :يوووووووه
غاده : عن جد والله اي DJ ؟
مها :DJ نوف بنت عمتي؟!
غاده :اي نوف بنت عبدالمحسن ؟!
مها : ايوا هي مسويه DJ مره كبير كل الرياض راح تحكي عنه وعازمتني انا وبنات عماتي وعماني ووزعت على كروت وتقولي اعزمي اللي تعرفين ...ها بتجين؟!
غاده : اممم ما ادري أسال ماما واقولك !
مها : اوكي اسأليها ورديلي خبر
غاده : اوكي بس ما قلتيلي ...اي يوم !؟
مها : امممم اتوقع بعد اسبوعين
غاده :هههه الله ومن الحين مستعجله وتبيني أسال ماما؟!
مها : هههههه لا تلوميني ترى من زمان ما رحت ل DJ !
غاده:امممم طيب ايش بتلبسين !
مها :محتاره والله
غاده :طيب ايش رايك نروح للسوق ونشتري !
مها متحمسه وبصوت عالي :اوكيـــ
غاده :آآآآه عورتي اذني أعوذ بالله كل هذا حماس
مها :ههههههه
غاده : تقولين زواجك مو DJ !!
مها :آمــــــــــــين الله يســــمع منك
غاده :هههههه اللي يسمعك يقولك عانس ما يقول عمرك 17؟؟
مها :ههههه عادي انا اختي انخطبت وهي كبري ما فيها شي !
غاده :لا لا عاد كل شي الا نوره اختك حالتها شاذه
مها :ليش؟!
غاده :أجل يالمجانين انتي وياها في أحد يتزوج وعمره 17 ؟
مها :هههههه اي في كثير
غاده : هذا انتو يالجهله ...انا بصراحه ما افكر اتزوج الحين
مها : اجل متى راح تتزوجين
غاده : امممم قولي فوق العشرين
مها شهقت : من جدك انتي !!
غاده : ههههه اي عادي
مها : ههههه بتعنسين!
غاده: امممم ولا بعد ما افكر اتزوج الا بعد 25 كذا اكون عشت عمري
مها :ههههه ومين بيرضى ياخذك!!
غاده تتكلم بجديه: مها انتي مجتمعك مره غريب ....انا عادي عندي لو البنت توصل لل 27 ما تزوجت !! شوفي عمتي البندري !!
مها : قولي 20 21 22 اوكي بس 27 احسها كبيره بصراحه !
غاده: ممممم وجهات نظر
مها : اوكي يالله روحي اسألي امك ورديلي
غاده:اوكي تامرين بشي
مها:سلامتك يا البي
غاده :باي
مها : باي
.................................................. .............................................
في قصر الشيخ عبدالمحسن
نوف توها قايمه من النوم كانت الساعه 2 الظهر
كانت قاعده على السرير وتتذكر ايش صار امس كانت طوال الوقت مع ثامر ! من الصباح لحد الليل
نوف" يالله كان احلى يوم في حياتي عيونه وهو يشوي كان يطالعني ! آآآآخ آآآآخ يا ناس وربي ما ينوصف كل حركه يسويها كل رمشه يرمشها ..كل ضحكه يضحكها ...آآآه يا ثامر ...حس فيني ......حاول تحس بلوعتي ليله !!......وربي عذاب
ليت امس يرجع ....هههه أحبك أحبك الله لا يحرمني منك !"
فجأه دق جوالها
نوف: هذي جيجي الدبا
نوف بصوت كله نوم : الو
جيجي: لا يكون نايمه؟
نوف: لا توني صحيت من شوي
جيجي: طيب ايش قاعده تسوين؟
نوف: ولا شي بس افكر "وابتسمت "
جيجي: هههه تفكرين فيني !
نوف: عليك نور أفكر فيك
جيجي:هههههههههه
نوف بضحكه : قلت شي يضحك؟
جيجي: ايش عملتوا امس ان شالله انبسطتوا
نوف: بسم الله ايش عرفك انتي
جيجي:هههه توصلني الأخبار أول بأول
نوف: شوشو !
جيجي: ايوا قالت لي انك رجعتي مع ثامر ....
نوف سكتت وهي تضحك : ايوا ايش قالت لك كمان
جيجي بضحكه:اممم انتي قوليلي ايش صار
نوف: ايش بيصير يعني !
جيجي بلكاعه: يعني ما دق قلبك هنا والا هنا؟
نوف : أنا وثامر !! لا لا ما تجي هذي
" آآه يا جيجي لو تدرين ان قلبي 24 ساعه يدق كانه بيطلع من مكانه "
جيجي تغايظها:ههههه صادقه ابد ما تلبقون
نوف: يؤ ليش
جيجي: كل واحد شايف نفسه على التاني
نوف:بصراحه يا حظه اذا بياخذني
جيجي: هههه شفتي كيف؟
نوف: مغروره ويا بخت الغرور
جيجي: لا لا ما استحمل انا
نوف: ههههه حرام عليكي ...
جيجي: ايوا صح اقووولك
نوف: هلا شكلك عندك سالفه
جيجي تضحك على حدس نوف اللي دايم في مكانه : مو اي سالفه
نوف: طيب احكي كلي آذان صاغيه
جيجي : لا لا ما ينفع على التلفون تعالي انتي وشوشو لبيتي
نوف: لا جيجي يالله قولي تحمست
جيجي : I SAID NOPe تعالو بالأول
نوف : دحين!؟
جيجي: ايوا كمان يكون احسن
نوف: اوكي اتروش واجيك
جيجي: يالله بس لا تتأخري
نوف : اوكي يالله باي ترى انتي اللي تأخريني
جيجي:ههههه اوكي باي
........................................
في" قصر الدكتور سلمان بن عبدالله "
على الساعه 3 ونص كانو نوف وجيجي بمجلس الحريم
نوف : احلفي ...هذا اللي صار
جيجي تمد لها الجوال : ايوا كلمني شوفي رقمو ومسجاتو
نوف وهي تطالع الجوال وتبتسم : الله ياخذ بليسه طلع مو سهل !
جيجي تحرك حواجبها فوق تحت : عشاني طيرت له عقله
نوف تدف جيجي : هههههه الله يرجك يا بنت
جيجي تتكلم بجديه : نوف آآآآه يا نوف لو تحسين باللي بقلبي !! عن جد جنان
نوف بينها وبين نفسها "حاسه فيك يا جيجي حاسه فيك وربي حاسه"
جيجي تكمل كلام: أسلوبه ,نظراته, كلامه, نوف انا بموت ...لمن اسمع طاريه قلبي, قلبي تزيد ظرباته بشكل فضيع أحس بموت وأعيش أفرح ,أحزن شعور غريب ...لأول مره أحس فيه
نوف تناظر صاحبتها بتأمل : تحبينه يا جيجي
جيجي: نوف..طالعي بعيوني !
نوف قربت منها وطالعت بعيونها شافت فيهم بريق ولمعان الحب اللي مسيطر عليها من سنين
نوف ابتسمت : انتي مو بس تحبينه ..انتي تموتين فيه
قامت جيجي من مكانها وهي مره متحمسه :آآآآآه يا نوف لو تحسين بالحب ! يعطيك شعور وطاقه غريبه ودي املي الكون كله صدقيني لو اللي بقلبي يطلع كان الدنيا صارت كلها خير ,حب وسعاده
نوف خنقتها الدمعه وحست بغصه بحلقها لدرجه انها ما تقدر تتكلم "صدقيني يا جيجي حاسه فيك ...وحاسه باللي بقلبك لكن انتي اللي مو حاسه فيني وفي النار اللي تكويني !! آآآه يا جيجي لا تصيرين مثلي ! "
نوف تقطع حديث جيجي بحده وكأنها تبي تنهي الكلام في موضوع الحب: طيب وين بتقابلينه؟!
جيجي تعظ على اصابعها: ايوا صح فكرتيني لازم اكلمه واتفق معاه
نوف:اوكي انتي كلميه الحين وانا بروح للتواليت شوي وراجعه
مسكت جيجي الجوال : اوكي
طلعت نوف من المجلس وتوجهت للتواليت تمسح دموعها اللي نزلت وخانتها ناظرت نفسها بالمرايه بكبرياء وغرور واعجاب :اذا ما حبيتني يا ثامر بالطيب راح تحبني غصب
.................................................. .......................................
" عند شوشو "
كانت نايمه بغرفتها كالعاده كأن الحكي اللي حكاه ثامر معاها بالأمس ما جاب نتيجه رايحه في علمها هههههههه
طالعت الساعه وهي مره متكاسله ويالله تشيل حالها
شوشو : يوه الساعه 4 ونص ...بس غريبه ثامر ما قال شي
طالعت جوالها اللي كان محطوط على السايلنت وشافت 2 missed callz mn jeje ومسج منها
(المسج)
"هاي شوشو يالدوبا كيفك؟! دقيت عليكي ولقيتك نايمه يا خيشه النوم !! لوووول اسمعي تعالي لبيتي اليوم نوف راح تجي وراح نطلع مع بعض ايوا صح وتعالي بدري لانو في سالفه صارت ولازم اقولها تعالي بسرعه والا ما حتعرفينها باي"
شوشو: ايش السالفه؟!
دقت على جوال جيجي بس ما ردت عليها قامت من سريرها وتروشت وصلت تذكرت فهد
شوشو: يالله ...ايش اسوي فيه الحين!
فتحت جوالها الثاني "سوا" ولقت 5 مسجات من سلطان و 1 مسج من فهد
في هالوقت رن جوالها "سوا " من رقم غريب وردت
شوشو : الو
سلطان :عاش من سمع هالصوت
شوشو: مين معايا؟!
سلطان: ولو جيجي ...ما عرفتيني !
شوشو عرفت انه سلطان لمن قالها جيجي حمدت ربها الف مره انه قال جيجي لانها كانت بتقوله فهد ...وهي تعرف سلطان ومركز ابوه الاجتماعي ...الولد ابد مو هيّن !
شوشو: تونـــي ..كيفك؟!
سلطان: ابد نسأل عن ناس سافهين
شوشو بدلع: والله sorry بس كنت مشغوله ... اعذرني حبيبي
سلطان:مقبوله منك جيجي...
شوشو:بليز لا تزعل
سلطان : ما ازعل من نظر عيني
شوشو استحت :يسلموو حياتي
سلطان: انتي كيفك..وايش مسويه!
شوشو تتكلم حجازي: ابد ولا حاجه عايشين زي كل يوم
سلطان:طيب لي خاطر عندك؟
شوشو: توني ايش هادا السؤال ...اكيد لك خاطر
سلطان:ابعطيكي هديه بس بليز لا ترديني
شوشو اتحمست مره من زمان ما اخذت هدايا من واحد سنع وولد فلوس " اكيد الهديه بتطلع سنعه ياي وناسه"
شوشو حبت تبين ثقل: طيب ايش المناسبه؟!
سلطان :كذا ما في مناسبه مجرد تعبير عن مشاعري
شوشو تطالع اظارفها:امممم بصراحه ما ودي اغلبك ...الا اذا انت مصر!
سلطان يضحك على لكاعه هالبنت :ايوا مصر مصر ونص
شوشو ابتسمت ابتسامه نصر : اوكي ما حغلبك
سلطان:اوكي حياتي انا اكلمك بعدين ...بس ها لا تقفلين جوالك؟!
شوشو:اوكي ولا يهمك
سلطان : تامرين بشي
شوشو بابتسامه شاقه الحلق: سلامتك يا حياتي
سلطان: باي قلبو
شوشو: باي
انبطحت هالسرير وجلست تصرخ :ياااااااااااي ونــــــــــــــاسه! بس ايش راح يجيب لي!!
تذكرت جيجي وراحت تلبس عشان بتروح لها ونست موضوع فهد تماما
.................................................. ....................................
وفي مكان ثاني في شركه الشيخ ابراهيم كان قاعد في المكتب حقه وقدامه أوراق ومعاملات ماهو قادر يستوعبها يقراها مليون مره لكن عقله مو معاه يفكر بأنسانه وحده "نوف..نوف ...نوف..نوف..نوف ...نوف..نوف ياربي أنا ليش أفكر فيها " ترك الأوراق اللي بيده ورماها على المكتب بلا مبالاه ! قام من مكانه وجلس يدور في المكتب يمكن يخرجها من باله ...مسك راسه بقوه وكأنه كاره التفكير فيها ...ليش ليش أفكر فيها "عيونها شعرها نظراتها حياها تورد خدودها ضحكتها صوتها ملامحها صفاوه بشرتها روحها ...بمجرد ما تكون في المكان اللي هو فيه يحس بشي ثاني ...آآه يا نوف ! عيونها بتذبحني ! قاسيه طيبه ظالمه وحساسه !"
حس بالرعشه بجسمه بمجرد التفكير فيها ..
طلع من المكتب يبي ينساها يمكن ينساها ! يمكن تكون نزوه! بس هو عمره ما حب عمره ما حس بشي باتجاه اي بنت ...البنات هم اللي دايم يلاحقوه لدرجه انه كره جنس البنات
ركب سيارته وجلس يلف بالشوارع...
لكنه ماكان يشوف شي قدامه كان يطالع الشارع ..لكن ما يطالعه كان يطالع شريط يمر براسه كل شي بينه وبين نوف
يتذكرها اول مره شافها من حوالي 7 سنوات كانت راجعه مع شروق أيام الاختبارت وجايه تدرس معاها كانت مره مستحيه تمر من عنده ...
تذكر لمن سمع عن ابوها ومن المرض اللي كان يعانيه كان يعاني من المرض الشين "السرطان" حزن لحالها ..كانت نوف تخفي مرض ابوها عن الناس ما كانت تبي الناس يعاملوها بشفقه ...
تذكر لمن كانت في اول ثانوي وزاد المرض على ابوها وسافر هو وامها واختها عشان يتعالج بالمانيا ..اما هي جت ونامت عند شروق شهر ونص
تذكر اليوم اللي ماراح يقدر ينساه
(كان توه راجع من الاستراحه من عند الشباب على الساعه 3 ونص الفجر اول ما جا بيدخل غرفته سمع صوت انين وصوت بكي يقطع القلب يصدر من غرفه شروق
دخل من دون ما يطق الباب كانت الغرفه مظلمه وكل ما قرب كل ما سمع الصوت اكثر واكثر كان الصوت صوت بكي انسانه عانت طول عمرها كان صوت انسانه كابته الحزن بصدرها
قرب ثامر منها وعرف انها نوف
ثامر ماهو عارف ايش يقول كان قلبه يتقطع ميه مره على حالها
ثامر :نوف!
نوف لفت عليه بسرعه
ثامر:ليش تبكين !
نوف تمسح دموعها وبصوت كله بحه:ما ابكي
ثامر:كل هالدموع وما تبكين...وينها شروق؟!زعلتك؟
نوف:لا لا شوشو مو هنا راحت لزواج..ااام ام "وصارت تبكي"
قرب منها ثامر وحضنها كانت تتمنى وتدور على حضن دافي من زمان ...لكنها ما لقت ...ما لقت الا ثــامر ما لقت الا حضن ثامر الدافي بجنبها !! قربت منه وحضنته باقوي ما تملك وصارت تبكي صارت تطلع كل اللي بقلبها "
نوف وهي تبكي بكي يقطع القلب :آآآآآآآآآآآآآآآآآآآآآآآه آآآآآآآآآآآآآآآآآآآه وبصوت بحات وصوت انين با ..با با ...با با يا ثامر ...تبكي ...بابا
ثامر وقلبه متقطع عليها:نوفه لا تبكين ابوكي انشالله يرجعلكم بالسلامه
نوف تبكي : آآآآآه آآآآآآآآه لا لا لا ما حيرجع حبيب حبيبي أنا ما حيرجع...الغــالي ما حيرجع آآآآآآآآه ليش ....ليش ليش..ابوي ا ا انا !!آآآآآآآآه أبوي ما حيرجع ...بابا راح وما حيرجع ....تعرف ايش يعني ما حيرجع !! يعني بيموت...ما حبوسه !!ما راح احظنه!!ماراح يكون في بابا ....آآآآآه يا بوي آآآ يا بوي لا تروح لا تروح .....ابوي احبك ابوي احبك لا تخليني ...لا تخليني ....ربي ربي ارجوك الا ابوي ....
ترص على ثياب ثامر ثوبه امتلى دموووع حضنها اكثر
ثامر: حبيبتي نوفه لا تبكين ...انشالله ربي ماراح يكتب الا اللي فيه الخير
نوف:ثامر...ثامر لا تخليني ...لا تخليني انت كمان
ثامر: ما حخليك
وصار يمسح على شعرها الين تهدي وبعدها نامت على حضنه باسها على راسها وحطها على السرير وطلع من الغرفه
وبعد هالموقف بيوم توفى والد نوف الله يرحمه ويسكن روحه الجنه ...)
قطع عليه صوت الجوال وهو في السياره من رقم غريب
رد وصوته في بحه:الو
البنت بدلع:الو
ثامر من دون نفس:مين!
البنت:يو يو شوي شوي علي ..انت اللي مين!
ثامر:انتي اللي داقه..مين بغيتي
البنت مممم: مو هذا جوال ثامر؟
ثامر: اي نعم انا ثامر...مين معاي؟!
البنت بصوت دلع: معاك رغد
ثامر: اي رغد!! انا ما اعرف وحده بهالأسم!
رغد:تيب كم وحده تعرفها...
ثامر: انتي الحين ...وش تبين بالضبط!
رغد بوقاحه:ابيك
ثامر مره منصدم من وقاحه ورخاصه هالبنت :سافله ومنحطه ...
رغد:تؤ تؤ بدينا بالغلت
ثامر: علم يوصلك ويتعداك ..ان شفتك داقه على هالرقم مره ثانيه ما تلومين الا نفسك ...وانتي تعرفين مين تحاكين
رغد خافت بالمره:يوه انت ليش كذا يعني عشانك حلو وولد فلوس تتغلى !
ثامر:ولد الناس و الفلوس ما يطالعك يالوصخه
وسكر السماعه في وجهها
ثامر بقرف: صدق بنات ما يستحون
.................................................. ..........................................
في بيت جيجي الساعه 6 المغرب
في غرفتها كانت جالسه تلبس وتتعدل "الاخت بتقابل حبيب الألب "
جيجي تطالع دولاب الملابس وتتأمل ...
جيجي: مممممممممم نوفه ايش البس
نوف كانت تطالع بالمجلات ومنسجمه :يوه يا جيجي لا تكشخي بعدين يحسبك راميه نفسك عليه
جيجي: يعني اروح بلبس البيت !
نوف:هههه جيجي حياتي ايش فيكي البسي عادي
جيجي مره محتاره وقاعده على اعصابها وقلبها يدق بسرعه:ياربي احر ما عندي ابرد ما عندك !
نوف:طيب ايش اسويلك يعني !
جيجي:تحمسي معايه ...يا بردك يا شيخه ! فينها شوشو هدي كمان !
في هالوقت دخلت شوشو الغرفه بسرعه
شوشو: ايش فيها شوشو!! سمعتكم تحشون فيني
جيجي راحت تبوسها وتسلم عليها : الله جابك يابت ..وحشتيني
شوشو تغمزلها :آآآآ علينا ...توك تحشين فيا
جيجي: ابد والله بس استناك تجين تتحمسين معايه احسن من هالزفته البارده اللي بتطالع في المجلات "وترمي المخده على نوف"
نوف ترجع ترمي المخده عليها : والله ما الزفت الا انتي يالبطيخه
شوشو تتوجه لنوف تسلم عليها :ههههههه حلوه حلوه البطيخه!
نوف قامت تبوس شوشو: كيفك يا قمر البنات اشتقتلك!
شوشو بزت بالمره: احم احم ايش فيكم اليوم علي ميتين فيني !
نوف :هههههه نحبك ايش نسوي !
جيجي كانت واقفه قدام الدولاب محتاره : شوشو تعالي ساعديني اختاري معايه ايش البس!
شوشو تنط فوق السرير: ليش فين حنروح!
نوف تنط فوق السرير معاها:بنروح لفيصل
شوشو متفاجأه :مين فيصل؟
نوف:ليش انتي ما تدرين !
شوشو مفجوعه بالمره: عن ايش!
وحكتلها نوف كل السالفه
شوشو مصدومه :امـــــــــانه!
وتطالع جيجي المستحيه
شوشو : هي انتي ليش ما تقولين لنا اول باول ّّ!! موحنا خواتك؟
جيجي تعاتب: والله خواتي بيجتمعوا دايما مع بعض ولا بيعزموني
شوشو ونوف يطالعون بعض : حنا متى اجتمعنا بدونك!
جيجي تحرك حواجبها وتحط يدها على خصرها : واللي امس ايش كان!!
شوشو :ههههه انا امس ما عزمت نوف ....ههههه هي اللي عزمت نفسها
نوف طيرت عيونها: الحين انا اللي عزمت نفسي !! والا اخوكي ثامر
شوشو: ايوا صح اخوي
نوف: وبعدين لو ما اخذتي سواقي كان ما رجعت لبيتكم "وطلعت لسانها "
شوشو حطت يدها على صدرها وشهقت : ما قلتلكم
نوف وجيجي: ايش !
شوشو :تخيلو مين شفت امس بالسوبر ماركت!
نوف وجيجي بنفس الوقت: مين!
شوشو:فهد
نوف وجيجي :فهد!!
وحكتلهم شوشو عن السالفه
نوف مره منقهره انه فهد قال عنها زفته: الحين انا زفته!
شوشو:ههههههه وما همك الا هالكلمه
جيجي تطالع الساعه : بنات تأخرنا يالله بليز
شوشو :يالله حنا لابسين انتي البسي
جيجي:طيب ايش البس
قامت شوشو تساعدها عشان تختار طلعت لها برمودا جينز عليه شويه ستراس pink وبودي pink ينربط على الرقبه
وحطت لها بلش بنك وكونسيلير تحت عيونها ابرز جمال عيونها العسليه وماسكرا واخذت لها شنطه pink منcaoch وكعب جينز من لويس فيتون ولبست عبايتها الشبه عاريه وطالعت نفسها بالمرايه طالعه جنان مع لون بشرتها
جيجي: بنات احط جلوس وردي
نوف وشوشو: لا كذا احلى
جيجي محتاره مره تطالع شكلها بالمرايه ومو عاجبها :بنات حلو شكلي ؟!
شوشو : خذي نفس ..حبيتي ...طالعه تجننين
نوف:قمر بسم الله عليك
جيجي: اوكي يالله
كلمت شريف وقالت له يطلع سيارتها
جيجي: بنات ايش رايكم اقول لليزا تجي معانا ؟!
نوف: لا لا لا انتي مجنونه ! يمكن تعلم عليكي امك
جيجي: امممم طيب انتي عادي تطلعي من دون مربيه!
نوف: ايوا عادي ..
جيجي تلتفت لشوشو: وانتي يا شوشو ...اهلك يرضو !
شوشو:هههه لا ما يرضو ...بس ايش بيعرفهم!
جيجي: ههههه اوكي يالله
طلعوا من الفيلا وتوجهوا للسياره
.................................................. ..................................
ايش تتوقعون بيصير لجيجي لمن تقابل فيصل ؟! وشروق ليش رجعت تكلم سلطان !! وش هالتناقض اللي فيها!!
ويا ترى ثامر يحب نوف !! وفهد يا ترى ايش بيسوي ؟!
رد : "عــلـــى حـــافـــة الـــهـاوـــــيــة "قصة سعودية رومنسية جريئه !! أول كتاباتي 
العرض العادي
