وهذا الجزء الثالث لعيونكم :)
صباح يوم الخميس
على الساعه 11 الظهر صحت من نومها قامت جيجي وهي كلها حيويه ونشاط ونزلت ببجامتها لتحت في الصاله
جيجي لمصعب:good morning brother
مصعب يتريق عليها ويقلد صوتها:good morning brother good morning brotherالناس تقول السلام عليكم صباح الخير مو (ويرجع يقلدهاا (
جيجي تطالعه باستحقار:هي انت احمد ربك اني قاعده اصبح عليك
مصعب :لا والله ومين انتي يا شيخه!
جيجي عصبت منه كثير وقامت رجعت لغرفتها لانها لو جلست معاه ممكن يطق فيها عرق وتموت
جيجي:ياربي اش بوه دا !! كدا يجازيني ...طيبّ انا اوريك يا مصعب؟! نشوف انا والا انتا
راحت ودقت على موبايل شوشو طبعا مقفل كالعاده لان شوشو ما تحب تفتح جواالها وهي نايمه
دقت على جوال نوف
نوف بصووت كله نوم:الوو
جيجي:يا قليلة الادب انتي وهيّ كدا تنامي عندها ولا تقوليلي !
نوف:يالله صبااح خير
جيجي:اي صباح خير واية صباح زفت ...هدا اللي تحت يخلي فيها خير
نوف:لا تقولين مصعب!
جيجي:ليش في احد تاني منكد على حياتي؟!
نوف وكلها نوم :جمانه والله ماني رايقه لك
جيجي:اووووف انا ما في احد بيفهمني في دي الدنيا ...انا ليش عايشه ليـــش؟!
نوف ببرود"ياهوووو بدينا":جيجي خذي شروق تبي تكلمك
وترمي الموبايل على شروق اللي كانت غاطسه في النوم في سابع نومه
طبعا هذي حركه من نوف عشان تصرف جيجي
جيجي في السماعه : الووووو....؟! الووووو...ويعلى صوتها الووووو الووووووووووووو
واخذت السماعه وحطتها قريب من فمها وقامت تصراخ :ااااااااااااااااااااااااااااااااااااااااااااااااا ااااااااااااااااااااا
نوف بقله صبر تسمع صوت جيجي اللي طالع من السماعه مع انهم مو حاطين على سبيك بس مشالله على جيجي صوتها يوصل لافغانستان
نوف :شوشو ردي
شوشو:هاا ,,
نوف :شوشو بليز ردي فكيني منها.............وتحط المخده فوق راسها
شوشو :نوف ماني راده
جيجي تسمع حوارهم ...
جيجي :اوريكم ما اكون جيجي اذا ما خربت نومتكم عليكم
وسكرت الخط
وراحت بسرعه تلبس لبست جينز وتي شيرت اخضر من lacoste وحزام اخضر من justcavalie
وطلعت بسرعه لدرجه انها نست تلبس عبايتها
وعالتلفوون تكلم (شريف)سواقها
:شريف طلع سيارتي بسرعه
وراحت وهي تركض
شافها مصعب وهي مستعجله
مصعب :على وين؟!
جمانه:الله ما اطولك يا روح
مصعب:اخس اخس من فين تعلمتيها هدي كمان ..من نوف والا من شوشو؟!
جمانه:من ولا وحده فيهم (تتصنع الابتسامه)ارتحت؟!
مصعب :على فين رايحه
جمانه:على بيت شوشو ...ممكن اروح لو سمحت
مصعب بمكر:لا مو ممكن
جمانه :والله مو بكيفك
مصعب يضحك على اخته اللي ما تعرف وشلون تعصب شكلها لمن تعصب يصير مضحك مرره
جيجي:في شي يضحك؟!
مصعب :ايواا شكلك
جيجي:ما تشوف شكلك بالاول بعدين تعال احكيلي
مصعب وكانه يبي ينهي الموضوع:جيجي بوصلك وطلع بسرعه وقال:استناك في السياره
طلعت جيجي وراه من دون ما تعلق
بره في الحديقه
مصعب يمشي وبمكر "والله لاطلع الشيب من راسك يا جيجي"
مصعب متوجه لشريف اللي طلع سياره جمانه البورش الذهبي يستنا ست الحسن والدلال جيجي
مصعب :شريف دخل السياره
شريف:بس طال عمرك جيجي ...
مصعب يقاطعه:اقولك دخل السياره ومن دون نقاش
شريف:سم طال عمرك
وراح مصعب ركب سيارته البي ام كوبيه
وجلس يستنا جيجي لمن تطلع "ياربي وش فيها هذي طولت ما طلعت؟!لا يكون هونت ؟! والله تسويها"
وفجأه انفتح باب السياره طلعت جيجي
مصعب بابتسامه :بدري
جيجي ومعاها جيبسات و كولا وبنفس الابتسامه:تأخرت عليك؟!
وفي الطريق
مصعب:ايش جايبه معاكي؟
جيجي ببراءه :شيبس ليز اخضر ودريتوز و شيتوز with cheeseوبرنجلز ازرق with viniger و ...
مصعب بانزعاج:بس بس بس بس لا تكملين ...كل هذا؟!
جيجي:ايواا...ايش بوه هدا.!
مصعب :ههههههه يعني كل هذا بتاكلونه؟
جيجي:ايوا انا والبنات
مصعب :اها مسوين partty يعني؟!
جيجي:لا لا بس انا والبنات شوشو ونوف..ما في بنات تانيين
مصعب باستنكار :اهاا مشالله
جيجي:ايش بك؟!
مصعب :لا بس يعني تاكلون كثير ولا بتسمنون؟ّ
جيجي وهي مخترعه من انه يصيبها بعين شهقت :مصعب قووووول مشالله
مصعب اخترع من شهاقها:بسم الله الرحمن الرحيم؟! مشالله مشاالله لا تاكليني انا كمان
جيجي تضحك :يادوووب ايش اكلك انت كمان
وفجأه دق جوال مصعب
مصعب طلع جواله وابتسم وطالع جيجي بنظره يعني اسكتي
مصعب :الووو ...هلا بالغالي ...هلاا فصووووول
جيجي هنا وهي تاكل الشيبس غصت :كح كح كح وشربت لها كووك
مصعب ابتسم لها
مصعب يكمل كلامه: والله الحمدلله كويسيين ...انت كيفك؟!
مصعب :ابد بس توني طالع اوصل اختي عند صاحبتها
مصعب :باللهي!!
جيجي في هالوقت كانت منصته جيده وبدرجه امتياز بعد
مصعب: لااا يا شيخ
مصعب :اوك اوك اوصل اختي واجيكم
مصعب :يالله في امان الله
وسكر الخط
مصعب لف لجيجي:وهذا احنا وصلنا
جيجي كانت مسرحه في عالم ثاني اصلا ما تدري انها وصلت لبيت شوشو
مصعب:هي هي جيجي ويحرك يده على عيونها
جيجي لا حياة لمن تنادي
مصعب بصوت عالي :جيجي جيجي
جيجي:هي هي ادني
مصعب:اخيرا وين سافرتي؟
جيجي مو مستوعبه شي:ايش سافرت؟!احنا سافرنا؟! هاه ؟اي
مصعب :هههههههههه
وقرب من جهتها وفتح لها الباب
مصعب:اقول يالله انزلي مو فاضيلك
جيجي تبي تنتهز الفرصه:ليش ايش عندك ..على فين رايح(غمزتله)
مصعب:وانتي ايش دخلك؟
جيجي تغمزله :يالله قولي على فين والا حفهمك غلط؟ّ :P
مصعب:هههههه عند حبيبتي ارتحتي الحين !
جيجي تنرفزت لانه مو وقت مزح بالنسبه لها لان اي شي يخص فيصل تحسه حياه وموت
جيجي تنزل من السياره وبنرفزه تضحك:اوكي باي اقلب وجهك
مصعب :اوكي يا جيجي انا اقلب وجهي ؟
جيجي سكرت الباب :ايوا ومدت لسانها
مصعب وهو جوا السياره شاف الاكياس اللي فيها الشبسات حقت جيجي وابتسم ابتسامه نصر وفتح الشباك وقال :
اوكي ..جيجي انا حقلب وجهي وماراح ارجع تاني
جيجي وهي عند البوابه حقت البيت لفت عليه وبصوت عالي: يكون احسن كمان
مصعب ميت من الفرحه :باي ...ورااااح بسرعه جنونيه
جيجي توها جت بترجع تقول لمصعب :مصعب استنا الشبساااات....!!!!!
جيجي:اوووووووووووووووووووووه ياربي<<<<بتبكي خلاص
دخلت البيت
تيريزا:good after noon miss jeje
جيجي بنرفزه:hi... where is shosho??
تيريزا مستغربه من اسلوووب جيجي مو من عادتها تعصب عليها كذا
جيجي حست بغلطتها مهما كان تيريزا وحده كبيره في السن ومن زمان تعرفها ومره تحبها
جيجي:sorrry tereza i didn't mean to..
قاطعتها تيريزا وبابتسامه وبعربيه متقطعه: مأأليش هبيبتي (معليش حبيبتي)
................
وفي غرفه شروووووق
تدخل جيجي وبقوه تصارخ وتصفق ايدينها: يالله يالله يالله قوموا
وتفتح الستاير وتسكرال ac (التكييف)وتفتح الشباااك وتشغل التلفزيون على space toon
((يعني انواع الازعاج))
نوف عصبت :خلاص
وحاطه المخده فوووق راسها
جيجي تبتسم لحالها عاجبها اللي تسويه فيهم:يالله يالله يالله قوموا
نوف بتطلع عيونها من العصبيه :اااع اااااااااااااااااععععع ااااااااااااااااع جيـــــــــــــــــجــــــــــــــــــــــــــــــ ي
جيجي مستمره :يالله يالله يالله قوموا
نوف:جيجي حرام عليك نبي نام
وتلف على شوشو اللي بسابع نومه ولا كان جيجي ازعجتها نوف بينها وبين نفسها مستغربه كيف هذي تنام؟! دجاجه؟ّ لا لا حرام اظلم الدجاجه الدجاجه تهون عندها والدجاجه تنزعج اما شوشو ما يزعجها شي
نوف باستغراب وتطالع جيجي: جيجي
جيجي تطالعها
نوف :شوفي شوشو....لا يكون ماتت
جيجي:شوشو قومي قومي وترووح تنغزها عشان تقووم
جيجي وهي تنغزها:شوشو شووشو
نوف وهي حاطه يدها على فمها وواقفه على السرير:جيجي ماتت ماتت
جيجي:شوشو شوشو قومي
نوف:جيجي دغدغيها
جيجي:نوف البنت ماتت كيف ادغدغها
نوف بتكبي خلااص :يما
وتروح تنغزها بطرف اصبعها
نوف:شوش شوش
جيجي تتفرج على نوف وحاطه يدها على فمها ما تبي تضحك لان شوشو غمزت لها انهم يلعبون على نوف لمن نغزتها
نوف طالعت جيجي وحست ببرودها راحت ودغدغت شوشو وشوي شوي الين ما شوشو
انفجرت ضحك ..............هههههههههههههههههههههههه اييي ههههههههه
نوف بابتسامه:اوريك يا حماره ...اجل تلعبين علي؟!! وتكمل دغدغه
شوشو عيونها تدمع:هههههههه ايي اااي هههههههههههههه ااااااااااه نوو ن نن نووووف ايي ههه ههههه نوف وقفي
نوف :والله ما اوقف
شوشو:نن نن نووووف نوووف ااااااي اااه ااا ههههههههههههههههه ههههههههههه اياا ااااي ا ايي( وتطالع جيجي لعل وعسا تجي تفزعلها لكن جيجي ميته ضحك عليها )هههههههههه جي جي ب بب بليــــــــــــــــــــــز
جيجي:نوف خلاص عاد
نوف بمكر :اوكي الحين بيجي دورك
جيجي تتراجع على ورا ونوف تجي باتجاها وترفع يديها اشاره انها بدغدغها
جيجي: نوف توف بليز لا لا لا تدغدغيني ترى انا ما اتحمل
نوف :هههه ه هاهاها ههه مافي رحمه
جيجي:بليز بليز نوف بليز ههههه
نوف:هههههه طيب اذا تبيني ارحمك عطيني وعد انك ما تزعجينا مره ثانيه
جيجي كانها ما صدقت :وعد وعد وربي وعد
نوف بابتسامه :اوكي اذا على كذا اعفيت عنك
جيجي تتوجه للباب
جيجي:انا بطلع بره في الحديقه البسوا واذا خلصتوا انزلولي تحت
...................................
طلعت جيجي للحديقه وفي الحديقه شافت ام ثامر نوره قاعده في جلسه المسبح توجهت لها
جيجي بابتسامه:اهلين عمتي ..كيفك؟
ام ثامر:الحمدلله يا حبيبتي ...انتي كيفك؟ وايش اخبار الماما والبابا؟!
جيجي:والله الحمدلله كويسين...ايوا صح عمتي ماما تسلم عليك
ام ثامر :الله يسلمها يارب...تعالي حبيبتي اتقهوي معاي
جلست جيجي مع ام ثامر وجلسوا يسولفون
لحد ما جت شروق
شروق متوجهه لهم وبابتسامه:good morning يا حلوات
ام ثامر:انتي الحلوه وربي
جيجي :احم احم نحن هناا
ام ثامر :ههه وانتي كمان احلى واحلى
شوشو:مامي...انتي حقتي مو حقتها
ام ثامر:تغارين يعني؟
جيجي:اخس اخس ما استحمل انا ..اجل لو عندك اخت ايش كان عملتي؟
شوشو:الحمدلله انو ما عندي اخت تشاركني في ماما
ام ثامر:تعالي حبيبتي اتقهوي
جلست شروق جمب امها وجيجي في الكرسي اللي قبالهم
وفي هالوقت دخل عليهم ثامر
ثامر:السلام عليكم
وراح يحب راس امه :كيفك يالغاليه؟
ام ثامر:الحمدلله بخير ...ليش ما رحت للشغل اليوم؟!
ثامر:البارح ما نمت زين ابد
شوشو تطالعه من فوق لتحت :وش اللي ماخذ عقلك؟!
ثامر يطالعها ويبتسم:اشغال
ويلف لجمانه ثامر:هاا جمانه عندنا اليوم؟!
جمانه بابتسامه:ايواا ...ليش شكلك ما تبغاني؟!
ثامر يقلد لكنتها الحجازيه:ايوا ما ابغاكي عندك مانع يا شيخه
جمانه بخفه دم تجاريه:لا عندي دواس
ثامر:ههههه اجل انتي مثل اختنا في الله تستخفين دمك؟!
شوشو خشت في السالفه غلط:تقصدني؟!
ثامر :وهو انا عندي اخت غيرك؟!
شوشو:اي عشان كذا لازم تعرف النعمه اللي عندك وتقدرها
ثامر :اهاا حلوو
ام ثامر تطالع نوف اللي طلعت من باب الفيلا وكانها اول ما شافت شي بدت تتراجع لجوا
ام ثامر تنادي:نوف نوف
نوف انقبض قلبها ياربي خالتي ليش تناديني؟! ياربي ليش ثامر ليش؟!
ام ثامر :نوف نوف
نوف رجعت تمشي باتجاهم :هلا هلا خالتي
ام ثامر:هلا حبيبتي تعالي اتقهوي معانا
نوف تتوجه لجهتهم "ياربي الحين انا وش اقول وشلون اسولف معاه عادي عقب الموقف البايخ ..بس صوت بداخلها يناديها نوف نوف خلك قويه مو ثامر اللي يهزك كذا ومن موقف بايخ لا انا ولا هو لنا يد فيه كان قدر ومكتوب ...يالله اتشجعي يالله "
راحت نوف للجلسه وحاولت انها ما تحط عينها عليه ما تبي تناظره تخاف تفقد قوتها
نوف :اهلين خالتي
وراحت حبت راس ام ثامر
شوشو:وانا بوسيني من راسي
نوف"ياربي شوووشو وربي مو رايقتلك "ولفت تبي تلقا مكان تجلس فيه
ام ثامر وشروق على الكنبه وجيجي على كرسي انفرادي لحالها الكنبه الثانيه فيهاا ثامر وفي مكان جمبه فاضي
"لا لا انا مستحيل اجلس جنبه مجنووونه انا والا استخفيت؟!"
طبعا هي للحين ما حطت عينها بعين ثامر
ام ثامر: نوف حبيبتي اجلسي ليش واقفه ؟!
نوف:ان شالله خالتي بس باخذ لي فنجال قهوه
ام ثامر خوذي حبيبتي ومدت لها فنجال
لفت نوف بتجلس جمب ثامر"ياربي ياربي"
ومن جهه ثانيه
ثامر كان الوضع عنده عادي easy يعني هوو دايم يعامل نوف و جمانه مثل اخته شروق و ولا عمره فكر فيهم لانه يعتبرهم لسا صغيرات في السن لكن الموقف اللي صار له امس كان غير (غير) لكنه حاول يطرد هالافكار من باله ويرجع الوضع طبيعي لانه ما يحب يصير بينهم اي touch(جو مكهرب يعني)لانهم بيضلون صاحبات اخته مهما كان الوضع
ثامر بابتسامه ترد الروح:نوف كيفك؟
نوف مستحيه: الحمدلله بخير انت كيفك؟!
ثامر:الحمدلله طيبين ...ها شلون النومه في بيتناا؟ّ!!
نوف"وش قصده هذا والا وش قصده ؟!!بس الحمدلله انه مشا الوضع ايزي كويس انها جت منه "وهي تناظر جيجي:اي مرره تمام
جيجي وهي تضحك:هههههههههههههههه
نوف:ايش يضحكك ؟!
جيجي:هههههههههه شكلك تحفه كانك خايفه من حاجه
نوف"جيجي يا الدووبا يازينك وانتي ساكته"
شوشو فاهمه الوضع كله وحاسه بنوف فتبي تلطف الجو:ايواا صح ماما انتوو ما شفتووا شكل نوف لمن انا وجيجي خرعناها
نوف"شوشو حبيبتي انتي احبك اموووت عليك امووووت عليك والله لاردها لك "
ام ثامر:ليش ايش سويتو؟!
ثامريقاطعهم :وليش تخرعوونها؟ّ هذي نوف ..وتم يطالعها
نوف"يالله يا ثامر ليش تطالعني كذا ؟ليش والله ماني فاهمتك ؟ّ مرره تحسسني اني اختك ومره لا ....مره ما تراعي مشاعري ومرره اكوون انا محور حديثك ...تطالع في عيونه وهو يحكي لاكنها ما تدري ايش يحكي ...ثامر انا تعبت تعبت ماني قادره افهمك ؟انت ايش تبي؟! ايش تبي مني؟! لمن اشووفك مانت مهتم لي اغير رايي فيك واروح لغيرك ولمن اشوفك مهتم لي اتركهم واجيك
اقول يمكن في يوم تحس فيني ...يمكن ...لكن !!انا ما افهمك ....مهما عرفتك لقيت اني ما عرفتك؟!"
شوشو:نوف نوف نوف
نوف :هلا
شوشو:وش فيك صارلنا ساعه نناديك ما تردين؟!
نوف تمسك راسها:لا بس راسي يعورني
شوشو:تبين بانادوول؟
نوف:اي لو سمحتي
لفت نوف للمكان اللي كان جالس فيه ثامر؟!ما لقته
نوف:وينه ثامر؟!
جيجي:لااااااا انتي بالمره ما انتي معانا (وتحط يدها على راس نوف) ...ايش بك يا بنت ؟!حراره؟!
نوف:لااا...وينه ثامر؟!
جيجي:راح
نوف ببلاهه :وين راح؟!
جيجي تنرفزت منها: وانا ايش يدريني مراتوو انا والا خطيبتوو؟!
نوف:هههههه طيب وخالتي وينهاا؟!
جيجي:كمان هيّ راحت فوق
نوف:يؤ معقووله راحووا ما حسيت
جيجي: وانا ايش يدريني عنك؟!والله خوفتيني عليك؟! تبين اوديكي المستشفى؟!
نوف:لا لا مستشفى لا الحين شوشو بتجيب لي البندول وبصير احسن ان شالله
جيجي: ان شالله
جيجي تفكر وسرحااانه "ياربي ايش يبي فيصل ؟! ...لا يكون بيرجع مع مصعب لبيتنا؟! والله لامووت ...انا ايش اللي يخليني افكر فيه ؟!يمكن لاني للحين ما لقيت الشخص المناسب ؟! والا عشانه وسيم وبس؟! بس كثير الحلوين ؟ايش معنى هو ؟!ليش افكر فيه ليش؟! جمانه خلاص اطرديه من بالك اطرديه ما في شي اسمه حب ما في كله لعب في لعب لا يكون بس حبيتيه..؟ّ!! تنفض هالافكار من بالهاا ....لا لا انا ايش قاعده اخربط واقول أحبه!!...تمسك قلبهاا اللي بمجرد انهاا تفكر فيه يدق بقووه ...لا لا انا ما أحبه ما أحبه أصلا ما شفته الا مرره كيف أحبه؟!!
لاحظت نوف سرحان جمانه .."ياترى ايش تفكر فيه جمانه ...لاي يكون بس لاحظت علي شي !؟ انا لازم ابينلهم ان لا ثامر ولا غيره يهموووني انا نوف اللي دايم قويه مو ثامر اللي يجي يقلب حالتي؟! لا يكون بس حست بشي لا يكون بس..؟!!"
نوف بتردد:جيجي ..وين رحتي؟!
جمانه:لا ولا مكان ...ان شالله خف الألم
نوف تمسك راسها:اي الحمدلله أحسن
رجعت جمانه ساكته
نوف"ياربي وش فيها هذي اكيد حست ؟ّّ!!"
نوف :اقووول جمانه ايش رايك نطلع اليوم؟!
جيجي: على فين؟!
نوف:اي مكان ..نفرفش نستانس شوي ..اصلا تعرفين ودي اطيح ناس جديده بهواي (تغمزلها)
جيجي: بس انتي من شوي تعبانه؟!
نوف بابتساامه:اي وهو عشاني تعبانه ..لازم اطلع ارفه عن نفسي
قاطعتهم شروق اللي توها جايه ومعاها البندول
شرووق تطلع البندول من العلبه وتمده لنوفا
با بتسامه شرروق:ما تشوفين شر نووووفا
نوف:الشر ما يجيك...ها شوشو ايش رايك نطلع اليوم؟!
شوشو باستغراب:تونا امس طالعين!
نوف:عادي واذا؟!
شوشو:لابس يعني انتي تعبانه
نوف قامت من الكنبه ووقفت بسرعه وكانو ما فيها شي
نوف والضحكه شاقه وجهها:وهذا انا زي الحصان
شوشو:هي نوف وش فيك توك على بعضك مو كويسه ...(وتناظر جيجي) ....والا لا يا جيجي؟!
جيجي تبي ترفه عن نفسها هي بعد ويمكن هالطلعه تنسيها اللي صار امس وتنسيها فيصل وفرصه تشوف عيال ثانين وتشبكهم
جيجي:انا عن نفسي ابغا اطلع
شوشو:اوكي وين تبون نروح؟
نوف :اممم اذا تبون فلوس وعز ووسامه ....الفورسيزون بالمملكه ...كل اللي هناك اكثرهم من رجال الاعمال
جيجي عجبتها الفكره وكملت :وكمان اللي بكليه الطب اكثرهم هناك
شوشو بابتسامه خبيثه :انا ابي دكتور
نوف:اجل يالله let's go
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ايش تتوقعون راح يصير بين ثامر ونوف !! وجيجي ليش تفكر في فيصل؟ وشروق لي متى ضميرها بيصحيها ؟!
وايش تتوقعون بيصير في المملكه ؟!
رد : "عــلـــى حـــافـــة الـــهـاوـــــيــة "قصة سعودية رومنسية جريئه !! أول كتاباتي 
العرض العادي
