promise
مره ثانكس على المشاركه والمتابعه لك تحياتي
وهذا الجزء الرابع
قاطعتهم شروق اللي توها جايه ومعاها البندول
شرووق تطلع البندول من العلبه وتمده لنوفا
با بتسامه شرروق:ما تشوفين شر نووووفا
نوف:الشر ما يجيك...ها شوشو ايش رايك نطلع اليوم؟!
شوشو باستغراب:تونا امس طالعين!
نوف:عادي واذا؟!
شوشو:لابس يعني انتي تعبانه
نوف قامت من الكنبه ووقفت بسرعه وكانو ما فيها شي
نوف والضحكه شاقه وجهها:وهذا انا زي الحصان
شوشو:هي نوف وش فيك توك على بعضك مو كويسه ...(وتناظر جيجي) ....والا لا يا جيجي؟!
جيجي تبي ترفه عن نفسها هي بعد ويمكن هالطلعه تنسيها اللي صار امس وتنسيها فيصل وفرصه تشوف عيال ثانين وتشبكهم
جيجي:انا عن نفسي ابغا اطلع
شوشو:اوكي وين تبون نروح؟
نوف :اممم اذا تبون فلوس وعز ووسامه ....الفورسيزون بالمملكه ...كل اللي هناك اكثرهم من رجال الاعمال
جيجي عجبتها الفكره وكملت :وكمان اللي بكليه الطب اكثرهم هناك
شوشو بابتسامه خبيثه :انا ابي دكتور
نوف:اجل يالله let's go
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
رقيو فوق وراحوا يستعدوون
بغرفه الملابس حقت شوشو
شوشو تفتح دواليب الغرفه
نوف:شوشوو راح نلبس من عندك بما انو حنا نايمات عندك وضيوفك
شوشو:ههههههه الله يحيكم حبايبي مره عندكم ومره عندي
لبست نوف تنوره حمرا لين الركبه تبين جمال سيقانها وبودي ابيض عليه وروود باللون الأحمر كان اللبس رووعه وسندل كعب عالي احمر من ماركه( بيربري) طالع مع لون بشرتها رووعه وكمان الشنطه تبع السندل والميك اب حقها كان رووعه اضافت لون البرونز الذهبي للبلشر وكحل سايل اسود من فوق وماسكرا lancom اضاف سحر باهر لعيونها وحددت شفيفها بمحدد أحمر وحطت لها فوقه روج أحمر فاقع مثل لون لبسها كان شكلها مشالله روووعه جميله جمال مو طبيعي
..................................................
اما جمانه لبست عدسات رماديه وحطت لها كحل ارزرق وبلشر وردي وماسكرا lancom ومحدد شفايف فوشي وفوقه حطت روج فوشي وجلوس كان شكلها رووعه كانها اسبانيه او ايطاليه ولبست برموودا جينز فاتح وحزام فوشيا بلون الروج حقها وبودي سماوي شكلها كان خطير وكمان اخذت لها شنطه فوشيا وفيها كريستال ازرق فاتح والسندل حقها كان كعب ولونه سماوي
وهي اختارت الألوان هذي بالذات لان لون بشرتها كان يساعد كان شكلها (funky)ملفت الى النظر
...............................................
اما شروق فهالمره حبت ان شكلها يكون simple أكثر عن صاحباتها لبست فستان قصير الى الركبه لونو ذهبي وشنطه prada ذهبيه مع كعب ذهبي من harvy ولبست تعليقه ذهبيه اهداها ثامر لها بمناسبه عيد ميلادها من كارتير وحطت لها كحل اسود داخلي وماسكرا lancom وبلشر وردي وجلوس كان شكلها وبالرغم من انه بسيط الا انو مره طفولي وكييووووت ونعوم
................................................
كانو بالمره حلوات وملفتات للانظار كل وحده احلى من الثانيه جمال كل وحده فيهم يطغي على جمال الأخريات
وهم في الصاله تحت ياخذون العبايات وبعد ما عطرووها وتاكدو من نظافتها وانهاا مكويه لبست كل وحده فيهم عبايتها اللي كانها فستان عرس مو عبايه واللي تبين ايش اللي هم لابسينه
شروق :بنات ايش تبون نركب اي سياره؟!
نوف:امممم عادي اي شي
جيجي:انتي ايش ودك فيه!
شروق تفكر :ودي نركب في البي ام ايش رايكمّّ!!
نوف:اوكي
جيجي:اهم شي نطلع
شروق طلعت جوالهاا ودقت على ناصر (السواق)
شروق:ناصر قرب البي ام عند باب الحريم الحين انا بطلع
...............................
وتقربت السياره لهم وركبووها
.................................................. ..
في مكان ثاني في قهوه المساء في التحليه كان فيصل جالس هو وخالد ينتظرون من مصعب انه يجي
خالد:يا اخي اذيتني ...خلني بكيفي متى ما عقلت عقلت
فيصل:وبنات الناس عندك لعبه؟!
خالد:والله هم اللي رامين نفسهم ...مهوب انا ؟!!
فيصل يضحك عليه :طيب وما تقدر تقول لا ؟!
خالد:اقولك البنت راميه نفسها علي شلون اقول لا !!؟ انت صاحي؟!
فيصل :خالد انت تكلم وقلنا مايخالف ...بس تروح هالأماكن وما تبينا نتكلم؟!
خالد يقاطعه:فيصل أرجوك..انا رجال وعارف ايش اسوي مانيب اصغر عيالك
خالد شاف مصعب يدخل القهوه وجه كلامه لفيصل وقال بهمس
خالد:فيصل اسكت الله يرحم والديك مانيب ناقص مشاكل
ضحك عليه فيصل بتريقه
وقام يسلم على مصعب
فيصل: حيا الله بو سعود
مصعب:الله يحييك..خالد هنا ؟! ويلتفت لخالد
وقام خالد يسلم على مصعب
خالد بضحك:اي هنا ليش مهوب عاجبك؟!
مصعب :الا عاجبني ..وانا اقول ورا القهوه منوره مهوب من عادتك تخاوينا
خالد:اعتبرها طردهّ!!
مصعب:ابد لا طرده ولا هم يحزنون
فيصل:اقول اتركونا من مهاوشكم لبعض( وطلب لمصعب كابتشينو)
مصعب:اقول فيصلوو طالبلي
فيصل يلتفت عليه ويعطيه نظره
مصعب يستهبل ويتصنع الخوف
فيصل:اجل تسميني فيصلوو
مصعب:ادلعك انت ووجهك مالت عليك ماهوب يلبق لك الدلع
فيصل:وما بقى الا انت تدلعني
خالد:قايلك يا مصعب فيصل مهووب وجه تدليع
مصعب بنظره مكر يوجها لخالد:هااا خلوودي
خالد ضحك
مصعب :اجل الدلع لابقلك
فيصل:اقول انت وياه ورا ما تقومون ازين
وقام فيصل عنهم
مصعب:وش فيه بوو عزوز؟
خالد :وانا ايش يدريني ....ويغير السالفه...
خالد:اقوولك عندي لك بنيه
مصعب لف لخالد اللي السالفه شدته ونسوا امر فيصل اللي طلع وخلاهم
......................................
ركب فيصل في سيارته الفراري وصار يدور في التحليه ماهو عارف وين يرووح "يالله انا شفيني وش اللي قلب حالي من عرفتها وانا منقلب حالي طوال الليل امس ما نمت بس افكر فيها معقووله من موقف واحد ترسخ فبالي وافكر فيها ياربي ايش كثر حلوه ؟!!مبين عليها بنت ناس وبنت عز ...معقوووله سعووديه!! انا من جيت السعوديه ما شفت بنات ؟!لهالدرجه بناتنا حلواات والا بس هي !! بس يا فيصل انت شفت اشكال والوان من البنات ..بس مثلها ما شفت !!مر من( واتر ليمون )وقاعد يقووول ...وينها ؟!! وينها؟!!"
.........................................
اول ما وصلوا للمملكه
شروق:ناصر ادخل من الفور سيزون
ناصر:انشالله
شروق:بنات اخاف أشكالنا !!over(يعني كاشخين بزياده)
نوف بتكبر :واذا ما كشخنا الحين متى نكشخ!!
شوشو رجع ضميرها الحي يأنبها
جيجي تشوف وجه شروق المتعكر
جيجي:شوشو قلبي ايش فيكي ..من شويه وانتي تسولفي علينا زي العسل
شوشو تبتسم:لا جيجي ما فيني شي ...يالله ننزل
نوف تساير شوشو:شوشو ..يالله اضحكي وريهم ضحكتك الحلووه اللي الكل ينهبل عليها يالله شوشو ورينا مين بطيحينه بغرامك..والا منتي قدنا (وتطالع جيجي)
شوشو: تبتسم الا قدكم ونص
جيجي تبتسم لهم :يالله يا بنات
ومثل ما قلت قبل او كتبت لكن باختلاف السياره البي ام عن الكسز والسائق منصور عن السائق ناصر
ونزلو من السياره لكن طبعا بعد ما كل وحده عدلت من نفسها والميك اب حقها وكل وحده تسال الثانيه عن حالها وبعد التاكد من كل شي نزلووا
اول ما دخلوا من عند بوابه الفور سيزون وطبعا كان الغرور والتكبر تحمله كل واحده منهم
نوف:بنات وين نجلس
شوشو:ايش رايكم نجلس باللووبي هناك (وتأشر على المكان )
وراحوا طبعا كان المكان اللي كانو راح يجلسون فيه باللووبي مليااان عيال وملياان شباب وكانو لازم يمرون منهم وهم يمروون
نوف :جيجي شوفي هذاا يا ملحه
جيجي تتلفت:اي واحد كتير الحلوين؟!
نوف :هذا اللي جالس هناك
جيجي لفت عليه:ايواا هداك اللي بيطالع فيكي؟!
نوف:ايوا اللي معاه سيجار
جيجي بقرف وبصوت عالي شويه :ويــع ايش بوه دوقك يا نوف
نوف بهمس :ههههه اششششش فضحتينا
شوشو:بنات المكان مليان ما في مكان
جيجي:اممم طيب ايش نعمل؟!
شوشو تطالع بالسكيوريتي اللي من اول ما دخلوا ما شال عيونه من عليهم
شوشو بالحجازي :اوريك دحينه ايش العمل
وتتوجه للسكيوريتي
وبكل دلع وميوووعه :لو سمحت
السيكيوريتي ساكت متنح ما استوعب ان شروق تحاكيه
شوشو:يااا اخ
السكيوريتي يلتفت يمين يسار يمكن شوشو تحاكي احد غيره بس استوعب انه مافي احد الا هوو
السكيوريتي يأشر على حاله :أنا
شروق:هههه ايوا انت في احد غيرك
السكيوريتي :أمري
شروق:ما يامر عليك عدوو...بسراحه انا وصاحباتي مرره جوعانين ..واسبازيوو فوق ملياان ..ومافي مكان نجلس فيه غير هنا باللوبي ومثل مانت شايف مرره مليان وزحمه فممكن...
قاطعها السكيوريتي :اوكي دقيقه شوي
وراح يكلم الجرسوون انوو لازم يفضون مكان ويلاقي مكان ل 3 اشخاص
وبعد 3 دقايق رجع السيكيوريتي:لو سمحتي اختي من هنا
واشرلهم على المكان الفاضي
شوشو بدلع ماااصخ:يا حبيـــلك عن جد مررا مررا مررا شكراا اتعبتك معاي
السكيوريتي :ولووو تعبك راحه
مدت شروق يدها له تعرف له عن حالها :معاك شروووق
السكيوريتي :عاشت الاسامي شرووق...انا محمد
شروق:عن جد محمد ماني عارفه كيف اشكرك
السكيوريتي :هذا واجبي...ولو بغيتي اي شي انا في الخدمه
توجهت شروق للمكان ولفت له وغمزت له طبعا محمد رايح فيها عالم ثاني
جيجي:حرام عليك سويتي فيه كداا؟!
شوشو:ههه يحمد ربه والا هو يحصل؟!
نوف باعجاب:ايواا خليك كذا دايم
وجلسوا في المكان
وكل وحده طلبت لها كوفي واللي طلبت لها عصير
طبعا البنات مستحلين المكان بكبره كله اصوات ضحكهم
وفي واحد عينه ما نزلت عن نوف
ونوف بعد ملاحظه هالشي لكنها متكبره وتبي منه هو اللي يتحرك
استأذنت نوف وقالت انها بتروح لتواليت وحبت تمر من المكان اللي جالس فيه الرجال
نوف طبعا وعبايتها مفتووحه وانواع الاغرائات وريحه عطرها المميزه
وهي تمر من عنده طالعته بنظره يعني الحقني الرجال خلاص انهبل وراح يمشي وراهاا
جيجي تطالعهم وتضحك :شوشو شوشوو شوفي نووف الملعوونه
شوشو:ههههه خليها براحتها
دخلت نوف للتواليت عدلت من الميك اب حقها وزادت من ريحه العطر
"ايواا يا نوف جبتي راسه شكله هاامووور ...ابتسمت لنفسها "
وطلعت من الحمام واول ما طلعت شافته واقف قدامها
ابتسمت له بغرور
الرجال بشاعريه:يامساء الخير
نوف بابتسامه نصر:مساء الخير ...خير اخوي اساعدك بشي ؟!
الرجال:ايه
نوف:انشالله خير
الرجال:اكيد خير دامك بتساعديني
نوف:لا انت حالتك صعبه
الرجال: حالتي مووت صعبه ..ناويه تساعديني؟!
نوف:حسب المساعده؟!
الرجال :اوكي ...انا بقولك بس مو الحين (ومد لهاا بطاقه )
اخذت البطاقه
الرجال :انتظرك
نوف:لهالدرجه واثق اني بدق عليك؟!
الرجال:لا بس بيكون لي الشرف
نوف وهي تناظر ساعته الذهب الي مرصعه بالألماااااس وتبتسم ابتسامه شيطانيه:ولي الشرف
ومشا عنها
رجعت لعند البنات
نوف:هاا girls تبون نتغدى اصلي ميته جووع
شوشو بابتسامه :نووووف يالمجرمه
جيجي:ايا الملعوونه وش سويتي بالرجال؟!
نوف بغرور وثقه بالنفس تقلد هيفا وهبي :انا انا نوووفا انا
شوشو:هههههه ندري يا نوف ندري
جيجي:هاا طيحتيه؟!
نوف وماسكه الكرت :ايش تحسبين؟!
جيجي:مانتي سهله يا نوف
شوشو:مالت على حظي ما غير سيكيوريتي
جيجي وهي قايمه :هههههههههههههه احسن مني عاللأقل
شوشو:يالله نرووح سبازيو
قاموو وتوجهوو للاصنسير اللي يودي على سبازيوو فوق في برج المملكه
وهم قاعدين على الطاوله اللي في المطعم
جيجي:ها بنات ايش بتطلبون ؟!
شروق:انا عن نفسي ما ابي حاجه يمكن اطلب ايس كريم!
نوف :لا شوشو لا تطلبين من هنا خلينا بعد ما نطلع من هنا نروح هاجنداز ...ايش رايك؟!
شوشو:يكون احسن ...لاني بصراحه ماني عارفه ايش اطلب من هنا ..؟!
جيجي:نوف انا راح اطلب رافيولي
نوف:ممممم اوكي انا كمان زيك
وبعد ما جا الويتر وطلبو
فجأه رن جوال جيجي
جيجي:اوووف هادا التاني ايش يبغي !
نوف وشوشو بوقت واحد:مين؟
جيجي: سلطان
نوف:وااااي سلطان !! سلطان بن محمد!!
جيجي بطفش :ايوا ...ومين هادا سلطان لهالدرجه فرحانه فيه!
شوشو:يا غبيه ...هذا نص بنات الرياض خاقين عليه ويبون يجيبون راسه ومو معطيهم وجه ...
تكمل نوف: وهو بنفسه داق عليك!قوليلي كيف!
جيجي وهي تمد الموبايل لنوف :اوكي حقولك ...بس ايش رايك دحين انتي تردي عليه تقوليلو اني مشغوله, طالعه اي حاجه!!
شوشو تعارض:لا يا ماما انا اللي حرد عليه مو نوف "وتمد لسانها لنوف"انا من هالطلعه ما راح فيها معاي الا سكيوريتي !
جيجي منقرفه :اوكي انتي وهيّ ....اي وحده ترد دحين انا مو فاضيه
شوشو اخذت الموبايل من جيجي بحركه سريعه وعلى طول ردت
شوشو بدلع :الوو
سلطان :اخيرا جيجي ما بغيتي تردين
شوشو خايفه لو تقوله انها مو جيجي ويسكر في وجهها فقامت عن البنات وراحت شوي بعيد عنهم
نوف :ايش فيها راحت!
جيجي:وانا ايش يعرفني تروح معاه بستين داهيه
شوشو وبحركه غير متوقعه منها :سلطان ..انا غيرت رقمي هذا الرقم مو رقمي رقم صاحبتي
سلطان:جيجي ليه ما قلتيلي توك الحين تتكلمين!
شوشو بدلع تبي تخلي الرجال يطيح او يغمى عليه:ايش اسوي يا عمري والله ماني حافظه رقمك
سلطان خلاص خق:تدري يا جيجي انك اول مره تقوليلي يا عمري!
شروق ارتبكت
سلطان:الو ...جيجي
شوشو:هلاا
سلطان :طيب يا قلبي عطيني رقمك ...ابي اخذ راحتي معاك ..شكلها صاحبتك تبي موبايلها
شوشو بمكر:اوكي بس مو ترجع تدق على هالرقم مره ثانيه ترى وربي ازعل عليك
سلطان :اوكي ..يالله عطيني
شوشو:********
سلطان يتكلم بحجازي:ايش الحلاوه هدي كدا الأرقام والا بلاش
شوشو عجبها انو سلطان عجبه رقمها :اوكي توني يالله استناك
سلطان:اوكي حياتي
شوشو:باي
سلطان :باي
.......................................
شوشو "سلطان وشروق الله مره الأسامي تتناسب ياليته يخق علي ليش بس على جيجي !! طيب يمكنه ما شافني ؟!انا راح اخليه يتعلق فيني ولمن يطيح بيدي اقوله اني شوشو"
رجعت للبنات وحطت موبايل جيجي على الطاوله
جيجي :ها ايش صار معاه ...هدا اللزقه !
شوشو بابتسامه مكر وتقلد صاحبتها بلكنتها الحجازيه: اتوقع انو ما راح يرجع يدق تاني
مشت شوشو عنهم
جيجي :شروق فين رايحه!
ابتسمت شروق :مالكشي دعوه !
فجأه رن جوالها ابتسمت ابتسامه نصر
مشت عن البنات وجلست على طاوله من الطاولات
شوشو:الوو
سلطان:ها قلبي مبسوطه
شوشو:تو ما نور جوالي توني
سلطان:الله توني!!
شوشو بمكر:لي توني ما عجبك الدلع حقك!
سلطان:الا موت عجبني تدرين! انا بغير اسمي من سلطان لتوني
شوشو :ههههههه لا عاد مو لهالدرجه!
واخذت شروق تحاكي سلطان وهي قاعده على طاوله بعيده عن جيجي و نوف
.............
عند جيجي ونوف
نوف كانت حاسه ان شروق ناويه على شي...عمره احساسها ما يخيبها
نوف :شكلها تكلم سلطان!
جيجي بلا مبالاه :واذا تكلم سلطان !! انا ابي اعرف سلطان هذا ايش شايفين فيه!
نوف وكأنها تذكرت شي :ايوا صح قوليلي كيف عرف رقمك!
جيجي :مو انا مشتركه ب hi5 ؟
نوف:ايوا
جيجي :ايوا هو شاف صورنا
نوف خافت لانو مهما كان هي بنت نجديه اهلها ما يرضون ان صورها تكون بالنت!
نوف:جيجي انتي مو قلتيلي انك شلتي الصور؟
جيجي ببرود :لا ما شلتها بس شطبت على وجيهنا وحنا لابسين البكينيز !
نوف ارتاحت :اشوا
جيجي :انتي مجنونه احط وجهي !تبين مصعب يقتلني !!
نوف:تبين الصراحه ..تسوينها!
جيجي تضرب نوف على يدها بمزح
نوف:sorry والله مو قصدي بس انتي تعرفين عايلتي !!
جيجي:نوف ايش دعوه ! ترى حنا كمان عندنا هالشي!
نوف:ايوا بس انتو open
جيجي:open ايوا بس مو لدرجه اشهر بعمري بالنت!!
نوف تعدل جلستها وبابتسامه :اوكي شافهم ....هههه بعدين ايش سوا!
جيجي: انهبل الولد
نوف بغرور :ههههه بصراحه ما الومه في احد حنا ما نجيب راسه!
جيجي بغرور : ايوا بس هوّ انهبل على انا !!
نوف: هههههه لا يا شيخه!! تبين تبينيلي انو حنا ما عجبناه
جيجي: انتو تعجبوا بلد بحالها....بس ما ادري هوّ يقولي لونك حلو عامله self tan !! و الا متشمسه!!
نوف:ايوا وبعدين
جيجي: عملي اد على ال msn وصرنا نسولف ... بيني وبينك!!
نوف : ايوا
جيجي : بايخ وما عندو سالفه ... ما يحكي الا بنفسه وفي ابوه !! انا ما ادري شايفني بنت فقر !!
نوف: ايوا اصلا مبين عليه مغرور(تذكرت ثامر)
جيجي: وحبيبتي اللي يغتر عليكي دوسيه برجلك
نوف " كأن جيجي حاسه فيها وتتكلم عنها ": وانتي الصادقه
فجأه رن جوال جيجي
جيجي : اهلين بأخويـــه الكبير
مصعب :هلا والله
جيجي:ايش عندك داق!
مصعب :حرام أسلم!
جيجي: ايوا حرام تسلم ... اللي سويتو فيني الصبح ما ينتسى !
مصعب تذكر سالفه الشبسات
مصعب وهو مبتسم :ههه يا قلبي انا على اختي اللي بتزعل!
جيجي تتصنع الزعل : شوف مصعب ...ترى انا للحين زعلانه منك
مصعب : طيب ايش تبيني اسوي عشان ترضي علي ...(وعلا على صوت المسجل اللي بالسياره عشان جيجي تسمع الأغنيه)
ما دام حلوه يا قلبي دلوعه لازم تصير
دلـــــــــوعــه لازمــ تــصـــــــــير
ياقلبي سلم عليها محتاج انك تجيها
ما دام هيّ ما تــســأل
ما دام هيّ ما تــســأل
روح أنت واســــــــــأل علـــيها
صـــالحـــها بـــكلـــمــتين
وجـــــبـــلهـــا وردتــــين
يا قلبي والله الــبنات تسحرهم بكلمتـــين
جيجي خلاص خقت : مصعبو ...أحبك
مصعب يضحك : وأنا بعد يا قلبي
جيجي: مصعب احس اني خويتك مو أختك
مصعب:هههههههه
جيجي: ايش بك تضحك؟
مصعب : على كلامك الحلو
جيجي تستهبل: ايوا بس انا للحين ما رضيت
مصعب يعرف اخته : ادري
جيجي: يالله الحين روح جيبلي ورده
مصعب : الحين!
جيجي: ايوا الحين
مصعب: هههههه مشالله وأدخل لبيت شوشو!!
جيجي: لا انا مو في بيت شوشو
مصعب : وينك طيب؟!
جيجي: في اسبازيو
مصعب : واللهي!!
جيجي : ايوا
مصعب بحدّه : وانتي ايش وداك هناك! انا موديك لبيت شوشو ...يعني انطقي فيه الين ترجعين البيت ...ما جبنا حنا بنات شوراع؟!
جيجي"ياربي ايش قلبه هذا "
جيجي تتأفأف
مصعب: شكلو ما عجبك كلامي!
جيجي: لا عاجبني
مصعب : طيب يالله جهزي حالك بجي أمرك
جيجي تقاطعه :لا مصعب لا حرام عليك!
مصعب : خمس دقايق وأنا عندك
جيجي: مصعب بليز بليز الله يخليك ....ايش فيها رايحين على مطعم!!
مصعب :انا مو زعلان على انك رحتي للمطعم ....انا زعلان لانك ما عطيتيني خبر !اختي انا تدور في شوارع الرياض ولا ادري؟!
جيجي : طيبــ ..
قاطعها مصعب : خمس دقايق وانا عندك
سكر الخط في وجهها
جيجي : اوف ايش يبي هذا
نوف مستغربه : جيجي ايش اللي غيره !! قبل شوي تضحكي معاه وتقوليلو أحبك!
جيجي: عصب لاني طلعت من بيت شوشو ولا قلتله
نوف: ومن متى انتي تقوليله!!
جيجي مره متضايقه: نوف ما ادري ما ادري
.................................................. .................
مصعب تحت في اللوبي حق الفور سيزونز يستنى جيجي
يدق عليها ...بس لا يوجد شبكه!!
فقرر انه يروح لهم فوق في اسبازيو
اول ما دخل شاف شروق قاعده لحالها على الطاوله ومعطيته ظهرها مشى باتجاها
شورق : هههههههه لا عاد مو لهالدرجه
سلطان:والله وربي هذا اللي صار
شروق: يا حياتي انت
سلطان :تدري يا جيجي ! اول مره احس اني من جد مبسوط
شروق:ان شالله دووم مو يووم
سلطان :وياك حبيبتي ...بس ما سألتيني ليش!
شروق:هذي ما يحتاج لها سؤال أكيد لأنك تكلم بنت قمر زيي ...والا هو يحصلك!
وقف مصعب شويه لمن سمعها تتكلم !! "يا ترى شروق مين تكلم !! "
شروق:هههههههههههههه اوكي ياقلبي take care باي
قامت شروق من الطاوله على اساس انها بترجع لجيجي ونوف لكنها انصدمت لمن شافت مصعب قدامها "من متى هذا هنا ؟ّ وايش يسوي؟! لا يكون سمع شي من اللي قلته !! لا انا رحت فيها ... ياربي لا يكون سمع شي لا يكون !!كل شي الا مصعب مصعب !! ياربي ما يكون سمع شي !!"
شروق بابتسامه تحاول تخفي توترها :مصعب .. انت هنا! ايش هالمفاجأه
مصعب واقف مذهول " لا شوشو ما تسوي كذا ...استغفر الله ياربي يمكني سامع غلط؟! انا لازم اتأكد لو ما تأكدت بموت ؟!"
ياترى ...ايش بيصير بين مصعب وشروق !! وبيعرف عنها والا لا؟!
تحيات غدوو
رد : "عــلـــى حـــافـــة الـــهـاوـــــيــة "قصة سعودية رومنسية جريئه !! أول كتاباتي 
.gif "Graaam (150)")
.gif "Graaam (214)")
العرض العادي
