غاده مره انصدمت " وش عندها هذي وش تبي"
نوف مسكت الكاس ورمت العصير كله عليها
كل الانظار توجهت لنوف وغاده ...
نوف: اوبس سوري بس باقي العصير كان يبي يطيح عليك
غاده للحين ما استوعبت اللي صار
تدخلت مها وبصوت عالي :نوف ايش جالسه تسوين ؟
نوف ببرود: هههه طاح العصير عليها
شروق خلاص ما تقدر تتحمل أكثر من كذا
شروق : انتي وشلون تعاملين ضيفتك بالطريقه هذي
نوف تطالع غاده باستحقار : ومين قالك اني أنا نوف بنت عبدالمحسن اعزم هالأشكال!!
شروق : عيب عليك يا نوف
نوف تطالع شروق : مو انتي اللي تعلميني العيب!
شروق: صدق واطيه وحقيره
نوف علت صوتها: احترمي نفسك ...والا ناسيه انتي في بيت مين!!
شروق: انا محترمه نفسي قبل ما اعرفك ومو انتي اللي تعلميني الاحترام!!
نوف: اقولك اسكتي احسن لك لا تسمعين كلام ما يجوزلك يا بنت المغربيه!!
جيجي مصدومه"كل هذا يطلع من نوف؟!"
جيجي تدخل: نوف شوشو خلاص اقطعوا السالفه
شروق مره منقهره من نوف مهما تهاوشوا المفروض ما تجرحها: ماني قاطعه السالفه والموضوع ما ينسكت عنه يا جيجي
نوف تتريق: ليش وش بتسوين بتعلمين البابا!!
شروق: صدق انك حقيره وما تربيتي
غاده:شروق خلاص هدي ماله داعي
شروق: غاده بليز شوفي ايش سوت فيك
نوف تسوي روحها خايفه: يما يما لحقوا علي غاده وشوشو بيضربوني
وكل البنات صاروا يضحكون
جيجي : صدق انك قليله ادب يا نوف
نوف: هههههه مخليه الأدب لك ولأهلك
جيجي: وش فيهم اهلي ...ما عجبوك!
نوف تطالعها من فوق لتحت: لا ما عجبوني !!
جيجي:ههههههه احسن من اللي ما لقت ناس يربونها
نوف: لمي لسانك
جيجي: انتي آخر وحده تكلميني مفهموم!
نوف: اول شي انا ما كلمتك
جيجي: كلمتيني والا كلمتي شروق ...انا وياها واحد
شروق: وبعدين اوعي لنفسك وشوفي انتي مين !
جيجي: يالله شوشو وغاده ومها خلونا نمشي
نوف: ما خلصت كلامي
شروق لفت عليها : وش عندك بعد تقولينه مو كفايه طلعتي خياسك يالخايسه للناس!!
نوف تضحك: هاه خياسي!! والا انتي الخايسه واللي مشبكه نص عيال الرياض ياللي ما تخافين ربك!!
شروق ارتبكت مره : انـــا!!
جيجي تدخلت : وانتي الظاهر نسيتي انتي مين ...يا بنات شفتوا هاالنموذج من الناس (وتأشر على نوف) ترى ما في ولد ما خاوته وما في واحد الا واجبت راسه مو بس العيال ...راحت للشياب اللي ما تخاف ربها !! فرقت بيوت !! لا تحطين اخطائك علي انا وشروق مفهوم
نوف ما قدرت تتحمل وسطرت جيجي كف
جيجي خلاص ولعت : يالخايسه
وظربتها كف
نوف: طبت فوق جيجي
وطبت شروق عليها تبي تبعدها
شروق : يالمعفته وخري
جيجي: يالزفته روحي عني
نوف وهي تدخل اظافرها عي يدين جيجي: احترمي نفسك
وتـــــــــــــــــــشد في شعر جيجي وجــــــيجيـــ تشد في شعر نوف وشو تشد في شعر نوف
غاده تدخلت : مها فكيهم تعالي ساعديني
وكل البنات صاروا يطالعون ماهم مصدقين اللي صار شروق وجمانه نوف!! كانوا صاحبات من زمان ايش اللي غيرهم
نوف وهي تشد شعر جيجي: يا حيوانه يا حيوانه
جيجي: شيلي يدك عني يا bitch
شوشو وهي تظرب راس نوف: وخري عنها
نوف توخر شروق عنها: انتي الي ابعدي عني انتي اللي ابعدي عني انتي واخوك
شروق: وخري عن جيجي يا حماره....وبعدين انتي اللي وخري مو حنا
نوف وقفت وبكل صمود وحماس : انتي اللي ابعدي عني ابعدي عني انتي واخوك!
الناس والبنات صاروا يطالعون "ياترى ايش السالفه؟ّ!!"
شروق"وش قصدها هذي "
جيجي قامت من على الأرض وصارت تسمع اللي يصير "اخو شروق !! مين ؟! "
نوف وصوتها خلاص مبين عليه الانهيار لكنها انتبهت لحالها وما نزلت ولا دمعه!!
شروق: هههههه ضحكيتني اخوي ...اي اخو فيهم ثامر والا تركي؟! والا انتي ناويه تكوشين على الاثنين؟!
نوف خلاص انهارت الحين شروق صارت على نقطه ظعفها واللي هي "ثامر"
مسكت نفسها وطالعت شروق : اخوانك!! من جدك انتي !! انا احلم في واحد منهم؟! شكلك تحلمين يا ماما
شروق :يكون أحسن لانهم ما بياخذون وحده واطيه وبنت شارع زيك
وقفت نوف مصدومه اللي خافت منه الحين تسمعه نزلت دموعها "لا يا شروق لا تكفين لا تكفين الا ثامر ..اذا انتي بتبعدين خلي ثامر معاي خليه لي لا تاخذينه "
نوف تصارخ زي المجنونه : برا برا اطلعي برا
وتأشر على جيجي : اطلعي برا انتي وهيّ اطلعوا
غاده"انا ما ادري ايش جابني اليوم؟!" : بنات يالله تعالوا
شروق ما صدقت تطلع وراحت لجيجي الي واقفه وهي مصدومه
شروق: يالله يا جيجي
نوف توجه كلامها لجيجي: ما تسمعين اقولك برا
جيجي جت بتروح لكنها لفت وطاحت دموعها من دون ما تحس : بقولك حاجه ...وحطيها في بالك زين!!
نوف كانت تسمع
جيجي: انتي أكبر غلطه بحياتي يا نوف ...صدقيني ما عمري ندمت قد ما ندمت على صداقتي وايام عمري اللي قضيتها معك
نوف بكبرياء: يعني انا اللي مو ندمانه!!
جيجي: لا تكلميني بيوم ولا تتشكين لي في يوم من احد ولا تدقين علي ولا تقبلين علي بيتي وانسي كل شي كنا نسويه مع بعض ؟ّ!!
شروق"يا خسارتك يا نوف لكنك بينتي على حقيقتك": جيجي يالله
وطلعوا جيجي وشروق ورا غاده ومها وركبوا في سياره غاده
في سياره غاده
غاده مره كانت مفتشله من اللي صار تحس انها هي السبب في اللي صار كله ما ودها انها تكون سبب في مخانقه!
غاده: بنات
البنات كلهم : هلا
غاده: آسفـــه انا السبب في اللي صار
مها: غاده موانتي السبب هي اصلا كذا حيوانه من زمان
غاده: شفتي يا مها قلتلك من زمان ما ابي اروح سبحان الله كنت حاسه
جيجي وفي عيونها العبره: غاده لا تشيلين هم مو انتي السبب
شروق وهي حاسه بجيجي: جيجي هونيها وتهون مو انتي السبب
سكتوا البنات
ولمن وصلوا لبيت غاده
شروق خلاص ما قدرت تتحمل اكثر وصارت تبكي
كل البنات تجمعوا عليها وهي حاضنه جيجي :اهئ اهئ اهئ جيجي ايش اللي غير نوف علينا ...ليش عملت كذا ...؟!
جيجي ضايق صدرها بالمره: خلاص شوشو مو انتي السبب هي اللي تركتنا خلاص
شروق: بس ما اقدر اتخيل حياتي من دون نوف؟!
جيجي"حاسه فيك يا شوشو "ومتقطع قلبها كثير على صداقتهم : خلاص شووش مثل ما قلت اللي باعك برخيص بيعيه بتراب
غاده ومها اول مره كانو يعرفون انو علاقه نوف وشروق وجيجي قويه ومتينه لهالدرجه لكن كيف افترقوا وايش السبب؟!
شروق: خلاص انا ابغا اروح للبيت
غاده تلطف الجو: اجلسي معانا شوي
شروق: اسفه غدو لكن اعصابي مره مشدوده
كلمت سواقها وجا اخذها
جلست جيجي هي وغاده ومها
مها: جمانه...ليش نوف سوت كذا
جيجي بقله حيله: وانا ايش يعرفني فيها
يا ترى ايش حيصير بين جمانه ونوف شروق!
رد : "عــلـــى حـــافـــة الـــهـاوـــــيــة "قصة سعودية رومنسية جريئه !! أول كتاباتي 
العرض العادي
