ابا مساعدتكم ارجوكم

[شمعة وله]

السلام عليكم
اخواني وخواتي شخباركم ؟؟؟؟


الصراحة انا عندي مشكلة واتمنى انكم تساعدوني على حلها ...

انا مخطوبة ونحن (( نحب بعض )) الحمد لله

واكلمه صار لي سنة بالاول ماكان يرضى يعترف لي عن علاقاته

السابقة ويا البنات مع اني كنت حاسة بها الشي وكنت دايما اقوله بس مايعترف (( مع العلم انه من اهلي )) يعني اعرف عنه كل شي تقريبا ...

بس كنت اباه يصارحني ويكون صادق وياي...( الصراحة احيان تجرح بس والله اريح)

ومن فترة اعترف لي بكل شي انه له علاقات مثل ما كنت متوقعة واللي خلاني اصدقة

واحس فيه وااااايد شعورة بالندم ،،

وحلف لي انه من كلمني تغير وااااايد ،،،،،،

صدقة وياي وصراحتة خلتني اتعلق فية اكثر ،،، والحين اباكم تدلوني على الاسلوب

الصحيح اللي لازم اعامله فيه وما اباه يندم في يوم انه اعترف لي بشي وانه ينسى

الماضي واباه يتغير للاحسن انشالله ؟؟؟


ممكن تفيدووووووووووووووووووووووووووووني

وجزاكم الله الف خير


مع احترامي للجميع

شمعة وله

[الحر الأشقر]

أختي الكريمة:

كان من المفترض ان لا تطلبي منه ان يتعرف لك بذلك, وكان خطأ منه ان اعترف بذلك . فيعلم الجميع ان التوبة تجب ( تمحو) ما قبلها .

يجب ان تعلمِ ان هذا الإعتراف ربما يكون أداة لهدم حياتك إلا ان أخذتي على نفسك عهداً أن تمحيه من ذاكرتك ولا تفكري فيه أبداً , فصدقيني ان أول خلاف بينكما ( خلافات الأزواج المعتادة) سيطرأ على بالك هذا الإعتراف وسيكون مدعاة للشك.

نصيحتي اختي الكريمة :

حاولي قدر المستطاع مسح هذا الإعتراف من ذاكرتك وكأنه لم يقول لك شيئاً

أخلصِ النية لله عز وجل في هذا الإرتباط

إعلمِ ان الخلافات الزوجية هي ملح الحياة بين الزوجي

(( بارك الله لكما وبارك عليكما وجمع بينكما في خير ))

[عدنان 22]

السلااااااااااااااااام

فترة الخطوبة هي فترة تفاهم والله فترة نفاق بينهم لان كل واحد منهم يحاول
يظهر باحسن من الثاني ليش ماتكون فترة تفاهم

اعرف شخص في فترة الخطوبه كان مع خطيبته زي العسل وبعدين انفصلوا
لان كل واحد فيهم اشك في الثاني وخصوصا الرجال لان سمع عن مراته كلام
وهذا من عدم تفاهمهم ومعرفتهم لبعض لان كانت الفتره فترة نفاق بينهم

ونفس الشيء هناك واحد كل شيء تبغاه خطيببته يسوي ليها ما تفاهم وياها
وفي الاخير انفصلوا لان صارت تطلع ولا تقول لزوجها وكل شيء تسويه ما ترجع له

شفتوا ليش انفصلوا لان مافي تفاهم بينهم في فترة الخطوبة وكان كل واحد ينافق وي الاخر
المفروض ان فترة الخطوبة راح تكون للتفاهم وليش نستر شي مفروض نكون

على حقيقتنا ترى اهم شي الصدق لان لازم بيجي يوم والكذب يبان يعني مثلاً

لو قلت لخطيبتك انا عادي عندي انش تسوي كذا وكذا وهذي حريتش وانا أأيد

كذا وكذا (طبعاً بس عشان تكون بصورة معينة قدام خطيبتك) في النهاية لما

تتزوجوا راح تغير كل مفاهيمك مثلاً؟؟

لا بالعكس راح تعترف على نفسك انك

كذبت..وللأسف هذي وااايد نشوفها في مجتمعاتنا ومن البنات بعد بس ليش؟؟

في النهاية الانسان لما يرتبط مع انسان المفروض يكون حبه عشان كل شي فيه

شينه قبل زينه فلو كنا من البداية صادقين مانضطر في النهاية نسوي اشياء

مانبغى نسويها..(الي اوله شرط اخره نور)

فيعني لو قلت لها انا مااحب كذا بتشوفها بكل ادب تحترم رايك والعكس للبنات..



اختي شمعة وله

أشكرك جزيل الشكر على

هذه الثقة بنا .... وعلى هذا الطرح القيم والمفيد

ولك منا .. كل التقدير والود والإحترام

دمت بحفظ الله ورعـايته...!!

[شمعة وله]

اخواااااااااااااااااااااااااااااااااااني
الحر الاشقر
وعدنان 22

الف شكر
على ردودكم القيمة وفي ميزان حسناتكم انشالله

مع احترامي
شمعة وله

[®§إحساس جدة §®]

بمثل ماقالك الحر الاشقر ماكان لازم تحاولي تعرفي ماضيه لانه راح يبقى بذاكرتك
لكن نفسي اهمس لك بشي مهم جدا
هو ان لاتذكريه بالماضي هذا ابدا ولاتحاولي تخليه يتذكره او يحن اليه عوضيه عن كل شي
وخليكِ مساعد له علشان ينمسح من راسه للابد والله يسعدكم