حركة الموت ختامها >> تعلمو السواقه << مشرفكم أنهبل

[! الزين يفرض نفسه !]

السلام عليكم << ياشيخ بوسه على خدك


قبل يومين كنت رايح أجيب عشاء لميمتي



واسمع كاظم وهو يقول


اش صار اش دعوه اش قلنالك
وعلى كلمة الدنيا قلبتيها
قلنالك يسلملي جمالك
جمالك والخطوه الحلوه تمشيها
اش صار اش دعوه يابنيه
صرتي بسرعه عصبيه

>> عشان تعيشوووو جو



كان وقتها زحمةالشوارع ووقفت عند الاشاره
ومادريت الا شايب فتح الباب وجلس على المرتبه
ناظرته باستغراب خير ان شاء الله فيه شيء ياعم؟؟!!

قال ابروح معك
ولعت الاشاره وما أمداني اشوف وش موضوعه لان العالم وراي بدوا يضربون بواري تخبرون ربعنا مايواطنون شي اسمه الصبر والتروي

عقب مامشينا سالته : وين تبي ياعم؟
قال آها بس وصلني قدام ولايكثر
بصراحه حقدت عليه وودي اصفقه ببوقس يقض وجهه لكني احترمت كبر سنه <<سنه والا ضرسه
ضاق صدري من هالشايب اللزقه اللي ماعنده اسلوب واتيكيت ..
الظاهر ان اهله ماربوه يومنه صغير
<< التعبيرشوفو من يعبر

التفت عليه بوجه مبتسم وبكل لطف وموده سالته : ماتعرفنا عليك ياعم؟
رد بزعل : ناظر دربك بس ولا يكثر قرقك

هذا والله النشبه الحين لازقن بي ويأمر وينهي تقل اصغر عياله

مره ثانيه نويت اصبخه باحد الاشرطه لكن تذكرت كبر سنه ..
سنه والا بدعه؟ <<مو وقته انت وخشتك

طول الخط وهو مغير يأمر وينهى ويزمر .. كل شوي ناطن بحلقي ومقلق راحتي اذا قربت للموتر اللي قدامي نقز تقل مقروص انتبه انتبه لا تصطدم واذا اسرعت قال شوي شوي.. وراك طاير تقل ملحوق ؟!

بصراحه دبل تسبدي وفقع مرارتي وجابلي الصمرقع ..

حسيت ان المسأله تبي تطول وبديت انتف شعر راسي
وقلت له وين محلك ياعم

قال وراك انت ابلشتني ياكثر اسئلتك

أنا ياناس ياعالم وقسم بالله ماسويت شيء ...
وش هالعقوبه ذي والله لو انا حاذف موضوع لولدك ما سويت اللي سويت

حقدت عليه بقووووه ونويت له شر وقلت بيني وبين نفسي دواك عندي يابن اللذينا << عصب


مرت لحظات صمت رهيبه كان يجول بخاطري هاجس الشر
كان يجول بخاطري هاجس الشر وشيطان السوء يأحليلي ..
وقررت ان يكون الانتقام كبيرا بحجم هذه المصيبه التي بليت بهايالزين
<<<وراء الهرج تغير

هذا من زود الزعل والغبنه صرت اسولف لغه عربيه فصحى
ولعت لمبه فوق راسي مثل حقات افلام كرتون كنايه عن وجود فكره

تذكرت حي للتفحيط يجتمع به الدشير اللي ماوراهم شغل ولا مشغله الا التفحيط والاستعراض
<< ياروحي يامساعد

طقيت اللطمه ورجعت ظهري على المرتبه ومسكت الطاره مضبوووط ودزيت الموتر لشارع التفحيط ودوووووووس ياالزين
80


90

100

120

130

140

150

160

170

180


وكل بين سرعه وسرعه التفت على الشويب وانا عاضن على سنيناتي من القهر واساله وشلونك ياعم؟
ويرد وهو قاط راسه على باب الراكب طيب ولله الحمد

ثم اردد بيني وبين نفسي نشوف عقب شوي وشلون يصير وضعك
>>>يحلفون ان تعاف اليوم اللي ركبت مع الزين

مشينا فتره وتعدينا الديره والبيوت والعمران ، يوم شاف الدنيا اظلمت والخط طال التفت علي وهو يتنافض وين تبي توديني ؟؟؟!!
أبي أمي أبي اهلي لا تضيع مستقبلي واللي يرحم والديك
<<< وينك قبل دقيقتين

أي مستقبل الله يعظم اجرك وانت مالك الا سن واحد بفمك

اها اسكت ولا يكثر
<<< صرت انا اللي أهاوشه ياشين الانتقام

اقبلنا على شارع التفحيط وكانت فيه أمة محمد مجتمعه والشباب انووواع الاستعراض من ضمنهم مساعد
<< عز الله جبت لك شاهد

كنت دايس على الموتر وكاتمن ام الدعسه .. يوم شاف العالم والشباب فتح الدريشه وطلع راسه وقعد يصارخ
الحقوووووووونى يا الاجوااااااااااااد

الشباب يحسبونه يستهبل ويسوي حركات ويظنون اننا نبي نفحط خصوصا واني مسرررع بالحيل

يوم شفت الوضع تسذا قلت خل نكمل السيناريو ونندمج مع الوضع على سرعتي حذفت الموتر حذفه طووووويله وما تسمع الا ونين الكفرات عقب النطله الاولى لحقته بالنطله الثانيه وكانت اقوى من الاولى

الشويب مع الحذفه الاولى صك بالقزازه ومع الثانيه مارده الا القير
عقب الحذفتين الطواااال لحقتهن بثنتين مثلهن ثم ختمت الدعوى بعقده يحبه قلبك <<<< اخلص عاد تراك بيخت ام السالفه

ما امداني اعدل الموتر الا والشويب طايحن عند دعاسات الرجلين ناظرته وانا اضحك ضحكة سخريه ولسانه حالي يقول : وين هرجك قبل شوي ؟!
بدرى تو الناس مابعد شفت شي >>القادم احلى


العالم بدوا يشجعون ويرمون شمغهم واللي يصفق واللي يصفر واللي يقول عااااشت ايامك
ياالزين
عقب ماشفت هالاشياء ازداد عندي هرمون الزعاطه واختلط مع هرمون البزعه نويت ابدأ الشوط الثاني وشقعت وجه الموتر ودست على والديه

20

30

40

50

60

100

120

130

140

160

تعنقط براسي

لكن وشو عقبه .. طلع الموضوع من ايدي

حذفت الموتر على سرعته 160 ومير يرجع لمحله ويصمخ بباب الراكب ومع الحذفه الثانيه عض المرتبه من الخوف والثالثه والرابعه قعد يصارخ ويصيح وبالاخير طبقت حركة الموت
<<<اسألوا الكمخه مساعد حصيريا عنها

الشويب ماصدق ان الموتر يهجد ومير يفتح الباب وقال اصبر اصبر ابنزل ابنزل

وقفت على جنب ونزل يركض واشوفه نزل راسه بالارض والظاهر انه استفرغ

ضحكت ضحكة عاليه وبصوت مرتفع كنايه عن الانتصار وعشقت بالاول وكملت المسيره

الله العالم انه نشب بواحد من هالشباب علشان يوصله وجعله يطيح بيد مساعد عشان يعلمه ان الله حق



مايستفاد من القصه

1/ اذا وقفت عند الاشارات قفل بيبان موترك علشان مايركب معك شايب
2 / ان قدر الله ونسيت تقفلهن الله يعينك على تحمل المفاجأت
3 / ان نفخ عليك شايب ماتعرفه رد له الصاع صاعين
4 / احفظلك شارع تفحيط لانك في يوم من الايام تبي تحتاجه
5/ حاول انك تتعلم كم حركة تفحيط ربما تضطر لاستخدامهن
6 / ما الذ الانتقام اذا كان من شخص ظالمك
7/ أحسست في لذة العشاء وشفت له طعم يختلف
8/ للبيع الفائده ذي


خالص مودتي
محبكمـ
الزين يفرض نفسه

[!! زيـنـة الـبـنـآتـ !!]

لي عوووده

حجز فقط

[! الزين يفرض نفسه !]

المشاركة الأصلية كتبت بواسطة زينة البنات

لي عوووده

حجز فقط

اووووووووكي

انتضرك

[الــعــذوووب]

ههههههههههههههههههههههههههههااااااااااااي

وبووك يامصرقع

إحمد ربك ماراح فيها هالشايب

نعنبو إنتقامك يازيوووووووون خخخخخخخخخخخخخخخ

الله لا يوليك على مسلم هع وربي ليروح فيها زي ماراح الشاااااايب

اقول عنوني إذا قلتلك بطلع معاك قولي لا طسي إذلفي ضفي وجهك أنواااع الرفض
أهم شي لا تخليني أركبببببببب خخخخخخخخخ
وربي إنك فلللللللللللله ياشيييييييخ

نيهههههههههههااااااااااااااااايييييييييي

يسلمووووو على الإنتقام المصرقعععععععع

دمت بووووووود

العذوووب

[! الزين يفرض نفسه !]

المشاركة الأصلية كتبت بواسطة الــعــذوووب

ههههههههههههههههههههههههههههااااااااااااي

وبووك يامصرقع

إحمد ربك ماراح فيها هالشايب

نعنبو إنتقامك يازيوووووووون خخخخخخخخخخخخخخخ

الله لا يوليك على مسلم هع وربي ليروح فيها زي ماراح الشاااااايب

اقول عنوني إذا قلتلك بطلع معاك قولي لا طسي إذلفي ضفي وجهك أنواااع الرفض
أهم شي لا تخليني أركبببببببب خخخخخخخخخ
وربي إنك فلللللللللللله ياشيييييييخ

نيهههههههههههااااااااااااااااايييييييييي

يسلمووووو على الإنتقام المصرقعععععععع

دمت بووووووود

العذوووب

دوم الضحكه

واخ لو تركبين معي
بخلي 180 تهون عند اللي بمشيها من طبلون
<< يعني مفهي الولد

يسلمو مليون على الحضور