عرفت قيمه زوجتي بعد ماهدتني الهدية

[رعد الرياض]

بسم الله الرحمن الرحيم

هذه اول مشاركه لي بالمنتدى


وحطيتها لأشكر
أعظم
وأرق
وأحن
وأصبر
وأجمـــل
وأطيب

إنسانة بالوجود الي هي أم نواف ...

ام نواف أهدتني قبل أيام مولودنا البكر (نواف)

وصدقوني ماعرفت قيمه ام نواف وانها مالية علي البيت الا يوم راحت لبيت عمي
تعرفون النفاس لازم عند الأم .....

أتحدى سعوديه تقضي فترة النفاس <<<< في بيتها .
لابد من بيت الأهــــل.....

ام نواف كنت منشغل عنها لدواعي شغلي الي ماخذني من البيت كله ....

وبودي أعوضها بعد ماترجع من النفاس هي والدب نواف ....

وبصراحه انا مدري وش أسوي ...

ابي شوركم...

انا أخطط آخذ إجازة ونسافر انا وهي بس العائق المولود تعرفون الغثـــاء ....

افيدوني وشلون أستقبلها الاستقبال الحار الي يعوضها عن كل الي فات....

تقبلوا تحياتي ... رعد الرياض

[هايم الشوق]

.،

اولا

مبروك يالغالي المولود الجديد يتربى بعزكم يارب

ثانيا

اتوقع بنظري ازين هديه لأام نواف ياابونواف تقدمه لزوجتك انك تكون

معه بهـ الوقت هذا لانه تعرف وقت النفاس وقت صعب

مابعد الولاده فقربك يمه وتواجدك المتواصل له صدقني

تبي تكون له احسن هديه والله الله بنواف حطه بعيونك ^_^


هايم الشوق

[دخيلك بس سامحني]

ياقلبي عليك
كذا الرجاجيل والا فلا
بس انا ماعندي افكار بس عجبني تفكيرك بزوجتك
والله يوفقكم ويتربى نواف بعزك وعز امه

[مجنونة]

الف الف مبروك على البيبي الجديد

يتربى في عزكم ان شاء الله

والف الحمد لله على سلامة زوجتك

الله يحفظهم ويخليهم لك يارب

انا مع اخوي
هايم
اجمل هدية تقدمها لزوجتك الوقوف معها في هذه الفترة وخليك قريب منها على طول
لان النساء عندما يكونون في فترة النفاس تحتاج لمن يقف معها وخاصة زوجها وهذه المرحلة تعتبر مرحلة صعبة بالنسبة للزوجة وخاصة عند اول ولادة لها

يعني لا تخليها تحس ببعدك دايما واصلها سواء بالتلفون او زيارتها

ومرحبا فيك ياخوي
في قسم الحياة الزوجية
والله يبلغكم في المولود ان شاء الله وتشوفون عياله

[رعد الرياض]

مشكـــــــــــــــــــــورين