اقتباس:
المشاركة الأصلية كتبت بواسطة بدر بن تركي
ايه انبسط ياعاذلي ياحاسدي دق الطبول=الامنيه كانت لكم وانا اللذي حققتها
رحلت بذنوبي ندم والجرح بالدمع مغسول=لانه من جروحي وانا اللي بسطوتي فتقتها
تليت قلبي من ورى حدب الضلوع بغير حول=مني ولا قوه وروحي للسنين اعتقتها
كنت احسبن الوقت يعطينا من ظروفه حلول=لكن وقتي متفق جوره بجاير وقتها
مع الحبايب عايش بغربه مافتش في الحثول=وان كان ما جمعتها والله مافرقتها
تايه تتبع له نياق ولا عشق غار الذلول=وارخت رسنها ويوم دار الوقت غصب اطلقتها
عشقتها عشق الفرح للعيد لالالا تقول=حتى مواطي رجلها على الثرى عشقتها
جتني تسولف للسحايب والكواكب في ذهول=ومنها النجوم تغار ولو وصفت ما لحقتها
مديت كفي للسحايب وانتثر لي عقد لول=جتني كذا وانا كذا واللي خلق ما بقتها
راحت حياتي كلها فداك ياعيون الجفول=ولو نفسي مالت يم غيرك باليدين ازهقتها
في صدري هجوس على المظهور وتصول وتجول=ياموت ليت برحمتك مشاعري سبقتها
اعوذ برب الفلق من كل حاسد او عذول=رغم اني اباعيش دون احباب ولو اشتقتها
ياسعود ناس مالها ذمه ولا احساس وميول=على خطانا كم وكم غربتها شرقتها
ناس تمسكن لين تتمكن على عكس الاصول=تسرق قدم عينك وتحلف والله ماسرقتها
هذي نهاية عاشقين ولا بها شك يزول=واماني الـعذال والحساد انا حققتها
مسافة الايام هم وغم في عرض وطول=حقيقة كتبتها كذبه ولا صدقتها
عذري من الله ثم عذري منك يالطرف الخجول=قصيدة فراقك على اسوار المدن علقتها
وسلامت قلوبكم
اخوكم
بدر بن تركي العتيبي
بقلمي
|
أخوي بدر بن تركي
العتيبي
صح لسانك وعلاء شانك مافيه شي غريب وانا اخوك
الشاعر بدر والقصايد درر
لاهنت لاهنت وانا اخوك
القصيده كلها ذوق ولكن كل شاعر مايعتبر شاعر اذا انه ماتذوق الشعر وانا احب اتذوق الشعر ولي ذوقي الخاص بي مثلي مثل اي شاعر ثاني وبصراحه ميولي ينحصر في بيتين اذا سمحت لي اخوي !!!!
طبعآ مو معنى كذا اني اعيب الدرر لاوالله بالعكس ترى انت من الناس اللي احبهم واقدرهم فوق مايتوقعون وشهادتي فيك مجروحه اخوي بدر وانت تعرف هالشي!!!
لكن اخوي فيه بيتين مثل ماقلت احس انها قمه من قمم واعجبتني فياليت تسمح لي اقتبسها طبعآ بعد اذنك وهي:
مسافة الايام هم وغم في عرض وطول=حقيقة كتبتها كذبه ولاصدقتها
عذري من الله ثم عذري منك يالطرف الخجول=قصيدة فراقك على اسوار المدن علقتها
صح لسانك ابدعت وماقصرت وكنت اتمنى اني اكون اول واحد يعلق على موضوعك لكن للأسف فاتت علي والعوض في الليالي المقابيل
اخوي ماابغى اطول عليك
تقبل تحيات اخوك ومتابع قلمك اخوك أســــ الغنج ــــير
قصيدة فراقك 
العرض العادي
