**الجزء 30**
شهد:الا ماتحسون ان فرس تاخرت؟؟
ساره:أي ولله
الريم:ليه هي وين؟؟
شهد:قالت بتروح تجيب لها قفازاتها وبتجيب جوالها وللحين ماجت
الريم:خلونا نشوفها يمكن فيها شي
شهد:لا انشاءالله.........يلا خلونا نروح نشوفها
وراحوا يشوفونها وانصدموا من مظهرها شلون كانت تبكي في فراشها ومن شافت شهد حضنتها وحضنت بنات عمها وهي تبكي وتتمتم وهم مافهوا من كلامها شي بس عرفوا ان محمد هو سبب السالفه
وفجأه وقفت علشان تروح تغسل وجهها والا تطيح عليهم
شهد تصرخ:فـــــــــــــــــــــــــــــرس فرس فرس اصحي ساره جيبي عطر ومويه بسرعه
ساره: طيب..........( وتركض تجيب عطر من الشنطه ومويه من الثلاجه الصغيره الي بغرفه فرس)
شهد وهي تصحي فرس وحطت راسها على الجدار وهي تضربها على خفيف:فرس اصحي...(ورشت عطر في يدها وحطت على انفها ورشت على وجهها مويه)....فرس
فرس شوي شوي تفتح عينها والرؤيه عندها مضبضبه:...
شهد لاحظت ان فرس افتحت عينها فحطت صبعها قدامها:تشوفيني يافرس؟؟؟
فرس شوي شوي اتضحت الرؤيه:ايه
شهد تاشر بصبعها:كم هذا؟؟
فرس ابتسمت:واحد
شهد ابتسمت:خلاص مافيك شي قومي ارتاحي فوق وبجيب لك عصير برتقال علشان يعطيك فيتامينات وشكولاته طاقه
فرس بتعب باين:مشكوره يادكتورتنا المستقبليه
شهد ابتسمت وهي تتذكر امنيتها ومرضها الي اكيد بيحرمها انها تتحقق امنيتها:شفتي من الحين اعالجكم؟؟
فرس ابتسمت:وانا اول مرضاك
الكل ضحكوا:هههههه
شهد:على العموم الله يبعد عنك المرض بس يشرفني تكونين اول مرضاي
وراحت المطبخ تجيب لها عصير برتقال وشكولاته
فرس رجعت لنوبه البكاء الي كانت فيها بس هي ماكانت تبي تبكي قدام شهد لانها لو عرفت الموضوع مرح تسكت عن محمد فسكتت عن الموضوع
ساره:يافرس مرح تقولين لنا شفيك؟؟
فرس تبكي بصمت:.....
الريم:طيب قوليلنا على الاقل من السبب؟؟
فرس والبكاء والصمت لغتها الوحيده:...
ساره:طيب محمد السبب صح؟؟
فرس لما سمعت اسم محمد زاد بكاها وانقلب البكاء إلى نحيب:اهئ اهئ
شهد شافتها وجت بسرعه لها
شهد تكلم ساره:شفيها لما طلعت كانت ساكته؟؟
ساره:من طلعتي بكت ومهي راضيه تتكلم
شهد تطالع فرس:فرس كلميني شصاير؟؟
فرس سكتت وتبكي بحضن شهد بس:...
شهد طالعت الريم وساره بنظره خلونا لوحدنا والريم وساره فهمومها وطلعوا
وضلت فرس تبكي على حضن شهد وشهد خلتها تطلع مافي داخلها لين تهدأ وتقول شفيها؟؟
فرس بعد ربع ساعه سكتت وظلت تفكر شهد شافتها وبدت تغني اغنيه تحبها فرس واجد علشان تهدأ
بحبك وحشتيني
وبحبك وحشتينى بحبك وانتى نور عينى
دا وانتى مطلعه عيني بحبك مووت
لفيت اد ايه لفيت ملقيت غير فى حضنك بيت
وبقولك انا حنيت بعلوالصووت
وكأن الوقت فى بعدك واقف مابيمشيش
وكأنك كنتى معايا بعدتي ومابعدتيش
فى دمي حبيبتي وامي وزي مكون ببتدى اعيش
وبحبك وحشتينى بحبك وانتى نور عينى
دا وانتى مطلعه عيني بحبك مووت
بعدت وكنت هعمل ايه
من اختارفرصته بايديه
لكن حبك ده مانسيتهوش وعاش فيا
ليه هتاسف على الغيبه
مغبتيش لحظه وقريبه
محدش عنده كده طيبه وحنيه
وكأن الوقت فى بعدك واقف مابيمشيش
وكأنك كنتى معايا بعدتي ومبعتيش
فى دمى حبيبتى وامى وزى مكون ببتدى اعيش
وبحبك وحشتينى بحبك وانتى نور عينى
دا وانتى مطلعه عيني بحبك موت
فرس كانت تستمع بصمت لشهد الي تعرف انها تواسيها
فرس:شهد لا تتركيني انتي بعد
شهد نزلت دمعتها على راس فرس:مرح اتركك ابد
فرس دموعها نزلت:انتي الي بقى لي من الي احبهم
شهد في خاطرها"مدري اذا حمكت ربي بتخلينا مع بعض او لا":منو مايحب فرس؟؟
فرس بكت ورفعت راسها وناظرت شهد:شهد انا ماابي محمد..هو ...(ونزلت دمعاتها اكثر)...هو مايبيني ياشهد
شهد بحنيه:بالهداوه يالغاليه وقوليلي شصار؟؟
فرس مسحت دموعها:اقولك بس لا تكلمين محمد ولا تعلمين احد؟؟
شهد بحب:ومتى انا قلت اصلا؟؟
فرس ابتسمت ورجعت عبست وجهها:انا ومحمد انفصلنا ومااظن بنرجع لبعض
شهد بصدمه:هاا....ليش يافرس ليش؟؟
فرس قالت لها الموضوع كله
فرس وهي تصيح:ذبحني ياشهد ذبحني لما قال اهي بطريق وانا بطريق يعني مايبيني
شهد وللحين الصدمه فيها من محمد:بس يافرس انتي تعرفين محمد لما يعصب يقول أي شي
فرس:خليه مره رجال ويصير قد الي يقوله.......(وبنظره تحدي شافتها شهد في عيون فرس)...وانا بعد ماابيه وهو في طريق وانا في طريق
شهد"من حقك يافرس مو سهل الي قاله":انتي اهدي الحين وخلي الباقي على الله
فرس:شهد ماابي اتكلم في الموضوع مره ثانيه ولا ابي اسمع طاريه وقصه التحير ذي انا بقطعها وماعادت من اليوم محيره له ومرح اتزوجه لو مهما يصير
شهد عرفت ان فرس متالمه من قلب:ان شاء الله يصير كل خير
وطلعـــــــــــــــوا من القسم بطلب من فرس ماتبي شي يذكرها بدموعها تبي تكون شجاعه وتنفذ قرارها بعد ماملت من حياتها في حب محمد بالرغم انها تعرف ان نسيانه صعب عليها بس بتحاول ومافي ضرر من المحاوله احسن من انها تستمر في ذل نفسها لجل قلبها
في الطرف الثاني فهد كان في الطريق راجـــــــع من لندن إلى المزرعه
فهد يكلم نفسه:اااااااه برجع وبكحل عيني بشوفتها وبروي ضمى قلبي الولهان من شفتها وبرسم امالي البريئه من وجهها.....اه ياشهد وحشتيني ياقلب فهد وينك؟؟........حاسه بفقدي ولا بس انا حاس اني فاقد الدنيا كلها...
مادريت اني في يوم بهوى لدرجه الجنون......(وبدى يعد القصيد فيها لانه تعلمه من عيونها)
ارتجفت اطرافي لحظه لقى احبابي
وارتعش دمي وقت فرقى عيونك
تدري انك بالبعد ياخل روحي جافي
اعطف على من يحبونك ويفدونك
**
ياليالي الحب ابشري بالحبيب
وقوليله انا من دربه قريب
مابطول بالبعاد والمغيب
**
فهد:فديت قلبك ياشهد..(تذكر مرضها ونزلت دمعه يتيمه كانت منتظره النزول فتح المسجل وكانت بالصدفه اغنية المسافر وتذكرها لما غنتها يوم عيد ميلادها وهم على البيانو)...ياقدر ليش ليش؟؟؟........مكتوب علي التعب طول العمر...(وعزم انه يعترف لها بحبه لما يوصل)
وصل الريف واول شي سواه راح المكان الي كان يجيه لوحده وفي ليله كان القمر ضاويها جمعته بقلبه وتذكرها وهي جالسه على الصخره وتكلمه وهو كان ياس وهي تبتسم له ابتسامه امل وشلون كان الجو يلعب في ثيابها وشيلتها كانت عاجبته وفاتنته ........بدى يدندن
الجو روعه كل شي صاير جنان
وانا معك ياصاحبي اروع اثنين
من البشر والناس والكون غيران
الله يحفظنا حبيبي من العين
وتنهد في داخله على نفسه وعلى الحاله الي هو عايش فيها
في المــــــــــــزرعه
شهد كانت تفكر في حياتها شلون انقلب حالها
شهد في نفسها:ههههههه قبل كنت احب خالد اااااااه ياخالد رحت وتركتني وبعد وفاته الله يرحمه تعذبت الين قبل هالرحله وجى البديل الي يعذبني اكثر الي يشبهه في شكله صوته احساسه نظراته عذوبته ابتسامته حنانه وحتى عناده ومناقره معاي اااااااه يافهد الي انا عمري مااعترفت بحب حتى لما كان خالد حي باعترفت له بحبي وشكلي مرح اعترف لك انت بعد وبظل على حالي اخسر كل الي احبهم (وضحكت ضحكه استهزاء)... نهايتي بموت بمرض عنيد مثل عنادي على قلبي......لازم ياشهد تخلين فهد يكرهك اذا كان يحبك ويكرهك اكثر لو كان يكرهك...(وكانت تخطط شلون رح تخليه يكرهها اكثر وتذكرت قصه المكالمه وقلبها اشتعل غيره)
نواف:ااااخ يافارس ماتدري ان حبها صار كره في قلبي
فارس:انسى يالغالي.... انسى الي تبيعك برخيص بيعها
نواف:ماعدت متندم عليها بس انا مستخسر فيها الايام الي قضيتها من عمري احتري اني اكبر وتكون لي واخر شي تتركني بهالشكل شي قاسي يافارس
فارس يبتسم في وجه نواف:الله يعوضك بالي تسوى عشره من امثالها
نواف يبتسم لاخو عمره:ويعطيك الي تسواك يافارس
فارس تنهد:ااااااااه
نواف ابتسم ابتسامه عريضه:هاااا لايكوووووون من وراي
فارس ابتسم لولد عمه:وينك وين؟؟ انا اتنهد لاني احس اني متبلد الاحساس ومب قادر اعطي بنت احاسيسي لانسانه وتكون حبيبتي
نواف:لا تستعجل على رزقك
فارس:على قولك
ومشووووا وهم يسولفون عن همومهم لبعض باجواء البحر وكل شخص منهم يحمل الثاني مشاكله معاه
فرس في المطبخ لانها خلاص فطرت بعد ماانغمى عليها فراحت تشرب لها مويه وتشرب لها حبتين بندول علشان الصداع الي في راسها
محمد دخل لانه حس بوجودها:السلام عليكم
فرس سمعته وشرقت بالماي:كح كح
محمد "شدعوه له1ي الدرجه ارعب":شربي ماي
فرس شربت الماي وطلعت:...
محمد وقفها:لحظه وين رايحه؟؟
فرس ساكته وتناظر فيه بقوة عزيمه وقلبها يشتعل نار:...
محمد ناظرها بنظره اعتذار واسف:اسف يافرس اعرف انك زعلانه بس خلاص الي تبينه بيصير بس لا تسكتين وتقاطعيني تعرفيني مااتحمل بعادك
فرس ناظرت فيها نظره ثقه وهي اصلا قلبها طبول وبقوه:ماعاد لك مكان بالقلب يامحمد
محمد بصدمه واندهاش اول مره فرس تقوله هالكلام واول مره يشوف ذي النظره في عينها:فرس ان اعرف انك معصبه ومتضـ....
قاطعته فرس وبنبرة ثقه وحسم:قتلك ماعاد لك بالقلب مكان.....(وطلعت بخطوات كلها ثقه ومجرد انها ابعدت من المطبخ سرعت للغرفه ودموعها تسبح على خدها)
محمد الصدمه شالته عن التعبير والتفكير والحركه:..........اااااااااه يامحمد شسويت؟؟
فرس في الغرفه بعد ربع ساعه من النحيب وابكاء نطق عقلها وقلبها يطيع له بخضوع
فرس:ليش تبكين عليه يافرس؟؟....هو ماكان يحبك؟؟......هو بس كان يبي يخليك بس غطاء له في العيله وعلشان لا يكسر كلمه اهله؟؟.....مو لانه يحبك؟؟.....لو كان يحبك ماتخلى عنك بهالسهوله؟؟...علشان شنو علشان امنيه يمكن ماتتحقق اصلا....
فهد وصل المزرعـه بقلب ولهان ويخفق بحب الي فيه بعين مشتاق لشوفتهم وعشق ظميان ويرتوي من شفتهم
شافها جالسه في الصاله على الاب توب وتضحك وتكتب على الكيبورد عرف انها تسولف على المسنجر لانه عرف انها مدمنة نت
فهد ببتسامه عذبه:السلام عليكم
شهد سمعت صوته ودق قلبها الولهان لشوفته بس تذكرت خطتها وقالت بنبرة جافيه:وعليكم السلام
فهد استغرب نبرتها شلون تكلمه كذا وهي ذاك اليوم خايفه عليه:شخبارك؟؟
شهد:طيبه
فهد تضايق من اسلوبها معاه ويبي يمشي قبل لا يبان اثار الضيقه على وجهه ومشى
شهد وهي تقاطعه:على فكره فهد
فهد لف قلبه قبل عينه:يالبيه
شهد توترت"فديك قلبك سامحني بس هذا القرار الصح":جوالك الثاني نسيته وهو داخل المكتبه (واشرت على مكانه بااصبعها)
فهد حس بيخبه امل "الحين هذا الي تكلميني عنه" وراح ياخذ الجوال شاف فيه25 مكالمه لم يرد عليها 20 مكالمه من غاليه على قلبي موت و5 مكالمات من حنان الدنيا"ام فهد"
فهد ابتسم حس ان شهد غيرانه علشان الي داقه 20 مره
فهد ناظرها ولاحظ شلون وجهها محتمر وماعادت تسولف وتضحك مثل ماكانت اول مادخل ارتاح وانبسط انها غيرانه وحب يخليها تغار شوي وتكتوي بنار الغيره مثل ما ضايقته من شوي
ومشى عنـــــــها
شهد:اووووووووف ليش ماقال منو ذي؟؟....(وبلهجه تهديد) طيب طيب يافهد
فهد دق جواله وكان المتصل فيصل ابتسم وكلم
فهد:هلاااااااا بشيخ الرجال
فيصل:هلا ولله باابو سميي
فهد ضحك:هههههه حشى بتذلنا الحين على اسمك
فيصل بضحكه ومزح:افا عليك هاذي فايده الالقاب
فهد:ههههه طيب طمني عنك شلونك وشلون اهلك؟؟
فيصل:بخير الله يسلمك....بو فيصل
فهد:سم
فيصل:سم الله عدوك بس حبيت اقولك ان حنا مابنطول هنا ويمكن اجي انا وهلي عندكم يعني يوم الخميس بنزوركم وبنرد
فهد:ولله بتنور المزرعه ياابو ناصر
فيصل:منور بنورك يالغالي.....المهم سلم على الباقين وقولهم وشاور اهلك
فهد:مايحتاج نشاورهم المكان مكانكم
فيصل:الله يسلمك...يلا الحين مع السلامه
فهد:في امان الكريم
سكر فهــــــــــد عن فيصل وهو يفكر في زيارة فيصل وابتسم لما ذكر غيره شهد ويفكر في حياته وتطوراتها أي صارت مؤخرا وبعدها ركب جناحه وحط راسه على الفراش وغف لين اذان المغرب
زيارة فيصل واخته رغد للمزرعه هل لها اهميه ولا مجرد زياره عاديه؟؟
فهد هل صحيح بدا يحس بحب شهد له؟؟
شهد وش هي خطتها علشان تكره فهد فيها وهل فعلا بيكرهها؟؟
فرس صحيح عافت محمد وماعادت تبيه ولا مجرد غضب فتره وبعدين بيرجعون لفتره وهل احد بيتدخل بينهم ويغير كل المجريات؟؟
ساره وسالم احداث بتصير في الفصل الثاني لهم
وش ممكن تكون هاذي الاحداث؟؟
الريم وعلي إلى وين وصلت قصة خطبتهم وملكتهم وهل بتم على خير؟؟
ترقبـــــــــــــــــــــوا الفصل الثاني من البارت**30**
00000000000000000000000000000000000000000000000000 00000000000
رد : شهد الفهد اول كتاباتي 
العرض العادي
