**البارت 30**
"الفصل الثاني"
سكر فهــــــــــد عن فيصل وهو يفكر في زيارة فيصل وابتسم لما ذكر غيره شهد ويفكر في حياته وتطوراتها أي صارت مؤخرا وبعدها ركب جناحه وحط راسه على الفراش وغف لين اذان المغرب
*
*
الكل يستعد ويجهز للفطور بما أن الكل صايم الا الي عنده شرعي طبعا
البنات مع الحريم والجده في المطبخ يجهزون الاكل للفطور
*
*
ام ساره:ساره كم مره قتلك السلطه ماتتقطع كذا؟؟
ساره بطفش وتذمر:مااااااامي انتي تعرفين اني مو فالحه في الطبخ ابد
الجده:مو هذا انتوا يابنات ذا الجيل مانعرف ومانعرف
الريم تدافع:لا عاد يايمه مو كلنا كذا لا تشلمين
الجده تبتسم:أي ولله انتي وشهد غير عن هذول الثنيتين...(وتناظر فرس السرحانه وساره المتملله)
شهد تجلس جنب جدتها:افا عليك ياام سيف تربيتك فديتك
الجده تمسح على راس شهد:فديت روح يالغاليه عسى ماانحرم منك..(ومسحت الدمعه الي نزلت من عينها)..الله يشافيك ياغلات امك انت
شهد دمعت عينها من كلام جدتها:ان شاء الله بكون بخير دعواتك يايمه
والكل متأثر بموقف شهد مع جدتها
الجده:ولله اني ادعيلك في كل صلاه وكل دعاء وربي يشهد لي
شهد باست راس جدتها:الله يخليك لي يايمه ولا يحرمنا منك
^
^
الشباب دخلوا "نواف وعلي وفارس وفراس اما فهد كان مع محمد الي عرف بالي صار وجلس معاه ولا تركه وقالوا لهم انهم بيروحون النادي"
الشباب:السلام عليكم
الكل:وعليكم السلام
الشباب كل واحد منهم باس راس جدته وسلم عليها
الجده:فديتكم الا وين محمد وفهد؟؟
فرس احمر وجهها تضايقت مره وبان على وجهها الي بدت الدموع تتجمع في عينها
اما شهد ناظرت فرس وشاف شلون زادت حاله سوء وبعد قلبها دق بسرعه لما سمعت اسم فهد
نواف:راحوا النادي
الجده:فديته فهد طول عمره رياضي
شهد في نفسها:"فديت قلبه الرياضي ياااااااي محلاته يذبح ذا الرجال خل يرفق علي"
علي مشغول بمناظر الريم وهي منحرجه:يمه وش صار على موضوعي؟؟
الجده ابتسمت وناظرت الريم:هم يعطونا اشاره واهنا نسوي الي علينا
الريم خلاص بتذوب وخصوصا الكل يعرف انها المقصوده ويناظر فيها
علي يحط يده على قلبه وزاد حرجها حبتين:يايمه ريحيني ماعاد قلبي يقدر يصبر اكثر
الريم خلاااااااااااااااااااااص في خبر كان تمنت الارض تنشق وتبلعها
فارس يضحك:ههههه يايمه ياخالتي لحقوا عليه لا يصيبه شي علينا
شهد:خلاص علي سوها وخلصنا
الريم كانت تبي تكفخ شهد على هالكلام وتصطرها في ذا الوقت
علي ناظر الريم وابتسم:هم موافقين اهم شي؟؟
ساره تغمز لعلي:يعني بتقولي انك ماتدري الحين
الريم ماقدرت تتحكم ولفت ويها لان خلاص وجهها راح فيها يغلي وخصوصا انها تتحجب يعني انفضحت قدام عيال عمها وحريم عمامها وفي داخله:الله لا يوفق بليـــــــــــــــــــــسك يا علــــــي انت وشهد وساره ياانكم فشلتوني فشله مافي مثلها"
فراس حس بااحراج الريم وحب ينقذها رق عليها المسكينه:ها ام سيف شمسوين لنا فطور؟؟..... يااني جوعان ومشتاق لاكلك
الريم"مشكوووووووووووووووووووور مشكوووور يافراس ياانك انقذتني منهم"
الجده:افا عليك انت بس اطلبوا وتشرطوا
نواف:انا عن نفسي خاطري بثريد
علي:وانا هريس
فارس:انا بسيط مره شوووووربه من ايد ام سيف الغاليه
ام سيف تناظر فراس:وانت ياروح امك؟؟
فراس ابتسم:أي شي من امي ام سيف وخالاتي وبنات عمي عسل على قلبي
شهد ابتسمت:فديييييييييت اخوووي ولله....ولله انك توأمي
فراس:فديت توأمي انا
^
^
في الطرف الثاني
فهد مره تعبان خايف على محمد وهم خايف على نفسه ومن رد شهد له لما يعترف لها عن حبه
فهد بضيق:تتوقع تسامحك يامحمد؟؟
محمد دموعه تنزل وشكله منهار ويكسر الخاطر:اول مره اول مره يافهد احس انها غير مو كاأنها فرس الي اعرفها ولا الي احبها وتجري بدمي
فهد يبي يهديه:ان شاءالله كل شي يكون اوكي
محمد يشاهق:خايف يافهد خايف مانتصالح وننفصل......تعرف لو ماتسامحني فرس اموت انا
فهد:بعيد الشر عنك لا تقول كذا
محمد حظن فهد من كثر ماهو منهار:فهد انا ادري ولله اني غلطان ولله ادري واشتري سماحها بااثمان الدنيا كلهم بس ترد لي
فهد يهدي محمد:ان شاءالله ترجعون لبعض وتكونون مثل قبل واحسن
محمد ابتعد عن فهد:احبها يافهد احبها مااتخيل تكون لغيري ابد
فهد:لا تخاف تطمن انشاءالله تكون لك
^
^
فتحت دفترها العتيق البني الخشبي الي يدل على ذوق رفيع في الانتقاء وسمحت لقلمها بكتابة مافي جوفها
ايا قلمي الناعم الخشبي احكي لي بما في قلب حبيبي
ودعه يعلم اني ابداله الشعور والشوق يلهب في مشاعري
كم انتظرت يوم لقانا الناعم المليئ بالمفاجأت السعيده
بنينا لحبنا بنظرات امل جديد ينتظر السعي لامساكه برفق
ولكن..
شاءت الاقدار ان تجمعنا وتفرقنا وتقتلنا وربما تدفننا
قد لا نشترك في ذكريات ولكننا نشترك في الاعظم من ذلك
انت..
زرعت فيّ الشوق بعد ان قتلته واماتته سنين الطفوله
طعنني الموت عندما دفن قلبي النابض في تراب الارض الرطب
وسوف يغطيني بسريري الابدي الرمل اللؤلؤي ليذبح الاضحيه الاخيرة مني
احبك..
اعتذر إليك فلن اقوى على قولها ابدا
اعترفت لي نفسي اول مره بالحب
وعندما اعترفت لها اعترفت لي الحياة اعترافا أخر
اكرهك..
نعم سأقولها لك بالرغم من ضرب السيوف الذي يخدش قلبي
ولكني بالنهاية ساأقولها
لكن انت احبك وسأقول لك أكرهك..
..اعذرني
حبيبي...
*
*
سكرت الدفتر بعد ماكتبت كل الي بخاطرها من مأساي وألام لم يستطيع قلبها تحمل المزيد منها بدت تناظر جسمها وتتخيل كل خليه سرطانيه منتشره فيه حطتها يدها على صدره وتنفست بعمق حست ان كل خليه من خلايا جسمها ترتعش
شهد دموعها تسبح على خدها المتورد:كنت ومازلت ميته وجسمي سوف يموت قبل أونه الن يحن وقت ولادتي ابدا..شهد لازم تكابرين انتي اقوى..(ونفسها تنطق)..اقوى اقوى انتي مو قويه ابدا انتي زجاج صلب بظاهر واي خدش صغير يحطمك ولكن تبقين تجرحين حتى وانتي متحطمه..(انسدحت على الفراش ومدت رجلينها)....فهد اعذرني حبيبي مااقدر اعبر لك اني ماباقي لي الا ايام ولاشهور واذا مره كثير سنه ماابي اعيشك بسنه حلوه وباقي العمر الم وحسره...ماابي تتكرر فيك تجربتي مع خالد فقدته في ثانيه قدام عيني وبين ايديني تلمس اصابعه الداميه اصابعي ويناظرني بحب...وشقيت 9 سنين لين الله عوضني فيك بس الظاهر الاقدار مقسمه علي اني مااحب شخص ابد اما افقده او يفقدني..........يارب سهل علي اموري
^
^
اذن الاذان المغرب يعلن عن افطار للصايمين(طبعا المنطقه الي هم فيها في كثير منهم مسلمين)
شهد طلعت من الغرفه علشان تساعد اهلها في ترتيب الفطور ومن ثم يصلون جماعه ويفطرون مع بعض
^
^
بعد الصلاه الكل كان حاضر ماعدا محمد وفهد الي تااخروا شوي
ترتبت المؤكلات الي مسوينه الحريم والبنات على الطاولات وتزوعوا البنات في قسم والشباب في قسم والعمام مع بعض والحريم مع بعض علشان الكل ياخذ راحته وقت الاكل بس المشكله طاولت الشباب بعدها على طول طاولة البنات فالشباب اخذوها فرصه للمناظر وخصوصا ان العمام مايشوفونهم
شهد:لاااا حووووول واحنا مرح نعرف ناكل براحه تحسين كأن مباحث تراقبك
فرس ابتسمت واستمرت في صمتها:...
*
*
الريم كان وجهها بينفجر لان علي كان يسوي لها حركات يحط يده على قلبه وكأنه يقول أه ولا يأشر على صبعه الخنصر وبأيده كاانه يقول لها متى نخلص من هالحاله؟؟.......وغيرها من حركات الغزل والاحراج الي ذوبت الريم
ساره حالها مو احسن من الريم كان سالم يناظرها من فوق لين تحت وكل حركه تسويها يسوي مثلها والبنت في نفسها تسبه وتتفداه
ساره في نفسها:ياااااربي مانيب عارفه اسوي شي ياشيخ بعد نظرك عني شوي خلني أكل على راحتي حرام عليك...(وفجأه ابتسم سالم لنواف على سالفه كان يقولها)..وااااااااااي يالبى قلبك ياسالم يعلني فدا ذي الابتسامه
*
*
فجأه الكل سكت لما دخل محمد وفهد شهد بحالها كان قلبها يدق وناظرت فرس لقتها منزله راسها وعيونها مغرقه بالدموع مسكت يدها وشده قضبتها علشان يتعاونون على هاللحظه المهمه لثنتيتهم
*
*
محمد التفت عينه تبحث عن الي زعلها مسود الدنيا بوجهه وشافها وشاف ان حالتها مو احسن من حالته لان شكلها تتالم مثله لعن نفس ذاق الوقت انه خلها تبكي عنده هو يبكي ويتالم بس هي ماتتالم
*
*
فهد كان في موضوع في راسه يبي يقوله لفارس وخصوصا ان بقى على رجعه اهله 5 ايام بس يعني لازم يخلص الموضوع في اسرع وقت ناظر شهد وابتسم لما شافها تلعب في الملعقه والصحن وتفكر..."اخ لو اعرف نص الي شاغل بالك كان انا مرتاح"
*
*
سالم قام من الطاوله لما شاف ساره قامت ولحقها لين المطبخ وكان متقصد علشان يكلمها
سالم دخل وتنحنح:احم احم
ساره عدلت شيلتها"وين مااطقها عوبه وش جابك اهرب وتجي":..
سالم:يتقبل الله
ساره:منا ومنكم صالح الاعمال
سالم بابتسامه وتعمد:احلى مافي الفطور السلطه مدري منو مسويها؟؟......>>>ياكذاب كأنك ماتعرف
ساره"ويييي اكيد الريم قالت له بالعافيه" وبعبط:مدري
سالم"اخ طيب بتشوفي":ساره
ساره في قلبها"يالبيه":نعم
سالم:انـــــا!!
الريم دخلت وقطعت الجو على سالم:سالم يبيك نواف
سالم"وش جابها الحين":طيب....(وطلع)
ساره ضحكت على وجه سالم شلون كان:هههههه
الريم ماتدري وين الله حاشرها:خير في شي يضحك؟؟
ساره:ها..لا لا مافي شي يضحك
*
*
في الحديقه بعد الفطور
شهد وفرس يتمشون ومن جهه ثانيه فهد يتمشى مع محمد
فهد نادى على شهد لما شافها
فهد:شهــــــــــد
شهد"يالبيه ياقلب شهد":نعم
فهد"ينعم بحالك ياقلبه":تعالي ابيك
فرس:روحي انتي اني مب رايحه
شهد:ياروحي ياقلبي يافرس انتي مب تقولين انك ماتبينه ومرح ترجعين له اجل وشعليك منه؟؟
فرس:انتي مو فاهمه شي اذا شفته بشتاق له لسه قلبي ينبض بحبه
شهد متاثره وحزنانه من حاله بنت عمها واختها:طيب انتي مو قد انك تنسينه؟؟
فرس بنظره تحدي:قدها
شهد ابتسمت:اجل وريني الحين
فرس من ورى قلبها:طيب
ومشوا لين فهد ومحمد
محمد فرح من قلب انها جت وفي قلبها:ياهلا بخاطري لين حضر جنبي
فهد:ياهلا بااغلى الحربيات
شهد استحت وردت خدودها وحاولت تكون طبيعيه:ياهلا فيك
فهد"يالبى قلبك ولله":شخباركم؟؟
شهد بلهجه جافه وطبيعيه بنفس الوقت:بخير
فهد:دوم انشاءالله
شهد:يدوم عزك ونبض قلبك
فرس انطقت:وعلى قوله شهد ويخليلك حبك
فهد"يااااارب":هههههه
محمد كان يتامل فرس وهي متجنبه نظراته
محمد حب يخلي فرس تتكلم:القمر ساكت ليش؟؟
فرس لفت وجهها لان دموعها كانت بتنزل وكانت بتمشي
مسك محمد يدها عن تمشي وفهد ناظر شهد بنظرها نخليهم لحالهم ومشوا شهد وفهد وفهد في نفس الوقت منها يخلي محمد وفرس يتفاهمون وهو يكلم شهد بالموضوع
^
^
محمد:فرس اسمعيني
فرس تبكي بقوه:محمد الله يخليك خلي اخر ذكرى طيبه
محمد:بس انا مااقدر اكمل حياتي بعيد عنك
فرس:والنفس عافتك يامحمد
محمد انصدم:معقوله معقوله يافرس عفتيني؟؟!!
فرس:الله يخليك خليني اروح ونبتعد عن بعض صدقني حياتنا مع بعض جحيم مهي حياه
محمد:بس القلب يافرس مرح ينساك ابد
فرس سكتت لانه كان دايم يقولها القلب مابينساك ابد:......
محمد لما سكتت عرف انها حست بالكلمه:فرس معقوله تتحطم كل امالنا وتصير هدر احنا مو يوم ولا يومين مع بعض احنا 18 سنه مع بعض من انخلقنا انكتبنا لبعض الله يخليك فكري زين ماظنك نسيتيني او نسيتي على الاقل ذكرياتنا مع بعض لانك لو نسيتيها يعني نسيتي 18 سنه من حياه فرس ومحمد
فرس تبكي وهي تعرف ان كلامه صح:........
محمد كمل كلامه:فرس هاذي مو اول مشكله بينا ميصير ننسى كل شي بسهوله ترضين يافرس بينك وبين قلبك حتى لو ماكنت انا اساس المشكله انساك واحب غيرك بسهوله ماظني ترضيها حتى انا ماارضاها ياقلب وروح محمد
فرس"احبك ولله يامحمد بس انت الي تغصبني":...
محمد بمزحه:خلاص انا بصير دكتور وبظل مع النيرسات طول الوقت واتغزل فيهم
فرس غارت وابتسمت"تخسى وتعقب اخليك تغازلهم":سوها وشوف وبتعرف منو فرس بنت راشد
محمد ابتسم:فديت قلب بنـــــــــــــــــــت راشــــــــــــــــــــــــد
فرس دارت وجهها الي صار احمر من الصياح والخجل
ناظر وجهها ومد يده ومسح الدموع الي نزلت من عينها:احبك ياقلبي اسف يااغلى الناس
فرس بحرج من لمسات ايده الي تلامس وجهها وابتسمت:وانا بعد....اوعدني ماتعيدها؟؟
محمد مد صبعه الصغير من يده اليمين وسكر اصابعه الباقين ورفع ايده:وعد
فرس ضحكت على وعده لانهم لما كانوا صغار كانوا مع بعض يوعدون بعض كذا:هههههههه
محمد:هههه لسه مانسيتها
وكملوا سوالف ورجعت المياه لمجاريها بين محمد وفرس والله يتمم عليهم انشاءالله
في الطرف الاخــــــر
فهد يمشي ويناظر شهد وشهد ساكته تنتظره يتكلم
فهد في نفسه:اخاف اكلمها وترد علي نفس ماقال فارس بس انا بحاول فيها وبقنعها ميصير تظل كذا
وتذكر الي صار قبل يومين
لما شاف الخبر مكتوب في الجريده
" Cancer Specialist"
الترجمه:اختصاصي سرطان
وقتها كلم فارس
فهد:السلام عليكم
فارس:ياهلا ولله وعليكم السلام
فهد:شخبارك فارس؟؟
فارس:بخير انت شخبارك؟؟
فهد"اذا صار الي في راسي بخير":الحمدلله...فارس ابي اكلمك في موضوع
فارس:خير يابو فيصل
فهد:خير بوجهك بس الموضوع يخص شهد
فارس ابتسم"ايوووه الظاهر شهد معذبته جن الولد":خير في شي؟؟
فهد:امممم اليوم قريت في الجريده عن اختصاصي سرطان هنا في لندن مشهور عالميا بجي هنا فتره في لندن فياليت لو تقولها تجي تسوي فحوصات عنده
فارس:ماظني يافهد بتوفق
فهد بخوف واهتمام:ليش؟؟
فارس:ماظني بتوفق شهد مرح توافق تتعالج الحين
فهد بتفاعل:وليش انشاءالله؟؟
فارس بحزن وبفرح من انه اكتشف ان فهد يحب شهد:شوي شوي ماقصدي شهد مرح تتعالج ماظن هذا تفكيرها بس قصدي حاليا لان اهلي هنا يمكن لما نرجع تبدا علاج
فهد ارتاح شوي:بس هذا الحين موجود ومعروف انه عالج حالات كثيره من السرطانات
فارس:بحاول اكلمها بس مااظمن لك انها تقتنع
*
*
بعد يوم من المكالمه
فارس:هلا بوفيصل
فهد "اكيد كلمها":هلا هلا فارس
فارس بخيبه امل:اظنك عارف ليش انا داق
فهد"شكلها رفضت":ايوه
فارس:ومثل ماقتلك مهي موافقه حاليا لين مانرجع السعوديه بتبدا بالعلاج وعلى قولتها لو في اخر العالم
فهد بحزن وضيف واضح من صوته:اها طيب بس حاول فيها اكثر يافارس
فارس:بالرغم اني اعرف من راسها العنيد بس بحاول وانشاءالله تقتنع
فهد بضيق شديده:يلا انا الحين بسكر .......مع السلامه
فارس:الله وياك.......مع السلامه
*
*
شهد شافت فهد سرحان ويفكر ابتسمت وحطت يدها قدام عينه واشرت بااصبعها
شهد بابتسامه لوجه فهد السرحان:كم هذا؟؟
فهد انتبه وابتسم:احلى صبعين اثنين بالوجود
شهد نزلت يدها وهي منحرجه وبسرعه:الي ماخذ عقلك يتهنى به
فهد"أي ولله يتهنى به شلون مايتنهى به وهو شهد الحربي":هههههههه
*
*
مرت لحظـــــــــــــــه صمــــــــــــــت بيــــــــــن القلبيـــــــن حـــــب يقطعـــــــها فهـــــد
*
*
فهد بخوف من رده فعل شهد:شهد ابي اكلمك بموضوع
شهد خافت"ياربي شيبي يكلمني فيه لسه ماستعديت لسه" ولاول مره تحس جرأتها تخونها وبرجفه واضحه في الصوت:أي موضوع؟؟
فهد"يالله كون معاي":الموضوع هو.........
*
*
-- أي موضوع فهد الي بيكلم فيه فهد شهد
موضوع الاختصاصي ولا موضوع الاعتراف؟؟
-- سالم شبيسوي مع ساره وهل بيعترف لها بااعجابه وقصتهم بتنتهي وين؟؟
-- محمد وفرس بيقبى تصالحهم وبيتزوجون ولا بترجع المشاكل ويضطرون للانفصال؟؟
--علي والريم والملكه ماعرفنا عنها شي؟؟
--والبقيه...
نواف..
فارس..
فيصل..
ورغد..
احداث مهمه في حياة ابطال القصه في البارت القادم
00000000000000000000000000000000000000000000000000 00000000
رد : شهد الفهد اول كتاباتي 
العرض العادي
