**الجزء 11**
فهد كان ضايق مرة على الي صار لين ماحس انه تعبان ويحتاج يرتاح سبح ونام
فرس جالسه ملانه هي وسارة والريم بالصالة وكل وحه تطالع الثانيه
فرس:اووووووف مليييييييت....محمد شله خنت بوعدك مو قلت بتطلعني
ساره:بعد طلعتنا ماضني بيطلعك
فرس:ميصير المفروض يكون قد كلمته
الريم:اقول احمدي ربك ماهاج عليك
فرس:اووووووووف ابيه يدق حتى لو يهد علي راضيه بس يدق ويخلصني
سارة:وانا متى بيجي دوري وبحب
فرس:هههههه....لاتسمعك شهد وتقولك شتبين فيه حنا مرتاحين كذا شنبي بوجع الراس...
الريم:الا وينها صدق؟؟؟من رجعنا ماشفنها
فرس تذكرت شتقول لهم الحين:اممممممممم................. تقول تعبانه وجالسة من الصباح وتبي تنام وعاد تعرفونها خيشة نوم اذا مانمت 8 ساعات على قولتها مواصل ماتشبع نوووم
الريم:حليـــلها يمكن اتعبت
سارة:على عصبيتها بس طيبه وحنونه
فرس:شهد شهد انا احسها اكثر من اخت ربي حرمني من الخوات وعوضني فيها مدري انا من دونها شسوي اضيع بلاياها
الريم:علشان كذا علاقتكم قويه مع بعض
سارة:اما انا وانتي ابد مانتوالف
فرس:عاد حركاتك هي الي تغيضني
سارة:وشفيها حركاتي انشاءالله؟؟؟؟؟
الريم:يووووووه بترجعون تطاققن ترى ولله اسويها واقول لامي عن سوياكن
فرس وسارة:انزييييييييييين سكتناااااا
الريم:لاحووووووول
فرس:صدق على طاري امك والحريم ماقلنا للخدم يجهزون لجدتي غرفه
سارة:أي ولله .....بس يمكن شهد قالت لهم
الريم:مااظن
فرس:اوكي حنا منروح نخبرهم علشان اذا ما قالت لهم نكون قلنا لهم واذا قالت مجرد تاكيد
الريم وسارة:اوكي
وراحوووووا
الشباب كلهم مجتمعين في قسمهم وهذرة وسوالف
نواف:بووووووووه
الكل:بسم الله خيفتنا
نواف:لازم لزوم اثبات النفس
الكل:متى جيت؟؟
نواف:اجل العيلة كلهم هنا وانا مو موجود ميصير
محمد:ياهلا ولله
نواف:ياهلا فيك
الكل:شخبارك؟؟
نواف:بخير وانتوا؟؟؟
الكل:بخير
علي:شخبار الجو في لندن؟؟
نواف:بررررررررد ومن قبل يومين طاح ثلج
محمد:ولله من زمان مانزل
نواف:هيه لو تشوف المكان كله ابيض باابيض
سالم:خلاص اجل انا راجع لندن مو جالس
علي:اما انا ولا بشبر من هنا
محمد:وانا بعد
نواف:غريبه.....ليه عسى ماشر؟؟
سالم:خبرك ماتعرف ان بنات عمي هنا وتعرف قلوب المحبين مايتحملون
نواف:ههههه.......وانا اقول...... اجل شخبار الريم وفرس؟؟؟
علي:بخيـــــــر يسلمون عليك
نواف:ولله انا ماوحشني الا لسان شهد
محمد:ها لايكون بس طيحتك؟؟؟؟؟
نواف:لا وين......... احب وحده من شرق اسيا ولا احبها
علي:ههههه.....عليها السان مشاءالله عليها يسكت حتى الرجال
سالم:بس مع كذا طيبه وحنونه
محمد:اقول لاطيبه ولاشي ذاك اليوم زين مااكلتني بالسانها الي مايسبح بخير
علي:ههههه.....لما كنت متطاقق مع فرس............ تستاهل انت تعرف ان شهد ماترضى على فرس
سالم:وحليلك ذاك اليوم خلتك ماتسوى ريال
محمد:ولله اني استحيت من عمامي فشلتني
نواف:زين ماسوي فيك على الي سويته في فرس
محمد:ولا الاعظم بعد ماخلصت هي عمامي هزئوني بعد
علي:تستاهل الي يجيك
محمد:اقول صافين معاها اليوم
الكل:ولله معاها حق
محمد:انززززززين خلاص بلانا حش في البنت
نواف: أي وللــه.........الا محمد وين فهد؟؟
محمد:مدري عنه من المغرب نايم وقافل الغرفه
نواف:شله؟؟؟؟
علي:مدري عنه كنا طالعين من الكافي وانا رحت اشوف بنات عمي وقتله ينتظر برى ولما رجعت ماشفته
سالم:لما دخل كان شكله غريب
نواف:عيل نروح نشوفه
محمد يعرف فهد لما يتضايق ولا يسوي شي غلط يسوي كذا ولا يحب احد يجيه لانه يمكن يعصب ويسوي أي شي: لا خلوه لحاله لين مايهدا
نواف:يمكن فيه شي
محمد:لا خلوه على راحته بعدين بصير سمنة على عسل
سالم:اوكي لين بكرة واذا ماهداه الله منشوفه
محمد:اوكي
وجلسوا بعدين يسولفون عن التقديم واي جامعه بيدخلون لانهم يبون يدخلون نفس الجامعه ويشوفون متطلبات التسجيل(الي مادخلوا محمد وسالم وفهد)
يوم الاحد (اليوم الثاني للرحلة)
جلست من نومها وتحس عيونها متورمات من البكى البارح حست ان الدنيا تدور في عينها جلست تطالع الغرفه وعرفت ان الي صار امس مو حلم قامت وفتحت الجوال وشافت الساعه 4 الفجر شبعت نوم من 7 المغرب نايمه
شهد:اكيد اذن الفجر بس قبل لااصلي بسبح وبعدين بصلي علشان اصحصح حاسة اني مالي باارض لشي
وسبحت وخلصت وبعدين صلت الفجر
شهد:خاطري اليوم البس شي ناعم وكلاسيك
بعدين قررت انها تلبس جينز ازرق وعليه قميص طويل كم لونه اسود منقط با ابيض ولبست عليه بوته بيضه
شهد عند المرايا:كذا كويس
وطلعت وعرفت ان الكل نايم الامس سهرانين قالت دام الكل نايم بترتاح من الكل وبتتمشى في ارجاء المزرعه
على قولتها
شهد:لو معاي بنات عمي في ذا الوقت كان فله بس حرام الظاهر انهم كانوا سهرانات الامس خلهن نايمات....وطلعت
وصلت الصاله الرئيسيه كان فهد جالس بس طلع برى علشان يروح سيارته وجيب منها اوراق ويتاكد انها مافيها شي لانه بروح لندن العصر علشان المشروع الي بيسويه من ورث ابوه وعلشان يقدم اوراقه حق الجامعه
فهد من عوايده انه يسجل كل الي يصير له في دفتر يومياته الي عنده علشان على قولته تصير دروس وعبر مكتوبه ويقراها لما يكبر وويستفيد من تجاربه السابقه بحلوها ومرها كان كاتب الي صارله مع البنت وشلون انه ماقصد انه يضربها وانه يعاتب نفسه في الدفتر ومخلنه في الصاله
شهد راحت المطبخ على قولته تبي تعدل مزاجها بعصير ليمون
شهد:احلى شي على الصباح جلكسي وعصير ليمون يروق المزاج
وبعدين راحت الصاله وجلست وفتحت التلفزيون ونزلت الصوت بعدين شافت دفتر فكرت انها تبي تكتب خاطره شهد:لو دفتري حق الخواطر عندي كان كتبت يلا هاذا الدفتر وشكله واجد حلو بفتحه وبكتب
فتحته شافت مكتوب فيه وشافت تحت مكتوب فهد الحربي
شهد:اوووووووه هذا حق فهد الولد العم الي للحين ماشفته بسكره انا مااحب اتدخل في خصوصيات احد وسكرته ولما قلبت الدفتر شافت اخر صفحه مكتوب فيها اسف لانسانه ماعرفتها كانت اول انسانه امد يدي عليها
شهد:منو ذي الي يبي يتاسف لها ..............غلبها شيطانها بس هاذي الصفحه بقرا
وقراتها
شهد ودموعها في عينها:لالالالالالالالالا مستحيل نفس الي صار لي لالالالالالالالالالا معقولة ولد عمي هو الي كان معي لالالالالالالا مستحيل لالالالالالالا الله لا يخليه ولد عمي جابت القلم ودموعها على خدها تصب واكتبت وانا بعد اسفه وراحت تركض
كان فهد توه داخل لمح بنت تركض شفيها انتبه لدفتر: اووووووووه لايكون قرت...... شكلها وحده من بنات عمي يمكن تاخذ صورة سيئه عني شلون نسيت الدفتر هنا......... وفتح الدفتر وقرا اخر شي كاتبه وانا بعد اسفه .....وشو يعني انا بعد اسفه؟؟؟؟.......... لحظة لحظه.......بدى يفكر في الاحداث...........البنت انا شفتها في السعوديه وبعدين شفتها في المطار هنا في بريطانيا في نفس الوقت الي وصلنا فيه وبعد شفتها في الكافي وعلي قال ان بنات عمي كانوا معه ومااظن ان ما في سعوديات غيرهن لالالالالالالا معقوله تكون هي بنت عمي .........انا اعرف بنات عمي كلهم لا مو كلهم انا اعرف الريم وسارة وفرس بس.......شهد اكيد هي شهد(بس هي الي طرت على باله بس مايدري ليه). ............ياربي لا لاتخليها بنت عمي.......معقولة تطلع بنت عمي.....لو طلعت هي شلون رح اطالع في عينها ولا وشي الفكرة الي رح تاخذها عني اني اضرب بنات الناس........لا مهي بنت عمي لا اكيد بنت عمي ولا ليش رح تكتب وانا اسفه بعد.....
يارب شلون الدنيا بعد كل هذا تطلع بنت عمي........انا شسويت..
شهد راحت غرفتها تصيح:ياربي اكرهه يعني طول الوقت كان يعرف اني بنت عمه علشان كذا كان يغثني وخلاني اعصب معليــــــــــة ان ماعلمتك وبتشوف مسحت دموعها وشافت الساعه الحين الساعه 6 والجو مغيم بنزل اكيد هو جالس بعلمه من هي شهد وشلون يلعب علي من البدايه معليه برويه شلون العب ........يبي يلعب بخليه يلعب ........الي مايستحي
نزلت وفي قلبها غل عليه كان خاطرها من الغيض لتكفخه وكانت نار الحقد تطلع من عينها
شافها وهو يطالع هي هي:...........
شهد نزلت وهي في خاطرها تصفعه:اوووووووف شله محد جالس
فهد شتقصد بهالكلام ليه انا مو مالي عينها:احم احم السلام عليكم
شهد ولا كانها تسمعه:انا اروح المطبخ احسن لي ضاق خلقي حاسه الصاله على كبرها كتمه.........وراحت وهي مبسوطه على الي سوته فيه
فهد: ولا ترد بعد مو كاانها من شوي زعلانه مسرع ماتغيرت .....ولها عين بعد كانها مو هي الغلطانه وانا الي ساكت عنا ولا جايب لها الكتمه عسى الكتمه تخنق نفسك وانا شسويت لها عاد انا اتاسفت........ الا هالبنات الي ماعندهم ذوق ومايجون الا بالعين الحمرا بس معليه ان مارفعت ضغطها ماكون فهد.......استني علي بس
شهد راحت المطبخ وتصب كاس العصير الليمون الثاني:اووووووووف ولله لطلع روحك من عليك ........وهاذي فرس انشاءالله ليش ماجلست ولا قالوا بنات عم بنات عم الطل مخليني لحالي ويا هذا الي ماعنده ذوق ولا احترام.......(تقلد فرس)شهد ولله ان فهد فنان وطيب وخلوق واحسن ولاد عمي.....الحين هذا فنان مالت عليه وعلى اخلاقه فديييييييييت فارس سيد الرجال بيت الحربي كلهم اما هذا حتى تراب رجوله مايجي
فهد:اكيد هي في المطبخ..........وراح لقاها هناك......وشافها تشرب في عصير الليمون
فهد دخل وراح عند الثلاجه وهو يفتحها:امممممممم......وين عصير الليمون؟؟؟؟؟؟؟؟......يبي يعصبها
فهد لف وجهه وهي ماهي عاطته فيس:ول كله عندك حشى ماتشبعين من الصباح غرشة عصير كبيرة بتشربيها كلها........ومد ايده علشان ياخذ الغرشة سحبتها وناظرته بنظرة تعني ولك عين بعد تمد يدك
فهد:مو كلها لك
شهد ساكته تبي تحرقه:....... بعدين اخذت الغرشة وراحت حوض الغسيل وفتحتها وكبت الي بقى من العصير في الحوض علشان تحره
شهد وهي طالعه وتحط الغرشة فاضيه على الطاوله:هذا هي الغرشه مو تبيها......هني وعافيه.......وراحت
فهد معصب:الوقحه يابرودها ولله من القهر لاصفعها على وجهها الي ماتستحي زين ماسويت فيها لما ضربتها ماعدت اسف على الكف
شهد راحت غرفتها وهي حاسة بنتصار لانها ردت له الصاع صاعين
شهد:يستاهل هذا اقل من جزاه.....معليه يافهد بتشوف ان مارويتك نجوم الليل بعز الظهر ماكون شهد......وخصوصا الحين بتصير معانا طول الوقت يعني بتاخذ نصيبك من التعذيب
شهد وهي تفتح باب قسمهم:حشى هذولا للحين نايمين ولله مليت جالسه لحالي
فتحت غرفة فرس لقتها باردة لانها فاتحة البلكونه ومتغطية باللحاف لين ماتقولون انها بتختنق
شهد:حشى هاذي مجنونه فاتحه البلكونه برررررررد.....راحت لها الفراش.....فرس فرس الله يخليك جلسي جالسه لحالي
فرس قامت بسرعه:شهد شفيك فيك شي؟؟؟
شهد:شفيك ارتعبتي مافيني شي بس ملانه جالسة من الفجر لحالي
فرس رجعت على الفراش:اشوه خيفتيني قلت فيك شي ......دام كذا قومي ذلفي ابي انام
شهد:حرام جلسي معي
فرس:انتي ماتدرين الامس متى نايمين مانمنا الا 2 الفجر وانتي نايمه من المغرب
شهد:يووووه فروستي قومي مافي الا انا مليت
فرس:ليه مافي احد برى
شهد:مافي الا الغلس فهد.....ماابي اجلس معاه يقرف
فرس جلست خلاص شهد طيرت النومه:ههههه فهد لا حشى مو غلس
شهد:لاتقهريني يرفع الضغط...اوووووه بقولك شي مابتصدقين ........ تذكرين الولد الي قتلك اني لقيته جنب بيتكم وفي السوق الي كب علي القهوه
فرس:هيه
شهد:ولي كتب الخاطرة بعد واسمه فهد تحت ووو..سكتت.....(تذكرت انها ماقلتلها على سالفة الكافي والمطعم)
فرس:ليه كلهم شخص واحد؟؟
شهد:ايه وهالشخص فهد
فرس فاتحه عيونها:حلفي؟؟؟
شهد:ولله
فرس:شلون؟؟
شهد:ولله هذا الي حصل
فرس:حرام هو ماكان يعرفك شلون صار كل هذا
شهد تفكر يعني مايعرفني:متاكده انه مايعرفني؟؟؟
فرس:هيه......حتى لما كنا في المطار جايين وقالت لها شصار لما راحت عند محمد وفهد
شهد وحليله ظلمته بس يستاهل الي جاه ولا يصفعني كف:اها.........ها الحين مابتقومين
فرس:باقوم بعد طيرتي النوم خلاص
شهد:يعله مايرجع يلا قومي
فرس:اوكي
شهد:الك 10 دقايق تخلصين فيها يلا
فرس:حاضر عمتي طلبات ثانيه
شهد:لا مشكورة
وراحت فرس
شهد:ااااااااخ بالرغم انه غلس بس صدقت فرس في كلامها حلا السعوديين كله فيه......ككككككك....احلى شي فيه خشمه ورسمة عيونه مشاءالله عليه ربي عاطنه جمال يحسدونه عليه الناس.......بس ماعنده اخلاق ابد ماطلع على ولاد عمي.... يلا دامه غلس انا غلسه اكثر برويه
فرس طلعت من الحمام مالقتها في الغرفه اكيد برى في الصالة
فرس:انتي هنا
شهد:لا هناك......بعدين تعالي قوليلي شهالكشخه
فرس:هههه...اذا انا كشخه انتي شنو؟؟؟
شهد:لا ولله....... تكسرين..... الله يعين محمد
فرس:هههههههههه
شهد:يلا نطلع نتمشى
فرس:اوكي......وبنات عمي؟؟
شهد:خليهن نايمات بعدين من خرب عليهن
فرس:اوكي
وطلعوا يتمشون
فرس:شهد ماقتلك الامس شصار......شي مرح تصدقينه
شهد:كل شي في الدنيا يصير
فرس:الا هذا كنت اظنه مرح يصير
شهد:حمستيني وش صاير من وراي؟؟
فرس:الامس جى محمد وقالي انه اسف لانه عصب وكان يبي يهزانا وانه بيطلعنا اليوم بدل الامس
شهد فاتحه عيونها:محمد يعتذر.........شصاير لالالالالا مو محمد اكيد واحد مزيف
فرس:انتي سمعتي وسويتي كذا اجل لو تشوفيني انا الامس
شهد:هههههههه.........مايقدر يقاوم على بعادك
فرس:هههههههه.....على عصبيته بس مجنونه بهواه
شهد:الله يخليكم لبعض تستاهلين كل خير
فرس:مشكورة
وراحوا الحديقه ولقوا فهد برى يقرا كتاب
شهد من شافته عصبت:امشي ندخل ماابي اشوف وجهه
فرس:انتي ماتبين برايك.......انا ابي اجلس معاه ولله ان جلسته ماتنمل
فرس بصوت عالي:فــــــــــــــــــــــــــــــــهـــــد
فهد التفت لورى وشاف شهد وفرس:سمــــــــــي يابنت عمي قربي ........(يدري ان شهد مرح تجي علشان كذا يبي يقهرها لما تكون فرس معاه)
فرس:امشي مرح تروحين
شهد:يخسي اروح له بعد هذا الي ناقص
فرس:كيفك انا رايحه
وراحت فرس لفهد
فرس:صبااااااااح الخير لاحلى حرباوي
فهد:صبااااااااح النور لاحلى حربيه شخبارك؟؟
فرس:بخير وانت؟؟
فهد:بخير
فرس: قالي محمد انك رح ترجع اليوم لندن صح هالكلام؟؟
فهد:ايوه لازم ارجع علشان عندي كم شغله بخلصها
فرس:وبتجي بعدين؟؟
فهد:مااظن
فرس:ليــــــــــــــــــــه؟؟؟؟؟؟؟........حرام اجلس معانا
فهد:ليه محمد مايكفي؟؟؟؟
فرس:محمد غير وانت غير بعدين الجلسة معاك ماتنمل
فهد:مشكورة بس عندي اشياء واجد للحين ماخلصتها ويكمن من بعد اسبوع انزل السعوديه
فرس:لا وغلاة الي تحبه تجلس
فهد:هههه.......اوكيه فالك طيب
فرس:صدق ولله بتجلس ولا تقص علي
فهد:لا بجلس ولابشبر بعد
فرس:ولله
فهد:أي ولله بس اليوم اروح لندن وبكره راجع......زين كذا
فرس:بس زين الا زوين بعد.......تدري يافهد فله هالرحله كلكم هنا ........انت اول مرة تجي معانا.......ونواف وصل ومحمد وعلي وسالم وعمامي هنا والحريم وجدتي رح تجي اليوم شكلها بتطلع فله الرحله
فهد:نواف هنااااا؟؟؟؟؟!!!!!!!
فرس:هيه الامس وصل ماشفته؟؟
فهد:لا ولله الامس نمت من المغرب كنت تعبان
فرس:اها
فهد:الا بعدين شله شهد ماجت معك؟؟؟؟؟
فرس ماتبي تقوله شهد ماتبي تجلس معاك:مدري عنها تقول تبي تتمشى
فهد:ككككككك......شكلها ملسونه
فرس:ههههههه..........لا حرام......اكيد ولاد عمي قالولك كذا
فهد:هيه
فرس:ليش انها دائما تفشلهم ومايشيخون عليها قالوا انها ملسونه ولا انها بنت ولا كل البنات
فهد:ههههههه.......نسيت انك المدافع الرسمي عنها على قولت محمد
فرس:ههههههه........محمد عاد هذا شهد ماقصرت عليه
فهد:ههههههههه
فرس:مرة تطاققت وياه وجلست ابكي بسبته راحت وهزاته بعدين خلت عمامي يهزاونه بعد
فهد:ههههههههههههههههههه.......صدق؟؟؟؟؟؟؟؟
فرس:ايوه لو تشوفه ذاك اليوم مارفع راسه من الارض من الي سوته فيه
فهد:ههههههههههه.......فعايله تخلي الواحد يهزاه
شهد كانت تشوفهم لما يضحكون ويسولفون وكانت مغتاضه منه
شهد:الله يلعنه يكسر بضحكته ولله لو مو قرافتك والحيا كان جلست قدامك طول الوقت واشوفك واشوف ضحكتك.........شوف ميت ضحك.......شكله راعي سوالف بس تعامله مع الناس سخيف........بعدين ضحكت تذكرت فرس شلون كانت توصفه.......كككككككك........كل شي مثل ماقالت مشاءالله انا مو شاطره في الوصف مثلها
فرس:الحين انا استئذن تاخرت على شهد
فهد:جلسي معي
فرس:ولله خاطري...... الجلسه معاك جنان بس لازم اروح لشهد
فهد يبي يغث شهد :اوكيه عادي اجي معاكم؟؟؟؟؟؟؟
فرس وشو تجي معنا تبي شهد تذبحني:هااا......
فهد:شفيك؟؟......بمشي معكم بس
فرس:اوكيه......بس بشرط؟؟؟؟؟؟
فهد:امري
فرس:مايامر عليك عدو.......بس ابيك تمشيني لما ترجع من لندن
فهد:افا عليــــــــــــــــــــــــك ماطلبتي
فرس:مشكور
فهد:ماسوينا شي
فرس:اوكي يلا سرينا
شهد شافتهم وهم جايين جنبها شلت حالها وبتمشي عنهم
فهد يبي يقهرها:شهـــــــــــــــــــــــد.............
هل فعلا فهد بيروح لندن؟؟؟
وشهد وش رح يكون رايها؟؟؟
وفهد شيبي من شهد؟؟؟؟
*****************************************
رد : شهد الفهد........اول كتاباتي 
العرض العادي
