موضوع حساس وشائك جدا للمناقشه

[abo adhem]

هذا الموضع يطرح للمناقشه ولاكن ليس هنا فى المسابقه انا
وضعه هنا للاشتراك به فقط فى المسابقه وبعد المسابقه سوف
اضعه للمناقشه اعزكم الله جميعا وبارك فيكم نبدأ الموضوع
بسم الله الرحمن الرحيم

السلام عليكم و رحمة الله و بركاتة

الحقيقة الموضوع الي حتكلم فيه حساس جداو شائك جدا جدا لكن في نفس الوقت هو خطير جدا و ان دل علي شئ فانه يدل علي ان معظم العرب علي وجه العموم و المصريين علي وجه الخصوص مصابين بمرض انفصام الشخصية , وبيدل ايضا علي انهيار القيم و المبادئ في المجتمع و ان الدين بالنسبة للمسلمين ركعتين و حجاب و برنامج فتاوي علي الفضائيات 90% بتتكلم عن امور ثانوية جدا في حين ان الامور و القيم الاساسية في الدين منهارة تماما.
دراسه:

اما بالنسبة للدراسة هي دراسة عملها موقع جوجل عن اكثر المواضيع التي يبحث عنها الشباب المصري علي الانترنت و اللي غالبا لا تختلف اهتماماته عن اهتمامات الشباب في اغلب البلاد الاسلامية - الدراسة بتقول ان اكبر كلمه يتم البحث عنها علي الانترنت هي كلمة - سكس - يليها اغاني ثم افلام . طبعا انا متأكد ان الموضوع مش مفاجأه لنا و علي الرغم من ده مثل لى اناشخصيا صدمة كبيره جدا و الحقيقه انا أتأكدت من ده بنفسي فيgoogle trend و الكارثه الاكبر ان الدول الاسلاميه بما فيها تركيا و باكستان هم الاكثر بحثا عن هذه النوعية من المواضيع في العالم كله.
بريد:
بالنسبة لبريد الجمعه اللي نسبه كبيره جدا من المصرين بتتبعه من سنين طويله , في الفتره الاخيره احتوي علي رسائل كتير مضمونها الخيانه عبر الانترنت من خلال ممارسة الجنس عبر برامج الشات و المصيبه ان بعض اللي بيعملوا كده متزوجين يعني المفروض انهم مش محتاجين لمثل هذه الامور


مواقف:


بالنسبة للمواقف اللي بتحصل من خلال برنامج الما سنجر اكثر الشباب الا من رحم ربي متصور انه طالما بيتكلم مع بنت عبر الانترنت يبقي كل شئ مباح و الغريب في الامر ان الشاب بيتصدم من موقف البنت الي بترفض تتكلم في الامور دي و لو عليه حيقولها "امال انتي داخلة النتليه " و كأن المفروض علي كل مستخدمي الانترنت انهم داخلين لممارسة الرذيلة علي الانترنت.

بعد ايضاح اسباب فتح هذا الموضوع نبدأ في الحديث عن دلالاته
-1من المفترض ان المسلمين هم اكثر الناس تمسكا بدينهم و عقائدهم والعلاقات الغير مباحه بمختلف اشكالها و مسمياتها تعتبر من الكبائر في الدينالاسلامي و رغم ذلك انتشارها علي الانترنت يدل علي عكس ذلك.
-2 الطبيعة القبليه في المجتمع العربي (القبائل و العائلات) تسببت في جعل المجتمع العربي اكثر محافظه لان الناس عارفه بعضها و دايما بينسبه الشخص لعائلته و قبيلته و طبعا ده بيجعل الشخص محافظ اكتر علي تصرفاته و افعاله طبعا ده كله ادي الي ثقافه اجتماعيه عامه متعلقه بالمجتمع كله علي اختلاف اديانه و ثقافاته , و بالتالي مش الدين وحدة المسئول عن المجتمع العربي المحافظ.
3- اذن من 1, 2 نستنتج اننا في مجتمع متدين بطبعه محافظ له تقاليده و عاداته الشرقيه التي تعتبر الشرف من اهم مقومات الحياه وفي نفس الوقت 1, 2بيتعارضوا تعارض كامل عن الدراسة الي طرحتها علينا جوجل و عن المشكلات اللى بيعرضها علينا باب بريد الجمعة:- و ده يجعلني استنتج عدةاشياء:-

1- ان المجتمع العربي مصاب بمرض الفصام اي انه يعيش بشخصية بين الناس الي يعرفوه و لكن مع الناس اللى مايعرفهوش له شخصيه اخري و طبعا مرض الفصام بيكون مصاحب لامراض نفسية تانيه خطيره يعني المجتمع العربي مصاب بمجموعة امراض نفسيه.
2- الشباب العربي يعاني من خواء الشخصيه لان اللى بيضيع كل الوقت ده في البحث عن الاشياء دي صاحب شخصيه جوفاء ضعيفه مهتزه غير محدده المبادئ و القيم والمعايير اي شخصيه منهاره.
3- اعتقد ان السببين 1, 2 كفيلين باننا نعرف ليه مجتماعتنا منهاره سياسيا و اقتصاديا و فكريا و ثقافيا و دينيا و ليه مفيش ولا جامعه مصريه ضمن قائمة افضل 500 جامعة في العالم.

اسئلتي الان و اللي بطرحها للمناقشه
تفتكروا بعد كله ده هل فعلا الشباب العربي مؤهل لمشاركات السياسية وتكون فعاله لو جائت له فرصه؟؟
هل فعلا هو مؤهل لتحمل مسئوليه بلاده؟؟
هل المشكلة مشكلة تربيه و لا تعليم و لا اعلام و لا ايه؟؟
بعض الناس بيعتبروا ان في ظل المغريات الحاليه من افلام و كليبات و ما الي ذلك , ممارسة الرذيله عبر الانترنت هو افضل حل باقل خسائر علي اعتبار ان مفيش اولاد و ان ده حصل بشكل تخيلى؟؟ يا تري حد يؤيد الرأي ده؟؟ و يا تري بعد الزواج الموضوع ده حيكون له تأثير علي العلاقه الزوجيه والماديه و المعنويه؟؟ و يا تري اللي بيعمل كده, اييه هي القيم و المبادئ الي حيعلموها لولادهم ؟

اتمني اكبر مشاركة في الموضوع لان الموضوع فعلا هام جدا فهو سبب ونتيجه - نتيجة لما نمر به من انهيار في جميع المجالات و سبب في انهيار اخلاقي وامراض نفسيه , و ده اللى خلاني اسأل هل فعلا احنا مؤهلين للاصلاح و اذا تم الاصلاح هل نقدر نتعامل معاه.
و لكن لي رجاء ان نناقش الموضوع بايجابيه وموضوعيه
دون الخروج عن الاسلوب الاخلاقى المتبع فى منتدانا العظيم
اقول قولى هذا واسغفر الله لى ولكم
والسلام عليكم ورحمة الله وبركاته
اخوكم ابو ادهم

[abo maream]

بسم الله الرحمن الرحيم


اخى نعم ان الموضوع حساس جدا
وانا سعيد انى اول من قام بالرد عليك

هذه الامور هى المحاربه الفكريه التى اتجه لها الغرب لمحاربتنا
لانه سلاح اقوى من السلاح الحربى فحرب العقل اقوى من حرب الجسد

ولكن هيهات اخى ان الشباب المسلم يعرف جيدا ان غد ستشرق شمس جديده

هل فعلا هو مؤهل لتحمل مسئوليه بلاده؟؟

اخى فى حرب اكتوبر 73 لو تذكر فى هذه الحقبه الزمانيه كان الشباب فى اوج الانحلال والرذيله ولكن عندما نودى للحرب كانوا من اشد الرجال

هل المشكلة مشكلة تربيه و لا تعليم و لا اعلام و لا ايه؟؟

للاسف انه اعلام من الدرجه الاولى
والدليل على ذلك انظر الى الماضى منذ اكثر من 50 عاما ايام الكتاتيب كان الغنى يحن على الفقير و الصغير يحترم الكبير

هل المشكلة مشكلة تربيه و لا تعليم و لا اعلام و لا ايه؟؟
بعض الناس بيعتبروا ان في ظل المغريات الحاليه من افلام و كليبات و ما الي ذلك , ممارسة الرذيله عبر الانترنت هو افضل حل باقل خسائر علي اعتبار ان مفيش اولاد و ان ده حصل بشكل تخيلى؟؟ يا تري حد يؤيد الرأي ده؟؟ و يا تري بعد الزواج الموضوع ده حيكون له تأثير علي العلاقه الزوجيه والماديه و المعنويه؟؟ و يا تري اللي بيعمل كده, اييه هي القيم و المبادئ الي حيعلموها لولادهم ؟

الخطأ خطأ اخى مهما صغر فدائما الذنوب الصغار تبيح الكبائر

انكسار القيم يجعل الفرد فى موقفه صغير وفى رأيه ضعيف خائف حتى لا ينكشف امره

الله ما ارحم اخوانى واخواتى المسلمين وردهم ردا جميلا الى الدين

شكرا على طرحك

[abo adhem]

من شروط القسم
عدم الاكتفاء بالشكر
ووجوب مناقشة آراء الأعضاء
وفي حالة الاكتفاء بالشكر
سوف يتم إغلاق الموضوع

......
....
..
.

[الزهرة البيضاء]

بص يا اخى اول شى انا مش عارفه اذا كنت من مصر ولا من بلد اخر المهم فى كل الاحوال لو مش من مصر اعرفك ايه سبب تناقض تصرفات المصريين ولو من مصر حتفهم كلامى لانه واضح لكل واحد بيعيش فى مصر

المصريين اكيد مش كلهم كنموذج زى اللى ذكرته وهناك السلفيين كثييرين فى مصر ولكن اغلب الشعب هما اللى مضحوك عليهم
لما تكلمت حضرتك عن ان المصرى بيهتم بالامور الثانوية فى حين ان الامور الاساسية منهاره اقولك تعالى كده شوف اى شيخ فى مصر او مسجد كتر الناس عليه وبداءت عيون تفتح علطول المسجد امن الدولة ياخد الشيخ يظبطه وبعدين ياخد اللى بيدخل المسجد ويعدلهم واى حد يفكر بس انه يتوب ويرجع ويعرف دينه يكون عارف ايه اللى بينتظره
تعالى بقى شوف الشيوخ اللى بتظهر على التليفزيون ميقدرش اساسا يقول شى فيه حتى لو جزء بسيط يجعل المصرى يفكر انت تعرف ان المصرى الملتحى او المراة المنقبة المصرية ممنوعة من دخول الاماكن اللى بيبقى فيها سياحة او اماكن ترفيه وبيبقى العين عليهم لانهم عند الدولة متطرفيين

تقدر تقول لنظام الدولة ان النظام فيه اشياء كتير حرام او الدين بيحرم كذا ويحلل كذا دا انت تبقى الله يرحمك
وتعالى شوف الاعلام موجه فى اتجاه معين يبعدك عن الدين ولو رجل دين طلع فى امور معينه مينفعش يتكلم فيها ويتكلم فى الامور الثانوية زى ما ذكرت يا اخى انت تعرف ام مفتى الديار المصرية حرم الربا الواحد ميقولش غير حسبى الله ونعمه الوكيل

كمان شى طلع وزير الاعلامنا بتاعنا على فضائية وكان بيحكى عن المعونات الامريكية لمصر فقال ان امريكا مش بتعطى مصر معونات حب فى عيون مصر لا عشان امريكا ليها مصلحة ان النظام فى مصر يبقى كده وان الحكم ميروحش لاى حد وخصوصا الملتزمين لان اى تغيير يحدث فى مصر ده ليه تاثير كبير على باقى الدول العربيه فتساعد البلد عشان تفرض الحكومه اللى هى عايزاه بالمال والقوة (البلطجة) على الشعب

فطبعا بقى المواكن البسيط تفكيره فى حاله احتلال اعلام موجه فى اتجاه معين والشرطة تقف له بالمرصاد اذا التزمت حياتك جحيم فطبعا المواطن البسيط فى مصر ايه هدفه عايز يريح دماغه ويشترى نفسه خايف على بيته ووظيفته واولاده

حتى وصل الامر ان الاغلبية صدقوا فعلا ان دى فعلا حياتنا وان الدين مجرد صلاة وصوم فقط

لما تيجى تتكلم عن اى دولة عربية انا متاكده مفيش اى دولة ماشية على الحق كامل كل دولة فيها البلاوى وفيها ايضا اللى بيفكروا كويس جدا كيف يجعلوا الشعوب نائمة مخدوعة والاعلام اكبر شى بيساعد على كده

عشان بقى الحال ينصلح محتاج الامر جهد كبير من الصغير للكبير محتاج المشايخ والعلماء ينشطوا اكثر وان يقولوا الحق ولا يخافوا لومة لائم ابدا محتاجيين نعرف كل فرد ان فى حساب وفى جنه ونار وان هدفنا الجنه لانها الخلود وان الدين هو كل حياتنا وليس امر ثانوى ومحتاجيين التوبة والاخلاص

[سـجـا الـبـحـر]

نحن الآن نعيش في وقت منغمس في الفساد والبعد عن الأخلاق والقيم والمبادئ تحت مسمى الحرية الشخصية

والانفتاح على الشعوب الأخرى والعولمة الفكرية لها النصيب الأكبر من التحفيز والتأثير في ظهور مثل هذه الأمور
حيث أن شبابنا أساء معرفة استغلال هذا الانفتاح والعولمة
وبدلا من الاستفادة والتعرف على اشياء أخرى نجهلها وثقافات اخرى نتبادلها أصبح شبابنا بمثابة المستورد
فقط للعادات السيئة والأخلاق المبتذلة
ومعظم مستخدمين النت وأغلبهم يستخدموه لإشباع أنفسهم بأكبر قدر ممكن من الانحراف

يدل علي ان معظم العرب علي وجه العموم و المصريين علي وجه الخصوص مصابين بمرض انفصام الشخصية

أخي لا يقتصر ذلك فقط على شباب مصر ولكن هذه ظاهرة متفشية في جميع الدول العربية ولكن بسبب الكثافة السكانية الكبيرة في مصر تشعر بوجودها بكثرة

- ان المجتمع العربي مصاب بمرض الفصام اي انه يعيش بشخصية بين الناس الي يعرفوه و لكن مع الناس اللى مايعرفهوش له شخصيه اخري و طبعا مرض الفصام بيكون مصاحب لامراض نفسية تانيه خطيره يعني المجتمع العربي مصاب بمجموعة امراض نفسيه.

نعم يوجد الكثير من هؤلاء من يلبس ثوب الأخلاق والشرف أمام الناس وفي عالم النت البعيد عن العيون
يجرد نفسه من هذه الثياب المزيفة

تفتكروا بعد كله ده هل فعلا الشباب العربي مؤهل لمشاركات السياسية وتكون فعاله لو جائت له فرصه؟؟
هل فعلا هو مؤهل لتحمل مسئوليه بلاده؟؟

أخي كما يوجد الطالح يوجد الصالح
ويوجد من شبابنا العرب من هم على قدر كبير من المسؤولية ويملكون عقولا زخية
ووعيا وفكر محدق
فلا نقلل من شأننا لأنه بالفعل يوجد من هم عماد للوطن العربي
ولايمكن ان نعتبر مستخدمين النت هم الشريحة الأكبر من وطننا العربي يوجد هناك شرائح اخرى من الشباب
نفخر بهم

هل المشكلة مشكلة تربيه و لا تعليم و لا اعلام و لا ايه؟؟

كل هذه الأمور مكملة لبعضها فلايمكن ان نفصل اي منها عن الأخرى بالرغم من وجود تفاوت في التأثير ولكن جميعها تشترك في بنية تكوين شبابنا

أخي أبو أدهم
العوافي على تقديمك هذا الطرح
الجميل

في انتظار عودتك للنقاش