ليه انا من بد خلق الله معنيني حبيبي=وليه غيري يا زماني مستريحٍ مع حبيبه
كل ما قربت جروح القلب يا وقتي تطيبي=ليه يا وقتي تزيد جروح في قلبي عطيبه
جرحها من عام الاول في الحشا ما له طبيبي=ليه ما تداوي فواد كانت لجرحه طبيبه
شبت النيران في قلبي وانا قلبي عطيبي=ليه ما تطفي لهيبه يوم زادتبه لهيبه
لا نهيته عن دروب ضايعه ما يستجيبي=ويش ابي بالحب ما دامه كذيا ويش ابيبه
الدروب العوج في سلم الهوى ياوقت عيبي=وش يبا بالدرب يومنه يخبر الدرب ريبه
للهوى سلم نعرفه علمه لا يلتهيبي=ماني بمعلق فوادٍ صار من فعله صويبه
ليه وانا اللي ليا من ضاق شقيت اله جيبي=وقامت الدنيا تقلب بي وانا دي واعتزيبه
واحذف له عمامتي وعقالي ان جا يعتزيبي=ولو يمسه شر من مخلوق صرت اناحريبه
كان قصده يمتحني بالغلا امره غريبي=بعد عشرة عمر ماقاس الغلا والله غريبه
وكان قصده يستفز القلب وهو مني قريبي=علمه يا وقت قله غيركم حبـه غصيبه
وكان قصده يازماني يستهين انا عتيبي=والله اني ماحني الهامه وانا ربعي عتيبه
الصبر شيمه لنا وان زاد عن حده عصيبي=ويش اسوي يوم قلبي حظه مردي نصيبه
يازماني علمه والله ماغيره حبيبي=مار عذبني وغيري مستريح مع حبيبه
يازماني كان مالي في محبتها نصيبي=والله اني لابتعد عنها ولو كانت قريبه
وسلامت قلوبكم
اخوكم
بدر بن تركي
والله اني ماحني الهامه وانا ربعي عتيبه 
العرض العادي
