تعاتبني بنظراتن خفيه
واجاملها ولا ادري وش وراها
وجاوبها بنظراتن حزينه
تعبر عن ضنا الروح وشقها
واسايرها وجاوب كلي نظره
وخبي الوجد وبحث عن رضاها
قبل ماشوفها ظنيت قلبي
دله عن سيرة الحب وسلاها
وعقب ماشفتها عرفت قلبي
تناساها ولكن مانساها
غلاها يزود مع زود اليالي
وباع الناس قلبي وشتراها
وصرت اغار انا منها عليها
خطا نفسي وانا اتحمل خطاها
واغار من امها حتى وابوها
واغار من الذي بأمره ولاها
واحسد الي تبره بالرعايه
واحسد اللي بأحاسيسه رعاها
احسد الريح لحرك شعرها
واحسد عيون غيري لا تراها
واغار من القمر لا شع نوره
خذت نور القمر واصبح ضواها
واحسد الشمس لا بانت عليها
اشعتها تسبب في اذاها
واحسد الارض لا داست عليها
اثر خطواتها يحيي ثراها
واغار من النجوم ليا تعلت
وشافتها وعيني ما تراها
واغار من الهدوم الي لبستها
عساها ماتجرحها عساها
واغار من الخواتم في يديها
وساعتها وكل الي معاها
واغار من القلاده في نحرها
واغار من الشعر لمن كساها
واحسد الي سكن بالبيت معها
ولا ابالغ انا احسد اقصراها
واحسد القلب لاقام يتمنى
لان القلب ما يصبر بلاها
واغار من القصيده لا قرتها
ولو هي قصتي واشكي جفاها
وتشمل غيرتي حتى المرايه
يحق لها بشوفتها تباها
نعم واغار حتى من الوساده
واحسد افراشها ويا غطاها
الا يامن يساعدني عليها
يوصلني هوى النفس ومناها
عجزت اعالج اجروحي بروحي
وانا ان طولت يذبحني هواها
منقول
أغار من الخواتم في يديها 
العرض العادي
