الرياض........
كان غرفه هيله بالتخصصي.. مكتضه خالتها البندري وبناتها ونوال ومرت خالها أحمد وناصر وبناتهم.. وعايله ابو ريم.. وحتى عيال خالها جاءوا يسلمون عليها..وقرايب لهم كثيرين.. كانوا فرحانين بقومتها بالسلامه.. وحتى خوال سليمان جاين من حائل يطمنون عليها.. وكان هالفرحه تشع من عيونهم.. أول يوم من أيام الشهر الكريم راح تقضيها بالمستشفى.. ويمكن الشهر كامل.. حست بالضيق من هالفكره.. ومع كل الي حولها كانت تحس بان شيء ناقصها.. كانت تتمنى تلاقي الي تشكيله.. صحيح فوزيه مقابلته 24 ساعه لكن فوزيه ما كانت تفهمها.. يمكن فارق السن يعطي مجال اكبر لوجهات النظر.. تمنت حنين.. وحست بشوق فضيع لها.. كانت متأكده ان حنين.. قلقانه عليها وزعلانه منها.. لانه مو بالعاده تجلس شهرين وزياده بدون ماتكلمها.. كانوا دايماً متواصلين.. لكن الي كان مطمنها ان سعود وعدها انها راح تكلمها اليوم.. وتبارك لها بالشهر.. كانت جالس معاهم وبالها وخاطرها.. في مكان ثاني.. عند سليمان.. ياترى ليش ماجاء يزورها.. يكون فرح بالكلام الي قالته وخذها حجه.. اليوم اول يوم من أيام رمضان ياترى ليش ما جاء يبارك لها في الشهر.. ولا لاهي بحياته الجديده.. حست بألم من هالافكار.. وندمت على الي سوته فيه.. ليش ماتفاهمت معاه بهدوء؟؟.. ليش ما حلت الموضوع بود؟؟.. كانت افكارها مثل الدوامه.. تدور وتدور في نفس الموضوع.. وتخلف وراها زوبعه .. وألم نفسي فوق طاقتها..
وبمجرد مانصرف الي عندها.. دخل سعود عليها ومثل ما وعدها اتصل بحنين..
سعود: الو
نواف: خالي سعود..
سعود: ايه شلونك نواف؟؟؟
نواف: والله بخير احد يسمع هالصوت ولا يكون بخير.. وانا اقول وش هالاشعاعات الي تطلع من التليفون.. اثاري نورك واصل عندنا..
سعود: ياحبك للواقه.. ودهن الزبده.. داري انك ترسم على بناتي.. مافيه لاتحاول..
نواف: لا عاد خالي لا تحطم معنوياتي.. انا مفكر لما أنزل في العطله نسوي العرس.. على وحده من هالتوأم.. لا تردين يابو تركي.. طلبتك..
سعود: كسرت خاطري.. أنت قدم طلب على الموضوع.. وبندرسه انا وعمتك وبنشوف
نواف: وبقولك من الحين يا خالي.. ترى كل شيء عليكم.. الشقه والعفش.. والشبكه.. أنا بجي بشنطه ملابسي..
سعود: ههههههههههههههههههه صدق ما تستحي
نواف: ذا الامور مافيها حياء.. زواج مو لعبه..
سعود: ناد أمك خل نتفاهم على التفاصيل.. أقنعتني
نواف وهو يضحك: اعتبرها موافقه مبدئيه
سعود: بنشاور البنت وبنرد لك خبر
نواف: ههههههه على كذا يبلنا سنتين لين تتكلم
سعود: هذا حظك شنسوي
نواف: ههههه.. وي.. ثواني بس انادي امي
كانت حنين جالسه عند البوابه تنظر فيصل الحين 1:00 الظهر.. وهو للحين ما شرف.. كلمها سامي وقال لها ان بيتأخر.. بس تأخر مره.. وليش ما كلمها هو؟؟؟..وخاصة أن اليوم عنده أجازه وين راح؟؟..
نواف ببتسامه: ماماتي لك مكالمه بتطيرك من الفرح
حنين وهي تقوم بلهفه: ابوك؟؟؟
نواف: لا.. خالي سعود
ركضت حنين لسماعه..
حنين بلهفه وهي تبكي: سعود اشتقت لك
سعود: شوفوا النصب توني مكلمك من يومين..
وما كان في رد على جوابه.. الا شهقاتها.. كانت تطلع توترها وخوفها على فيصل.. كانت تتمنى ان سعود معاها الحين..
سعود بقلق: حنين فيك شيء؟؟
حنين وهي تحاول تتمالك نفسها: لااا.. بخير.. انت شلونك؟؟ وشلون عيالك؟؟ وهيله ليش ماتكلمني؟؟؟ وبعدين نــ
سعود: يا كثر اسئلتك.. خليني من هذا كله.. عندي لك مفاجأه..
حنين: وشي؟؟؟
سعود: اسمعي صوتها
هيله ودموعها تغسل وجهها: وحشتيني
حنين بدون تصديق وهي تجهش بالبكاء: هيله.. وينك؟؟؟.. خوفتيني عليك.. مو بالعاده تسوين فيني كذا؟؟؟
هيله: ما عليش حبيبتي كانت عندي ظروف
حنين: وش هالظروف الي تخليك تقطعين اختك؟؟؟.. بس ماعلينا قولي لي وش اخبارك؟؟.. واخبار سليمان .. وعيالك.. رجعت لسليمان؟؟؟
هيله: ايه رجعت له.. وانت وشلونك؟؟؟.. وشلون فيصل؟؟؟ وعيالك؟؟
حنين وهي تمسح دموعها: عايشين
هيله: سامحيني ياحنين وربي كان غصباً عني
حنين: ادري
هيله: نسيت اقولك الشهر عليك مبارك
حنين: الله يبارك بعمرك
هيله: فيصل بجنبك.. عطيني ابارك له وسلم عليه
حنين: لا مو موجود.. ببلغه سلامك..
هيله: حنين صوتك مو عاجبني؟؟ فيك شيء؟؟؟
حنين وهي تجهش بالبكاء مره ثانيه وتحاول تطرد هالوساوس الي تجتاحها: لا بخير.. أنا بخير.. دامني اسمع صوتك بخير.. لا تقطعين فيني
هيله وهي تحس بالم من بكاء اختها: حنين ما قدر اطول اكثر.. بس بكلمك مره ثانيه.. سلميني على العيال كلهم.. وبوسي لي اياهم.. مع السلامه
حنين: يبلغ حبيبتي.. فحفظ الله
سكرت هيله وانهارت تبكي.. ما كانت تقدر تطول معها اكثر.. حست انها لو استمرت معاه في الكلام راح تقول لها كل شيء.. حست بشوق فضيع لها.. وما حب سعود يهديها خلها على راحتها.. ومع انها كان ودها يسألها وش الي صار بينه وبين سليمان.. بس اجلها لبعدين.. وخاصه ان الوضع مايسمح انه يكلمها.. والي اثار شكوكه اعذار سليمان غير منطقيه.. هو لما كان فعز التعب والاجهاد والضغط يزورها يومياً وبنتظام.. وبدون ما يقطع.. وهيله الي تموت على اخباره.. ماسألته ولا مره عنه.. ولما يجيب بطاريه تغير الموضوع.. حس سعود ان شيء كبير بينهم.. وشيء مو سهل.. ولازم يعرفه..
----------------
-=-=-=-=-=-=-=-=
رد : قصة صراع الحب ( للكونتيسة الناعمة ) 
العرض العادي
