تدري وش اللي حدني للقصايد

[حبيس المشاعر]

تدري وش اللي حدني للقصايد = جمر وبرد ومع الرموش الطويله
البارحه عن جملة الخلق حايد = ماكني ألا فوق جمر المليله
أشكي على نفسي ولا به فوايد = عجزت لا ألقى لي رفيق أشتكيله
أنوح نوح الورق فوق الجرايد = ماعاد له جدوى ولا له وسيله
عليك ياللي كاسيتك القلايد = ياصاحبي يابو العيون الكحيله
فيك الحلا ياناعس الطرف زايد = وفيك الدلع خلٍ يلاعب خليله
الزين زينك سربهن وأنت قايد = خصرٍ نحيل وفوق هذا طويله
والردف يشكي من رفيقه عوايد = شفت الظهر في وقفتك ينحنيله
وليا مدحتك مابه أية جدايد = كم واحدٍ خليت نفسه ذليله
تدري وش اللي حدني للقصايد = طيفك معي في كل يومٍ وليله

بقلمي

[نور الحجاز]

صح لسانك

روعه

[!! Mr.Nader !!]

حبيس المشاعر :: غزاي ::

كل عام وانت بخير يا الغالي

وصح لسانك ع الابيات الرائعة

شيء اعتدنا عليه من شاعر

الله يسلم يمينك اخوي

لا يحرمنا من طلتك


الله يحفظك

[حبيس المشاعر]

آسف لم أتعود أن أكتب بقلمي لأن كل ما أكتبه هنا هو لي ولا أنقل أبدآ

القصيده لي

[زهرة التوليب]

تدري وش اللي حدني للقصايـد
طيفك معي في كل يـومٍ وليلـه

الله عليك

قمة في الروعة

جزلة من جزل

صح لسانك وعلا شانك

لاهنت على هالابيات

زهرة التوليب