*نـــــــــــــــور *
خرجت بعد ماتسبحت وقمت احووس ابي بيجاامااا لكن للاسف
ماالقيت البيجاما الوحيده كانت الي لبستهاا طبعا مستحيل اقعد
كذاا رحت سحبت لي قميص نوم محتشم وطوويل لبسته
ولبسة عليه الروب وشديته باحكااام طلعت ملاابس لتركي
وخرجت الصاله كاان مرجع راسه ع الكنبه شكله يفكر او تعبااان
ناديته : تركي مابتتسبح
ابتسملي وقاااال : الا ااا
قاام بيروح يتسبح عدى من جنبي وقهم بأذني : حلوو عليك الوردي
حسيييت خدودي صاارو حمر من تعليقه
رحت وجلست ع الكنبه واناا افكر شلون حالي انقلب بين يووم
وليله هذانفسه الرجل الي امس صرخت منه شقلب حاالك
يااانور معقول كلاام حنااان معقوول
حسيتي بالخوف لمجرد التفكير ان تركي بيوم ممكن يتركك
عشان وحده ثااانيه ممكن يجي يوم خلااص حبه لك ينتهي ...
طيب وانتي ايش مزعلك ؟! مو تقولين ماتحبينه وماتبينه...لا
يكون ياانور ؟!! مستحيل.... مستحيييل ...
احبه متى حبيته ...شكلي قمت اخرف ...قولي عقلتي لا تنكرين
انك تحبينه من زمااان لاتنكرين انك انقهرتي يوم تزووج وفرحتي
انه طلق حرمته لاتنكرين ان وسط كل دمووعك وغضبك عليه
قلبك عياا يكرهه ...بس هو هو السبب باللي صاار لو ماصااحب
خااالد لو مادخله بيتناا ماااكان صاار هو المسئول عن كل شي
هو المسئول عن اهاانتي عذاابي نظراات الاشمئزااز هو مسئول
عن عذاب الليالي
حسيت بغصه خاانقتني ابي ابكي ابي اصرخ اااخ يااتركي ليت
بيدي انسى ليت بيدي اساامح لكن ماباليد حيله تنهدت بحسره
بالم تصادفت مع خرووج تركي من الحجره جا وجلس قريب مني
سالني : تبغين اطلب العشاء الان او بعديين
قلت له: اذا انت جيعان اطلبلك انا داخله اناااام ... تصبح على خير
*تركــــــــي *
مدري اشفيهاا توهاا كانت تضحك ومستانسه شقلبهااا سالتها :
نور شصاارلك شكلك مضاايقه .. توك كنتي تضحكي
ردت علي : مافيني شي
قلت لها : شلون مافيك شي وانتي من شوي تضحكين
ومشتانسه والان هم الدنيا كله فووق رااسك
قالت لي بصووت عالي : قلت لك انا مافيني شي شلون تفهم
ودارت بتمشي للحجره
مسكتها من ذراعهاا وشديتها باتجاهي وقلت لهاا : لما اكلمك لاا
تعطيني ظهرك ساامعه ولاترفعييين صوتك بوجهي انا زووجك
مو اصغر عياااالك تفهميين
تركت ايدهاا وجلست ع الكنبه بعصبيه بعييد عنهااا جلست
استغفر واتعوذ من ابليس ماابغى افقد اعصااابي او اسوي شي
اندم عليه خلاص هذي البنت بتجنني كل شووي بحاال
سالتني من بين دموعهاا : ليه تزوجتني ؟
طالعتها بذهوول ماتوقعت هالسؤال بذي اللحظه قلت لها : انتي
تدرين زين ليه تزوجتك وسبق وقلت لك
ارتسمت على وجههاا ضحكت استهزاء : تحبني موو كذبه حلووه
حز بخااطري انها تستهزاء بمشااعري : تبين تصدقين كيفك
ماتبين برضو كيفك مو قلتي بتناامي روحي نااامي لو سمحتي
قلت لي بعصبيه : ماني رايحه قبل ماتقول السبب الحقيقي
لزواجك مني
رد : (حب وحزن وفرحه وتشويق وعناد) قصـــــــــه روعه جنــــــان لا تفوتك 
العرض العادي
