هاااااي ...
سوري لأني أنزل بارتات قصيرة بس هدا أنا اكتب من كمبيوتر البيت واحيانا الجامعة و انشالله أحطلكم أطول شي اقدر عليه ...
ريتاج والله أقول لجدة وبابا لو طلعتني , أصلا إنته مين عشان تطردني ...
بعدين طالعت لبدور وقالت : أففف مررة تانية خليني اروح مع سواقي تيب ...
عبدالله : ليش مو هو في إجازة اليوم .
ريتاج : و من متى محمد ياخذ إجازة ...
بدور : لا انا امو قالتلي إنو مريض ...
ريتاج : لا شفتية أمس لما أخذنا على بيت أم مصعب ...
بدور : أيوه انا استغربت ...
ريتاج : يمكن كان يكلم زوجتو هو وتعب من كثر الكلام .. هو معانا كلامو كثير كيف مع زوجتو ...
عبدالله ( يتذكر إيش قالو عبدالرحمن ولد ام مصعب ) : رحتو أمس بيت ام مصعب ...
ريتاج : إيوة و متنا من الطفش ...
بدور : تخيل سرنا انا ورتاج نتكلم مع الفلبينيات اللي عندهم في البيت ...
عبدالله : معاكم عذركم والله ...
ريتاج : من الله يعين حريم عيال أم مصعب ...
بدور : هههههههه ...
عبدالله : والله شكلو إنتي اللي الله يعين حماتك عليكي ...
بدور : أتخيل لو كانت أم مصعب حماتك يا رورو ...
ريتاج : وهي حية لا بس لو ماتت أنا يمكن أفكر لوقتها لو آخذ واحد من عيالها عبدالرحمن حليو ما يعيبة شي بس أمه وصياعته يمكن لو ماتت أمه يصحى ويعقل و كمان يعني ألف وحدة تتمناه ...
عبدالله انصدم من اللي ريتاج تقولة وقعد ساكت ولا تكلم ...
بدور تكلم عبدالله: ودينا لبيت حنوش أمو قدها هناك ...
عبدالله : من جد انها فاضية إيش تسوي عند الناس من ألحين ...
بدور : ههه يمكن قاعدة تاكل ...
ريتاج : حرام عليكي ايش تاكل راحت تسبقنا على الخطابات اللي هناك ...
عبدالله : ما يمديكم تمشون لين هناك أنا اخاف على سيارتي ...
ريتاج : لا وأنا أخاف على نفسي ما تشوف المكان كلو هنود ...
عبدالله : اللي يقول منتي متعودة على السواق ...
ريتاج : سواقي أعرفو من يوم ما ولدت هدا أبويا في الله وكمان كان سواق ماما الله يرحمها ...
عبدالله : تيب امري لربي بوصلكم إيش المشكلة ...
ولما نزلوا ودخلت بدور و جت ريتاج تعبر قدام السيارة طالعت لعبدالله حصلتو يضحك لها وقعدت تفكر "" يوه هدا كل ما أبغى أطلعو من دماغي أروح أتجنن عليه زيادة ""
و قعدت تطالعلو لما جت بدور ونادتها : ريتاج يللا تأخرنا ...
ريتاج كان سرحانة بدور جت جنبها و شافت رتاج تطالع لأخوها تاكدت من كلام أمو .. وراحت و سحبت ريتاج من يدها وقالت : يللا الهنود هنا بياكلونك بعيونهم ...
ريتاج : هنود! أي هنود أنا ما أشوف اي هندي ...
بدور : يللا بندخل ...
ريتاج : يللا ...
و هما داخلين بدور قالت لريتاج : في إيش كنتي سرحانة برا .. قعدت اكلمك ساعة ولا رديتي ...
ريتاج ( تتذكر عبدالله ) وتضحك : لا. لا .. ولا شي ...
جت أمو وسلمت على البنات وكانت وراها حنوش . طالعتلها ريتاج وقالت : هاي حنوش كيفك ...
حنوش ( تقلد الحريم ) : زينة وانتي وكيفك وكيف زوجك وعيالك .. ههه ...
ريتاج : زوج وعيال أنا أصلا جايه هنا عشان الخطابات ...
أمو : لا تسألينها عن زوج إسأليها عن حبيبها اللي مو راضية تقولنا عنو ...
ريتاج : ها أنا عندي حبيب هاهاها ... إنتي إيش خرفتي ...
بدور : تيب ليش كنتي سرحانه وقعدتي برا ساعة ...
ريتاج : لا ولا شي بس كنت أجمع أغراضي طاحت على الأرض ...
أمو : ترا الأغراض والشنطة مليانين غبار ...
حنوش : شافت اللي انا شفتو توني .. واحد كان موقف سيارتو جنب باب بيتنا .. بس شكلو مو شكل سواق حرام هدا يكون سواق المفروض يروح يمثل مع توم كروز وجوني ديب ...
بدور : الله يعني اخو لهذي الدرجة حلو .. ههاهاهاها ...
أمو : إيش من جالو الجمال ...
ريتاج ( لا إراديا ) : من ربو وكمان مو شرط إنتو تشوفونو حلو ...
أمو : بدت لجنة الدفاع ...
حنوش : إنتي لوشفتيه كيف يضحك بدوخين ...
أمو : هااااااع هههها هدا ولد خالتي كيف ما أعرفو ...
بدور تطالع لريتاج وتقول : اهاااااااااااا عرفت ليش كنتي واقفة برا .. كشفتك ...
حنوش : شفتيه يضحك من قريب ...
أمو : انتي لسا ما فهمتي يا حنشوه الولد كان يضحكلها ...
حنوش تطالع لريتاج وبعدين طالعت لبدور وقالت : بدور .. من جد لو كنت اعرف بس إنو كان عندك أخو زي هدا ...
ريتاج : فكري تقربي منو و أنا بوريكي ...
أمو وبدور أستغربوا من ريتاج أول مرره تتكلم عن عبدالله و راحت أمو قالت : هه أخيرا بينتي ...
المهم و في الطريق كان عبدالله يفكر في عبدالرحمن ولد أم مصعب لما قالو انو هو بيكلم أمو تخطبلو ريتاج .. وبعدين راح يفكر في ريتاج لما كانت تتكلم عن عبدالرحمن .." يوه أنا إيش اللي يخليني أفكر فيها أنا إيش ليا أصلا خليها نصيباها وبيجيها و واحد تتمناه كل بنت وطوال"" الطريق كان يفكر ...
ام مصعب هي وحده الكل يكرهها زوجها متوفي و وعندها 3 عيال عبدالرحمن الكبير ... و سيف و ريم ....... عيالها ما شاء الله حلوين خصوصا سارة بس أمهم مخربة عليهم حياتهم وزوجها قبل لا يتوفى كان شريك أبو حنوش ...
وفي بيت حنوش ..
حنوش : تعالو بنقعد عند المسبح وادا تبون بعطيكم ملابس من عندي عشان نتسبح كمان
بدور : يااااي .. مرره بيكون وناسة ...
بدور و أمو وافقو ونزلو يتسبحو بس ريتاج كانت مرشحة داك اليوم المهم ..ولما نزلو البنات يتسبحو قعدت على الكراسي اللي جنب المسبح وطلعت الآيبود وقعدت تسمعjust so you know وقعدت تتذكر أيام زمان لما كان عبدالله يقرالها قصص لما كانو صغار و كانت تروح بيتهم كان ينيمها جنبو لما تخاف .. مرره كانت أيام حلوة ...
بعدين قعدت تضحك على نفسها كيف صارت و سكرت وصارت تغني :
برتاح معاك .. دا انا كل حاجة تغيرت في بهواك ..
دنا لو لالمسك بين إديا حقول ملاك وانته إيديك
في إديا قلي حسبها لييييه
يا حبيبي قلي أحلى من الإحساس ده إييييه ...
وبعدين نامت على الكرسي و ما حست اللا والموية تنصب على راسها زي الشلال ...
وفي بيت أم مصعب ...
عبدالرحمن : أمي أنا أبغا أكلمك في موضوع ...
أم مصعب : تكلم إيش تبغا ...
عبدالر حمن أشر على أختو عشان تطلع ..وبعدين راح جلس جنب أم مصعب و وقال :أمي تتذكرين الموضوع اللي كلمتك عنو ...
أم مصعب : موضوع الزواج ...
عبدالرحمن : ايوه .. إيش رايك في ريتاج ...
أم مصعب : ما حصلت إللا هذي في غيرها من البنات كثير ...
عبدالرحمن : انا أبغاها يعني ابغاها هي مو غيرها ...
أم مصعب : بدورلك وحدة احلى منها بمليون مرره بس و اللي يسلمك هذي البنت ما تريحني ...
عبدالرحمن : أنا ما يمني أبغاها يعني أبغاها ...
أم مصعب ( تمشي الحال ) : طيب أشوف ...
وجا باسها على راسها وقال مشكوره و ضحكته شاقة وجهه ... وهي تفكر " إيش اللي جابك على البنت ذي أنا بخليك تكرها وتقولي ابغا أي بنت اللا هي بنت فاطمة ""
وعلى طول عبد الرحمن كلم عبدالله وقاله إيش قال لامو (ام مصعب ) وايش ردت عليه
عاد عبدالله ما عرف إيش يسوي بس مسك التلفون وبدا يدق على التلفون ....
وريتاج قاعدة تلعب مع البنات بالموية و لا هي عارفة ايش اللي صاير في الدنيا ...
وفي بيت محمد جد ريتاج ....
كانت جدتها قاعدة في غرفتها ودق تلفونها وردت : ألو ...
عبدالله : ألو ...
فاطمة : من معاي ...
عبدالله : جدة ما عرفتيني أنا عبودي ...
فاطمة : هلا .. بأبوي كيفك ...
عبدالله : جدة إننتي فاضيه ألحين ...
فاطمة : إيوه تعال البيت فااضي يومك بتيجي بتنورلي البيت ...
عبدالله : طيب خلي وحدة من الشغالات تفتحلي الباب ...
إيش كان عبدالله يبغا من جدتو ...
.................................................. ..........
يللا باااااااي حكمل بكرااااااااا انشالله في الجامعة ,,,
..............................
@ @ @ ...
رد : حبيبي الأولاني ...قصة رومنسية جريئة ... @ @ @ ... 
العرض العادي
