اقتباس:
المشاركة الأصلية كتبت بواسطة شاعر ريم
 السلام عليكم ورحمة الله وبركاته ومساكم الله بالخير جميعا...
هذه القصيدة تتحدث عن نفسها وهي من قصائدي اتمنى ان تنال استحسان ذائقتكم الادبيه...
اقاسي لوعة الفرقا من الهجران والحرمان=بلا ذنب(ن) جنيته قرر المحبوب ينساني
قــسا فالحـــــكم لكني اعده لي من الاخوان=معه عذره ولكني اباابقى دايم اعـــــــاني
صحيح ان الموادع صعب خص ان كان للخلان=تكسّر عبرتي والدمع يجري فوق الاوجاني
من الصدمة تزلزل كل ضلع(ن) شامخ البنيان=وانا من بعد ماقرر يروح انهد بنياني
انا ماانساه يوم انه سقى بستاني العطشان=ولكن بعده ابتذبل جميع زهور بستاني
وانا ماانساه يوم انه ضحك في ثغره الفتان=يشوقني ليامنه كتب عذبات الالحاني
وانا ماانساه يوم انه يصارحني بسر(ن) كان=وحلفت السر مايظهر ولاينطق به لساني
صحيح انه تركني ماترك حتى لي العنوان=ولكن حبه بقلبي فلا يوزن بميزاني
انا ماكان ودي ذي نهايتها لاعز انسان=ولكن القدر يحكم ونرضى الحكم لو كاني
سقى الله دار محبوبي بهمال(ن) من الامزان=ولو يقسى علي اقبل وانا مانيب زعلاني
الا ياطير ياللي في سما نجد اكسر الجنحان=توجه لم دار اللي قسا وقته وجافاني
وقل له مستحيل انه يجي في خانة النسيان=عسى ربي يوفقه ويحفظه وين ماكاني
انا ودعته الله والولي ربي عظيم الشان=حماه الله من الاخطار وايضا الرب يحماني
ابيع الروح له فدوة ولو يطلب من الاثمان=واقول ارجوك لاترحل كفاني منك ماجاني
عسانا نلتقي في جنة(ن) ينعم بها الولدان=عسى ربي يحقق رغبتي والقى من ابكاني
وهذي قصتي وضحتها لو مالها عنوان=ولكن اللبيب اللي يعرف بدون عنواني
|
اخوي الغالي
شاعر ريم
لاهنت لاهنت
ابدعت وماقصرت
بس ياليت تعلمني وش السر اللي بينكم اللي حلفت ماينطق به السانك واعتبر انه في بير خخخخخخخخخخخخخخ
عالعموم اخوي
الله يعطيك العافيه وماقصرت
وانت من اجزل الشعراء الموجودين
واكرر واقول انت مكسب لمنتدى غرام
عالعموم اخوي
تقبل تحيات وتقدير
اخوك أســــ الغنج ــــير
الا ياطير ياللي في سما نجد اكسر الجنحان=توجه لم دار اللي قسا وقته وجافاني. 
العرض العادي
