شو موقفك لو كنت مكانها

[كازورينا]

مرحبااااااااااااا

تخيلي عزيزتي..... أنكم طالعين من عزيمه أو عرس.. أنت وأم زوجك وخواته....

طبعا زوجك اللي بيوديكم للبيت والمشوار طويل شوي ... أوكي

وانتم ماسكين الطريق إلا أم زوجك ( احنا نسميها ((عمه)) وفي روايه يسمونها ((خاله)) المهم عمتك ذيك الساعه منفتحه نفسها للسوالييييف ومبسوووووطه لأنها توها مقعده راسها بكم بيالة شاهي

وتبدا تسوووووولف على ولدهااا............. ..................

والله ياعرسهم يهبببل ما شالله عليهم... ومهنا شي ماحطوه حلويات اشكاااال والواااان و الموااااالح ماينشبع منهاا ابددددد

والعشاء عجزت أشبع منه!!.... حاطين شي يعرف وشي مايعرف
والاكلات الشعبيه (اهم شي في الموضوع) مااااخلو شي ما حطوه مدري بس ماشالله من اللي مسوي هذا كلللله الله يحرسهم باسمه.....

المهم.......... .
وهي ماسكتهم مدح وشرخ........... ..

مادريتي إلا يوم فرت الموجه على المعازيم وبدت تسولف و تقوووول............. ...........

ياملح ذوليك البنيات اللي قامن يرقص ملح وقبله وجرم (يعني جسم) كل وحدتن تقول أنا القمرررر....ماش الله الله لايضرهن....

أقول يافلااااانه...( تنادي وحده من بناتها) وش رايك بذيك البنيه أم أحمر اللي مغير ترقص وتناقز وش رايتس فيها ؟؟ نخطبها لفلان (واحد من عيالها)


كل هذا وانت تسمعين و زوجك فاتح كشرته يتسمع للسواليف مستاااانس

وتجاوب بنتها (المسئوله) أي والله يمه لاتفوتنا تكفون اسألي عنها شوفي منهي بنته ووين تدرس....!!!

وتبدا السواليف بين الأم وبناتها عن فلانه وفلانه وذيك أحلى لاذيك أحلى.... لا ذيك جسمها مخصر ولها (.......) _______ وكلاااااام طويل عريييييض مايقال قدام رجال بأي حال من الأحوال

بالله وش ردة فعلك في هالموقف؟؟؟؟؟؟؟؟ ؟؟؟؟؟

وش بتسوييييييييييي ن ووش بتقووولين وبأيش بتحسيييييييييين؟؟؟؟



واي وحده متزوجه أو غير متزوجه (تتخيل أنها متزوجه) ترد رجااااااااااء أبغا اشوف وش بتسوون

الله الله بالردود

[صاحبـــــــــــــة السمو]

بأهمس بإذن أخته وبأقولها تكفين سكتي أمك بأي طريقة وغيروا الموضوع..
وإذا ماقدرت أخته تسكت أمه بأقوول ايييييييه هذيك عرفتها تصدقون جتني وقالت لي أنتي بنت مين ؟ يحسبوني مو متزوجة وقعدت تمدح لي في أخوها وآخر شي قلت لها والله أني متزوجة..وش رايكم ؟!

[شلال الوادي]

السلام عليكم اختي العزيزة ... لولا أن الكذب حرام لقلت إن رأي صاحبة السمو بمحله.

أنا برأيي .. بعيدا عن الكذب .. أتذكر نظرات البعض لي ولا بد أنهم نظروا الي .. وكلام اهلي عني فأكيد مدحوني وقد رتبت نفسي وزينتها ابتهاجا بحفل العرس

وأقول لزوجي عن تلك النظرات وذلك المدح على سبيل لفت النظر الي .


على...


على أن لا يكون الكلام أمام الحماة ( العمة ) لأنها إن كانت قوية كما يقولون فستخجلني ... ولربما أنها بينت انّ غيري أجمل مني

فكلنا يعرف انّ الكبار في السن لا يؤخذ بكل كلامهم .. لأنهم يتكلمون على سليقتهم باعتبار ما في حد غريب يسمعها ..

لكن إن كان الموضوع قد أثارته لقصد زعزعة ثقة زوجي بجمالي وبأهميتي
فليس أجمل من تذكيره كيف كان اهتمام أهله بها عندما كانت عروس .. بأن تقول له .. ذكّرني كلام عمتي يبوم جئتم لخطبتي .. لقد قالت عني كذا وكذا

أمّا محاربة العمة على انها الند .. فذلك لا يليق لا بأنفسنا واحترامنا لها .. ولا بالزوج وهي امه..

سلمت أختي من كل غي.. أعرف أنني استطردت .. وسرت في الموضوع لافق آخر .. لكن الشيء بالشيء يُذكر

تحياتي \ راحلة

[المزيونه روز]

والله اتكلم قدامهم أقول خالتي الله يعافيك ويجزاك خير لا تكلمين ألحين عن البنات ترا معنا رجال متزوج إذا رجعتي البيت تكلمي مع بناتك براحتك وإللي يزعل يزعل لأني ما قلت شيء غلط وأنا سامعه أنه مو زين توصفين أو الزوجه توصف لزوجها الحريم يعني هالشيء بالدين(وبكيفهم بفهمونها غيره بكيفهم)<<<<عصبة البنت


مشكوره على الموضوع

[سـجـا الـبـحـر]

السلام عليكم ورحمة الله وبركاته

بغض النظر ان كان مقصد الام من وصف فتيات الفرح هو كيد زوجة ابنها او كانت نيتها صافية
لاتقصد شيئا ولكن لمجرد الاعجاب والوصف
هنا ندخل في مسألة الحرام
لان الأم بذلك ترتكب ذنبا عندما تبدأ بوصف فلانة وفلانة بجسدها ولبسها وجمالها وهذا الوصف يكون امام ابنها
لأنه رجل
وهي بذلك تكون قد كشفت عورات هذه الفلانة أمام ابنها حتى وان كان لم يراها
فهو سوف يتصورها في مخيلته لأنه من الطبيعي لننظر الى انفسنا عندما يوصف لنا شخص اي شخص آخر
فاننا نرسم له صورة في مخيلتنا بناءا على هذا الوصف
وبذلك يمكن ان يعجب الرجل بتلك المرأة من دون أن يراها فقط بالسماع عنها
لماذا حرم الله أن تكشف المرأة عوراتها وزينتها امام من هم ليسو بالمحارم لها !!
بالطبع لتفادي حدوث الفتنة ولحماية المرأة من اعين الرجال
إذاً الأم حتى بحديثها ووصفها للفتاة فهي كشفت عوراتها أمام ابنها
وبذلك تحدث الفتنة
أريد ان أسرد قصة قصيرة على مثل هذا الموقف

أعرف امرأة متزوجة
كانت تعيش في السعودية وهي جميلة جدا بالطبع امام الرجال كانت لاتكشف وجهها
وكانت لها صديقة كانت بحسن نية دائما توصف جمال هذه المراة وعن ذوقها باللبس وماذا ترتدي وهكذا
اي انها توصف اعجابها امام أخيها
والذي حدث بان أخيها اشتد للمراة دون أن يراها وفتن بها فاتفق هو ومجموعة من اصدقائه السوء
وانتظرو خروج زوجها من المنزل وانقضو عليها في منزلها واغتصبوها

لذلك لانستهين بمثل هذا الموضوع
لانه لايقتصر ضرره فقط على ايذاء مشاعر الزوجه بينما سوف يصل ايذاؤه الى ابعاد لم نكن نتوقعها
من الأفضل قبل ان تبدأ الزوجة بالشجار مع حماتها أن توقفها عن ذلك وتبين لها انه حرام

كازورينا يعطيكي ربي ألف عافية
على الموضوع الرائع
في انتظار عودتك لمحاورتنا