لحظة فراق .. قصة سعودية

[الأحســـــ أميرة ـــــاس]

~*¤ô§ô¤*~ لحظة فـــــــــراق ~*¤ô§ô¤*~

من أصعب اللحظات اللتي تواجه اللأنسان لحظات الفراااااق للأبد.... ((لكم أنقل مشاعري من خلال هذه القصة واتمنى من كل قلبي ان تنال أعجابكم))

( قصــــــــة سعودية )
.. الجــــــــــــــــــــــــــــزء الأول ..
الشخصيات..أبو فيصل وأبو خالد أخوة وعلاقتهم ببعض قووووووية مرة
تتكون عائلة أبو فيصل من:أبو فيصل+أم فيصل+
فاطمة:29+فيصل:25+فنار:23+فواز:22
ــــــــــــــــــــــــــــــــــــــــــــــــــ ــــــــــــــــــــــ

عائلة أبو خالد: أبو خالد+ام خالد+خالد:31متزوج من بنت عمة فاطمة ومسافرين تبع بعثة بكندا +فهد:24+ريما:22+رناد:18


في سيارة ((bmw))سودا كان صوت أغنية
المسافر لراشد الماجد يملي المكان ودع فهد صديقة وحبيب عمره ماجد الي سافر لعلاج والدتة وقلبة وروحه وكل تفكيره وياه وشلون بيقدر يستغنى عنه خصوصا ان الناس بداية أجازة وهو يفكر دق جواله ولد عمه فيصل
فيصل: هلا هلا والله بلقاطع
فهد: لا والله ماني قاطع بس الظروف
فيصل: خير خير وشفيه ولد العم
فهد : لا بس متضايق تعرف اليوم موعد سفر صاحبي ماجد ومأثر فيني شوي
فيصل : لاتهم بالك وانا ولد عمك وأنشاللة الله يعافي أمه ويرجع لنا بسلامة
فهد: انشالله
فيصل: يلله ما أطول عليك أنا بس حبيت أتطمن لأنك لا انت ولا أخوتك فيكم خير لاتدقون ولا تسألون
فهد: ههههههه الله يسامحك ياللله أقول دام صاحبي وصديق عمري سافر اليوم اجل أبشر من جياتي لكم
فيصل: حياك الله وان ماشالك المكان شالتك عيوني
فهد: تسلم والله
فيصل: الله يسلمك ويالله مع السلامه لأنك طيرت الرصيد
فهد: هههههه الله يسلمك
((فهد طيب وحبوب بس من النوع اللي اذا تعلق بأحد مايقدر يتخلى عنه بسهولة وفيصل ولد عمه طبعه حبوب ويحب يخفف عن اللي قدامه))


في بيت أم فيصل كانو جالسين فنار وفواز
فواز: فنارو تتوقعي لو أخطب ألحين يوافقون علي أهل العروس
فنار: أولا أسمي فنار وثانيا خلي يوافقون أهل المعرس أول
فواز: وليش مايوافقو أهل المعرس
فنار: لأن المعرس ماشألله لا أله الا الله كامل والكامل الله ألا لا دراسة كملت ولا شغل تشتغل وجالس عاطل باطل هايت في الشوارع لااا والأخ يبي يخطب
فواز: فنارو أحترمي نفسش لا هلتلفزيون فوق راسش أجل انا عاطل باطل
فنار: كلام الحق يزعل والشرهه مو عليك على اللي جالسة تتناقش مع واحد حقير مثلك
فواز: ((عصب ووده يقوم يقتلها وتوه بيرد ويدخل فيصل)) فواز في قلبه((هذا وقته يجي ألحين الكبر والغرور على أصوله))
فيصل : السلام عليكم
فواز وفنار: وعليكم السلام
فيصل: وش فيكم وشو صاير
فنار: ماصاير شي بس الأخ فواز كان يقول...
ويقطع عليها فواز: ان قلتي لا تلومي الا نفسش وشوفي من يقعد معاش أو حتى يسولف ويوديش السوق
سكتت فنار وماعلقت بأي كلمة لأن فواز برغم صغر سنه وحركاته الماصخة ألا أنه رجال ويقدر يمشي كلامه خصوصا على أخته فنار.
اما فيصل ماكان له مزاج يتكلم معاهم فقام وركب فوق شاف امه بتطلع سأله وين بتروح
أم فيصل: خالك داق علي ويقول يبيني أروح
فيصل: عسى ماشر
ام فيصل:ماشر بس بروح وبشوف
فيصل: تبيني أوديك
ام فيصل: لأ انا قايلة لسايق وأكيد الحين هو جهز السيارة
فيصل: براحتك بس انتبهي لنفسك وسلمي لي عليهم
ام فيصل: أنشالله يالله اجل مع السلامة
فيصل: الله يسلمك


في بيت ام خالد وفي الطابق الثاني من البيت وبالتحديد في غرفة ريما ورناد يسولفون
ريما: تذكري البنت اللي شفناها في عرس اخوك خالد وكانت لابسة فستان تركوازي وكان عاري شوي
رناد: من هي ماعرفتها
ريما:اللي قالو بنات عمي انها بنت خالهم
رناد: أي وش فيها
ريما: تذكري اسمها
رناد: على ما اظن قالو سهى
ريما: وعععععععع ثقيلة دم ماحبيتها يوم شفتها بلعزيمة الي مسويتها عبير صاحبتي احسها ثقيلة دم ماحبيتها يوم شفتها ابد
رناد: وانتي وش عليك منها
ريما : لا بس ماحبيتها تدري وش كانت لابسة
رناد: وشو
ريما: لابسة تنورة قصيره لركبة وبلوزه من دون اكمام
رناد: بما ان الجمعة كلها بنات وش فيها
ريما: لا والله غناتي بنات مو بنات لبسها كان عيب وخلاص
رناد: واللة البنت بكيفها المهم قولي تتوقعي السنة الجاية أجيب نسبة
ريما: واللة انتي ماينخاف عليكي بس ماعلينا من هالسالفه وش رايك نروح بيت عمك أبو فيصل من زمان عنهم ماشفناهم
رناد: والله فكرة أجل قومي دقي على فنار وقولي لها
...قامت ريما ودقت على فنار وبلفعل راحو بيت عمهم على الساعة ثمان الليل كانت الجمعة حلوة في بيت ابو فيصل رناد وريما وفنار جالسين وسوالف وتلفزيون واكل وضحك وهبال
فنار: أي والله قال ايش قال يبي يتزوج
ريما : ههههههههههه اما هذا اخوك تحفة ياليت عندنا واحد مثله
رناد: هههههههه أي والله ياليت ماعندنا الا الرومنسي فهد واللي من سافر صديقه عنه وهو كأنه بنت مفارقه حبيبها
فنار: ههههههه لهدرجة الرومنسية
((سمعو صوت فواز يتنحنح))
فواز: يالله يالله
فنار: خير تبي شي
فواز: هلا كيف حالكم من عندنا يا فنار
فنار: وانا لحقت أقولك مو انت القيت التحيه وخلصت
ريما ورناد من تحت العباية ماسكين ضحكتهم على هبال ولد عمهم وخفة دمه الجريئة والزيدة نوعا ما
فواز: لو جاني اشوية احساس ان هالبنتين مااعرفهم كان تركتكم ورحت لكن ان ادري انهم بنات عمي ريما ورناد علشان كذا بجلس شوي معاهم بنات عمي وانا حر
فنار : هي هي هي ((وتتكلم بلمصري)) هي الدنيا سيبا وله ايه
فواز: مافيها شي عادي هم ريما ورناد واحنا فواز وفنار
اهني رناد ماقدرت تستحمل وضحكت ظحكة ذوبت فواز وهو جالس مكانه وقالت بصوت عالي وكله غرور ودلع ::مافيها شي ياولد عمي وياليت تنادي عمي يجلس معانا ويشوف ولده المصون المحترم وهو جالس وسط بنات عمه
(حس فواز بكلمات رناد مثل الرصاص على قلبه وخصوصا انه كان يمزح ومادري انه بمزحه احرج بنات عمه وسبب الأحراج الاكبر لاخته فنار
_____مضت الليلة على خير بعد ماجا فهد لريما ورناد وراحو_______

.......صباح اليوم التالي (على الساعة 9 صباحا))
..جلست ام فيصل وابو فيصل ماجلس وهدي مو من عادتهمايجلس للهلوقت راحت ام فيصل وجلسته..
ام فيصل: ابو فيصل ابو فيصل قوم الساعة وصلت تسع
ابو فيصل: ........
ام فيصل: ابو فيصل ابو فيصل قووووووووم الساعة تسع
ابو فيصل: ..............
((تأكدت ام فيصل ان ابو فيصل مو في وعيه وبعد مانادت فيصل ونقلو ابو فيصل المستشفى))
فيصل: طمني يادكتور وش في الوالد
الدكتور: تطمن ابوك الحين احسن
فيصل: أي بس وش اللي كان صاير فيه
الدكتور: يمكن يكون تعرض للظغط كبير في العمل زائد تقدمه في السن وعنده السكري أدى الى نزول مستوى الدم في جسمه وانهار بس تأكد جات الطيحة سليمه
فيصل: شكرا دكتور
الدكتور: العفو
((راح فيصل عند ابوه وامه اللي كانت تصيح بشكل مو طبيعي على زوجها وابو عيالها وحبيب عمرها)
فيصل: لا لا يمة تأكدي ابوي مافيه الا العافية
ابو فيصل: قول لها مادري وش فيها الله يهداها
ام فيصل: بعد شفيني كل منك كل ماأقولك هدي على روحك من هالعمل والظعط وانت منت جايب خبر وشوف وش صار فيك
ابو فيصل: ماعلينا واللي صار صار المهم انت يا فيصل قلت لعمك أبو خالد
فيصل: اوه نسيت انا حتى فنار وفواز ماعطيتهم خبر
ابو فيصل: روح خبرهم بس شوي شوي مو تخرعهم
((وبعد تقريبا يومين طلع ابو فيصل وسوو عشا بمناسبه طلعته من المستشفى بسلامة)
..الظهر في بيت ابو فيصل....
ابو فيصل: انا اليوم مجهز مفاجئه للعيال وبلأخص فيصل
ام فيصل: وشو هي المفاجئة؟؟
ابو فيصل: اللليله الكل بيدري عنها
ام فيصل: براحتك المهم انا بقوم اكمل حق العزيمة الليلة بغيت شي قبل لا اروح
ابو فيصل: سلامتك بس لا تقولي لا احد من اعيالش ان انا قلت بسوي لهم اليلة مفاجئة
ام: فيصل: انشاللة
...((راحت ام فيصل للمطبخ ومعاها بنتها فنار والخدامات يجهزون العشا .. وبعد ما خلصو تقريبا من تحضير العشا طلبت فنار من امها انها تقوم تتجهز وبلفعل راحت ..فتحت دولابها بعد ماسبحت واحتارت وش تلبس وبعدين اختارت لها بنطلون جينز اسود مطرز بشك احمر على شكل ورود مع بلوزة حمرة مخصرة ورفعت شعرها البني ونزلت بعض الخصل بشكل تلقائي وحطت لها كحل ولون خفيف احمر علوردي في عيونها ولبست عدسات رمادية وحطت لها روج وردي خفيف ورشت لها عطر ونزلت..))
___شافها اخوها فواز وبدء بتعليقاته وهي اكتفت انها تقول
فنار: اقول قوم لا الحين يوصلون بيت عمك ويفشلونك مثل داك اليوم
فواز: لااااا صحيح زين قلتي لي وذكرتيني لأني كنت ناسي سالفة داك اليوم
فنار: ها أتحدااااااك
فواز: لا تتحدي ولا شي وبنت عمك زي مافشلتني بتشوفي كيف بردها لها والليلة
((خافت فنار لأن تعرف اخوها مجنون ويسوي كل شي ))
فنار: هييييي انت بلاا جنووون وقوم ظف وجهك عند الرجاجيل
فواز: أنشاللة بس لااااازم بردها لها ..اوكي سلمي لي عليها وياليت ماتعطيها خبر علشان تتفاجئى ويكون الموقف احلى...سلاااام
فنار: ؟؟؟؟؟؟؟؟؟
(((...بعد تقريبا ساعة او نص ساعة وصلت عائلة ابو خالد وام خالد وفهد وريما ورناد وبعدين وصل خالهم ابو محمد ومرته ام محمد وبنتهم سهى .. وصارت جلسة الرجال تضم::ابو فيصل+ابو خالد+ابو محمد+فيصل+فهد+فواز+محمد
وجلسة البنات تضم::سهى ورناد وريما وفنار
والحريم:: ام فيصل+ام خالد+ام محمد

(((انتهى الجزء الأول واتمنى ينال أعجابكم واشوف ردود على قصتي)))


.. تحيـــــــــــــــاتي ..

[الأحســـــ أميرة ـــــاس]

الجـــــــــــــــــزء الثاني من قصة لحظة فــــــــــــــــراق



((في جلسة الرجال كان الكل يسولف الا فواز كان في عالم ثاني يفكر ببنت عمه رناد وكيف فشلتة داك اليوم وهو كان يمزح معاهم ويبي يونسهم يفكر كيف يفشلها مثل مافشلته))
فهد : فواز فواز فواااااااز
فواز : هاااا
فهد : لااااا شكلك رايح عالم ثاني
فواز : لا أشدعوه انا معاكم
محمد : أي واضح وااااضح انك معانا
فواز : المهم ماعلينا مو كأنهم طولو في العشا
فيصل : لا طولو ولاشي توها الساعة 8 ونص بس انت مادري شفيك منت فواز اللي حنا نعرفه
((فواز سكت وماعلق بأي كلمة لان فعلا هو مو طبيعي يفكر وشلون يفشل بنت عمه رناد مثل ما فشلته))

((اما في جلسة البنات فهو موضوع ثاني سوالف ووناسة وضحك لاخر الدنيا))
ريما : أي واللة يقول هذا رقمي
سهى : مافيها شي أغلب شباب هلأيام كذا
ريما : ماختلفنا بس احنا كان معانا اخونا يعني لو فهد انتبه كان مصار طيب يعني فعلا ناس ما تستحي
فنار : اقول قومو اوريكم اخر شي شريته من الراشد لما رحنا انا وفيصل الخبر ...قامو معاها البنات))

((وعند الحريم كانو يجهزون العشا وهم سوالف ووناسه))

في مجلس الرجاال...
ابو فيصل : أقول يا ابو خالد
ابو خالد : تفضل يا طويل العمر
ابو فيصل : ابصراحة انا نويت أزوج فيصل ابي أشوف عياله قبل لا امووت تعرف مابقى بلعمر كثر ما مضى
ابو خالد : عمرك طويل يا ابو فيصل وبعدين فيصل مافي منه أثنين بهدنيا رجولة وأدب وأخلاق ما اقول غير يابخت اللي بتاخده
ابو فيصل : دامك قلت كل هالكلام اجل موافق
ابو خالد : على شنو موافق
ابو فيصل : انا بصراحه ابي ريما بنتك لفيصل ولدي
ابو خالد : ونعم فيك وفي ولدك وكان علي انا موافق بس لازم اسال البنت وابشر انشالله مالك الا طيبة الخاطر
ابو فيصل : تسلم يا خوي تسلم
ابو خالد : الله يسلمك
فيصل : يبة يالله طاح العشا
ابو فيصل : انشاللة اسبوقنا وحنا الحين جايين
فيصل : انشالله
ابو فيصل : حياكم يا حبـــــايب العشا جاهز
........ ((قام الكل يتعشى))

ــــــــــــــــــــــــــــــــــــــــــــــــــ ـــــــــــــــــــــــــــ

ريما : انا مستحيل اكل من هلأكل
فنار : وليش انشاللة؟؟
ريما : حرام عليكم كل هلأكل دسـم واللة لو أكل قطعة بس يزيد وزني 10 كيلو
فنار : ههههه حرام عليك ويالله اكلي بلا دلع
رناد : ريموووو فشلتينا
سهى : وخير والأكل دسم مافيها شي هي ليلة مو كل ليلة
ريما بصوت واااطي : ياربي على اللقافة
فنار : ريمااا اكلي بلا دلع
ريما : خلاص زين باكل بس سكتو عني
ــــــــــــــــــــــــــــــــــــــــــــــــــ ــــــــــــــــــــ

ابو فيصل : فواز قووم جب لنا ماي
((فواز حس انها فرصته علشان يفشل بنت عمه : انشاللة يبه ... قام فواز وهو يخطط وشلون بيحرج رناد خصوصا اها فرصة وجاته)) .........

رناد : انا شبعت
فنار : وخير يعني المطلوب؟؟
رناد : ياللة قومو علشان نروح المطبخ مع بعض ونغسل
فنار : لا والله اختك ريما ياللة اكلت والحين تبي تقوميها وانا بعدني ما اشبع شوفي سهى
سهى : انا الحمدالله خلصت
رناد : اجل ياللة قومي
سهى : يالله
((دخلو المطبخ وكان كبير وله بابين باب يطل على الصالة وباب للمطبخ الخارجي اللي يطل على الحديقة واللي فواز جا بيدخل منه وسمع صوت بنات يسولفون ويعلقون وقدر يميز ان من الموجودين صوت رناد ابتسم ابتسامة بانت اسنانه منها ودخل..
رناد : واللة مطبخ بيت عمي ابو فيصل مو قليل
سهى : لان ذوق عمتي ام فيصل مو قليل
رناد : تدري تعالي بشرب ماي من هذا البراد
سهى : بلا فلسفة الماي موجود هناك وانتي تبي من البراد
رناد :وانا اشتهيت اشرب من الموجود في المطبخ
سهى : براحتك انا بروح
رناد : وليش تروحي وتطولي السالفة لحضة بشرب ماي وباجي
((.......ما خلصت كلامها الا ولد عمها فواز داخل ويدندن باغنية صدفة وم بين كل الناس علقني... وشاف بنت خاله سهى وكلمها
فواز : سهى بنت خالي عندنا يامرحبا يامرحبا
سهى من النوع لفري وماتتغطى بس تتحجب اكتفت انها تحط اللفة على راسها :هلا والله بولد عمتي
فواز : اخبارك ماتنشافي ابـد
سهى وهي مبسوطة مع ولد عمتها فواز : لا وشدعوة انت اللي ماتنشاف
((في هالوقت كانت رناد متغطية وفي عاااالم ثاني ومو مستوعبة الموقف وتقول في قلبها: اوكي احنا نكلم ولاد عمي ولاد خالي بس مو بهطريقة هذي تكلم ولد عمها كأنه اخوها وش هالحياة وش هلعالم وحست حالها مطنشة من الجميع وجت بتطلع الا تسمع صوت يوقفها
فواز..((يكلم سهى)): هذي رنادو بنت عمي ابو خالد..
رناد : كأني سمعت أحد يكلمني
فواز يضحك : ههههههههه لا واللة ماكلمتك انا اكلم بنت خالي الغالية
((رناد ماتدري ليش حست بلغيرة بس طنشت وقالت بنفس غرورها وكبريائها :كأني سمعت اول اربعة حروف من اسمي توقعت ولد عمي المحترم يكلمني قلت حرام افشلك مثل المرة اللي فاتت
((حس فواز ان هالبنت حطت حاجز بينة وبينها وانه لازم كل مره يشوفها يعاندها ويحرجها مثل ماهي تحب تحرجه......... سكت عنها لانه حس انه تأخر على ابوه..))
حست رناد بلأنتصار ومشت وقالت لسهى : خليك مع ولد عمتك المحترم وانا بروح
سهى : لحظة رناد انا جاية
مشت رناد وطنشت سهى
فنار: ها ريما اول ماتبي تاكلي والحين اشوف نظفتي الصحون من كثر ما كليتي
ريما : حرام عليك وبعدين اكل مرت عمي ام فيصل مايتفوت
فنار : ومن قالك ان بس مرت عمك ام فيصل اللي طبخت
ريما : مو لازم احد يقول لي انا أحس
فنار : صحيــــح
سهى : وبعدين إنتي وياها ماخلصتو ورانا سواالف وجلسة ووناسة
فنار : أنشالله بس شفيها رناد مو طبيعية
سهى : مادري
ريما : ليكون سويتي في اختي شي
سهى : هي هي هي يعني وش سويت اكلتهاا عندك اختك وأسأليها
ريما : رناد... رناد.... رناد...
رناد : هااااا وش تبي
ريما : ماابي شي بس وش فيـك؟؟؟؟؟
رناد : اقول اخلصي علينا نبي نروح البيت
ريما : امي قالت؟
رناد : لا انا الحين بكلم فهد تبي تروحي معاي روحي ماتبي براحتك انا بروووح
((حست ريما ان اختها فيها شي فما حبت تسألها اكثر قدام فنار وسهى))
ريما : اوكي كلمي فهد وقولي له وإذا رضى يودينا البيت انا جاهزة بس اقوم اغسل إيدي
.....قامت رناد وكلمت فهد
فهد : هلا رناد
رناد : فهد اني احس حالي تعبانة وابي اروح البيت وابوي جالس مع عمي ومالي إلا إنت تكفى ياخوي لا تردني
فهد : وشدعوه رناد وش هالمقدمة خلاص قولي وديني البيت وانا اوديك
((فواز اللي كان جنب فهد وسمع كل المكالمة))
فهد : يالله ياجماعة والله قعدتكم حلوة وما تنمل بس تعرفو العمل والجلسة من الصباح تتعب وماتجي الساعة 10 الا انت تحس حالك تبي تنام
فيصل : ها ياولد عمي كنك بتروح؟
فهد : أي تعرف وراي بكرة دوام
فيصل : الله يساعدك
فهد : يالله اجل اخليكم ومشكورين على العزيمة وماتشوف شر يا ابو فيصل ..((سلم علجميع وطلع))
........في سيارة فهد: ها رناد وش صاير
رناد : ماصاير شي و مالي نفس اتكلم فلا تسأل
فهد +ريما : ؟؟؟؟؟
...وصلهم البيت على الساعة 10 ونزل معاهم لأنه كان تعباان ويبي ينام وتقريبا علساعة 12 الليل رجع ابو خالد وام خالد اللي كانو مستغربين من رجوع اولادهم من بيت عمهم بدري..
ــــــــــــــــــــــــــــــــــــــــــــــــــ ـــــــــــــــــــ
...صباح اليوم التالي كلم ابو خالد ام خالد على الموضوع اللي كلمه فيه اخوه ابو فيصل واللي هو طبعا خطوبة فيصل من ريما
ام خالد : انت شرايك؟؟
ابو خالد : تسأليني يا ام خالد شرايي في ولدي
ام خالد : اجل إذا إنت موافق انا بعد موافقة وريما اكيد ماعندها مانع
((قامت ام خالد علشات تكلم ريما في الموضوع))
ام خالد ببتسامة : شوفي لاتتسرعي ولاتقولي موافقة علطول فكري زين وعندك يومين وبعدين ردي لي خبر
ريما : بس يمة انتي وابوي شرايكم في الموضوع؟؟
ام خالد وببتسامة اكبر : لو ماحنا موافقين ماجيت علشان اقولك
((طلعت ام خالد وتركت ريما حيرانة في الموضوع وفي المعرس الي ماشافته إلا مره او مرتين وجلست تحاول تذكره تذكرت يوم شافتة قبل 5 سنين في عرس اخته فاطمة لما دخلها هو وابوه وكيف كان شكله وسيـــــــم لدرجة إن صديقاتها سألوها من يكون ووش اسمه ووش يشتغل وغيره من سوالف البنات تذكرت كيف كان فرحان لاخته وكيف كانت نظراته كلها حنان كان لابس ثوب ابيض وشماغ ابيض كانت عيونة محددة بكحل((طبيعي)) وخشمة طويل وشفايفه مرسومين ولونهم وردي والبشرة حنطيه والسكسوكة اللي كانت زايدته رجولة وكان شكلة ملائكي )) ابتسمت وهي تذكره وتذكرت لما شافته آخر مره قبل سنتين لما تعب ابو فيصل وراحو يزوروه في المستشفى وشافت همته ورجولته في استقبال اصحاب ابوه وجيرانهم وكيف احترامه لعمه وضحكت لما تذكرت فواز وخفة دمه وكيف انه يختلف عن فيصـــــــــــــــل كثير..))
..تركت عنها افكارها وطلعت من غرفتها وراحت غرفة إختها وصديقة عمرها رناد::
ريما : رناد شتسوين؟؟
رناد : ولاشي جالسة على الماسنجر ومافي إلا سارو بنت جيرانا وجالسة اسولف وياها
ريما : ماعليك منها سوالفها مملة اني استغرب من اللي عادي عندهم يسولفون مع أي احد
رناد : شسوي انتي في غرفتك وابوي طالع وامي طالعة وفهد لاهي فمالي إلا سارة
ريما : سمعتي آخر خبر
رناد ((وهي لاهية بلكمبيوتر )) وشو قولي اسمعك؟
ريما : بتزوج
رناد فتحت عيونها علأخر وشو بتتزوجي واني؟
ريما : ههههههه وانتي وش فيك بعد تبي تتزوجي
رناد : لا اول اخلص ثالث بعدين الكلية بعدين الوظيفة بعدين يجي المعرس بعدين افكر اوافق او ما اوافق
ريما : ول عليك على هالسالفة وعمرك كم بتتزوجي ؟؟45
رناد : وليش 45 قولي علما اخلص ثالث سنة والكلية ..
...تقطع عليها ريما : خلاص خلاص بتجلسي تحسبي معاي الحين
رناد : المهم قولي من المعرس؟؟
ريما : ولد عمي فيـــصل
رناد (مستغربة ومتفاجئة ماتدري ليش تذكرت فواز..))...
ريما : شفيك أكيد مو مصدقة
رناد : لا عادي ليش ما اصدق مو اخوك خالد اخذ فاطمة وانتي بتاخدي الحين فيصل مافيها شي
ريما : أي والله فكرة خالد وفاطمة وريما وفيصل وفنار وفهد ورنا وفواز..
رناد : اقول قومـــــــــــــي قومـــــــــي بسررررررعة بره بــــــــــــــره
ريما : ................((استغربت من رناد وطلعت بهدووووووء))

ــــــــــــــــــــــــــــــــــــــــــــــــــ ـــــــــــــــــــــــــــ

فيصل : يبة ليش ماعطيتني خبر؟؟
ابو فيصل : الحين عطيتك خبر وش صار يعني ؟؟
فيصل : ما صـار شي بس
ابو فيصل : لابس ولا شي جهز حالك ترا اليوم موعدنا مع عمك
((سكت فيصل وماعلق بأي كلمة لانه يعرف ابوه كلمته وحده))
علساعه 8 وصلت عائلة ابو فيصل لبيت عمهم ابو خالد لخطبة ريما خطبة رسمية ولتحديد موعد الملكة..
ام فيصل : وحنا لنا الشرف لو ريما توافق على ولد عمها فيصل جمال ودلال وادب واخلاق
ام خالد : وحنا بعد لنا الشرف اكثر بفيصل
((في هالوقت نزلت ريما ومعاها رناد وفنار))
سلمت على ام فيصل وجلست..
ام فيصل : ماشاء الله لا إله ألا الله كاملة والكامل الله
ام خالد: مشكورة ياام فيصل
((ريما كانت خجلانة من مرت عمها ام فيصل فكتفت إنها تبتسم إبتسامة خفيفة)) اما رناد وفنار ماكانو متحملين شكل ريما الطفولي وهي مستحية
فنار : يحليلها ريما بنت عمي تستحي؟؟
رناد : هااا أختي ترا تستحي من قبل لا تخطبوها
ــــــــــــــــــــــــــــــــــــــــــــــــــ ـــــــــــــــــــــــــــ

........إنتهت الخطبة على خير وتم تحديد الملكة يوم الخميس.....
((في بيت ابو خالد الساعة 5 العصر))
ريما : تتوقعي بنقدر نخلص قبل يوم الخميس
رناد : وخير ليش مانخلص لسه باقي اربع ايام
ريما : أي بس اليوم الأحد
رناد : اوفــــ ريما بلا حركاتك قلنا لك باقي اربعة ايام وبعدين فهد قال بيوديناالساعة 8 السوق فمالاه داعي هالحركات
ريما : طيب شرايك ناخد فنار معانا؟؟
رناد : والله فكره بروح اكلمها
((راحت رناد وكلمت بنت عمها فنار))
رناد : هلا والله
فنار : اهلين مابغينا نجي على بالك
رناد : ماعلينا من هالكلام الحين قولي اليوم وش عندك؟؟
فنار : اليوم ........ ماعندي شي ليه؟؟؟
رناد : حلـــــــو ..جهزي حالك الساعة 8 الليل بنمر عليك وبنروح السوق نشتري اغراض لخطبة فيصل وريما
فنار : اوكي ريحتيني من فواز
رناد بفضول : ليــش؟؟
فنار : لأن مالي إلا هو فاضي وقلت بقوله يوديني
رناد : هههههههه
فنار : ليـش تضحكي؟؟؟
رناد : مادري ليش احس إن فواز اختك مو اخوك
فنار : هههههههه رنادو أحترمي حالك هذا فواز اخوي الغالي..
رناد : خلاص خلاص ماقلنا شي عليك بلعافية فيه
فنار : أي خلك كذه مؤدبة..
رناد : اوكي اخليكي الحين ونلتقي الليله يالله بــــــأي
فنار : بيبـــــــــــــــأي
ــــــــــــــــــــــــــــــــــــــــــــــــــ ـــــــــــــــــــــــــــ

...في الليل الساعة 8 في بيت ابو خالد...
فهد : يالله تأخرنا
ريما : انا خلصت هذي رنادو
فهد : خمس دقايق بنتظر اكثر من كذا بمشي
رناد : مايحتاج تمشي لأني وصلت
فهد : لا صحيح يالله زين
((ركبو السيارة ومرو على فنار ولسوء حظ رناد إن فواز طلع يسلم على ولد عمه فهد...
فواز : هلا بولد عمي فهد كان ماجيتو اختي صار لها ساعة تنتظركم
فهد : شنسوي ببنت عمك رناد هي اللي أخرتنا
فواز ضحك ضحكة مالها داعي : هههههههه عاد الله يهداها رناد كأنها بتروح زواج صاحبتها مو السوق ((..ليش الأخ تعرفها؟؟.........))
رناد : ((بصوت واطي)): بايــــــــــــخ
فواز : نسينا بعد نسلم على بنات عمي أخبـــاركم؟؟
فهد : الحمدالله
فواز : وانا ماتكلم كلمة إلا رديت إنت ليش مافي غيرك في السياره؟؟
فهد : هههه لا اشدعوه ياولد عمي
فواز : حتى في هذي رديت علي
......: السلام عليكم ورحمة الله وبركاته
ريما + رناد : وعليكم السلام والرحمه
فهد : يالله ياولد عمي نخليك
فواز : إلا إنتو وين بتروحو
فهد : بوديهم أي مجمع
فواز : وبتخليهم ؟؟؟
فهد : وراي اشغال مو فاضي لهم
فواز : خلاص اجل امشي بسيارتك وانا وراك بسيارتي بروح معاهم بعد مايصير نخليهم بروحهم
((..رناد في قلبها الله على الرجولة مالت عليك ))
(مشت السيارات الساعة 9 من كلام فواز الفاضي..)
وصلو مجمع المملكة ونزلو البنات من سيارة فهد ومشى عنهم ونزل فواز ومشى مع البنات
فواز : يالله بنات وراي
فنار : اقول فواز لايكثر هاا
فواز : وانا وش قلت ألحين؟
فنار : فــــــــــــواز بلا حركاتك ترا معانا بنات عمك
فواز : اوكي
.....دخلو البنات المجمع وبدؤ يتسوقون...
رناد : اللــــــــه بنات وش رايكم بهلجزمة؟
فواز : الدنيا حر أي جزمة اقول لو تدوري لك نعال احسن
رناد : اعتقد يا أخ فواز ماحد كلمك
فواز : هههههههه عجبتني يا اخ فواز
فنار : إذا عجبتك يارناد أخذيها ماعليكي من فواز
رناد : لاخلاص وماراح اخذ شي ومره ثانية بجي مع فهد بروحنا لوحدنا ومانبي احد معانا يغثنا
فواز : الحمدلله جاي مع بنات عمي واختي مو مع احد غريب وإذا بتسوي قضية علشان هلجزمة أخذيها وفكينا نبي نمشي البنات ذبحوني من كثر مايطالعون فيني
رناد : ماعندهم ذوق
ريما : وبعـــــــــــــــدين ماخلصنا
فنار : يالله امشي ماعليك منهم
((كملو باقي التسويق واللي تقريبا رناد ماأخذت لها شي غير تنورة قصيره وصندل يناسب التنورة )) وباقي عليها الأكسسورات ولبلوزة والشنطه وغيرها..........
فواز : يالله ماخلصتو الساعة وصلت 10 ونص
رناد : لا ماخلصنا وبعدين ماحد ضربكم على ايدكم وقال لكم تعالو معانا
فواز اللي دار راسه يمين وشمال : تكلمي من يا رناد من اللي ماحد ضربهم على ايديهم يجو معاك
ريما : وبعــــدين وترتوني؟؟
فنار : لا تتوتري ولاشي امشي ماعليكي منهم كل واحد منهم فيه لسان ويعرف يرد على الثاني لا تشغلي بالك فيهم
ريما : قـــــــــاهريني كل شسوي ولا وقفو يتهاوشو
فنار : ماعليكي منهم
((......انتهى التسويق واللي كان الموت اسهل لرناد من انها تمشي مع فواز وتتهادر معاه..))
فواز : يالله اركبو السيارة
رناد : من قال احنا دقينا على فهد والحين جاي
فواز : متى دقيتي ؟؟ الحين توه فهد مكلمني وقال ماراح يجي ياخدكم
ريما : رناد اركبي السيارة ماله داعي فضايح بره المجمع كفايه اللي سويتوه داخل انتي وياه
((ركبت رناد السيارة وهي ساكته طول الطريق))
فواز : يالله تفضلو واتمنى مازعجتكم
ريما : لا وشدعوه عادي ولد عمي ولك حق تخاف علينا
فنار: لا تنسي ريما تكلميني لما توصلي ضروري علشان نتفق على الكوافيره والأستديو وغيره
ريما : انشالله يلله مع السلامه
فنار : الله يسلمك
((اما رناد فهي نزلت ساكتة لأنها عارفة إنها لو تقول أي كلمة بيستلمها فواز ))
فنار : انت ماتقولي وش عندك على بنت عمك رناد
فواز : احبهـــــــا
فنار : وشو يعني تحبها ؟؟؟
فواز : انتي اختي وإذا ماقلت لك بقول لمن؟
فنار : بس إنتو صغــــار
فواز : إحنا صغار ؟؟ ليش كم عمرها وكم عمري
فنار : فواز انت تتكلم؟؟ جد ترا تعبانة من السوق ومالي نفس تتمصخر علي
فواز : وليش اصخر عليكي؟
فنار : مادري عنك
فواز : المهم ..الكلام هذا مايطلع بره وكلها بلكثير سنتين ثلاث وانا مخلي ابوي يخطبها لي ويالله انزلي لأن وصلنا
((..نزلت فنار وهي مو مستوعبة اللي سمعته من فواز ..))
((وبكـــــــــذا إنتهت الليلة على خير))
ــــــــــــــــــــــــــــــــــــــــــــــــــ ــــــــــــــــــــــــ

الصباح وعلى الفطور في بيت ابو خالد....:
ام خالد : امس كلمتني اختي ام تركي وتقول انها تدور عروس لولدها تركي وان ودها برناد بنتي
ابو خالد : بس انتي تدري ان رناد بعدها صغيره وماتبي تتزوج الحين والله تركي ولد اختك ماينرد بس تدري انتي اسألي البنت وشوفي وش تقول؟
ام خالد : والله ياليت تكتمل فرحتي ببناتي وتصير خطبتهم بيوم واحد
ابو خالد : ماودك بعد بفهد يكون معاهم ؟
ام خالد : ياريت بس هو يقول مايبي احد الحين
ابو خالد : الا شخبار فاطمة مرت ولدك وخالد
ام خالد : امس كلمونا وتقول فنار ان خالد قال مايقدر يجي الملكة لانه عنده دراسة وبس يخلص بيجي يبارك
ابو خالد : الله يساعدهم
ام خالد : يساعد الجميع
ــــــــــــــــــــــــــــــــــــــــــــــــــ ـــــــــــــــــــــ

((فيصل يفكر ورايح عالم ثاني يفكر كيف انه وافق ابوه على رايه وش بيصير في حياته بعد يــــــوم واحد كيف بتكون ريما معاه وكيف شكلها كيف اخلاقها ..قال في باله : خلني اروح اسأل فنار اختي احسن لي من هالافكار
فنار : والله ياخوي البنت احلى منها مافيه غيري طبعا
فيصل : مابي بس شكلها اخلاقها كيــــف؟؟
فنار : اخلاقها عادي حالها حال الناس ذوق وادب ودلع
فيصل : دلــــــع؟؟ بس انا مااحب البنت اللي تدلع احسها طفلة ومااعرف اتصرف معاهـــــــا
فنار : بلاك ماتدري وش سوت بيوم العزيمة
فيصل بإهتمام : وش سوت؟؟؟
فنار : مارضيت تاكل
فيصل : وليش انشالله ؟؟
((جلست فنار تقول لفيصل عن ريما لمن مارضت تاكل وفيصل ماقدر غير انه يضحك))
فيصل : ههههههههههه وبعد قولي ابي اسمع
فنار : أي صحيح ترا هي من النوع اللي بسرعة يزعل ويتوتر
فيصل : كيف ؟؟؟
فنار : من قبل يومين لما كنا في المجمع انا وهي وفواز ورناد طول ما رناد وفواز يتهاوشون وهي توقف وماتعرف تشتري ولا شي على قولتها تتوتر وماتعرف تسوي شي
فيصل : ليش ؟؟ وش اللي بين فواز ورناد
فنار بكل تلقائيــــــــــة : يقول يحبها ..((وسكتت))
فيصل : يحبهــــــــا؟؟؟
فنار بترجي : تكفى فيصل لا تتكلم لأي احد هو قال لي وهو مأمن اني ماراح اقول لأحد فتكفى حتى لا تبين له
فيصل : إنشالله بس كيف فواز يحب رناد
فنار : مادري مـادري ولا تسأل..
ــــــــــــــــــــــــــــــــــــــــــــــــــ ـــــــــــــــــــــ


انتهى الجزء الثاني واتمنى ينال اعجباكم ياترى وش راح يصير في ملكه فيصل وريما؟؟؟
ووش مصير حب فواز ورناد؟؟؟ وش موقف رناد من خطبتها لتركي ؟؟
ووش راح يصير في حياة خالد وفاطمة ؟؟



انتضروني في الجــــــزء الثالث من قصة لحظـــــــــــة فــــراق..
.. تحيــــــــــــــاتي ..

[الأحســـــ أميرة ـــــاس]

الجــــــــــــــــــــــزء الثالث من قصة لحظة فــــــــــــــراااااق........



ــــــــــــــــــــــــــــــــــــــــــــــــــ ـــــــــــــــــــــــــــ
في بيت ابو خالد..
رناد : طبــــــــعا لأ
ريما : وليــــش لأ؟؟؟
رناد : إنتي تدري عني من البداية إني مابي أتزوج ألحين
ريما : مو زواج بس خطوبة ألحين وبعدين يصير خير
رناد : لأ يعني لأ وخـــــــلاص مالاه داعي تفتحي معي هالموضوع ((رن تلفون رناد وبكل عصبية ردت عليه من غير ماتشوف مين اللي داق))
رناد : نعــــــــــــــــم؟؟
فنار : ونعـــــامة ترفسك وش هالأسلوب؟
رناد : أسفة مو قصدي
فنار : خير وش صاير؟؟
رناد : مادري عنهم
فنار : منهم ؟؟ رناد تكلمي بوضوح
رناد : تركي ولد خالتي خاطبني وغصب وافقي على الخطبة وبعد ماتخلصي دراستك تزوجي
((فنار اللي كان في بالها بس اخوها فواز وكيف إنه على خفة دمة إنه حساس ولو عرف هالشي ممكن يسوي إي شي بنفسه....
رناد : فنار فنــــــــــــــار وجع وين رحتي ؟؟
فنار : معاك
رناد : وين معااي المهم قولي ليش كنتي داقة؟؟
فنار : ها .... إي صحيح علشان بكره الساعة كم بتجي الكوافيرة لأني بجي في الوقت اللي بتجي فيه
رناد : مادري بس اسمع ريما تقول الساعة 12 الظهر يمكن
فنار : اهااا اوكي سلمي لي علكل واني بكره اشوفكم على خير ولاتهمي بالك في شي وماراح يصير إلا اللي كاتبه ربي وحطي في بالك إن كل شي قسمة ونصيب
رناد : اوكي إنتي بعد سلمي علجميع
رناد : الله يسلمك
ــــــــــــــــــــــــــــــــــــــــــــــــــ ــــــــــــــــــــــــــ

يــــــوم الخمـــــــــــيس ملكـــــــــة ريما وفيصل..
((تقريبا الكل جهز والكل كان موجود في بيت ابو خالد كانت ريما أحلى وحدة في الموجودين كانت لابسة فستان أحمر عاري شوي عند الصدر ومخصر على جسمها الرشيق وكان قصير من قدام وطويل من ورا وكان يلمع من فوقه لتحته مع الصندل الأحمر اللي كان زايد شكلها طول وأناقة وشعرها اللي كان مرول ومنزلة قصتها وخصل من قدام ومزينة شعرها بورود حمرة صغيرة والمكياج اللي كان عليها مرة جميل راسم عيونها بشكل مرتب وبارز لونهم البني والروج اللي راسم شفايفها بلون احمر جريء ...((رناد))كانت لابسة فستان بنفسجي قصير لعند الركبة وصندل بنفسجي خيوط واكتفت إنها تستشور شعرها ومكياج بنفسجي نــاعم اللي بين نعومتها وصغر سنها اما ((فنار)) فلبست ثوب تركوازي وكان مخصر على جسمها وكان قصير لعند الركبة وصندل مثل رناد بس لونه ازرق فاتح وكانت مخلية شعرها مستشور ومرول من تحت ومزينة شعرها بمسكات ورد صغار تركوازية وتلمع كــــــــانت في قمة الأنوثة
((نزلت رناد وفنار تحت عند الحريم لإستقبالهم))
رناد : هلا بخالتي أم تركي
ام تركي : هلا ببنتي اخبارك على البركة وعقبالك
رناد : الله يبارك في حياتك إلاوين اسماء ورهف
ام تركي : بعدهم مايخلصو تركتهم وجيت عنهم وهم شوي وبيجو مع تركي
رناد : الله يحيهم .. تفظلي خالتي
((سلمت ام تركي على فنار ودخلت وهي تزغرت وفرحانة لبنت اختها..))
....وبعد ماوصلو الجيران والأهل والأصدقاء وكانت ريحة المكان كلها بخور والمكان منور والديجي والأغاني واصلة أخر الدنيا....
ابو خالد : ام خالد ياللة نادي ريما خلها توقع
..راحت ريما مع امها ووقعت على ورقة العقد وبكذا صارت ريما زوجة لفيصل على سنة الله ورسولة...
فـــــــي مجـلس الرجال........
ابو خالد : يالله عقبالك يا فواز
فواز ببتسامة : إنشاللة يسمع الله منك ياعمي
ابو خالد ((يضحك)) : اسمع ولدك ياابو فيصل
ابوفيصل : وش فية ولدي
ابو خالد : يقول يبي يتزوج
ابو فيصل : إي ليش لأ؟ بس يشتغل ويصير رجال نعرسة
فهد : الا اقول يافيصل ماودك تشوف اختي؟؟
فيصل وبكل تلقائية وصراحة : والله ياليت
فهد : ههههههه إنشالله بس لحضة اشوف الحريم وارجع لك..
((راح فهد وبعد ماكلم أمه وقال لها راحت ام خالد تشوف بنتها وتدخلها المجلس عشان يشوفها فيصل))
ريما : فنار خليكي معاي ولا تطلعي وبعدين وين رناد هذا وقته
رناد : جيت جيت رحت ألبس عباتي وأجيب الكاميرا..
ام خالد : يالله ريما
((مشت ريما ورا امها ودخلت المجلس وجلست وهي دقات قلبها واصلة أخر الدنيا وبعد تقريبا 5 دقايق دخل فيصل وكان في قمة الرجولة والوسامه والأناقة واحلى من ما تخيلتة سلم على بنت عمة ريما وجلس جنبها..
فيصل : مبروك يابنت عمي
ريما بصوت واطي ماحد يسمعة : الله يبارك فيك
((جت ام فيصل وهي تمسح دموع الفرحة وتمنت لو كانت بنتها فاطمة موجوده معاهم قام لها فيصل بسرعة وحب راس امة وخلها تجلس جنبة
فيصل : وشدعوة يمة وش هالدموع؟؟
ام فيصل : دموع الفرحة ياولدي مبروك وانتي ياريما مبروك وعقبال مااشوف أولادكم وبناتكم ماليين هالمجلس
((الجميع بارك لهم وطلع ومابقى إلا فيصل وريما))
بعد صمت تقريبا دام 10 دقايق قطعة فيصل..
فيصل : تدري إنك عجبتيني
ريما : ليش عجبتك؟؟
فيصل : مدري كذا شكلك وجسمك وطولك يعني أحس مناسبين لبعض يعني راكبة علي ((يبي يحرجها))
((سكتت ريما وماعلقت ))
فيصل : تعشيتي؟؟؟
ريما : لأ
فيصل وهو يتذكر كلام فنار عن يوم العزيمة لما ريما مارضت تاكل : ليش عشاكم دسم؟؟
ريما : ...؟...؟...؟
فيصل : قومي لبسي عباتك خلينا نطلع ونتعشى وبعدين نرجع
ريما : وابوي ؟ ؟ ؟
فيصل : لا تخافي أنا عطيته خبر
ريما : اوكي
((قامت ريما وبدلت الثوب ولبست تنورة قصيرة سودا مع بلوزة حمرة وخلت المكياج والشعر والصندل نفسه وطلعت لفيصل ..))
فيصل : مو كأنك طولتي؟
ريما : ؟؟؟؟؟؟؟؟
فيصل : هههههههه لا أمزح معاكي لاتزعلي وتتوتري ألحين بعد
ريما : ...............
فيصل : اقول ريما انتي وش تدرسي الحين؟؟
ريما : أدب إنجليزي
فيصل : وكم باقي عليكي وتخلصي دراسة؟
ريما : ليش؟؟
فيصل : لأني أسمع الكل يقول الزواج قريب وتعرفي حنا لازم بنسافر شهر العسل
ريما : .............
فيصل : وين تبي تروحي شهر العسل ؟
ريما : أي مكان عادي
فيصل : أجل بنروح سوريا شو رئيك . . ((يبي يشوف ردة فعلها))
ريما بتلقائية : مارحتها مع اهلي أروحها معاك
((رفع راسه فيصل وطالعها بنظرات كانت بتصيح منها))
ريما : شفيك؟؟
فيصل : ولاشي وأنزلي لأن وصلنا المطعم
(( نزلو فيصل وريما المطعم وكان الجميع منهم ساكت وماله نفس يتكلم))
ــــــــــــــــــــــــــــــــــــــــــــــــــ ـــــــــــــــــــــــــــ

في بيت أم تركي أخت أم خالد....
تركي : مو مشكلة أنتظرها لين ماتخلص دراستها
أم تركي : ليش إنت تفتكر نفسك صغير كملت الـ25 لمتى بعد ؟؟
تركي : مافيها شي أنا أبي رناد ورناد تبي تدرس مافيها شي أنتظرها لين تخلص دراستها ماعندي أي مشكلة
ام تركي : بـــــــــراحتك ياولد صالح بس اني ماني مسؤلة عن إي شي يصير لك بعدين
تركي : خلاص يمة عاد لا تكبرين السالفة
ــــــــــــــــــــــــــــــــــــــــــــــــــ ـــــــــــــــــــــــــــ

في المطعم عند فيصل وريما :
فيصل : قلبي
ريما : هلا
فيصل : ودك بشي قبل مانطلع من المطعم
ريما : لأ سلامتك بس ألحين وين بنروح
فيصل : إنتي وين تبي تروحي؟؟
ريما : أي مكان عادي بس مايكون بعيد
فيصل : هههههههه إنشاللة من عيوني
ــــــــــــــــــــــــــــــــــــــــــــــــــ ــــــــــــــــ

في بيت ام خالد :
رناد : بفتقد ريما واجد خصوصا إنها هي الوحيدة اللي مونستني في البيت
فهد : ...............
رناد : فهد فهــــــــــــــــد أكلمك وين وصلت ؟؟
فهد : ماجد صاحبي مادري شفيه
رناد : طيب ليش ماتكلمه؟؟
فهد : تعبت من كثر مادقيت مافيه فايدة ماحد يرد
رناد : اهاااا طيب وش تتوقع صاير؟؟
فهد : مادري بس أنشاللة خير
رناد : يالله تصبح على خير
فهد : وين وين تو الناس
رناد : تو الناس الساعة وصلت 2 وإنت تقول تو الناس
فهد : إي انتي وش عندك عشان تنامي الحين؟؟
رناد : أي بلاك ماحسيت بتعب اليوم كوافير ولبس وتصوير وإستقبال ومبارك واااااااااااااي تعب مو طبيعي
فهد : يالله الله يعين وعقبالك
رناد : تسلم وعقبالك إنت بعد
فهد : يالله روحي نامي
رناد : تصبح على خير
فهد : وانتي من اهله
ــــــــــــــــــــــــــــــــــــــــــــــــــ ــــــــــــــــــــــــ

ريما : فيصل
فيصل : عيون فيصل
ريما : مو كأنا تأخرنا شوي
فيصل : ليش ياقلبي كم الساعة ؟؟
ريما : ثلاث ونص
فيصل : حبيبي لا تخافي إذا أهلك سكرو الباب عنك ترا غرفتي موجودة عشان تنامي فيه
((ريما شبت نار من الخجل))
فيصل : ههههههههه ياقلبي انا على اللي يستحون
ريما : .............
فيصل : خلاص برحمك يالله حنا الحين رايحين البيت
((وبعد ماوصلها البيت جات بتنزل:
فيصل : ريما
ريما : نعم
فيصل : أنتبهي لنفسك وتغطي زين ترا أنتي ألحين جزء من حياتي
ريما : إنشالله
فيصل : وشدعوة وأنا مالي كلمة حلوة
ريما : لاتستعجل على رزقك
فيصل : هههههه أنشالله بس توعديني
ريما : وعد
((نزلت ريما من السيارة وكانت فرحانة صحيح إنه في البداية كان قاسي شوي وجاد في كلامه واجد لكن بسرعة تغير وبانت رومنسيته))
ــــــــــــــــــــــــــــــــــــــــــــــــــ ــــــــــــــــــ

يوم ثاني الصباح في بيت ابو خالد على الفطوركانت جالسة رناد وامها وابوها.....
رناد : أقول يبه
ابو خالد : قولي
رناد : وش رايك بمناسبة خطبة ريما لفيصل وخالد وفاطمة قريب بيرجعون وش رايك لو نروح للمزرعة ؟؟؟
ابو خالد : أنا ماعندي مانع تبون تروحون نروح ليش لأ
ام خالد : أي والله يارناد عندك حق خلينا نطلع ونستانس
رناد : أفا عليك ياام خالد تعجبك افكاري
((ريما كانت نايمة ودق جوالها بنغمة أغنية أحلام ((أحبك كلمة تقصر إذا صار الحكي عنك أحبك أكثر وأكثر وعساني ماأنحرم منك ......
ردت ريما بكسل : الو
فيصل : هلا والله
ريما : هلا
فيصل : نايمه ؟؟
ريما : كنت نايمة
فيصل : أسف أزعجتك
ريما : لا عادي اخبارك إنت؟
فيصل : الحمدالله وانتي؟
ريما : الحمالله
((وظلو يكلمو بعض))
ــــــــــــــــــــــــــــــــــــــــــــــــــ ــــــــــــــــ

فهد في حالة صدمة ومو مستوعب الخبر ..
فهد : وش تقول ؟؟
ماجد وهو يحاول يمسك نفسه : هذا اللي صار
فهد : الله يرحمها
ماجد : الله يرحمها ويرحم المؤمنين والمؤمنات
فهد : أجل متى بترجع ألحين ؟
ماجد : قريب بس أخلص أجراءت خروج جثمانها لأن الوالدة أكيد ماتبي تندفن بغربة
فهد : إي صدقت يالله انشالله ترجع بسلامة
ماجد : الله يسلمك
((سكر فهد من ماجد وهو مو مستوعب الخبر اللي سمعه معقولة ام ماجد ماتت تنهد تنهيدة طويله اااااااااااااه الله يساعدك ياماجد الله يساعدك ويصبر قلبك))
"رجع فهد البيت وهو متضايق شاف امه "
ام خالد : خير وش فيك ياولدي
فهد وبدون شعور حظن امه وماقدرإنه يمنع دمعة إنه تنزل
ام خالد : شفيك بسم الله عليك ياولدي خير وش فيك؟؟
فهد ترك أمه وطالعها بنظرة حزينة وقال : عساني ماانحرم منك "وتركها وراح غرفته"
"فنار جالسة مع بنات عمها رناد وريما "
فنار : ها قولي عجبك اخوي والله لا
ريما "تبي تنرفزها " : والله هذا الشي يخصني إذا عجبني والله لا
فنار : أشوف طلع الغرور؟؟
رناد : والله ريما من أولها كذا مو شي جديد
فنار : لو أدري إنها مغرورة ماأخذتها لخوي فيصل
رناد : هههههههه خلاص طاح الفاس في الراس مافي كلامك فايدة الحين
فنار : إي والله خلاص مافي كلامي فايدة
"دخلت عليهم ام خالد وهي مرتكبة وخايفة "
ام خالد : يمه رناد روحي شوفي اخوك فهد دخل ومادري شفية متضايق روحي إنتي أكيد بيقول لك وش فيه
رناد : إنشالله يمه
"راحت رناد ودقت الباب على أخوها مره ومارد ومره ثانية مارد .... فتحت الباب لقتة مفتوح ودخلت ...
فهد كان جالس على كرسي المكتب وحاط راسه على المكتب وكان حزين وعينه تدمع .. رناد خافت وراحت قربت جنبة ..
رناد : فهد
فهد : .......
رناد : فهد وش فيك ؟؟
فهد : رناد الله يخليكي أطلعي مالي نفس أتكلم
...راحت رناد وجلست جنبة ...
رناد : ياخوي إذا ماقلت لأهلك وش فيك بتقول لمن؟
فهد : أم ماجد ماتت
...رناد ما استحملت الخبر وصاحت...
فهد : أبوه توه من سنة مات وامه مااستحملت وتعبت من فراق ابوهولما سافرت تتعالج مع ولدها ماجد ماتت .. ماتت ..ااااااااااااااااه من لصاحبي الحين ماعنده غير امه مستعد يضحي بحياته ويذبح عمرة ولا يشوفها تتعذب وألحين ماتت
..رناد مسكت أيد أخوها..
رناد : ياخوي لاتهم بالك كلنا على هذا الطريق وربك ماينسى عبيدة وإنت وش يدريك يمكن الموت أرحم لها من العيشة بدون زوجها وهي تعبانة
فهد : وماجد وصاحبي واخوي وش راح تكون حياتة الحين ااااه "نزلت دمعة من فهد "
" ماقدرت رناد تستحمل تشوف اخوها بهلحالة وطلعت برة وقامت تصيح ليما هدت وراحت وغسلت وجهها وقالت لامها الخبر وبعدين راحت للبنات :
فنار : ها طولتي ماصارت انا كلمت فواز والحين جاي
ريما : لاا ويقولون بعد من طول الغيبات جاب الغنايم
رناد : أي غنايم
فنار : أي والله أي غنايم شوفي وجهك وش صاير فيه
ريما : أي صح وش فيه وجهك بسمالله وش صاير؟؟
رناد : ام ماجد ماتت
"بعد ماوصل الخبر الجميع بإن ام ماجد ماتت الكل تضايق وحزن خصوصا إن ام ماجد كانت تروح وتجي على بيت ابو خالد يعني ام خالد تعرفها معرفة جيدة وكانت ام طيبة وحنونة وأخلاقها عالية بس شـاء القدر إنها تموت بعد زوجها بسنة تقريبا وقبل ماتفرح بزواج ولدها الوحيد مـاجد اااه ما أصعب لحظة الفــــــــــــــــــــراق "
ــــــــــــــــــــــــــــــــــــــــــــــــــ ـــــــــــــــــــــــــــ

بعد تقريبا أسبــــــوع :
كان رايح المطار لإستقبال صاحبة واخوه
فهد : هلا واللة تو مانورت الدنـيا
ماجد والحزن باين في عيونة : الدنيا مره وحدة نورت
فهد : أي الدنيا مره وحدة ليش انت مستهين بنفسك ؟؟
"سكت ماجد او بلأصح ماكان له نفس يتكلم"
ــــــــــــــــــــــــــــــــــــــــــــــــــ ـــــــــــــــــــ

رناد : إلا يبة قول وش صار على روحة المزرعة أشوفك طنشت ؟؟
ابو خالد : لا والله يابنتي ماطنشت ولاشي بس تعرفي الدنيا أشغال
رناد : المهم وش صار يعني قلت لعمي ابو فيصل او ماقلت؟؟
ابو خالد : ماصار شي وماقلت لعمك ابو فيصل بس أكيد ماعنده مانع ولو علي انا نروح الليلة
ــــــــــــــــــــــــــــــــــــــــــــــــــ ــــــــــــــــــــ



أنتهى الجـــــــــزء الثالث واتمنى يعجبكم....
وش راح يصير بين فيصل وريما؟؟
وفواز ورناد ؟؟؟
وفهد وماجد ؟؟؟


.. تحيــــــــاتي ..

[نووووور]

يسلموو على القصه رهيبه و انشااءالله تكوون كاامله مو تقطعيين زي اغلب القصص

[شهد الحربي]

وانــــــــــــــا من ثاني متابعه لقصتك
ومثل ماقالت اختي نوووور اهم شي تكون كامله وماتقطعين
ونكوون متابعين معاك على طول

ننتظـــــــــر البارت ولو كان الحين مافي اشكال<<<خخخخخخخخخخ طماعه

يسلمووووو الغلا على القصه الرووووووعه