اباكم الحينه تصفون طابور وبدون زحمه عشان تقولون لي الحمد لله على السلامة

[عطر الألماس]

السلام عليكم ورحمة الله وبركاته


صباح الورد

او مسا الورد على حسب دشتكم على موضوعي المصون ( من زمان ما كتبت هني شي )

مادريتو شو استوى فيني اختكم المزيونة عطررر تسممت في ليالي من ليالي العيد الجميلة ( تخيلوا )
اقولكم خلاااااااص كنت بروح فيها بس الحمدلله الله ستر

بقولكم السالفة عشان لاتسوون شراتي

طبعا الدنيا عيد يعني انواع المكس في الاكل حلاو على لحم يعني خربطيش
استوى مهرجان في منطقة معينة وحرمة قاعدة تخبز وتبيع نوع من انواع الخبز وانا سرت ويااختي فديت روحها لعندها وشريت وبعد ما شريت
سرت عند اهلي احاول فيهم ياكلون مارضوا كلوا خفيف وانا يبت اللبن وهات يا اكل في هالخبز

وردينا في الليل ورقدت اول وحدة ما مداني رقدت ساعة والا عزكم الله استفرغت السيرلاك وانقطع نفسي وانا شغالة سيرلاك لين مازرق ويهي خخ كل الي في البيت نش عبالهم توكلت الله ستر وودونا للطواري دخلنا على دكتور سوداني اول مرة اشوف سوادني مزيون ( انتي وين ياعطر خليج بهمج ) وصفلي دوا وردبنا للبيت واليوم الثاني ماهديت والا عزكم الله استفرغت مرة اخرى سيرلاك خلاص تعبت وودوني لعيادة خاصة لمتخصص لانه ويهي مزرق من انقطاع نفسي ( مايسوى عليه الي كليته ) دشيت على دكتور اجنبي وعالجني والحمدلله بديت اتعافى لكن بعده ويهي وارم خخ وشعري منفش
اعتقد البيض الي كانت حاطته فاسد

الموهييم لاتاكلون شي في المهرجانات خلاص توبة


الحمدلله على كل حال

ان شالله العيد الثاني احلى


وداعة الله

[×: So Girly :×]

وه وه بسمـ الله عليكي في عدوينكـ ان شاء الله..


سلامتكـ والله ماتشوفي شر ..



ياقلبي الحمد لله رجعتيلنا بالسلامهـ..وانتبهي بعد كذا ..


أنا اول وحدهـ رديت عليكي هاتي العيديه ..:)



بس والله عليكي اسلوب في سرد القصه يجنن خخخخخ..

[فلونا]

ألف سلامة ما تشوفين شر حبيبتي
نفسي أشوف شكلك وإنتي مزرقه وشعرك شوشه>>هههههههه
تقبلي مروري

[without name]

حمد لله على السلامة
ان شاء الله عدوينك يالغالييه
اي والله انا بعد صارت لي من قبل بس الله ستر
ها عشان بعد ماتعودينها مرررررررة ثانية

[!! ـهــيــبــة مــلــكــ !!]

نمسك اطراف القضيه

الحادثه صارت في ليله من ليالي العيد
وكان الاكل الماكول لبن وخبز

السوال البن الي شربتيه ليكون من النياق الي في المحرقه الي على السيد السريع
تر لبنها مغشوش اسلي مجرب شربت وتسمم ع طول

والخبز تحصلين الي تخبز يدينها مجرثمات ولا صرصور مار على الخبز الي اكلتيه <<وييييييه الله يقرفك خخخخخخخ

<<مفهي شويتين ^ـ^

الحمد لله ع السلامه

وحياك الله خيتوو
وكل عام وانتي بخير


///

مودتي