سجل حضورك اليومي بهمس الـقوافي ببيتين شعر

["حبها وفاء"]

حبيبي آه لو تدري عن الي بداخلي يعنيك
رسمت اصدق غرام وجاك لاترميه باهمالك



حبيبي مارحل طيفك عن الهايم ولا طاريك
حبيبي مااهتنى بالنوم وانت النوم يهنالك


حبيبي وش تبي مني من اثبات الغلا واعطيك
حبيبي لو تبي عمري وعمري يرخص بجالك


حبيبي مخفين حبي قبل لجل اكسبك وارضيك
واسلي خافقي واخفي وانا يكفيني وصالك


حبيبي ليه ماتكشف غطى سر الغلا بيديك
وابيع الروح لعيونك وتسكن قلبي لحالك


وانا ادري فيك كم تدري احبك يالغلا واغليك
وتدري ليه في قلبي رفعته فووق منزالك


احبك والغلا يكوي خفوق اللي تولع فيك
احبك ماقدرت امنع خفوقي يوم هو جالك


احبك من خفوقن كم تعذب يالغلا يرجيك
احبك من خفوق ذاب وشخص من الغلا هالك


احبك وانت ماتدري عن اللي بداخلي وشفيك
وانا منهو وهبتك قلب ترضى فيه يبقالك


حبيبي واضحن حبي ولابينتلي خافيك
ابي كلمة غلى تروي خفوقن داخله شالك


حبيبي لو جمعت الشعر كل الشعر مايكفيك
حبيبي ضاع شعري وضعت قبل الشعر بخصالك


حبيبي اه لو جرحك يجي في خافقي واشفيك
حبيبي اه لو تنسى وانا اشقى فيك واشقالك


حبيبي اه لو تدري بقلبن عذبه ماضيك
وهوماعش به لاكن يحس القلب باحوالك


حبيبي كفكف دموعن تجرح مدمعك بيديك
حبيبي خذ فرح قلبن يموت بلحضة وصالك


حبيبي هات حزنك لي وخذني بالفرح وافديك
وابي مثل البشر تفرح وابيك تكيد عذالك


حبيبي ماشكيت الجرح لاجل اضايقك وابكيك
حبيبي قلت لجل امووت واحيافيك واحيالك


حبيبي باكتبك قصه ومن زود الغلا بارويك
وارتب قصتي لجلك وبك تزها وتزهالك

[][^][عساف][^][]

أقول للعذال انا ما حب ريم ،.،.، ما ودي العذال تدري بالمرام


أدراه مثل اللي يداري له يتيم ،.،.، وأعظ من فرقاه في راس البهام


يا ليل علم ريم لا تسمع غشيم ،.،.، تراي أبقفي عام وأقفيه عام


ماهو هجر لاوالله الرب العليم ،.،.، لكن مابغى أسمع كلام ولا ملام

[بنت الشايب]

وفر كلامك ورني عرض الاكتاف
قلبي كره هرجك ولا هو بمجبور
ترى القلوب بطبعها شي شفاف
الكسر فيها صعب تلقى له جبور
ولا تحسب اني من الهجر بخاف
ياشيخ خد حبك وقلبك و مشكوور

["حبها وفاء"]

حبيبي بكتب إحساسي واعذرني على القصور

ابكتب بالهوى قصة وحروف ماقدر انطقها

بكتب لك قصيدة عشق نسجت حروفها من نور

احكم لي بقصة حب بانت لك حقايقها

حبيبي تدري ان القلب بقربك ينتشي مسرور

وروحي تسبق الخطوة لاجل روحك تعانقها

ظلمت الحب ياقلبي تركته خاطري مكسور

ودموعٍ تجرح الأهداب و الأوجان تحرقها

ياعمري تدري بقلبي لك مسّير ومجبور

وروحي في بحر حبك أحييها وأغرقها

أعذرك يابعد عمري لو ماتعتذر معذور

أعذرك ياهوى روحي ياحاميها وسارقها

بنينا بالهوى أحلام ثلاث سنين وبضع شهور

وحكم قاضي الهوى لروحي وروحك مفارقها


أشوف الدنيا من بعدك بساتين بلا زهور

وأشوف ان العشق كذبة رسول الحب سايقها

أحبك ياهوى عمري وأرددها بدون شعور

أحبك ياضوا روحي ياحاميها وسارقها

أحبك موت ياغالي وأموت بحبك يامغرور

أحبك بكل أيامي وساعاتي ودقايقها

أحبك واسمك بقلبي يبقى بالغلا محفور

أحبك داخل أعماقي أحاسيسي موثقها

كتبت لك يالغلا وادري انت ماجاء منك قصور

يامعنى الوفاء والصدق ياشمس عمري ومشرقها

شعوري لك مايوصف لابكلمات ولا بسطور

لان الروح ترخص لك ياعيون غلا وعاشقها

مع الأيام تنساني وسنين الحياة تدور

تأكد انك بقلبي وروحي ماتفارقها

[بنت الشايب]

هذا نصيبي وما انكتب لي على اللوح **** قصـة حـزن تبكي اللي قــراها

قصـة حـزن ماهـي ســواليف ومزوح **** ليت القدر يوم كتبها .. محاها