لجزء السابع عشر
عمر\يبــــــــــــــه
أبو حنين\أيــــه أبوك ..أشفيـــك أول مره تشوفني!!
عمر\لا بس ماني مصدق ..يبــــه وأخنقته العبره..من زمان
ماشفتك!!!وراح على طول يسلم عليه
سكت أبوه لأنه حتى هو من زمان ماشاف أولده الوحيد اللي فرح من قلب يوم
درى أن زوجته جابت ولد وعلى طول سماه عمر لأنه يحب هالأسم كثيير ...لكن
شربه للخمر خلاه ينسى بلحظه عمر ولده واللي جاب عمر ..ونسى نفسه بسبب
هالحياه اللي عايشها و على طول أبعد مشاعر الأبوه اللي يحس فيها وقال
\ناد أمك وخواتك أنا بالمجلس...ودخل المجلس...
عمر\أنشاء الله
دخل عمر البيت وشاف خواته وأمه مجتمعين...
أم حنين\ها عمر مين عند الباب!!
عمر\.............................................. .............................يمـــه أبوي بالمجلس ويبيكم كلكم...
سكت الكل يستوعبون اللي قاله عمر..أبوهم هنا!!وين!!في المجلس!!يبينا!!أحنا
!!كلنا!!
العنود\أبوي هنا.......وش يبي!!توه يتذكر أنا عنده عيال يسأل عنهم!!!
أم حنين\أسكتي خلاص وتعالوا بسرعه
حنين\يمــــــــــــــــــــــه!!
حنين\بتدخليــــــــــــن!!
أم حنين\أيـــه بدخل ..مهما صار وكان هذا ولد عمي قبل مايصير زوجي .
يالله تحركوا للمجلس..
عمر\يالله....
طلعت أم حنين مع بناتها للمجلس وكانت كل وحده أنفاسها تسبق دقات
قلبها...كل الأحاسيس مجتمعه في وقت واحد خوف رهبه ألم مستقبل مايدرون وش
نهايته!! وش مصيرهم في الدنيا!!
دخل أول شي عمر بعده أمه والعنود وأخيرا دخلت حنيـــــن!!
وأول ماشافهم أبو حنين ..حس بأحساس حلو أول مره يشتاق لعياله هالكثر ..أول
مره يحس أنه فقدهم ومتوله عليهم ولسوالفهم...أول مره يحس أنه عنده عايله صغيره
أول مره يحس أن في أحد يسأل عنه ومشتاقله..لكنه أختفى هالأحساس لمن شاف
هالعذاب اللي في عيونهم كل مايشوف عيون واحد فيهم يحس بالم في داخله مايدري
ليش!!ياما عذبهم وظلمهم وأهانهم وأكثر وحده تحملت أهاناته زوجته ..اللي صبرت
عليه على المره بس !!لأنه ولا مره ذاقت معه يوم حلو مافيه مشاكل...أشتاق
لها!!أيــه أشتاق لها..أشتاق لأم حنين ...وتمنى الزمن يرجع الى ورى ويمحي كل
شي سيىء سواه لهم ..كل هذا علشان مايبي يشوف هالنظره مايبي يشوف نظرة عياله
له ..يحس أنه نظرتهم له قاتله يحس أنهم متعذبين بسببه..يحس أنه مصدر همهم
وكدرهم بهالدنيا ..مايستاهلون عياله اللي سواه لهم ..مايستاهلون ..كله بسببه كله
بسبب هالخمر الملعون..لكن عقب أيش ياأبو حنين !!عقب ماصرت مدمن ..وماتقدر
تترك هالخمر دقيقه وحده ..عقب مادمرت عايله كامله..وخليتهم على بساط الفقر
..لا مال ..ولا أمان ..ولا راحه..ولا شي يسندون في ظهرهم..ماجبت لهم الا
المصايب والعذاب والمهانه..ماجبت لهم شي ياأبو حنين ...عشان يذكرونك بالخير
ويفتخرون فيك...اذا غمضت عيونك من الدنيا ..ماجبت لهم شي...أيش فايدتك
ياأبو حنين وش فايدتك...دمعت عيونه ..وقلبه أعتصر من الألـم من ضلوعه....لأنه
تذكر كل شي صارله في هالبيت تذكر المأسه اللي يعيشونها أهله..تذكر آخر مره جاه
هالبيت وضرب حنين ..عشان فلوس الخمر..بس معذور والله معذور ماكان حاس
بروحه..لأنه شبه سكران...وزي المجنون يدور على فلوس...حياته كانت عذاب
وسبب هالعذاب لعياله ...وش ذنبهم !!أني أبوهم..وش ذنبهم يتعذبون مثلي .....كل
مني ..وبسببي أنا!!آآه ياسعد ..ماسويت بهالدنيا شي زين لعيالك ..كل شي سويته
سبب لهم الألم..
أم حنين هي الثانيه حنت لأبو حنين لأنها مهما صار وكان هو زوجها وثاني
شي هي
تعرف ..ان سعد قلبه طيب لكن ذنبه الوحيد أنه مدمن ..تذكرت كل الأيام اللي
مرت معه كان كل يوم يطلع الصبح ويجي أخر الليل سكران لكنه اذا صحى من النوم
يكون أنسان ثاني واذا تذكر اللي صار معه في الليل من ضربه وشتايمه لزوجته يجلس
يصيح ويتكور مثل الطفل اللي ضايع عليه شي ويبيه..لكنه أخر مره شافته كانت ليله
مؤلمه بالنسبه لها لأن رمى عليها الطلاق وهو مش في وعيه لأنها عارضت كلامه
وهو قال اذا ماعطتوني اللي أبيه باخذ أغراض المطبخ كلها وببيعها ..وطبعا هي
مارضت ورمى عليها الطلاق قدام عياله وصار اللي صار..وأختفى من بعدها ولا عاد
شافوه مره ثانيه الا ذاك اليوم يوم يجي عند حنين..
أبو حنين\...........شلونك ياأم حنين!!
أم حنين\..بخير الحمدلله...,انت شخبارك!!
أبو حنين\الحمدلله ..شخباركم يابنات!!
حنين طالعت العنود والعنود طالعت أختها منصدمين أبوهم يسأل عنهم ويقول لهم
شخباركم...وقبلها عيونه تدمع..ووجهه منور ...بــس خلاص... نسوا كل شي
وتهللت الفرحه على وجيهم بسبب كلمه..ومشاعر صادقه نابعه من قلــــب
ياما تمنوا منه كلمه تطيب خاطرهم أو أمان يحميهم من دنياهم أو وراحه تسعد لهم
أيامهم...
حتى هم كانوا مشتاقين وفاقدينه .فاقدينه من زمان ..من أيام الطفوله ..ولا مره
حسوا بمشاعر الأبوه ..ولايعرفونه أصلا ياما أسمعوا في المدارس قصائد عن الأب
وكيفية أحترامه وطاعته..لأنه هو بتعبه وشغله يأمن لهم المأوى والمأكل والراحه
والأطمأن..وغيره وغيره...لكنهم عمرهم كله ماحسوا هالشي من أبوهم..عمره
ماقال لهم كلمه حلوه والا جلس معهم زي الناس والعالم..عمره ماعوضهم عن أيام
العذاب اللي عاشوها ..عمره ما سمعهم طلباتهم وحاجياتهم ..عمره كله قضاه في
الشرب والسفر ..وش أستفدت ..ماستفدت شي بدنياك...لكن اليوم غير ..يحسونه
غير..أبوهم جاهم ويسأل عنهم .بدال مايسأل عن الفلوس يسأل عنهم..وأخيرا
يادنيا...وأخيرا يادنيا فتحتي لنا بابك!!كم بنعيش يادنيا !!كم بنعيش...
كانت فرحة أم وحنين وعيالها لاتقدر بثمن كانت الجمعه واللمه ..اللي يحسونها
..تغفر كل الذنوب اللي سوها أبو حنين...قضوا هالجلسه بضحكات متتاليه وسؤال
عن الحال والأخبار...نسوا الدنيا نسوا العالم بكبره....نسوا كل شي !!مرت ساعات
ورى بعض وهم مش حاسيين فيها..يبون يعيشون اليوم بدقيقته مايبون يضيعون ولا
فرصه..يبون يعيشون كل لحظه حلوه..
بكت حنين والعنود من الفرحه.. بكوا لمن جفت دموعهم..لحد الان مش مصدقين
أبوهم رجع !!رجع لهم بعد سفر طويل متعب ومؤلم وشاق في نفس الوقت...
..ولا تهنوا...ولاتهنوا ..وأنتو الأعلون ........ولاتهن ولا تحزن ياآبن آدم..الله لن ينساك
أبــدا..
أبو جنين\ههههههههه ياحليلك ياالعنود...كل هذه مؤمرات في المدرسه..طالعه على
أبوك يابنتي..
بنتي..بنتي ...محلا هالكلمه وهي طالعه من ثمك يبـــه ..من زمان ماسمعتها
منك...وينك عنا يايبه وينك!!.كانت العنود.متأثره كثيير...ياما تمنت هالكلمه الحنونه.. تطلع من فم
أبوها..صح أنها كلمه !!لكنها كانت بالنسبه لها أحلى كلمه سمعتها بحياتها كلها ..لدرجة
أنا تحس كأن هالكلمه مدحه حلوه وأطراء جميل لها..تحس ان هالكلمه شي غالي جدا
وثمين..ونادر ماتحصله هالأيام ..تحس ان هذه الكلمه هبه من الله سبحانه صاحت العنود
بسبب هالكلمه لكنها سوت نفسها من كثر الضحك تدمع عيونها..لأنها ماتبي تخرب
هاللمه بصياحها..
العنود\ههههههههههه وأنا أقول طالعه على مين يايبـــه ...كله أفكر أمي هاديه
ومؤدبه من وين جايبه الشطانه مدري!!
أبوحنين\ياسلام يعني أنتي تقولين أني شيطان ها!!شوفي الصراحه وأنا صغير بعمرك
كنت دلوع ومشاغب ..بدرجه ماتتوقيعنها كنت أهرب من المدرسه ..وكمن مره
أفصلوني...لكن يوم دخلت الثانوي..ماعندي حركاااتك ..مدرسه يعني مدرسه..
العنود\ههههههههه خلاص فهمت وصلت الرساله...هههههههه
وهو يسولف أبو حنين تذكر ليه هو جاي اليوم....وقال مافي أحسن من هالفرصه
أقولها ..طبعا هومايدري أن حنين ماتبي فيصل ومفكر أن بهالخبر بيفرحها...ومش
حاسب لأي حساب...صح أنه ندم باستعجاله الزايد لأنه عطى كلمه لأخوه
وخصوصا يوم رجعت العلاقه بين عياله ..لكنه بسرعه أبعد هالفكره براسه ..
أبوحنين\أحم.....طبعا أنتوا أكيد بتقولون شاللي يخليني أجي بذات اليوم صح!!
حنين\أفا يايبه البيت بيتك ..وحياك بأي وقت..
أبو حنين\طيب..أحم شوفي يابنتي ياحنين الحين أنت كبرتي ..وماشاء الله عليك
كامله ..أخلاق وجمال ..والبنت اذا كبرت مردها لبيت زوجها..صح!!
حنين\صح!!بس ليه تقول هالكلام لي!!
أبو حنين \شوفي ياحنين بدون لف ولا دوران فيصل ولد عمك جاء يخطبك وأنا
وافقت ..و الملكه أنشاء الله هالأسبوع ...وايش رايك!!!
سوزان \مرام كم بغى عشان ننزل الرياض!!
مرام \دقايق ونازلين...
مرام\أقول سوزان ...أممم شخبار فيصل!!
سوزان\تمام الحمد لله...
مرام\طيب وووو ..وصار على موضوعه مع حنين!!
سوزان\...الصراحه كلم عمي أبو حنين وأتفق معه على الملكه...
مرام\يعني خلاص...
سوزان\أيـــه خلاص ...مرام حبيبتي حاولي تنسين فيصل لأنك منت مستفيده
شي...
مرام\أنســـى!!لا يا سوزان مستحيل أنسى فيصل...فيصل كان حلم الطفوله كنت
أحبه وأنا صغيره...أنا ماأنكر أني حبيته عشان شكله أكثر لكن ولو فيصل بالنسبه لي
شي كبير ومستحيل أحد يعرف بمعزته عندي...
سوزان\مرام أدري يامرام والله أدري حاولي تنسينه ...وسكري الموضوع لأنه فيصل
مايستاهل أنك تعورين قلبك عشانه..وبعدين أحنا مسافرين عشان نستانس ونفرفش
مو عشان نكدر نفسنا...يالله أبتسمي بلا هم بلا غم ...
مرام\أحـــاول....
وبهاللحظه أسمعوا كابتن الطياره يتحمد لهم بالسلامه لأنهم وصلوا
الرياض...نزلوا الركاب من الطياره وأتجهوا لمطار الملك خالد ينتظرون رحلتهم الى
لبنان...
ريان\شباب تراني جعت...
نواف\توك شارب عصير
ريان\أحلف أنت بس ..تسمي العصير أكل...
ساره\طيب رح للكوفي اللي جنبنا أكيد بتلقى شي..
رهف\حتى أنا جعت!!
سوزان\وأنا بعد
العمه\لا والله مابقى أحد...أقول بلا هذره الحين بينادون على رحلتنا...أصبروا
شوي...
ريان\طيب سمعوا بروح أشوف اذا خفايف بجيبها أوكي..
العمه\طيب لا تتأخر...
ريان\أنشاء الله....
وبعد محاولات وكلام طويل ..تحاول تقنع فيه أبوها لكن أبوها راسه يابس ومستحيل
يفركش الخطبه...صح أنه حن لعياله لكنه مش مقتنع بكلام حنين أبدا..وبعدين هو
محتاج لهذا النسب اللي بيكسب فيه المال...ومايبي يضيع هذا الشي..
حنين\يبــه تكفى والللي يخليك لاتغصبني على شي أنا ماأبيه..واللي يخليك!!
أبو حنين\أنزين ليش قولي ليش!!
حنين\يبه أنا ماأبي فيصل ..ماأطيقه أكرهه ...مايصلح لي هو مغرور وأناني وشايف
نفسه ...ما أصلح له ..
أبو حنين وبدى يعصب\ أظن ياحنين الزوجه العدله هي اللي تقدر تغير زوجها الى
الأحسن...وثاتي شي أحنا ماعندنا بنات يخالفون شور أبوهم ..أنت لولد عمك
..وولد عمك لك ..وبعدين خلاص أنا عطيت كلمه لعمك والملكه هالأسبوع وهذا
أخر كلام عندي....وتوه بيطلع الا مسكته حنين من كتوفه
حنين\يبه الله يخليك لا تزوجني فيصل تكفي يبه تكفى
أبو حنين\خلاص ياحنين أنا قلت بتتزوجينه يعني بتتزوجينه..
نزلت حنين الى رجول أبوها وهي تتوسل له وتترجاه وتقنعه..
حنين وهي تصيح\أبوس رجلك يبه لاتزوجني فيصل أرجوك يبه أرجوك هذا آول
طلب وآخر طلب ارجوك يبه لاتزوجني فيصل واللي يسلمك ماابي فيصل
ماأبيه...
حاول بوحنين يبعد حنين عنه لأنه مش قادر يستحمل توسلات وكلام بنته
قلبه يعوره لكن مابأيده شي ..يبي هالنسب لأنه محتاجه كثييير جدا
وبالفعل قدر لأن قوتها أذبلت زي الورده اللي تبي
ترتوي ماي وجسمها صارهلكان.. تعبت اليوم تعبت كثيير ....وترك بنته زي المجنونه
وطلع من البيت...خلاص كل شي أنتهى بالنسبه لها..أبوها قطع أخر أمل لهافي الحياه
..يكفي أن ظلمها وهي صغيره ..جاي يكمل عليها وهي كبيره...حتى مصير
مستقبلها حدده هو بكيفه وعلى هواه...كل أحلام حنين أنهدمت بلحظه
وحده..صحيح هي ولا مره فكرت أنها تحب وتتزوج اللي تحبه ..لكن هذا مايمنعها
أنها تحلم زي أي بنت أنها تتزوج الشخص اللي ترتاح له وتكون متقبلته عن طيب
نفس وتعيش معه مدى الحياه على الحلوه والمره..لكن أبوها هدم كل شي ...وفيصل
بنظرها مش أهل للزواج ...وهي ماتصلح معه لأنهم تقريبا يشتركون بصفه وحده عزة
النفس والكرامه...يعني مايصلحون مع بعض هي بتشد الحبل وفيصل كذلك بيشد
مافي أحد منهم بيرخي الحبل كلن عنده كرامه وعزة نفس..
أحضنت حنين أمها بكل قوتها وصاحت معها على قسوة أبوها اللي فكروه بلحظه
أنها رجع لهم أحسن من قبل لكنه جاء ودمر كل شي ...كل شي...
حنين ودمعاتها تسبق كلماتها\أنا ضعت يايمه ضعت...أنا طحت يايمه ولا أحد سمى
علي يايمه..خلاص أنتهيت ..حنين أنتهت يايمه أنتهت..
أم حنين وهي حاضنه بنتها وتصيح مثلها\لا ياحنين لاتقولين كذه أنت قويه وأنشاء
الله بنلاقي حل للمشكله..
حنين\أي حل يايمه..اي حل أبوي ذبحني يايمه ذبحني ..من أول ما وعيت من على
هالدنيا وأنا ماسمعت منه كلمه حلوه ولا شعرت بأحاسيس الأب لبنته..ويوم جاء
الوقت اللي ضحكت لنا الدنيا ونسينا همومنا يجي أبوي بسهوله يذبحنا بأفعاله..بدال
مايطبطب علينا وينسينا اللي فات يجي يزيد علينا ...خلاص يايمه أنا أنتهيت ..
خلاص أنا ماأبي الدنيا..كرهتها يايمه كرهتها..أشهقت حنين من كثر الصياح
وماقدرت تتكلم أكثر من كذه..
أخنقتها العبره العنود من الموقف ..يكفي اللي جرى لها بسبب أبوها وجاي على أخر
الوقت يكمل عليها...طلعت من المكان وأتوجهت لغرفتها وسكرت عليها الباب
ورمت نفسها على السرير ..ماتبي أمها تسمعها وهي تتصيح ,,يكفي حنين والمصيبه
اللي جاتها..
العنود|آآه عليك ياحنين ماتهنيتي لا في طفولتك ولا في شبابك ..ليه يايبه !!ليه اللي
تسويه فينا!!أحنا مش عيالك!!أيش معنى أحنا من بد خلق الله اللي يصير لنا كذه !!ليه
مانعيش زي الناس بدون ألم وهموم!!ليه ياربي!!أستغفر الله العظيم ..أستغفر الله
العظيم..
\ما خلصنا من السالفه يعني!!
روابي\شسوي يانايف أخوي متعب متغير مره وأنا مش قادره أسوي له أي شي
...والوالده الله يهديها بعد تزيد على همومه كل ماتشوفه ..تذكره بسالفة حنين ...
نايف\الصراحه أمك عجيبه...وشخصيتها مره قويه...مدري كيف تتلذ بتعذيب
ولدها..
روابي\نايــــف وش تقول أنت!!مهما كان هذه أمي وما أرضى عليها
فاهم!!وبعدين هي ماتعذب أخوي متعب..
نايف\لا والله !!أجل وش تسمين تذكيرها بسالفته مع حنين!!
روابي\أهــوووا الشرها مو عليك علي أنا اللي أشكيلك همي ..
نايف\والله ماأحد ضربك على أيدك وقالك أشكيلي..
روابي\طيب يا نايف أنا أراويك...
وسمعما صوت عمار وياسر يتخانقون..
نايف\أقول بس روحي لعيالك قبل ماتصير الحرب..
روابي \ايه أيه هذا الفالح فيه روحي لعيالك وشوفي عيالك...ماعندك شي
غيره..وبدت تصيح..وعلى طول راح نايف لها وحضنها..
روابي\عمري ..روابي آسف والله ماكان قصدي..
روابي\لا يانايف أنت مش ذنبك ..لكني متضايقه شوي بسبب تعب أخوي..
نايف\لهدرجه تحبين متعب !!
روابي\وأكثر بعد ..
ورفع راسها عشان يشوفها
نايف\وأكثرمني!!
روابي\نايــف والله أنك فاضي...
نايف\شسوي أحب زوجتي وأبيها تبين لي حبها..
روابي\مو قلت أنك فاضي!!
نايف ويسو ي نفسه معصب\فاضي ها!!فاضي لأني أحبك ..وابي أعرف أنت شكثر
تحبيني !!أنا خلص زعلت ولا تكلميني وقام ..
جات له روابي وحضنته وهي واقفه\أف والله أفا أنا روابي أزعل نايف حبيبي ..هزلت
والله!!أنت حبيبي وعمري ودنيتي كلها..وش تبي بعد..
في الطياره
خالد\ريان ممكن أطلب طلب!!
ريان وفيه النوم وماله خلق لأخوه\أمر!!!
خالد\ واللي يسلمك تكفى جيب المجله اللي عند ترف!!
ريان\ليه!!
خالد\ليه يعني!!أبي أقراها فيها شي!!
وتوها بيجيبها له الا يشوف ترف تقرها\طيب أنتظر لمن تخلص من قريتها!!
خالد\لا أبيها الحين
ريان\كيف أعطيك أياها وهي تقرها!!
خالد\سهله...جرها منها..
ريان\ماأقدر آسف..
خالد\مالت عليك..صج ولد مسالم وطيب ..ياخوي خلك قوي وأي شي تبيه خذه
ولا تعطي حساب للي جنبك المهم سعادتك!!
ريان\مشكور على النصيحه ..لكني انا كذه شخصيتي وما أحب أحد يغير ذاتي!!
خالد\وش شخصيتي وذاتي وكياني وين جالسين أحنا في محاظره ..أقول بس عطني
سكوتك ماوراك فايده!!
جلس خالد وهو منقهر من أخوه ريان لكنه مش مثل قهره من ترف لأنه لحد الحين
ماينسى الموقف اللي سببته له..فيه حره وغيظ..ويبي يفرق هالشحنات ...بس مايدري
كيف!!...
ومن حسن حظه أن ترف قامت عشان تروح دورة المياه ويم قامت أستغل الفرصه
وخذ المجله من كرسيها..تتوقعون أيش سوى فيها!!؟؟ شققها قطعه قطعه من القهر
اللي فيه وكتب داخل المجله (تعيشين وتاكلين غيرها ياترف) والشي الوحيد اللي
ماقطعه غلاف المجله..عشان اذا بغت تقرها تفتح المجله وتنصدم...رجع المجله مكانها
ولا كأن سوى شي ..وسوى نفسه نايم لأن ماحد حس فيه أغلب الركاب نايمين
ونواف اللي جنبه نايم بعد ماعدا ريان الصاحي لكنه مايدري وين الله غاطه فيه..المهم
رجعت ترف من دورة المياه وجلست على مقعدها وتوها بتفتح المجله عشان تكمل
الموضوع اللي قرته الا تصندم أن المجله مقطعه كلها..كأن قطوه جت وقطعتها
بأظافيرها ..
ترف بأعلى صوت\لالالالالالالالالالالالالالالالالالالالالالالا لامستحيل...
الخبله تفكر أنها في بيتهم لدرجة أنا اللي حوالينها صحوا من نومهم
رهف\ترفوا شفيــــــــــــك!!
ترف وشي بتصيح\سخيــــف والله سخيـــــف مايستحي مايستحي..ولفت على خالد ..والله لوريك
ياخالد خلنا نوصل والله لعلم عليك أبوي يأدبك...سخيـــف
رهف\والله أنك مانتي بصاحيه نص العالم صحتيهم من اتلنوم عشان سبب تافه!!
ترف\أيــه أنتي شعليـــك...أنا مجلتي اللي تقطعت مش أنتي...
رهف\ياويلي عليك يالبزر..أقول خليني أنام أبرك لي..
وهنا خالد مات من الضحك على ترف لدرجة أن عيونه دمعت وحس بالأنتصار
عليها لكنه في باله مخططات ثانيه عليها بس خلينا نوصل لبنان...
خالد\ههههههههههههههههههههههههههههههههههههههاي
ههههههههههههههههههههههههههههههههههههههههههههههاي يمه بطني بموت
يعورني هههههههههههههههههههههههههههاي ههههههههاي ترف شكلك يضحك
وأنت معصبه تكفين كل يوم صيري عصبيه
ههههههههههههههههههههايههههههههههههههاي..
ترف\طيب طيب ..معليش ياخالد اللي يضحك في الأخير ..معليش أنا وراك والزمن
طويل.........
خالد\ههههههههههههههههههههههههههههههههاي يههههههههههههاي
ترف\أضحك أضحك ياعل بطنك الفقع أنشاء الله....
خالد\ههههههههههاي...1\1 ترانا اللحين متعادلين ياترف لكني ماأكون ولد أمي
وأبوي أن ماخربت عليك روحة لبنان...
ترف وبتحدي أكبر منه\وأنا ماأكون ترف أن ماجننتك ياخالد........
خالد\نشوف ياترف............
ترف\ونشوف ياخالد..............
ةبعد أربع ساعات وشوي وصلوا الركاب لبنان في الليل تقريباوأول مانزلوا كانت في
سياره تستقبلهم للشقه..لأن كان عندهم شقه ملكهم في لبنان ..أركبوا السياره بعد
ماخذوا الشنط حقتهم وأول ماأركبوها...تكلم نواف وقال..
نواف\بل عليكم وش ذا !!كم أوزانكم ياللي راكبين السياره بكبرها أهتزت...
الجميع ضحك على كلام نواف لأنه صادق في كلامه اول ماأركبوا أهتزت السياره
لأنهم اركبوا أغلبهم في وقت واحد...
العمه\والله أنك صادق يانواف ..لدرجة أني حسيت أن السياره
بتتفكك...هههههههههههه
وبصوت عالي ترف تكلمت \ أيه صـــح الحمد لله على سلامتكم..كلكم ماعدا
اللي في بالي
الجميع\الله يسلمك
خالد وهو يقلد صوتها الناعم\ انا أقول بعد أيه صـــح الحمد لله على
سلامتكم..كلكم ماعدا اللي في بالي..هههههههههههاي
ترف بصوت واطي\مالت عليك من ولد عم...
نواف وكأن سمع صوت أخته\قلتي شي ترف!!
ترف\لا ولا شي .....
سوزان\ياويلي أنا ميته جوع....
ساره\أجل شقول أنا ماكلت شي من أكلهم
نواف\الله يهديك يابنت عمي كان عطتيني أكلك مدام ماتبينه..
ساره\كان قلت لي ياولد عمي ..حسافه...
خالد\أوص انت ولا كلمه مادري مين اللي أكل وجبتي..
نواف\الله عاد والوجبه اللي يشوفها يقول وجبه شيليز على غفله...كلها صحن
خضروات وشوية رز مالت عليك...
العمه\المهم تبون نروح المطعم!!
رهف\بس الوقت متأخر ويمكن مافي مطاعم فاتحه..
نواف\الا قولي المطاعم بدت سهرتها..وبدى جونا يحلى..
خالد بابتسامه خبيثه\أي والله...
ترف\أيش قصدكم!!!
خالد\وأنتي أيش يخصك!!ترى رزة الفيس من طبايع التيس...
ترف \ها ها ضحكتني ياولد عمي وانا مالي خلق اضحك!!
العمه\أقول خلاص صدعتوا راسي ...ها تبون مطعك والا!!
الكل\أيـــه نبي....
العمه\ههههههههههه حشى ماصدقتوا هههههههههه أول شي نروح الشقه ندخل
الأغراض وناخذ شور على السريع بعدين ننزل..
الكل مستغرب من طبايع عمتهم المفاجئه صايره تضحك كثيير وتسولف أكثر..وش
عندها!! يمكن لأنها مفتقده شي أسمه عيال وأهل ولمه حلوه بعيده عن شغلها مع
سيدات الأعمال والمظاهر والعز اللي ماوراه فايده !!سبحان الله !!!
\مضــايق حدي ..يا أحمد
أحمد\وش فيك عسى ماشر!!
عمر\لا مافي شي بس ظروف عائليه ..
أحمد\وماتبي تقولي!!أوكي مش مهم متى ماحسيت أنك ودك تتكلم كلمني وأنا
حاضر..أسمعك بكل جوارحي..كم عندنا عمر احنا!!
عمر\ماقصرت ياأحمد أخو وعزيز لكني ودي أقعد مع نفسي شوي
أحمد\أوكي عمر أي وقت تحس أنك تبي تتكلم كلمني وأنا أسمعك...
عمر\الله يسهل يالله فمان الله
أحمد\فمان الكريم
ناصر\ها قلت له!!
أحمد\وش أقوله أنت الثاني بعد هو خلي يكلمني أول وبعدين أقوله!!
ناصر\طيب والرجال وش بتسوي معه!!
احمد\والله أني مدري الله يعيني عليه أكيد بيقولي متى بتجيب عمر!!
ناصر\طيب قول له أنك ماتقدر هالأيام والولد شوي صعب مش بسهوله نقنعه يطلع
معنا.....
أحمد\راسي بينفجر من كثر التفكير,,مدري كيف أطيح هالولد !!!
أحمد وناصر والشخص المجهول !!تتوقعون وش يبون من عمر!!!
فيصل وحنين بيرسون على بر!!!
ترف وخالد والأنتقام بيستمر!!!
أبو حنين بيحن على عياله وبيرجع مثل أول!!والا أيش بيصير له!!
العنود ولافي عصافير الحب بيظلون بدون مشاكل!!
متعب وهمومه...تتوقعون بتضحك له الدنيا مره ثانيه!!
رد : تعبت اشكي قصه سعوديه روعه 
