عين من حطـــــــــيت عيني بعينه=وابطيــت واقف في بحـــر عينه أموج
ابحرت في عينه بليـــــــــا سفينه = سجيت فيـــها لــــين ضيعني المـــوج
حاولت .. الد الشـــــــــوف عما يهينه= ولا انتبـــهت الا وانا فيه ملبـــــوج
شفت الفتن في ملـــــــــتقى حاجبينه=والسحر في عينه مع الزين مدموج
زاويه طـــرف حـــــــــاجز دمعتينه=لولاه كـــان الخد بالكــحل ممــــزوج
كـــاسيه رمش زاد ملـــــــــحه وزينه=من فوق مـتكحل ومن تحـــت مدعــــوج
بين الرمـوش السـود شفـت الغبينـه=واللي رماه الرمش ماعــاد له بــــوج
مـرت ثـوانـي مــن حيـاتـي ثميـنـه=وانـا اتهـادى بيـن الاشـــــواق وأدوج
مـرت وانـا قابـض علـى راحتيـنـه= واقف مقابل لـه وساهـي ومدلـــــوج
مدري وش اللي صــار بينـي وبينـه=والقلـب مـاردنـه ضلوعـي العـــــوج
ولا انتـبـهـت الا بسـحـبـت يـديـنــه=قال انت تبـغى الناس تلحقنـي هروج
قلـت اعــذر الـلـي شـافـك الله يعيـنـه= يبطـي ودمعـه بعـد فرقـاك مزعـوج
عيـنـك بنـظـرات الـغـلا مستهيـنـه ؟؟=قال الغـلا فـي داخـل القلـب منسـوج
قلـت الوعـد قـال ايـه .. كلـش بحينـه=الله يفـتـح لــك مــن الضيـقـه فـجـوج
قلت آآه .. طيب شف لي الدرب وينه=قـال انتبـه بـاقـي عـلـى شفـتـك روج
باقي على شفتك روج 
العرض العادي
