موقف صار لك أنت و شخص يعز عليك مره مره ...
تخيل أنك تعرفت على صديق لك لا.... أكثر من صديق ... أخو ..."ويموت قدام عينك"
هذا اللي صار لي أنا و صديقة عمري نوره ...
>>>>>أسمعوا <<<<<<
كنت أنا وياها نروح و نرجع مع بعض و ناكل و نشرب مع بعض
أنا تعودت عليها زي ما هي ما تعودت علي
كان اللي يجمعنا ماهي صداقه المدرسه أو حتى الطفوله
كانت عن جد تملي علي حياتي بالحظه الضيق أشكيها و بالحظه الحزن تواسيني و بالحظات الفرح تكون لي أقرب من نظر عيني
أنا ما راح أطول بالكلام عنها
المهم كنت بيوم من الايام طالعه أنا و نوره و أمها و أختها السوق لأن نوره كنت تقولي أبي أشتري غرض مره مهم
كانت مره مصره على هذا الشيء
وكل ما أقول لها خلينا نشتريه بعدين
ترد علي و تقولي :
أذا ما شريته الحين والله بموت
المهم أنها دخلت المحل وأشترت هذاك الغرض و فوق هذا منعتني أني أدخل معها المحل
طلعنا من السوق وكانت هي تكلمني وهي بقمة الفرحه
جينا بنقطع الشارع و أذا بسياره مسرعه مره تصدمها بقوه
طاحت نوره .... ووديناها المستشفى قالوا لنا نزيف بالمخ .... مرت دقايق
..... ساعات .... طلع الدكتور و قال:
أدعوا لها برحمه "أنا لله و أنا أليه راجعون "
والله يومها ما بكيت ولا نزلت دمعه من عيوني
ويوم العزاء "أول ثلاث أيام ما رحت أعزي "
كيف أروح أحضر عزاء أختي و صديقتي
المهم بعد أسبوع رحت أشوف أمها و أختها أول ما دخلت و شافتني أمها بكت و ذكرتنا أنا و نوره بمزحنا و جدنا و ضحكنا جلست أواسيها و أداري عليها
ولما طاعت من عندهم حسيت بضيقه بصدري اللي صار أني كل شهر أروح أزورهم
و بعد موتها بشهرين رحت ما كان بالبيتهم إلا أختها
نادتني أدخل معاها الغرفه .... غرفه نوره
خفت أدخل و بوقتها جاء ببالي أنها حياه ما ماتت و أني أحلم
أنا مو عارفه كيف جاءت هذا القوه فيني اللي خلتني أدخل غرفتها
المهم دخلت و جلست أشوف سريرها أغراضها حتى كتب الثانويه اللي على الطاوله
راحت أختها و فتحت الدولاب الملابس و طلعت منه كيس
قالت لي : هذا من نوره
قلت : كيف ... وشلون من نوره
قالت: تذكرين يوم نروح السوق علشان تشتري نوره غرض مره مهم
قلت : أذكر
قالت :طيب أفتحي الكيس
فتحت الكيس كان فيه علبه هدايا و كان بداخاها
عطر .... و ساعه .... و مصحف مذهب
وكان تحت المصحف رساله صغيره مكتوب فيها
حبيبتي ... أختي ... صدقتي ... يا كل الدنيا
مهما يصير و يتغير الزمان و مهما نفترق و نبعد
مصيرنا يوم بنتلاقى واللي أبيه منك
لا تنسيني و أذكريني بالخير مهما صار
وعلى فكره " ياويلك لو تتزوجين قبلي " أمزح معاك
الله يوفقك و يسعدك دنيا و أخره
محبتك المجنونه \ نوره
قولوا لي و ش رأيكم بقصتي
ممكن أطلب طلب
أدعـــــــــــــــــــــــــــــوا لها بالرحمه و المغفره
أحساسها غير كل البشر 
العرض العادي
