قسم بالله لولا هالغلا ماجاك مني كتاب

[روعـه]

انا لولا غلاتك يالغلا ظنك بجيك عتاب؟
بجيلك والعتب ساكن وفا قلبي وساكني ؟

قسم بالله لولا هالغلا ماجاك مني كُتاب
ولاجاتك حروفي تكتب اشواقي وتكتبني!

يمين الله لو غيرك مجافيني جفا الاحباب
لاجافي طاري حروفه ولو جاني يقبلني !!

عليّ الشرط ماثني عليه برفقة الاصحاب
إذا هو مايراعي شرهتي شلّي يصبرني

إذا هو مايداري عشرتي ودايم يسد الباب
اخلي قلبي يسلم عليه ولا يسلمني ؟!

انا لو ماعذرتك ياربيع القلب شلّي جاب
حروفي تكحل عيونك هذيك اللي تجنننننني ؟

انا ياغاية القلب الذي باعذب غرامك ذاب
اذوّب لك حروفي لجلها عينيك تحضني

إذا سيّلت غدران الشعر يوم الشعر لي طاب
أباك اتّعل من نبع المحبه ياملوعني

وانا ادري كل حي وله مشاغل ياوطن جذاب
وقلبي عاتبك لنك بلا قصدٍ تجاهلني !

ياليتك بس من شفت المشاغل تطرق الابواب
وتوضّح لي انا ظروفك بقول الحظ عاندني !!

بدل ماقول انا احسب له بدل لحساب الف حساب
عشان اكسب رضاه واسكن بقلبه ويسكني

وهوّه وين عن حال المولّــع والعشق غلاب
كأنه مهمل عشقي على كيفه ومهملني !!!

اذا انته طالبٍ ترضى غرورك خذ طلبك مْجاب
قصيده طولها طول الطريق اللي متعّبني!

من الخور ابتدت هذه القصيده والشعر طلاّب
يكمل نظمها حتى يوصّل بوظبي فني

على الله تنفرج ازمة هواي ويكتسي العناب
واشوفك والبخت يفرح على شاني وتنصفني

واشاكي عينك اللي في طرفها ساحر لعّــاب
يمارس كل خبرته الطويله في السحر فيني

واشرب من حروفك شرب لين تصّفر الأكواب
وألمس من شعاع الشمس انواره ويلمسني

واحكي قصة العشق الفريد لزحمة الاهداب
واصافح شوقي فْ كفك اذا هو جا يصافحني

ويجمع كل حسناتك ويكسي سيّئاتي ثْياب
وبطرح طاري البعد الذي دايم يعنيني

بشم الورد ذاك اللي يوتر فيّه الاعصاب
وجمر ملتهب يبشر بطيفه ويطفيني

وبطفي ناري اللي من عرفتك حرّها ماغاب
بطفيها واشعلها وارد اطفي واشعلني

بواجه سيفك المسلول لاخايف ولا مرتاب
فدائي والحضن سيفك ومايرضيك يرضيني

عشان تعرف وش كثر الغرام فْ زمّة الترحاب
وتعرف وش كثر اسمك سكن نبضي ودوّخني

إذا هوّه تغلي جتك منين ياغلاي اسراب
من اشكال الذي يرضي غرورك خذ وريحني !!

وإذا غير السبب هذا فانا لي عزةٍ تنهاب
أداريها واصدّه دونها شيءِّ يجرّحني

انا لك ياوطن كلي شعوب مع مدن وانساب
واباك تكون لي ياراحتي دنيا عناويني

واذا انته ناوي ع الهجر ياخلي بدون اسباب
او انك ناوي من مملكة قلبك تشردني

فانا مالي بشغل الفبركة ياخل والارهاب
ابي منك السموحه وانت مسموح وسامحني

ومسكنك فْ محله مابغير عنه الاعراب
تأكد بقفل ابوابه على طيفك وصدقني

وصلك العذر ويحفّه شذاها اطيب الاطياب
عسى ردك يجيني بالجواب اللي يطمني


اتمنى يحوز اختياري على اعجابكم

[صفـر]

بواجه سيفك المسلول لاخايف ولا مرتاب
فدائي والحضن سيفك ومايرضيك يرضيني

عشان تعرف وش كثر الغرام فْ زمّة الترحاب
وتعرف وش كثر اسمك سكن نبضي ودوّخني

الله .. معاني وكلمات لامست قلبي

مشكوره أختي .. ويعطيك الف عافيه

دمتي برفقـ

[روعـه]

المشاركة الأصلية كتبت بواسطة طلولـ

الله .. معاني وكلمات لامست قلبي

مشكوره أختي .. ويعطيك الف عافيه

دمتي برفقـ

الله يعافيك

اسعدني مرورك.

[ونة جروووح]

يسلموا على ألنفل المتألق

دمت بسعادة

ولاااهنت

[..: حر بلا قيود :..]

روعـــــه


ღ


نقل مميز جدا

قصيدهـ جزله

صح لسان شاعرها

ولاهانت يمين ناقلها