مساء\صباح الخير
كيفكم حبايبي...
اليوم جايب لكم قصيدة اخترتها من قصة بشروة اني ابرحل(للمرة الثانيه).
قصة القصيدة هذي..
كانت فيه عايلة من الكويت جايه للسعوديه وبالتحديد مكة جايين ياخذون عمرة
المهم بعد ما خلصو عمرتهم رجعو للكويت..وهم راجعين صار عليهم حادث داخل السعوديه وتوفت جميع افراد العايلة ما عدا بنت وحدة واسمها مها..
من اللي كانو حاظرين الحادث واحد اسمه فيصل ومعه اخته..فيصل اتصل على الاسعاف وحظرو الاسعاف ونقلو مها للمستشفى..
طبعا فيصل راح للمستشفى ومعه اخته وصارو يجو لها كل يوم بحكم ان عايلتها توفت كلها..
المهم في الموضوع ان فيصل حب مها وتعلق قلبه بها(مها كانت ايه في الجمال)..ومها بعد حبت فيصل(فيصل كان طيب القلب مررة يكفي وقفته معها وهو ما يعرفها)..
طبعا تزوج فيصل مها..
بعد فترة من الزواج حصلت مشاكل بين مها وحماتها..وشافت مها عذاااااب الويل(لو اقول تعذبت من الان الى السنه الجايه بنفس اليوم ما كفيت..ما ابالغ!) عاشت العذاب من حماتها ومن فيصل ومن زوجة فيصل الثاني(لدرجة انهم دخلوها مستشفى النفسيه ولقت عذاب ثاني من المستشفى)
بعد تقريبا(ماني متاكد)9سنوات طلق فيصل مها ورجعها للكويت..
في الكويت..
مالها الا عمها وكان ظالم ظالم(بس مو اكثر من فيصل و حماتها وضرتها)...
كانت تمشي في شوراع الكويت وما تدري وين تروح جلست على مقاعد انتظار الحافلة..
وقالت هالقصيدة:
فيصل لو ان الجروح اللي تلاحقنا *** تصـــد عـــنـــا وتتــركـنا وتــنســانــا
لو هالبقايا "لوجـه اللـــه" تعتقــــنا *** ونعــيش انــا وانــت يافيصل بدنيانــا
ونَــسج عــن ماضـي عيــَا يفارقنا *** لاراح عــنــَا "بــلارجعــه" ولاجـانـا
من واقع اليوم ... ليه اليوم يسرقنا *** وعن واقع الامس ليه اليوم ماارضانـا
كنًا..نحس الــجروح ولاتضايقـــنا *** ونـعيش"نـشوة جـروحن"في حـنايانا
فيصل "تأخرت" والذكرى ترافقنا *** وجــه هــجرنــاه لــــكـن مـــاتـعــدَانــا
بالله .. هو مثــل ماضــينا وسـابقنا *** يــضـيع عـــن كـــل شـــي لــين يـلقانا
بالله هو كل صبح وعصر يغرقــنا *** فــي دمــعه مــن عيونه لـين .. يقصـانا
بالله.. هو في حروف الحب ينطقنا *** يـــعني ليــااليوم ...يكــتــبنا .. ويقرانـــا
بالله..هـو كـــل هـــم بـــه يعانقـــنا *** بـاللــه هــو " مانــسيـــنا " لـو تنــاسـانـا
هو ذاق " ليلة فراقه " مثل ماذقــنا *** اللـــه مـــن الـــهــم صــبحنا ومــسانــــا
اللـــه لــوعقـــب هــالغــيبه توافقنا *** وشـــلون دنيـاك .. يـــافيــصل .. بــليانـا
فيصل ...ترى كل شي لك يضايقنا *** وشـــلـون جـــــبته ولاجـــبته ولاجــانــا
متى نـــخلي زمـــان مـــأيـــوافقـنا *** ونـــعيش انـــا وانــت يــافـيصـل بدنــيانــا
~*¤®§(*§دمـتـمـ بـود§*)§®¤*~ˆ°
ونَسج عن ماضي عيَا يفارقنا*** لاراح عنَا "بلارجعه" ولاجانا 
العرض العادي
