ايهما اهون ان يتزوج عليك زوجك او ان يكون له عشيقات؟

[ابو الطواري]

المشاركة الأصلية كتبت بواسطة شلال الوادي

السلام عليكم ورحمة الله وبركاته

موضوع تعداد الزوجات أمر شرعي ..علما أنه يشترط فيه العدل بين الزوجات ..وقال الله تعالى ( ولن تعدلوا)

ولكنّ الشرع عندما حلل تعدد الزوجات ..فلأن الله سبحانه وتعالى يعلم باحوال البشر .. فإن كان زواج الرجل من ثانية رحمة للأولى .. وللزوج ..فهو أمر لا بد منه , كأن تكون الزوجة لا تنجب ..أو مريضة بمرض يمنع معها القدرة على القيام بالعملية الجنسية , وهنك بعض النساء تدفع أزواجها للزواج من أخرى لمعرفتها برغبته الغير طبيعية في الجنس
وغير ذلك لا مبرر أبدا للزواج من اخرى ..علما أن أكثر سبب لزواج الرجل من أخرى هو شياطين الإنس التي تعبث بعقل الرجل صاحب المال الوفير.

نعم فالحالة المادية الممتازة للرجل هو اكثر دافع ..يدفعه للزواج من اخرى
ولو أنك أخي (آدم) متوسط المعيشة أو فقير ...ما فكرت بالزواج ثانية...أبدااااااااااا

واما الخيانة ..والعشيقات فالأمر مفروغ منه ......... حرااااااام لأي دافع ..وأي سبب وأن ترضى زوجة بان يكون لزوجها عشيقات ..فهذا شذوذ عن القاعدة ..ولا ترضى بذلك إلا لغاية مشبوهة في نفسها ..وسلوكها

واخيرا هناك نقطة مهمة أريد أن اذكّر الرجل المستهتر بعائلته وسعادتها بتفضيله للانقياد وراء هوى النفس ومتاع الدنيا

..لابد للمرء من التفكر بالآخرة قبل الدنيا ..لأن الحياة زائلة بكل متاعها ...ويبقى الله هو الشاهد ...والمحاسب( الحلال بين والحرام بيّن) و( الرجل في بيته راعٌ ومسؤول عن رعيته)


مودتي \ شلال الوادي

هلا والله وغلا بشلال الوادي نورتي الصفحه والموضوع ياقمر,,,اما تعقيبك فبصراحه هو كلام جدا موزون وفي محله وتحليل منطقي ورائع وهو ليس مستغرب على مشرفة النقاش وهذه ليست مجامله,,,ولكن هناك نقطه ذكرتيها اخت شلال وهي مسألة العدل في الايه الكريمه,,,فرغم معرفة الله سبحانه وتعالى بعدم عدل الرجل كليا الا انه ومع ذلك سن له هذا التشريع!!!وهذا يجعلنا نفكر ومن ثم نستنج ان الموضوع(اي التعدد) له حكمه وسبب غير الاسباب التي ذكرتي رغم صحتها ,,, الا وهو النسبه والتناسب بين الرجل والمرأه في المجتمع ,,,حيث ان النساء اكثر من الرجال بكثير وهذا هو مربط الفرس وكلما ذهب الزمان بعيدا كلما زادت النسبه والفرق الى ان يأتي زمان يعول الرجل فيه40امرأه مثل ماحدث الرسول صلى الله عليه وسلم,,,نعود للايه الكريمه فمفهوم العدل فيها يحتمل شقين,,,الاول هو العدل في المعامله والانفاق وهذا هو المهم والاهم والمطالب به الزوج والمحاسب عليه,,,اما الثاني فهو العدل في القلب والعاطفه وهذا ليس بيد الزوج,,,فقد روي عن الرسول صلى الله عليه وسلم قوله(اللهم هذا قسمي فيما املك فلا تؤاخذني فيما لا املك) وفي هذا اشاره واضحه الى قصده عليه السلام عاطفته ومابين ضلوعه,,,هذا والله اعلم ,, واخيراً ةليس اخراً كل الشكر لك ياعسل على التعقيب والمداخله الحلوه اللي صاحبها ولاتقاطعين ياغاليه,,,

[ابو الطواري]

هلا والله وغلا ومليون مرحبا برفه,,,الله اسمك مررررررررررره حلو,,, بس تعقيبك يدل على انك حييييييييييييييييل حساسه وعاطفيه ويمكن تكونين صغيرونه بعد,,,بس خليني اسألك سؤال هل طلاقك بيريحك يعني ويهدي نفسيتك ويطلعك من الصدمه!!! ام انه بيزيد الطين بله؟,,,عالعموم يظل رايك وجهة نظر احترمها حتى وان خالفتك الرأي ,,, لانه دايم يقولون الصبر مفتاح الفرج,,, وعمر الانفعالات ماتجيب نتيجه,, مشكوووووووووره ياعسوووووووووووله على المدخله الحلوه والاحلى طلتك ياقمر ولاتقاطعين ياغاليه,,,,

[ابو الطواري]

المشاركة الأصلية كتبت بواسطة baaazoona

من وجه نظري ::::
او شي لو شنو ما يتزوج علي الا اذا انا شفت شي يبيه و مو فيني انا اللي اختارله زوجته الثانية .
اما ردت فعلي اذا عرفت ان متزوج علي بدون لا ادري او ان له عشيقات اكيد بطلب الطلاق واعيش بكرامتي ، لانه اهوا ماخاف على مستقبلنا ليش اخاف على مستقبلنا انا حالي من حاله.
مابي اطول لاني راح اتفاعل وايد خلونا جذي حبايب
تقبلوا مروري

بزوووونه ولك اموووووووووووت انا بالثقه الزايده,,,ولكمووووووووووووو بالبزون اللي بالصوره والبزون اللي مداخلته بصفحتي منشوره(حشا صرت شاعر)خخخخخخخخخخخخ,,,بس انا اخالفك الراي بخصوص طلبك الطلاق لانه ماراح يحل لك الموضوع ولا راح يزيد بكرامتك بالعكس راح تكونين انت المتضرره الوحيده وهذا دليل برضه على انك مانتي حالك حاله ولازم تخافين على مستقبلك,,,لان الرجل مع احترامي لرأيك مو زي المرأه في كل شي ,,, ويقدر يجرب حظه ويروح ويخطب مره وثنتين وثلاث وخمسين,,, بس المرأه ماتقدر الا انها تستنى نصيبها والارزاق بيد الله,,, وبعدين تعالي منو قالك انو مانبيك تطولين بالعكس انا ابيك تطولين وتفاعلين وتطلعين اللي بقلبك حتى لو فيه تجني علينا معشر الذكور هههههههههه,,,وصدقينا برضه راح نظل حبااااااايب,,,وانشالله ربي يرزقك بالزوج اللي يسعدك ويحبك ومايشوف من الحلاوت غيرك حلوه,,, مشكووووووووووووره ياعسل على المداخله الحلوه اللي زي صاحبها ولاتقاطعين ياغاليه,,,,

[ابو الطواري]

المشاركة الأصلية كتبت بواسطة ●○ صدى الآهات ●○

يمين بالله لو يتزوج علي او يكون له عشيقات لأوريه شغله مزبوط

دام وجهه ماهو وجه مسؤؤليه مايتزوج وياخذ اللي يبيه من كل بنت
ويضيع حلم كل زوجه , ان يكون عندها بيت وعيال ورجال يستر عليها ..؟

هذا مااسمه رجال اسمه [ ورع مراهق ]
عقله زي النقطه بس عمره في وادي و روحه في وادي

واذا فكر ان يتزوج علي اوكي مااختلفنا يجيب سبب واحد وارضى .,


"

ثآنكس ع الموضوع ,’

صدى الآهات خخخخخخخخخخخخ ياويل ويله ويلاه وربي يبطل على طول اذا كان عنده نيه لو يسمع هالكلام خخخخخخخخ وربي انا قامت ضروسي تراقل وانا هنا ومالي شغل ههههههههههههههههه,,,وبعدين انا ترى اخالفك الراي بخصوص انو اللي يتزوج ثانيه هارب من المسؤليه وورع ( ياويلي شكلها بتصنني بالكيبورد)هههههههههاااي,,,وبرضه الزواج من الثانيه مايحرم الاولى منه ومن الاطفال والستر,,,وخصوصا اذا كان الرجل ميسور الحال واجب عليه يطيب خاطر الاولى ويرد اعتبارها عن طريق التعويض المادي والمعنوي كااقل واجب بل هو حق من حقوق الزوجه الاولى,,, ويعدل بين الثنتين في كل شي,,,,اما اذا كان معاه عذر وسبب شرعي او مقنع فشي طبيعي ان الجميع ماراح يلومونه ,,, زي مثلا انها ماتعامله زين ولا تلبي كل رغباته او تبي على طووول تحكم فيه او مرض او عدم القدره على الانجاب ووووو الخ,,,عالعموم مشكوووووووووووووره ياعسووووووووووووله على المداخله الحلوه والتفاعل الجميل اللي زي راعيه ولاتقاطعين ياغاليه لاعدمناك,,,

[غيمة رقيقة]

اولا شكرا على الموضوع اللي شــاغل كل الرجـال على أساس بيحلون مشاكل الأمه بزواجهم الثاني

أنا أفضل ان زوجي يموووووت على أنه يتزوج علي

ولو ما مات ويبي يتزوج يروح بس يتركني ولا عاد اشوف وجهه مره ثانيه حتى ذكرياته ما راح اسمح لها تنزل دمعه من عيني لأن قليل المعروف ما يستاهل دموعي

دمت بـــود

أختك / أميرة