شنبك اللي جابته حرمة

[هديل الشوووووق]

قصيده اعجبتني وحبيت انقلها لكم

تصيح تقول يا(حرمه)،تحسب إنك تعايرنـي

شنبك اللي تفاخربه ترى اللي جابته حرمـه



تصدق كذبتك دايم مبـادئ حيـل تقهرنـي

(نقص عقلك مع دينك)ترى مليت هالكلمـه



ياجاهل فتح عيونك ياويلك لـو تصاغرنـي

غضب تهديد وإستلمّه وسمّه اللي تبي سمّه



أنا مليت من ظلمك يا(آدم) وش تصورنـي

أذا إني ناقصه بعينك وداعي منتهي الحكمـه



تراني ساكته بكيفـي ،، نصيحـه لاتفجرنـي

غضب شيطان ما اميز مابين الخال والعمـه




عيوبي طيبتي وقلبي حنان وشوق يجبرنـي

علي عكـسك تجي قاسي وكلن راضي بسلمـه



حسافه وقتي الفايت تذكّـر يـوم تِسهِرنـي

على قولة انا عاشق وحبك صابنـي سهمّـه



تذكّر يوم لي تركض ،، تقول يازيـن آمرنـي

علي سنة رسول الله أشيـل الحمـل وآزمّـه



فرحت وقلت هذا اللي أبي في ظلّـه يسترنـي

اذا ضاقت بي الدنيا ،، مسـح دمعاتـي بكمـه



ابي انسى به الدنيا وابـي بالحـب يشعرنـي

ابيه يكون لي فرحـه اذا زاد الزمـن همـه



لكن للاسف غلطـه وهـم كـذاب ساورنـي

جزاتي والثمن عمري..وقتلت بخافقي حلمه

[!! Mr.Nader !!]

\

قويه هذي يا هديل :)

تسلمين ع النقل

يعطيكي العافيه


\

[لمسة حنان sweet girls]

يعطيك ألف عافية
عالنقل المتميز
تقبلي مروري وتقديري

[! sultan al7nan !]

,/’

أعجبني نبض كاتبتها

أكثر من اختيار كلماتها

وصف لحال يعيشه الكثير

في ظل جهل ادم بمعاملة المرأه

شاكر لكـ نقلكـ

,/’

[!! ـهـيــبـة مـلــكـے !!]

والله الصراحه
انا مستغرب كثير من الي يقللون من قيمت المراه
حتى في شاعر المليوون لما قال واحد لجنت التحكيم عند ما قال البنات بعدها
قال تكرمون عن البنات استغربت كثير
يعني لدرجه ذي الناس ما تحب المراه او بشكل اوضح يكرهون البنات
والبنت والله انها زينت هالحياه : )
وهي امه واخته بعد ..

تدرون لولا الحريم ما كان كملت الحياه ^ــ^

صح لسان قايلها
والله يقويك ع النقل الجميل

,’