لو خسرتك مآ خسرت العمر والدنيآ متآع ..

[!.ملاك وعيونها هلاك.!]

السلامـ عليكمـ ورحمهـ اللهـ وبركـآتهـ

هذي قصيدهـ

نقلتهـآ من مكـآنٍ مـآ

روووعهـ صدقوونــي


لو خسرتك ماخسرت العمر والدنيا متاع..
وأدري أني لو خسرتك ماخسرت إلا قليل..
بس فكر زين تعرف من خسرفينا وضاع¿¿
وتعرف أنك لو تلف الأرض وتدور بديل..
والله أن تبطي ولو لفيت كل البقاع..
ولوتسوي وش تسوي ماأنت لاقي لي مثيل..
وين تلقى مثل شخصي شخص..وطباعي طباع¿¿
ووين تلقى مثل قلبي قلب..أومثلي خليل¿¿
البشر واجد..نعم..لكن فرق الأنطباع..
يجعلك يمي تميل..ويم غيري ماتميل..
يارفيقي..أنتبه..وأحسن لي الأستماع..
للمواقف دور في كشف المزيف والأصيل..
وأنت ماقصرت فيني موقفك..جدا" شجاع..
طعنتك في الظهر فعلا" كانت أثبات ودليل..
بيض الله وجهك أللي ساتره تحت القناع..
ورايتك بيضا معاي ياعسى عمرك طويل..
يعني أعطيك الثقه وتردها
بـ((لوي)) الذراع..
ياخي ماشاالله عليك أبدعت في رد الجميل..
مدري كيف أشكرك مدري كيف أرد الصاع صاع؟؟
كنت أحسب أنك عزيز النفس..تطلع لي ذليل..
كم وأنا عييت أصدق فيك قدر المستطاع..
من غبائي كنت أسكت وأعذر..أثر الحصيل:
جرح قلب ميزته في كل يوم الأتساع..
ودمع عين ينهمر من ضيقتي في كل ليل..
والله أني كنت أحبك حب وأتبعك أتباع..
كنت لجل أرضي غرورك بس أسوي المستحيل..
كنت أعمى فيك..لا لا..كنت ميت للنخاع..
كنت مدري كيف؟؟لكن كنت صادق معك حيل..
كنت أمارس في غرامي لك سياسه الأنصياع..
وكنت لاغي معك فكرةأعتزل أو أستقيل..
أندفعت بكل مافيني..وسوء الأندفاع..
يجبر الإنسان أحيانا"..يفكر بالرحيل..
صدمتي فيك أنت..خلتني أفكر بأقتناع..
إن قتل النفس راحة لوأنا كنت القتيل..
أنفجر راسي من التفكير..وأزداد الصداع..
كيف أنا بفتك من جرحك ودوشة<قال قيل>؟؟
صرت سيره في حلوق الناس وتالي هالضياع..
أنتحر؟معقول! يالله وش هذا الغليل؟؟
رحمتك يارب لامن ضاقت أمنحني وساع..
أنت حسبي في الزمان الجاير ونعم الوكيل..
لاغدى(مستقبلي والماضي)أطراف النزاع..
وصفحة الماضي سواد وشي من هذا القبيل..
فلازم أنسى لجل أنهي بداخلي هذا الصراع..
ولازم أتقوى..عشان أحقق النصر الجليل..
وطالما إن الهجوم أفضل وسيلة الدفاع..
مستحيل أرضخ لو أن الحمل ياربعي ثقيل..
والبخيل أللي نساني وأشتري فيني وباع..
يذلف..الله لايرده..والله بجرحي كفيل..
وإن سأل عني وجاكم بعد فترة أنقطاع..
علموه أني نسيته بس أنا ماني بخيل..
طالما كان السبب في قوتي..قبل الوداع..
بلغوه أقل شيء بخالص الشكر الجزيل..
***
شـــــــــــكـــــــــــرا"
Thank you..

[زهرة التوليب]

كلمات قووووية

تسلمين يالغلا على النقل

[!.ملاك وعيونها هلاك.!]

المشاركة الأصلية كتبت بواسطة زهرة التوليب

كلمات قووووية

تسلمين يالغلا على النقل

صـآآآد قــة

شوفتــي :)

آسعدنـي مروركـ يـآ ثووكر

[نوف الهلال]

تسلمين يالغااليه قصيده مررره روعه
يعطيك االف عااافيه
تقبلي مررورري
اجمل تحيااتي لك & دمتي بحفظ الله

[هدؤالليل]

كلمات قويه يعطيك العافيه على النقل المتميز

تقبلي تحياتي غاليتي,,,