شاعر غصب على عين الجهل والصحافه

من اهل السعوووديه · 13-12-2007, 04:52 PM

القصيده هاذي اعجبنتي وحبيت انقلها لكم
ماعشت دور النجم ياعايش الدور
ولاني اسطوره شعر او خرافه
متواضع وشعري به الشعر مغرور
لاني رفعته عن طمان السخافه
مابي شهادة حق منك ولا زور
لاتتعب لسانك بلا هالكلافه
شاعر بدون اضواء من دون جمهور
غصب على عينك وعين الصحافه
ماقلتها حاقد ولاني بمقهور
ولا لقافه ماني راعي لقافه
كلمتك غثتني وانا الحين مجبور
اردها من باب حسن الضيافه
ولا ني بخايف غير من نفخة الصور
ولا من الدنيا وش اللي بخافه
ومافيه شاعر يرفض يكون مشهور
والناس تحفظ صورته قبل قافه
الشرهه اللي تجلب المجد والنور
ويسعى لها اهل الجهل والثقافه
ان جت بوافقها واذا راحت تغور
ياعمي والله ماعليها حسافه
بسمعك كلمه ولاودي تثور
خذها برواقه بال خذها بلطافه
شاعر بدون اضواء من غير جمهور
غصب على عين الجهل والصحافه

اتمنى تعجبكم
منقووووووووووول

**زهرة التوليب** · 13-12-2007, 04:58 PM

شاعر بدون اضواء من غير جمهور
غصب على عين الجهل والصحافه

روعة

نقل مميز

الله يعطيك العافية

لمسة حنان sweet girls · 13-12-2007, 05:03 PM

نقل متميز
يعطيك الف عااافية

تقبل مروري

من اهل السعوووديه · 13-12-2007, 08:41 PM

مشكووووووووووووورين حبايبي على المرور
تحياتي

**دنيـــا ومن يدري؟؟** · 14-12-2007, 01:58 PM

نقل مميز يعطيك العااافيه

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري