قصة اخذيني مابيني كامله

[احلى من العسل]

سلاااااااااااام
جايه اليوم وعندي قصه انشا الله تعجبكم
للكاتبه ... ( نبضه شوق )


( 1 )

( التقينا )

شافوا فدوى قامت من الطاوله تدفها معصبه وشايله شنطتها معاها وقاموا الثنتين وراها يلحقونها . ديم وهي تهرول بخطواتها رافعه بيدها طرف تنورتها السودا : فدوى امانه وقفي شوي تعبتينا وحنا نركض وراج
التفتت فدوى بسرعه متضايقه : بروح محاضرتي تاخرت
ديم بطيبه تحاول توقفها : فدوى وربي صبا ما تقصد لاتزعلين ( والتفتت لصبا بنص عين )
ابتسمت صبا : اي والله ما اقصد انا تعرفيني من زمان لساني متبري مني
رجعت فدوى شعرها لورى وزفرت : عادي لو ترفعين صوتج شوي المره الجايه علشان كل الناس يعرفون احسن ترا
انقلب وجهه صبا وردت تلعب بشنطتها : خلاص لاتصرخين قلت لج ما اقصد
عقدت حواجبها بحنق وضغطت بيدها على سير شنطتها كنها تبي تقطعها والتفتت .. ومشت عنهم بسرعه تخليهم مايفكرون يلحقونها
ديم والحزن بعيونها وهي تراقب فدوى تبتعد: الله يهديج يا صبا ما يمر اسبوع الا و لازم تنرفزينها
...... : خلاص قلت لكم ما اقصد , مفروض هي ماتزعل كل شوي خلاص هذا واقع ما في مفر منه
قربت ريم تمسك كتف صبا وتمشي معها للبوابه : صبو حبيبتي تكفين حاولي تحاسبين على كلامج وياها , مو معقوله كل مره بتتكلمين عن اخوها بهالطريقه قدامها
...... : شسوي غصب عني
...... : صبو صدقيني وربي انا خايفه عليكم , انتي بنت خالتها والمفروض تفهمين هالشي اكثر مني .. شوفيها الحين اذا عصبت ما تبي تكلم احد , الى متى يعني .. ؟ ياخوفي يجي يوم وتخسرون بعض , واخسركم انا بعد
نزلت صبا شنطتها السودا على الكرسي وطلعت العبايه بدون ما تتكلم , فرجعت ديم تكمل كلامها بهدوء : زي ما فدوى بنت خالتك , ترا فواز ولد خالتك ماله داعي تتكلمين عنه كذا .. ( وقربت تهمس لها ) وانتي تدرين من زمان انه يحبج
انقرفت صبا : وووووعمى بعينه حبته قراده, لاتذكريني ... كل شوي يقولون يحبج , من زينه عاد استغفر الله .. امثاله مايعرفون يحبون .. فلا تقولون لي يحبج
هددت ديم باصبعها : لاتكملين , خلاص كفايه اللي قلتيه عنه للحين
......: لوفهد اخوه هواللي يحبني والله ما عندي مانع ... اما فواز .. ( وعفست وجهها ) وبعدين انتي ليه دايم اذا تكلمت عنه تسكتيني ؟ وما ترضين عليه .. كاسر خاطرج روحي تزوجيه انتي
غمضت ديم عيونها لان الكلام ماعجبها : طول عمرج سطحيه
لفت طرحتها : مخليتج تغوصين في العميق .. سلااااام
طلعت صبا من جامعه الملك فيصل راجعه للبيت .. وتركت ديم تتنهد بضيقه وهي تصلح بلوزتها البيضه ... وتفتح شنطتها تسحب منها جالكسي فلوتات
تاكل منها وهي ماشيه بهدوء متجهه للمبنى اللي فيه محاضرتها .. وبالها مو مشغول غير بصديقاتها اللي هي دايم ضايعه بينهم
[ هذول هم الصديقات اللي ما يقدرون يفارقون بعض بالرغم من كثرة خلافاتهم .. واختلاف شخصياتهم
حتى صبا وفدوى ما كانهم بنات خاله .. مايتشابهون ابد .. فدوى بيضا وشعرها بني فاتح .. هالشي مخليها ملفته بشكل ملحوظ .. مرحه بس نادر ماتبتسم .. وصبا سمارها حلو بس شعرها اسود وطويل .. مغرور وهالشي باين من نظراتها .. اما ديم الثالثه .. حنطاويه تقريبا وشعرها اسود لتحت رقبتها .. غالبا كيرلي وربطه من قدام وهالشي معطيها ستايل غير .. بريئه ومسالمه .. واحيانا فيلسوفه
[ هي اصغرهم .. تدرون ليش تمشي بالوسط بينهم ؟ .. عشان تمسكهم لاتخانقوا وكل وحده تمشي بجهه
وصلت للبيت .. واول ما دخلت غرفتها رمت شنطتها على سريها اللي ملاصق لسرير اختها
علياء : وجع بشويش .. بغيتي تكفخيني بها
صبا وهي تلم شعرها : سوري ما انتبهت لاتكبرين الموضوع .. اووووف حر ورطوبه مو طبيعيه اليوم
ابتسمت علياء وهي ماسكه دفتر التحضير : خليها على ربج انشاء الله تخف مع الايام
زفرت صبا وهي تتجه للمرايا تمسح كحلها : وش غدانا اليوم
ضحكت علياء بقوه خلت صبا تخزها من المرايا : شعندج تضحكين
علياء وسكرت دفترها : غدانا اليوم .. نفس عشانا امس .. لان امي معصبه امس انتي تغديتي بالجامعه وانا بالمدرسه لان كان عندي مناوبه .. والاكل باقي
ابتسمت صبا : طيب والعشا
خافت عليا من ردة فعل اختها وسحبت البطانيه لوجهها كانها تتخبى : احم .. عند خالتي
صرخت صبا : وعععععععععع .. ايش هذا , مو رايحه
...... : موبكيفج خالتي بتزعل , كل مره بتعيدين لنا نفس الاسطوانه
رمت نفسها على السرير وصارت مقابله اختها : مالي خلق فواز بصراحه
تغير وجهه علياء : حرام عليج اللي يسمعج يقول يطلعوه لنا , ماغير محبوس في غرفته
رجعت راسها للمخده : احسن يستاهل
...... : المهم لاتفكرين تجادلين امي لانج عارفه اذا هي قالت الكلمه بتمشي
........: اووووووووووه
[ هذي هي علياء اللي جالسه تحضر ... اخت صبا الكبيره والوحيده ... تشتغل مدرسه ابتدائي ... توها متوظفه صار لها سنتين ..... مخطوبه وزواجها قريب



يلا ما اوصيكم بالردود

[,؛’ شُمُوُخً بَدَوُيَهً ’؛,]

بدايه حلووووه

ننتظر التكمله حياتي

تقبلي مروري

[الحــ][ديرتي][ــزن]

روووعه وبدايه حلوه بس بليييييييييييييز لاتتأخرين علينا في الاجزاء الجايه

[خايفة من الله]

قصة حلوه

بس والله صرت اخاف اتابع روايات

بعدين انصدم من اختفاء الراوية




مثل الكونتيسة الناعمة



كملي تكفين

[زهرة التوليب]

الله يعطيك العافية

وننتظر الباقي