شيبه ولحيه ومسبحه ويغازل ؟!

[!! jomana !!]

السلام عليكم ورحمه الله وبركاته

من كم يوم كنا أنا واختي سايرين السوق
تعرفون عيد ولازم نجهز

وطبعا تعرفون حال الأسواق والمراكز كلها ناس اللي ياي من بيته خصوصي على شان يستعرض
وغيره ياي يغازل
وغيرهم لغرض معين مثلا يشتري ويجهز وهذا حال السووق

اللي لفت انتباهي وقهرني

جد

انه شفت واحد كبير مب شايب لكن تقربا بالخمسينات

مطوع ولحيه ما شالله مربيها صح

والجلابيه (الكندوره)
قصيره يعني خلاص من بعيد يبين شيخ مسجد أو انسان ملتزم ومتدين

وأكيد المسبح بيديه

المهم لفت انتباهي انه الأخ العزيز قاعد يوزع ابتسامات على خلق الله

وبعدين أشوفه يغمز بعيونه ؟؟!!!

أنا انصدمت

الحين هذا ياي يضحك على نفسه ولا على الناس ولا على منو بعد

يعني اخترم نفسك
احترم اهلك

على الأقل اللبس اللي انت لابسه

والله هالزمن غريب يضحك على منو هذا ..

كان خاطري وحده تي تعطيه كف يخيله يصحى شوي

هالموضوع حابه اناقشه وياكم

هالنوع من الناس شوو

وليش تسوي جيه

لا حول ولا قوه إلا بالله

يعني انا ممكن اقو اللي يغمزلها او يبتسم لها كانت مغريه او شي

بس بالعكس مالتزمه وماشيه في طريها

وما يخصها في حد

.
.
اتمنى من الجميع التفاعل

ولكم مودتي


ALDALO3A

[عين حوران]

دلوعه 0 المغزلجي يموت وعينه تغمز !! على وزن الزمار يموت وصوابعه تلعب

فيه شياب بسن السبعين بس مغزلجيه ونصابين 00

الواحد منهم يصبغ الشوارب ويتكحل ويبصبص هههههههههههه


لا شوفي 00 الصفات الانسانيه لايمكن ربطها بمظهر الشخص 00 يعني ممكن اللحيه والمسبحه مجرد ديكور والشخص نفسه فاسد من الداخل 00 الله اعلم


تحياتي لك دلوعه

[مجنونة]

ههههههههههههههه
ذبحتيني من الضحك

ذكرتيني بموقف حصل معاي
من كم شهر

دخلت لمحل لبيع جميع انواع الكيك
لاني اموت في الكيك

وانا داخلة محل
الا برجل مطوع
لحية ومسبح

بس مو كبير كثير
يعني في الاربعين

وهو طالع
قرب مني
وقال سبحان الله
على هالجمال
ههههههههههه

يعني انت مطوع
لازم تكون قدوة للاخرين

ولازم تخجل
من رب العالمين
ومن اللحية
الي انت حاطها

على ما اعتقد
ان الرجل بطبعه
يحب النظر الى المراة
ولا يستطيع ان يسحب
نظره عنها
حتى لو كان مطوع
وحتى لو كانت
المراة غير متبرجة

ولكن على ما اعتقد
فطرة من رب العالمين
يحب ينظر للجنس الثاني

والله يهديهم بس
تسلمين حبيبتي
والله يعطيكي العافية

[theprincessfofo]

لا حول ولاقوه الا بالله
طيب يستحه على اللحيه اللي قدامه
والله انا مريت بوقف كذا
مو بس شايب
لا كمان الاطفال الصغار
ورجال الامن
والله البنت ماصارت تقدر تمشي لوحدها حتى رجال الامن يتفقوا عليها
الله يحفظنا
يارب
يسلموووووووووووووو

[شلال الوادي]

السلام عليكم اختي العزيزة

موضوع الغزل في الشوارع أكثر ما نشاهده في مجتمعاتنا العربية ..والمتحفّظة أكثر من المدعوّة ( المتحرّرة)

فهؤلاء المتغزّلون يحاولون بشتى الطرق الإيقاع بالمراة وجرّها الى إقامة علاقة معهم ..مع أنّ هذه الوسيلة لاتجدي نفعاً أبداً في هذه الأيام إلا انهم مازالوا مستمرين عليها ..ولذلك ترى الفتاة تضحك وتسخر ممن يتغزّل بها في الطريق ..ويسقط من عينها وقاره..إن كانت سيماه الوقار.

فإن كان الامر هذا مع الشباب فكيف يكون مع الشيبان!!

أمرّ وادهى

سمعت أن الإنسان في سن الأربعين ..أو الستين يجهل .. ويحاول إرجاع ايام شبابه بممارسات صبيانية ..
ولربما أنّ هذا السبب وراء مغازلة الشيبان
هداهم الله واصلح من حالهم


الدلوعة تسلمي على الطرح
مع أطيب تمنياتي لك بحوار هادف جاد


شلال الوادي