رواية لا للظلم لا عبدالله وعبير / بقلمي , كاملة

[" دلـوعـة بـابـا "] · 17-12-2007, 10:53 AM

<< السلام عليكم >>

هاذي روايتي الأولى وأتمنى انها تحوز على رضاكم وأتمنى بعد منكم تفاعل شوي لاني بصراحة ما أبي أتحطم وبليز لاتحطموني فا أنا راح أنزل لكم
البارت الاول وشوف ردودكم ونزلكم البارت الثاني وأتمنى أنكم ماتزعلون مني

مع تحياتي لكم :- دلوعة بابا .

[" دلـوعـة بـابـا "] · 17-12-2007, 11:22 AM

قصة لا للظلم لا << عبدالله ** عبير >>

هاذي روايتي الاولة وأتمنى انها تعجبكم بصراحة أنا أول مرة أكتب رواية يمكن أكون مبالغة في بعض الأجزاء بالقصة فا أتمنى انها تحوز على رضاكم

للكاتبة : أحاسيس و مشاعر .

عائلة محسن :-

الشخصية الأولى راشد وهو ميت من زمان

وبعدين الشخصية الثانية واللي تهمنا في القصة هو عبدالله عمره 20 سنة شاب لطيف يتمتع
بروح الدعابة وخفت الدم

الشخصية الثالثة هي بنت وأسمها نورة وعمرها 18 وهي اللحين تدرس في الصف الثالث ثانوي
وحدة لها روح ثانية أهم ماعندها الضحك وحدة فرفوشة
تدخل القلب بسرعة والكل يحبها

الشخصية الرابعة وهي بنت بعد أسمها أسماء وأصغر من نورة بسنتين يعني أهي اللحين بالصف
ثالث متوسط لان البنت متأخرة بالدراسة وعمرها 15 وحدة عكس أختها نورة
تحب الرومنسية وتحب ذي الخرابيط <<< الله يالدنيا صار الحب خرابيط >> المهم نرجع
لموضوعنا وحدة هادية بالبيت بالمووت تسمع حسها حتى اخوانها يحاولون
معها انها تسولف وياهم ماتسولف
وهي تحب ولد عمتها وأسمه فراز وهو ياغافلين لكم الله مايدري عنها ولا يدري انه عنده بنت خال أسمها
أسماء

تخلص عايلة محسن نروح لعائلة نواف

الشخصية الأولى :- عبير عبير هاذي مسكينة ماتو كل أهلها يعني أبوها وأمها وخواتها وخوانها وعاايشة في بيت جدتها
وعندها بيت أبوها بس ماتسكن فية
مأجرتة على شان تستفيد منة وهي ماخذة كل ورث أبوها والكل يكرها مسكينة معنها وحدة تدخل القلب طيبة حنونة ونعومة فيها نعومة
لا يمكن أحد يشوف زية نعومة

وعندها عمتها أسمها بدرية وعندها عيال وبنات من ضمن اللي بالسالفة فراز اللي تحبة أسماء

وعمتها الثانية أسمها فاطمة وعندها ولد أسمة سلمان وبنت أسمها نور

وعند عبير خالة وحدة في الرياض وعندها ولد أسمة نواف تحبة تمووت علية من يوم كانت
صغيرة وعند خالتها بنت أسمها سارة وهي دايم مع بنت خالتها
تمووت فيها

هاذي أبرز الشخصيات وراح تشوفونها معانا في ذي القصة لا للظلم لا <<عبدالله ** عبير>>

في صباح يوم جميل قامت عبير من النوم على حدود الساعة 8 صباحاً قامت وراحت غسلت وجها ونشفتها
ودخلت تاخذلها دش حق يوم جديد
وراحت نشفت جسمها ولبستلها بنطلون جنز وفوقة تنورة قصيرة ولابسة بلوزة بيضة ربع كم
مشطت الشعر وفكتة على شان ينشف وحطتلها كريم في وجها وحطتلها قلوووس وبخت عطر
على جسمها وطلعت وراحت لعند جدتها
اللي قايمة بواجبها وراحتلها وحبتها على راسة وقامت جدتها تسولف معاها وتجي عمتها المطلقة
واسمها سمية وتسولف معاها قالت

الجزء الاول من الفصل الاول

عبير :يمة<<< تسمي جدتها يمة قالت: يمة
الجدة :- هلا يا بنيتي
عبير :- انا اليوم بروح لبيت عمي محسن بجلس مع نورة وأسماء من زمان عنهم
الجدة :- بكيفك يابنيتي .بس متى راح تروحين ؟؟
عبير :- يمكن الساعة 5 العصر بأذن الله
الجدة :- روحي الله يحفضك أنشاء الله بس لاتطولين
عبير:- أنشاء الله يايمة الساعة 12 بالليل انا راح أكون عندك
الجدة:- طيب وياليتك تقدمين شوي
عبير :- بشوف متى مازهقت بجي
الجدة :- الله يستر عليك
جدتها هاذي من أبوها يعني محسن يصير ولدها بس جدتها تخاف عليها واجد وعبير أصغر من نورة
بسنة يعني عمر عبير 17 سنة نسيت أذكر عمرها

وتروح وتشربلها عصير برتقال
لانها من قامت ماذاقت شي وراحت جابت الاب توب من فوق وجوالها بيدها ونازلة
تحت وتروح للصالة وتحط الاب توب والجوال على الطاولة
وتدخل المطبخ وتاخذلها كاس عصير برتقال بارد يبرد
ونسدحة على الكنب وحطت الاب توب على حظنها وتدخل على أيميلها وشافت في المسن
تتوقعون مين

^
^
^
^
^
^
^

نواف ولد خالتها وستانست انة شابك وياها وخاصة ان الماسنجر فاضي وماعنده أحد وقامت
سوت كل الموجودين حظر ماعده نواف على قولتها <<<نوفي

ودخل عليها وقال السلام عليكم
عبير :- وعليكم السلام !! كيف الحال ؟؟
نواف:- الحمد الله بخير . شخبارك أنتي شمسوية ؟؟
عبير :- الحمد الله بخير .
نواف:- جعلة دوووم مو يوم
عبير :- ثانكس تسلم
نواف:-عبير انا بودي أقولك شي بس اخاف تفهميني غلط وانا أٌقصد شي ثاني
عبير:- لاشدعوة ماراح أفهمك غلط واذا شايف ان اللي بتقولة مايريحك مو لازم تقولة لي
عبير تحب نواف بس نواف مايدري عنها وعبير شكت يوم قالها ذا الكلام وحاولت أن أذا احد قرب
يم الاب توب تسكر المحادثة وهي خافت من ناحية كلام نواف
نواف:- طيب بقولك انا من زمان يا عبير ودي أعبرك عن مشاعري أتجاهك وخاايفة
انك تفهميني غلط ترى يا عبير والله اني أحبك وكل يوم تكبرين في عيني
هنا عبير أنكتب على وجها لاتعليق أنصدمة البنت يوم قال ذا الكلام ماتدرين شنو تسوي بذي الفرحة
تقول أخيرن حس فيني واو ونااااااسة وتقول ونااااسة بصوت عالي
جدتها :- شفيك يابنيتي علامك أستخفيتي
عبير :- لا مافي شي بس وحدة من صديقاتي انخطبت وفرحتلها كثير
جدتها :- اها الله يسعدها يابنيتي وانشاءالله الدور لك
عبير :- في نفسها أنشاء الله الله يسمع منك بس مع نوفي
من الجها الثانية
نواف:- يرسل أشارات تنبيه يقول عبير وين رحتي ليكون دختي من الكلام
عبير :- جاها تشنج تقول شلون راح أرد علية
عبير :- هلا نواف
نواف :- أهلين .بس وين رحتي
عبير:- موجدة بس كنت اكلم أمي
نواف :- اها
وكل من الطرفين سكتو لمدة
وقام نواف أرسل حق عبير ياعمري انا فديتك انا ياليتك هنا وياي حياتي انا عذاب وهنا وقربك
منى دنياي حقت فرقة ميامي
عبير:- مشكور تسلم كلك ذوق
نواف:- عبير
عبير:- هلا
نواف:- أبي أكلمك
عبير :- شنو
نواف :- أية أبي أكلمك
عبير :- طيب ماعندي مشكلة لان هو ولد خالتها فعادي تكلمة
نواف :- خلاص اللحين بدق عليك
عبير:- براحتك
نواف:- طيب عطيني رقمك
عبير:- رقمي ........ 055<< والباقي ماتغير خخخخخخخ خارج النص خخخخخخخخ
نواف:- حلو رقمك
عبير :- تسلم
نواف :- طيب أستني مكالمتني
عبير :- طيب اللحين راح أسكر الماسنجر على شان ماحد يجي ويتعبث من عيال عمتي الصغار
نواف:- طيب
وتقوم عبير تطفي جهازها وتروح فوق لغرفتها ويدق عليها وطول الوقت كان نواف يشرحلها
عن حبه لها وانة من زمان حاط عينة عليها ويوم خلصت المكالمة
رمت عبير نفسها على السرير ومبسوطة لاخر حد ومن دون ماتشعر الوقت مش لين صار الساعة
1ونص الظهر لان جدتها تناديها :تعالي تغدي ويانا
عبير:- ها طيب طيب اللحين بجي
وهوم جالسين على السفرة عبير وجدها وجتها وعمتها المطلقة
كل واحد ياكل وعبير تفكيرها مشغول في نواف وكانت تقول في نفسها اه أه أه أه أه يانواف ماتتخيل
شقد انا فرحت يوم قلتلي انك تحبني انا مستانسة واجد
خليتني اعيش بخيال أه أه أه يا نواف اه
جدها يقاطع تفكيرها :- عبير عبير عبير بنت عبير ردي
وعبير ماتدري عنة
جدها :- عبير عبير<< وحط يده على كتوفها وقام يهزها
عبير مخترعة :سم ها سم يا جدي
جدها:- ههههههههههههه والله انك مسكينة ليش مخترعة وين كنتي
جدتها :- شكلها تفكر شنو تبي تلبس حق بنات عمها محسن اليوم لما تروحلهم
عمتها سمية :- أية اكيد اللحين تشوفونها تلعب بفكارها شنو راح تلبس تحب لفت الانتباه
سبحان الله <<<<<< كل عماتها يكرهونها على شانها تملك أشياء كثيرة
عبير:- لا بس كنت أذكر في شغلة راح أسويها بالمدرسة
جدها:- شنو ذي الشغلة
عبير وهي متورطة:- ها الشغلة اني اني اني
عمتها سمية :- أية شنهي أني أني وعلقة عليها <<وتقلدها طبعاً
عبير :- اني راح أسوي أذاعة حلوة
جدها:- اها طيب اللحين تغدي وخلي عنك المدرسة اليوم الخميس
عبير:- أنشاء الله
جدها:- اليوم بتروحين بيت عمك
عبير :- أية بأذن الله
جدها :- اها
عبير:- عن أذنكم الحمد الله
جدتها :- تعالي وين رايحة كملي غداك
عبير:- والله يا يمة اني شبعت
جدتها :- انتي مادري كيف عااايشة عاجبك جسمك اللي كأنه عيدان أتصرقع
عبير وتضحك:- ههههههههههااي عليك يايمة هاذي يسموونة الرشاقة مو عيدان
عمتها :- بلى رشاقة بلى زفت
وعبير عصبت من كلام عمتها بس شنو تسوي تاخذها على قد عقلها لان عمتها مطلقة ومقهورة
شوي من الطلاق
وطلعت عبير لغرفتها ونسدحت على السرير الا اللي يطق باب غرفتها
عبير:- مين
ولد عمتها فواز :- انا فواز ممكن أدخل
عبير:- أكييد ممكن تدخل
فواز وهو يدخل على عبير:- السلام عليكم
عبير :- وعليكم السلام
فواز:- ويجلس على السرير عبير
عبير:-نعم
فواز:- بتنامين
عبير :-لا ماراح أنام بس منسدحة
فواز:- طيب قومي لعبي وياي سوني
عبير:- مالي خلق
فواز :- طيب نشوف فلم حلو بال دي في دي
عبير:- عندك أفلام عدلة ولا مكررة
فواز :- شاريهم من أكستراه
عبير:- طيب بجي وياك جهز السي دي وشغل الدي في دي وانا جاية
فواز:- هية وأخيرن بلقى أحد يشوف وياي شي
عبير:- مصلحجي
فواز:- حرام عليك
عبير:- هههههههه طيب خلاص روح وانا لاحقتك
ويطلع فواز ويسكر الباب وراة فواز ولد عمتها سمية وعمرة 13 ويمووت بعبير كل مازهق جلس وياها في
الغرفة يسولفون ولا يطالعون فلم ولا بالسوني
وتروح عبير لغرفتة وتابع وياه الفلم كان فلم أكشن ومن زود الانفعال وكذا عبير صارت
ضاغطة على يدها وماسكة على سنونة لين ماخلص الفلم
الا الساعة أربع العصر
وتقوم عبير وتقول حق فواز :- حلو الفلم بس يوتر
فواز:- هاذا أحلى مافية
عبير:- ههههههه طيب انا اللحين بطلع بنزل تحت بقهوي أمي وعمتي
فواز:- طيب بنزل معاك
وينزلون تحت وتقهوي عبير جدها وجدتها وعمتها لين صارت الساعة أربع ونص قالت حق جدتها
عبير:- يمة انا اللحين بروح أبدل وتجهز
جدتها:- طيب
وتروح عبير وتلبس فستان قصير وعبارة عن كاروهات بالون البني والبيج ومخطط بالاحمر الغامق
وكان الفستان حلو من فوق كان ضيق والخصر نازل وعلية حزام على الجمب من نفس الكاروهات وسيع من تحت لين حد تحت الركبة ولابسة نعال مثل الجزمة
ولها سير تلفة حول رجلها بس لفة وحدة من تحت لونة بني وفاكة شعرها وهي شعرها ناعم ومسوية فرقة على الجم وطايحة قدلتها على وجها وحطت مكياج خفيف
أكريم أساس وشدو بني فاتح ومسكرة وكحل من داخل العين ولابسة عدسات عسلية وتعطرة ولبست عبايتها و الشيلة والنقاب وخدت شنطتها وطلعت كان شكلها مرة روعة
وهوم بيوتهم ماخذين بلك كامل كل بيت عمها وعماتها جمب بعض على جدار واحد فامايحتاج احد يوصلها
أنزلت تحت
عبير:- يلا مع السلامة وتحب راس جدتها وجدها
جدها:- مع السلامة وانتبهي
عبير:- أنشاء الله
وطلعت عبير وعلى طول أدخلت بيت عمها الا وتشوف واحد واقف في
الحوش ويكلم السواق قالت شكلة عبدالله ورجعت ورى قالها عبدالله
عبدالله:- تفضلي داخل
عبير:- ساكتة ماقالت ولا شي لأنها تستحي من عيال عمانها
ودخلت داخل مع نورة وأسماء وجلسو يسولفون وياكلون من البوب كورن والجلكسيات ويشربون
بيرة وناسة وتقول نورة :تغيرت يا عبير طالعة حلوة
عبير:- عيونك الحلوة
وكانو هم جالسين بالصالة ومادرو الا عبدالله داخل يوم شاف عبير تبلعم ماقدر
شنو يقول وعبير مالاحظت ان في احد دخل اهو قام يشوفها وبعدين على طول طلع
ورجع على ورى قال ياربي من هاذي لازم أعرف مين هاذي
ويروح عند أمة من باب المطبخ الثاني
عبدالله :- يمة من عندنا اليوم
أمة :- عبير بنت عمك نواف
عبدالله:- اها
أمة:- ليش تسأل
عبدالله:- لا بس يوم كنت بالحوش أتكلم مع السواق يجيبلنا اغراض في وحدة ادخلت ومادري منهي
أمة :- اها طيب انتبه تدخل عليهم لانهم جالسي بالصالة
عبدالله وبعيارة :- طيب انا أبي أروح لغرفتي شلون
أمة :- خلاص بقولهم يروحون الحجرة الثانية
وتدخل أم راشد حق البنات هلا والله بعبير شخبارك شمسوية
عبير:- والله الحمد الله تمام شخبارك أنتي يا خالتي وشخبار عمي
أم راشد:- كلبونا تمام التمام
عبير:- الحمدالله على كل حال
أم راشد تكلم نورة :- نورة يمة دخلي انتي وعبير واسماء الحجرة الثانية لان عبدالله طالع نازل
نورة :- طيب يا يمة أنشاءالله
ويكملون سهرتهم هناك لين الساعة 11وتقوم عبير تلبس عبايتها وتطلع الا نورة وأسماء تكفين
جلسي معانا أكثر قالت انشاء الله يوم ثاني بعد بكرة ولا بعد ةوانتم تعالولي
قالو أنشاءالله
وطلعت عبير راحت لبيت جدها ودخلت وسلمت عليهم
جدتها:- أستانستي وانا أمك
عبير:- بزياادة وناسة غير طبيعية
جدتها :- الله يدوم عليك ذي الوناسة يا رب
عبير:- أنشاءالله علينا وعلى المسلمين أجماعين
وقالت عبير حق جدتها:- انا بطلع فوق بغير أهدومي وبحط راسي وبنام
جدتها:- نومت العوافي يارب
وراحت عبير لبستلها بجامت نوووم وحطت راسها وماجاها النوم كلة تفكر في نواف اللي شاغل بالها
ومن الناحية الثانية كان عبدالله منسدح في السرير وحط أيدة تحت راسة ويطالع السقف فوووق وفي نفسة
يقول الله يالدنيا هاذي اللحين اللي أِشوفها قدامي عبير
وهو مو مصدق يا هي قمر يا هي تجنن انا ويني عنها من زمان وينقلب
على جمبة الايمن بقول حق امي تخطبها لي هاذي وحدة ماتعوض
وبعدين شنو راح يصير
هل بيعرف عبدالله انها تحب نواف ولد خالتها
هل هي راح تنخطب حق عبدالله ولا نواف ولا غيرهم
وهل حب نواف راح يكمل وشنو أخرة حبة
أنتظرونا مع الجزء الثاني وماراح نكمل القصة الا لين أسمع ردود حلوة على شان أكملها لكم

خلص الجزء الاول من الفصل الأول

VEN!CE · 18-12-2007, 05:57 AM

تسلمين

الله يعطيكي العافيه
انتظر الجزء الثاني

،،

[" دلـوعـة بـابـا "] · 20-12-2007, 09:41 AM

ليش كذا حطمتوني لهدرجة قصتي مو حلوة على الأقل جاملو هاذي قصتي الأولى حرام عليكم عليكم تحطيم

[" دلـوعـة بـابـا "] · 20-12-2007, 09:45 AM

ليش كذا حطمتوني لهدرجة قصتي مو حلوة على الأقل جاملو هاذي قصتي الأولى حرام عليكم عليكم تحطيم

آلشقرآ .~ · 20-12-2007, 04:55 PM

لي عوده بقرا الاجزاء وارجع

[" دلـوعـة بـابـا "] · 23-12-2007, 03:48 AM

مرت الايام على ان عبير دايم تكلم نواف ونواف دايم يكلمها وزهق نواف قال لازم اللحين أبتدي
اللعبة هاذا وقتها
ودق تلفون عبير
عبير شافت رقم نواف فرحت وقامت وردت علية

عبير:- هلا والله

نواف :- اهلين.. وكانة ماله خلق

عبير:- شفية صوتك

نواف :- مالك شغل

عبير:- براحتك

نواف:- هي انتي بنت سمعي

عبير أستغربت قالت :- شنو

نواف :- انتي مصدقة اني احبك من زينك اني احبك اماانة طلعيلي شي فيك حلو وحدة خااايسة
معفنة <<<<< معنة ماشاف لها صورة بس كان يذكر شكلها وهي
صغيرة بس اهي تغيرت

عبير:- شنو يعني انت ماتحبني

نواف:- لاطبعا وشوفي ان دقيتي علي يا ويلك لعلم أمي عن سوالفك انك تحبيني وكل يوم تكلميني
عبير خافت وهم عايلة متماكسة بالدين

عبير:- طيب انا ماسويت شي

ويقفل السماعة على وجها
وتجلس عبير تصيح ماتت من الصياح ليش يسوي فيني كذا مو حرام علية يهدم كل شي مدامة
مايحبني ليش يقولي انة يحبني ليش ليش ليش وتصفق بالجدار
وهي خلاص صارت تحاول تنسى نواف وان ماحد يجيب طاري خالتها على شان ماتتذكرة
جت العطلة الصيفية وعبير خلاص ماباقيلها الا سنة بس ثالث ثانوي وتعدي على خير انجحت
بنت عمها محسن نورة من الثانوية العامة وجابت 95 بالمية
وسجلت بجامعة الملك فيصل
راحت عبير عند جدتها

عبير:- يمة يمة يمة ردي علي

جدتها :- نعم ماتشوفيني أطالع تلفزيوون

عبير وهي تضحك :- ههههههههه ياحليلك يا يمة

جدتها سكرت التلفزيون :- نعم شنو تبين

عبير:- أبي السوق

جدتها:- ليش

عبير:- أبي أشتريلي كم بدلة حق الصيف وهدية حق نورة بنت عمي

جدتها:- وشولة الهدية

عبير:- نسيتي انها أنجحت وتخرجت ذي السنة لازم أجيبلها شي

جدتها:- صادقة يابنيتي وحتى المفروض اجيبلها انا جدتها لازم أجيبله

عبير:- طيب تروحين معاي

جدتها :- متى بتروحين

عبير:- اللحين

جدتها:- طيب بروح البس عبايتي وبجي

وتروح عبير تركض لفوق تجيب شنطتها وتحط فيها كم فلووس لانها عندها صندوق فيها فلوس الورث
حق ابوها
وتروح مع جدتها لمحل أكسترة ويشتروح لها لاب توب وجدتها شرتلها سي دي اغاني مع سماعات مكبرة
زيادة تقول على شان ترقص
وراحو حاسبو كان الاب توب مرة روعة وغلفتة بتغليفة حمرة وعليها شريطة ذهبية على
الجمب وال سي دي غلفوة بتغليفة زرقة على اللون البحري
وحطو شريطة صفرة مرة هادية مو صفرة صفرة الاصفر اللي يعمي العين على شان تنسيق الالوان
وراحت لمحل الوليمة للشكولاتة وشرت لها قالب شوكلاتة
حلو على شكل قلب ومكتوب عليها أسمها مبرووك التخرج والنجاح وعقبال مانشوفك بشهادة الدكتوراء
ورجعو البيت

وجدتها تقول حق عبير:- تعبتيني ساعة جالسين أندور رجولي تكسرت

عبير:- كل شي حق نويرة يهون

جدتها:- انتي ماتيوزين من ذي الحركات

عبير وهي تضحك:- هههههههههههههههههههههه شنو أسوي أبي أفرحلها بشي حلو

وراحت عبير تاخلها دش من بعد الدوارة بذا الحر
ولبستلها تنورة قصيرة سودا وفي ثلاث خطوط ذهبية على عرض من فوق لتحت وبلوزة ذهبية وفاتحة شعرها
ورافعه قدلتها بشباصة ذهبية ناعمة وحاطة مكياج مرة ناعم
على اللون الذهبي مع نعال ذهبية وراحو هي وجدتها لبيت عمها محسن جلسو يسولفون قامت عبير طلعت
الهدية حق نورة نورة مرة أنبسطت من الهدية واجد واقامت
وباست عبير على خدها وقالت لها
نورة :- مشكورة يا قلبي تسلمين كلك ذوووق انشاءالله أردها لك في يوم عرسك

عبير هنا تذكرت نواف وقالت :-أنشاء الله

مرت الايام بسرعة ونجحت عبير من الثانوي وجت عمتها اللي ساكنة في جدة
وقالت لها انا راح أخطب عبير حق ولدي سلمان
قال جدها نشوف البنت
راحت عمتها فاطمة لغرفة عبير وطقت عليها الباب
وجلسو يسولفون لين قربو لسالفة الزواج وقالتلها عمتها هنا عبير انصدمت
وتذكرت نواف قالت بينها وبين نفسها خلاص نواف راح يضيع مني خلاص وتجلس تصيح

قالتلها عمتها :شفيك تصيحين

عبير:- لا بس تذكرت أهلي

عمتها:- الله يهداك يا عبير ليش كذا لو دارية كان ماقلتلك

عبير:- انا مادري شنو اقول بس اخاف

عمتها :- من أيش

عبير:- اخاف نكون مو منسجمين لبعض وكذا

عمتها:- لا انشاءالله راح تجلسين معاه وتسولفين معاه

عبير:- طيب موافقة

وعمتها:- كلوووووووووووووووووووووووووووووووووووووووورييييييي ييييييييييش

هاذي الساعة المباركة
تمت خطوبة عبير ويوم شافها سلمان انجن بغى يستخف على شكلها كانت لابسة فستان برتقالي ناعم لونة
وشكلة بعد ناعم قصير لتحت الركبة وفوقة طبقة
شفافه عليها من تحت كرستالات برتقالية والخصر واطي وبدون أكمام ومديل
الابة دائرية ومن قدام نازلة على تحت ومن عند الصدر بطول كلة كرستالات
كان روعة وسوت بوف رفعة صغيرة وركبت كرستال للشعر برتقالي علية من على جمب البوف ونزلت
قدلتها وحاطة شعرها على جمب أهي شعرها مرة طويل
وناعم

وكان شكلها خيالي وهو خلاص تعلق فيها حتى قام يغني (يالبرتقالة يالبرتقالة ...الخ سمعته أمة

فاطمة:- وجع سلمانوة أعقل خلك ثقيل العقل زين شنو يالبرتقالة يالبرتقالة لو سامعتك البنت شنو بتقول

سلمان:- أوأواوة يا يمة خليني استانس

فاطمة:- الله يهديك يا ولدي

وعماتها من كثر مايكرهونها راحو يحرشون علية ويقولولة انها مجنونة ودايم تصيح ودلوعة
حيل وحنانة وكل شي تبية لين ماشوهو صورتها قدامة
وقالته وحدة من خالاتة اللي تصير عمت عبير ان اذا فصخت الخطبة
بزوجك بنتي سميرة وحدة لا اله الا الله تجنن بسم الله عليها بنت ولا عن كل البنات
عجبت سلمان الفكرة وكان في بيت الجدة عشى الكل مجتمع ادخلت عبير وهي بكامل
زينتها يوم شافها سلمان قال هاذي اللي بقولها ما ابيك ذي تجنن ذي قمر تهبل
ولا واحد يلقى مثلها وتروح خالته عندة وتقولة يلا ابيك اليوم تفصخ الخطبة

سلمان ماودة بس من اصرار خالتة قال طيب

أم سلمان:- سلمان قم يلى روح عند خطيبتك

سلمان :- أي خطيبة

أم سلمان :- تستهبل خطيبتك عبير روح أجلس يمها

سلمان :- من قال انها خطيبتي وانا لايمكن أخذ وحدة دلوعة وكل شوي تصيح وحنانة
من الجها الثانية كانت خالت سلمان تقول شاطر يا ولدي شاطر راح أزوجك سميرة
عبير يوم سمعت الكلام راحت عند سلمان وقدامة

وسلمان يقول لنفسة انا شنو سويت شوفوها بس وهي جايتني كانها حورية قاربة يمي
ياربي ضيعت احى شي في حياتي

عبير جت قدام سلمان ورمت خاتم الخطوبة علية وقالت: انا ماني ميتة عليك من الاساس
وتروح فوق وتجلس تصيح
وتقوم أم سلمان تقول :- مالت عليك وعلى وجهك انت كفو زواج بالله عليك كفو زواج انت مالك
الا الزبالة يا خايس

ويطلع سلمان من البيت ويروح الاستراحة عند عيال عمة وخالة

ومن الجهة الثانية عبير كانت تصيح وميتة صياح من اللي سواه لها سلمان خاصة قدامهم كلهم
وجت عمتها أم سلمان تهدء فيها وهي تصيح غرقاانة بالدمووع تقول ليش يصير وياي كذا ضيعت نواف
وبعدين سلمان ليش لهدرجة انا شينة لهدرجة أخلاقي
موب زينة معني ماسويت شي لهم ولا قلتلهم شي غلط ليش ليش ليش وتصفق بالمخدة
عمتها أم سلمان تهدي وضع عبير وتسدحها على السرير على شان تنام
وفصخت نعالتها وشالت الشباصات الللي بشعرها وسدحتها على السرير ولحفتها وقامت تمسح
على شعرها وعبير تصيح بدموع بس بدون صوت لين نامت وكانت الساعة 8
بالليل يعني تو الناس يوم جت بتطلع عمتها خلاص جاية تسكر الباب الا جدتها مسكت يد الباب
قالت ها شنو صار لعبير

أم سلمان:- خلاص نامت

جدتها:- مسكينة والله ماتستاهل عبير كل من يتمناها

أم سلمان:- اي والله صادقة يا يمة بس مادري شنو جا لذا الولد
والله اني كنت اتمنى سلمانوة حق عبير في احد يضيع فرصة جت بيدينه

جدتها:- اية مادري عنه ذا ولدك والمشكلة مادري لي غير راية مو كان من الاول يبيها

أم سلمان :- أية كان يبيها بس مادري شنو صارله

ونزلو تحت وخلو عبير ترتاح وراحو اللي كانو بالعشاء
وصارت الساعة 12 بالليل والكل راح ينام
من الجهة الثانية كانو الشباب مجتمعين الا عبدالله لاحظ سكوت سلمان راح عبدالله عند سلمان وقالة

عبدالله:- سلمان شنو فيك وين سرحان

سلمان:- أه أه أسكت بس

عبدالله أخترع:- ليش شنو صار

سلمان :- خلنا نطلع برة الخيمة ونروح للسيارة وبقولك شنهي السالفة لانك تقربلي وغير كذا انا وياك
دايم مع بعض ومستحيل اخش عليك اي شي

عبدالله خاف وقال:- طيب يلا مشينا

وراحو للسيارة سلمان وجلس سلمان محل اللي سوق وعبدالله جمبة

عبدالله:- ها يأخي قول ترى خرعتني

سلمان :- تسمعني من أول لين الأخير من دون ماتعاتبني

عبدالله:- أية بسمعك بس بسرعة قول ترى روعتني

سلمان :- امي خطبتلي وحدة وضيعتها من ايدي

عبدالله:- والله عمتي أخطبتلك ومن ذي سعيدة الحظ <<وهو يبتسم

سلمان:- والله انك فاضي

عبدالله:- طيب قول السالفة بس منهي اللي خاطبها

سلمان:- عبير

عبدالله أخترع:- عبير ميييييييييييين؟؟؟؟؟ ومبقق عيونة

سلمان:- وجع خرعتني وش فيك

عبدالله:- أقول أخلص عبير مين

سلمان :- عبير بنت خالي نواف

عبدالله :- عبير بنت عمي نواف

سلمان :- أية

عبدالله هنا سكت

سلمان:- شفيك

عبدالله :- لا مافيني شي بس شلون ضيعتها من يدك

سلمان:- خالاتي وشوشو علي وقالولي انها خايسة ومادري شنو معنها والله يا عبدالله

لو تشوفها تنسى متاعب الدنيا كلها ياهي قمر يا هي رشاقة غزال سبحان الله

عبدالله:- أدري

سلمان :- شلون تدري

عبدالله:- لاني شفتها وناوي أتزوجها

سلمان:- يا حظك رح تعيش بالعسل انشاءالله تتوفقون تزوجها يا عبدالله لاتضيع من يدك

عبدالله وهو يضحك:- تنصحني

سلمان:- تبي الصراحة أي

عبدالله:- طيب قوم خلنا نروح عند العيال واللي صار صار وخلاص انسى عبير راح تصير زوجتي

سلمان:- عبدالله

عبدالله:- نعم

سلمان:- أنتبة احد يوشوشك

عبدالله:- من ذي الناحية تطمن

سلمان:- ربي يوفقك أنشاء الله مو مثلي مالت علي

عبد الله:- طيب اللحين خلنا ننزل من السيارة ونرح لعند الشباب

سلمان:- لا مالي خلق أنا بروح البيت

عبد الله:- ليش مالك خلق
سلمان:- بس كذا بروح البيت أرتاح
عبد الله:- ربي يحفظك أنشاء الله الله معاك يلا مع السلامة
سلمان:- مع السلامة .

من الجهة الثانية وعبير وهي نايمة دق جوالها قامت من النوم ومن دون ماتشوف الرقم

تتوقعون مين اللي دق عليها .

أتمنى أن هاذا الجزء يعجبكم وياليت تفاعل أكثر لأنها روايتي الاولى فا بليييز ما أبي تحطيم .

مع تجياتي لكم :- دلوعة بابا << احاسيس و مشاعر .