بنت كريستي في أيام العيد

[اجاثا بنت كريستي]

بسم الله الرحمن الرحيم


مرااااااااااااااااااااااااحب بأهل غرام كييييييييييييييييفكون إنشالله مناح؟


كل عام ونتو بخير وصحة وسلامة وعافية وعساكم من عواده وعيدكم مبارك


اليوم حبيت أطرح لي موضوع

واللي هو إن كل واحد يقول كل اللي سواه في العيد ومو سويتو "يعني إيش سويتو " في العيد يعني شو هنا الأشياء اللي عادة تسووها ....................وهل إنتو محافظين على هالعادات ولا صارت مملة أو قل ما تسووها في هالوقت.

وأول شخص راح يبدي هو محدثتكم حنا عدنا العيد 4 أيام :

أول يوم هو حق التجمع يعني ذا فول فايملي لازم تتجمع وإلا اللي ما جا راح يضيع على نفسه أحلى أجواء فهل اليوم يعني كل أنواع الهبال والربشة لازم تستوي وعندنا أكلة كل ساعة لازم تاكلها وهي يا إما الهريس أوالقبولي واللي يتكون من عيش ودجاج .............. " إيش رايك بعد تجيبي صورة حق هالأكلة " وبعد عندنا العرسية .
والله يعين الشباب في هل اليوم يعني كل ما نريد شي ما شي لازم يروحو وإلا راحو في خبر كان. ونصير كلنا صغار يعني رقص ما رقص ونلعب بالألعاب النارية لين ما حد يجي يهزبنا ................كخكخكخكخكخكخ .
ثاني يوم :" يوم الذباح"

عاد هنا الجو الحماس يعني فذا اليوم كل العالم يذبحوا اللي يقدروا عليه فمثلا هاي العيد الأضحية كانت ثور <<< زين ما قلت قطو بالعماني سنور >>>>
فأحلى شي لما يجيبوا اللحم فالأهل يجلسوا يوزعوا اللحم واللي يكون حق أول يوم ذبح واللي نسويبه أكلة وهي "التقلية" أو اللحم المطبوخ مع البهارات وبعد يسوا منه حق المشوي واللي يجي في رابع يوم عيد وبعد يسوا اللحم مشوي . وأنا فهل اللحظة استعد استعداد كامل عشان أقطع اللحم حق التقلية وبعد حق المشوي واللي راح يكون ثالث ايام العيد<<<< حشا داخلة معركة طاخ طيخ>>>>>
ونا وأقطع نجلس نشوف مسرحية <<<< واللي يغيظني الأخوات الهوانم جالسات متريشات يفصفصن حب ولا فستق ونا بنت البطة السودة جالسة أقطع إهي إهي إهي إهي إإإإإإههههههههههههههههييييييييي>>>>
نروح حق ثالث يوم : واللي يسمى عندنا يوم المشاكيك
والله كشخة لأن هاليوم يصير بيتنا هو البيت اللي تتجمع فيه العايلة كلها ونزور الأهل اللي في الحلة مالنا... وفهل اليوم يجلس بابا وماما ونا طبعا نحط اللحم في الحطب المخصص حق اللحم واللي يسمى "حطب مشاكيك " وهنا تصير السوالف والضحك مع الوالدين وبعدين يروحو يشووا اللحم وكلما جهز مشكاك "وهو مفرد مشاكيك " كلهم يتسابقوا له يعني أكثر من عشرين مشكاك ياكلوا عشان يتذوقوا اللحم .
وهنا يجي الظهر اللي الأهل ماشاء الله عليهم يتجمعوا عشان الغدا اللي كل مرة لازم يكون فبيتنا وبعد هنا كل البيت ربشة وحالته حالة . ولازم يكون مع المشاكيك خبز رقاق واللي نسميه "جووووولة" وبعد صب القفشة والي يسمى عندنا "مهلبية" وبعد يكون سمنة وعسل يخلطوا مع بعض <<< يم يم يم يم يم يم يميمي>>>>>ولما تروح عند أحد من الأهل يقدموا لك مع القهوة والفواكة" الفوالة" والحلوى العمانية هاي الوجبة واللي سبق وذكرتها وهي الجوولة والمهلبية والسمن والعسل وذ مشاكيك.

راابع يوم واللي يسمى " يوم الشوى":
وهاذا يكون آخر يوم في العيد فبل الباكر الناس تاخذ إجازة من العيد وربشته وهنا يروحو الناس يطلعوا اللحم اللي دفنوه في التنور في أول يوم ذباح بحيث إنهم سوووله بهارات ويغلفوه بالألمونيوم ويحطوه في خيشة أو يسموها جونيه وبعدين يحطوا فيه ورق من شجرة الموز عشان النكهة ويستوي لللحم طعم ولا أروع وبعدين يسووا الخيشة في خيشة ثانية يصنعوها الرجاجيل بنفسهم بعدين يروحوا كل الناس يحطوه في التنور العام للبلد أو للحلة ونسيت أذكر إن كل واحد لازم يسوي حق الشوى ماله علامه إنزين وبعدين يحطوه في التنور بعد ما يكون حامي من الخشب اللي فيه وهنا كل الناس تتعاون عشان يدفنوا التنور وهنا تبدى ربشة الرجال وإنهم لازم يعرفوا الناس إن التنور تسكر يبدا طلق النار والألعاب النارية وفاليوم الرابع يروح الناس من صباح الله ينبشوا التنور وكل واحد ياخذ هيز شواه وكبير العايلة هو اللي يفتح الخيشة وكل واحد يمد يده لللحم <<<<< وهنا بعد يم يم يم يم يمي يمي>>>
وعاد الناس اللي تتعارف يوزعوا حق معارفهم وجيرانهم بعض من الشوا مالهم يعني في ثلاث أيام راح نشبع لحم وبكل أنواعه .
وهنا فذا اليوم نروح للبيت العود عشان الغدا واللي يكون عبارة عن عيش أبيض ويكون معه بصل مع ليمون وزعتر ويحط فيه الشوا والصراحة هنا فذا اليوم تشتاق حق أول يوم لأن هاذا اليوم هو آخر يوم للعيد <<< إهي إهي إهي إهي إهي >>>>
وبعد الغدا نسوي شوية رقص يعني البنات كلهم يتجمعوا ما دري كل ما تجمعن البنات لازم رقص وهبال وبعدين نتجمع جدي وتيتا وبيي وإمي والشباب والبنات وكله نطقه سوالف وحكاوي لين ما نشبع وبعدين كل يروح بيته عشان يرتاح من التعب ......
وهاذا كل اللي نسوييه في العيد يالله كل واحد يذكر كل اللي يسووه في العيد بطوله

وميرسي أوي


بنت كريستي

[×: So Girly :×]

مـــاشاء الله عيدكمـ حافل ^_^

اسمحي لي حبوبه انقله للقسمـ المناسب,,

×××

[اجاثا بنت كريستي]

هلا سو قيرلي

اقول خيتو قولي لا إله ألا الله ذكري ربك زين ما زين لا تكون عينيك حاااااااااااااااااارة وأروح فخبر كانا

ولا السنة الجاية يتغير جدول العيد ولا شي ما شيات

[×: So Girly :×]

مـــاشاء الله عيدكمـ حافل ^_^

هذا كان ردي اختي

::