بنت البدو جمالها حيل مثبوت = لو تنزل اوروبا شهر جملتها

[سهم القوافي]

اسعد الله اوقاتكم بكل خير ومسره وهذه اول قصيده متواضعه انثر ابياتها بين ايديكم وارجوا تنال اعجابكم وتشبع ذائقتكم الشعريه .



دونت شعرن كنه الصخر منحوت = من هاجس جزل القوافي نحتها

لاجل العيون اللي بها سحر تاروت = فديت من بــــد العرب سلهمتها

والمبسم صغير كما حبة التــــــوت = كن البرد نزل الثمـــان بشفتـها

والخد مورد كنه ازهار بيــــــروت = رغم انها عاشــت بـــنجد وربتهـــا

تنثر شعرها كنه الليل مكتــــــــوت = والقذله بموضة دلــــع ميلتهـــا

والعنق شامخ تارك الكتف مفلـوت = تزهى معانيق الذهـــب برقبتها

والصدر فزت غافي النوم مبهـوت = كن البلوزه عن جسدها نختــــها

والخصر كنه فوق الارداف مسلوت = يازين دورات المحازم زهتهـــــا

لو المهر سندس ولولو وياقــــوت = وكنوز توزن بالذهب مــــاكفتها

لا والله الا الموت ياباغي الموت = اعصير والخطوات قدمي خـطتها

بنت البدو جمالها حيل مثبــــوت = لو تنزل اوروبا شهـــر جملتـــها

زين الخلايق في ربى نجد منعوت = تخضر ديارن رجل شوقي وطتها

اما لقيتو بعد مااموت تابــــــــوت = يفداه شعري يوم روحي فدتـــها




وسلامتكم.............. اخوكم الشاعر / ســــــهــــم القوافي

[غلاي إنت]

لاجل العيون اللي بها سحر تاروت = فديت من بــــد العرب سلهمتها

والمبسم صغير كما حبة التــــــوت = كن البرد نزل الثمـــان بشفتـها

والخد مورد كنه ازهار بيــــــروت = رغم انها عاشــت بـــنجد وربتهـــا











رووووووعه يعطيك العافيه ..

[زهرة التوليب]

سهم القوافي هلا بك في غرام وهلا بقلمك معنا في همس القوافي مصافحة رائعة تبشر بإنضمام مبدع معنا لقافلة شعراء غرام بنت البدو جمالها حيل مثبــــوت = لو تنزل اوروبا شهـــر جملتـــها زين الخلايق في ربى نجد منعوت = تخضر ديارن رجل شوقي وطتها في هذي أنا معك مافيه أحلى من بنات نجد صح لسانك يالجزل وعلا شانك والجزل تجي أبياته مثله جزلة وزاخرة بالمعاني لاهنت ونتظر المزيد منك

[ب_الزيادي]

سهم القوافي



صح الساااانك ملالالالاين ولايسدون


قصيدة جزله من شاعر جزل



من اروع القصائد الي مريت علي


والزين في نجد ماله حدود


لنا الشرف بتواجدك في (( غـــرام ))



ننتظر جديدك




تحيااااتي لك

[العناء وشو العناء]

لا والله الا الموت ياباغي الموت

اعصير والخطوات قدمي خـطتها

بنت البدو جمالها حيل مثبــــوت

لو تنزل اوروبا شهـــر جملتـــها


صح السانك وبوحك

اخوي

قصيدة جزله من شاعر كفو

سلمت ودمت



تقبل اجمل تحيه وتقدير